ᐄᕕᓰᔨᓐ 2:5 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁵ ᐋᐦ ᐋᑎ ᐋᔥᒄ ᒫᒀᒡ ᐋ ᓂᐱᔨᐦᒄ ᐋ ᒌ ᐃᓯᓈᑯᓯᔨᐦᒄ ᐋᐦᐋᑳ ᐅᐦᒋ ᓂᓂᐦᐄᐦᑑᐦᒄ, ᒋᒌ ᑐᑖᑭᓂᐤ ᒦᓐ ᒑ ᒌ ᐱᒫᑎᓰᐅᐦᒄ ᙭ ᐄᔑ᙮ ᐆ ᒥᔪᐦᑳᒑᐎᓂᒡ ᒋᒌ ᐅᐦᒋ ᐱᒫᒋᐦᐄᑯᐙᐤ ᒋᔖᒥᓂᑑ᙮

ᐄᕕᓰᔨᓐ 2:5 Iomraidhean Croise

ᒫᔪᐦᐧᑖᑦ ᓘᒃ 15:24

ᐙᔥ ᐆ ᓂᑯᔅ ᒧᔮᒻ ᐋ ᒌ ᐴᓂᐱᒫᑎᓰᑦ ᒌ ᐃᓯᓈᑯᓯᐤ ᐋᒄ ᒧᔮᒻ ᒦᓐ ᑳᐤ ᐋ ᐱᒫᑎᓰᑦ ᐃᓯᓈᑯᓯᐤ, ᒧᔮᒻ ᐋ ᒌ ᐎᓂᔑᐦᒃ ᐋᒄ ᒫᒃ ᒦᓐ ᐋ ᒥᔅᑭᐙᑭᓅᑦ᙮’ ᐋᒄ ᒫᒃ ᑳ ᒌᐦᒋ ᒨᒋᒑᔨᑎᒡ᙮”

ᒫᔪᐦᐧᑖᑦ ᐧᒑᓐ 5:21

ᐅᐦᑖᐐᒫᐤ ᐎᓂᔥᑳᓈᐤ ᐊᐙᔨᐤᐦ ᓂᐱᐎᓂᐦᒡ ᐅᐦᒋ ᐋᒄ ᒫᒃ ᒫᔮᑦ ᐱᒫᑎᓰᐎᓂᔨᐤ, ᐋᐅᒄ ᑭᔮᐦ ᓂᐦᐋᐤ ᐋᐦᑎᒃ ᐅᑯᓯᓯᒫᐤ, ᒥᔮᐤ ᐊᐙᔨᐤᐦ ᐱᒫᑎᓰᐎᓂᔨᐤ ᐊᓂᔮᔨᐤ ᐙᐦ ᒥᔮᑦ᙮

ᒫᔪᐦᐧᑖᑦ ᐧᒑᓐ 6:63

ᒥᒄ ᑳ ᐱᔮᐦᒋᓰᑦ ᐊᐦᒑᐦᒄ ᒥᔨᐙᐤ ᐱᒫᑎᓰᐎᓂᔨᐤ, ᓂᒧᐃ ᐐ ᓈᐹᐤ ᒋᑭ ᒌᐦ ᑐᑎᒻ ᐅᔮᔨᐤ᙮ ᐋᓐ ᒫᒃ ᐋᔨᒨᐎᓐ ᑳ ᐐᐦᑎᒫᑎᑯᒡ ᐋᑯᑎᐦ ᐙᐦᒋᐱᔨᒡ ᐊᓂᑎᐦ ᐊᐦᒑᐦᑰᐦᒡ ᑭᔮᐦ ᐱᒫᑎᓰᐎᓐ ᐋᓐ ᒑ ᒌ ᐋᔮᔮᒄ᙮

ᐋᐧᐹᔅᑎᓕᒡ 15:11

ᒌ ᑖᑆᐦᑖᓈᓂᐤ ᒫᒃ ᐋ ᐱᒫᒋᐦᐄᑎᐦᒄ ᑎᐹᔨᐦᒋᒑᓯᐤ ᒌᓴᔅ ᐅᒥᔪᐦᑳᒑᐎᓂᐦᒡ ᐅᐦᒋ᙮ ᐋᔪᐎᒄ ᒫᒃ ᑭᔮᐦ ᐐᔨᐙᐤ ᐅᒌ ᐄᔨᔨᐅᒡ ᐋᑳ ᑳ ᒎᐤ ᐄᑎᔅᑳᓈᓯᒡ ᒑ ᐄᔑ ᐱᒫᒋᐦᐄᑯᒡ ᑎᐹᔨᐦᒋᒑᓯᐤ᙮”

ᐧᕌᒥᓐ 16:20

ᐋᒄ ᒫᒃ ᒋᔖᒥᓂᑑ ᐊᓐ ᑳ ᒥᔨᑖᐦᒄ ᒋᔮᒫᔨᐦᑎᒧᐎᓂᔨᐤ ᔖᔥ ᐐᐱᒡ ᒋᑭ ᒥᔨᑯᐙᐤ ᒥᑐᓐ ᒑ ᒌ ᑖᐦᑎᑰᔅᑳᑎᒫᐦᒄ ᐋ ᐹᔅᑭᒑᔅᑳᒫᒄ ᒥᒋᒥᓂᑑ ᑭᔮᐦ ᒋᑭ ᑐᑖᑯᐙᐤ ᒑ ᒌ ᐃᔥᐱᔑᐦᐄᒫᒄ᙮ ᓂᓂᑐᑎᒫᓐ ᒋᑎᐹᔨᐦᒋᒑᓰᒥᓂᐤ ᒌᓴᔅ ᒨᔥ ᒑ ᒌ ᒥᔪᑐᑎᒫᑖᒄ᙮

ᐧᕌᒥᓐ 3:24

ᐊᓂᔮᔨᐤ ᓵᐦᒑᐄ ᐋ ᐄᔑ ᒥᔮᑦ ᐋ ᒋᔖᐙᑐᑎᐙᑦ ᐊᐙᔨᐤᐦ ᒋᔖᒥᓂᑑ ᐅᑯᐃᔅᑯᑖᑎᓰᐤ ᐄᔑ ᑭᓂᐙᐱᒫᐤ ᐊᓂᔮᔨᐤ ᑳ ᑖᑆᔮᔨᒫᔨᒡ ᙭ ᒌᓴᔅ᙮ ᙭ ᒌᓴᔅ ᒌ ᐄᒑᓂᒧᐙᐤ ᐊᓂᔮᔨᐤᐦ ᐊᐙᔨᐤᐦ ᑳ ᑖᑆᔮᔨᒥᑯᑦ ᑖᓐ ᑳ ᐄᑖᔨᐦᑖᑯᓃᔨᒡ ᒑ ᒌ ᐄᔑ ᑎᐹᔅᑯᓂᑯᔨᒡ ᒋᔖᒥᓂᑑ᙮

ᐧᕌᒥᓐ 4:16

ᐋᐅᒄ ᒫᒃ ᐙᐦᒋ ᐃᓯᓈᑯᐦᒡ ᑖᑆᔮᔨᐦᑎᒧᐎᓂᐦᒡ ᒥᒄ ᒑ ᒌ ᐅᐦᒋ ᐃᔮᑭᓂᐎᔨᒡ ᐊᓂᔮᔨᐤ ᒋᔖᒥᓂᑑ ᑳᐦ ᐃᔨᑦ ᒑᔥᑎᓈᔥ ᒑ ᑐᑎᒫᒑᑦ᙮ ᐋᒄ ᒫᒃ ᒋᔖᒥᓂᑑ ᐅᒥᔪᐦᑳᒑᐎᓂᒡ ᐋᑯᑖᐦ ᐙᐦᒋ ᒑᔥᑎᓈᑖᔮᔨᐦᑖᑯᓃᔨᒡ ᒥᓯᐙ ᐊᓂᒌ ᑳ ᐄᔑ ᐋᓂᔅᒑ ᑖᑆᔮᔨᒫᒡ ᒋᔖᒥᓂᑑ ᒧᔮᒻ ᑳ ᐄᔑ ᑖᑆᔮᔨᒫᔨᒡ ᐊᓂᔮ ᐋᑉᕋᐦᐋᒻ ᑭᔮᐦ ᐐᔨᐙᐤ ᒑ ᒌ ᐃᔮᒡ ᐊᓂᔮᔨᐤ ᑖᓐ ᑳ ᐄᔨᔨᒡ ᒋᔖᒥᓂᑑ ᒑᔥᑎᓈᔥ ᒑ ᑐᑎᒫᒑᔨᒡ᙮ ᓂᒧᐃ ᒫᒃ ᒥᒄ ᐊᓂᒌ ᑳ ᒥᔮᑭᓂᐎᒡ ᒧᓱᔅ ᐅᐐᔓᐙᐎᓂᔨᐤ ᒋᑭ ᒌ ᐃᔮᐅᒡ ᐅᔮᔨᐤ᙮ ᐊᓂᒌ ᑳ ᑖᑆᔮᔨᒫᒡ ᒋᔖᒥᓂᑑ ᒧᔮᒻ ᐊᓂᔮ ᐋᑉᕋᐦᐋᒻ ᑳ ᐄᔑ ᑖᑆᔮᔨᒫᔨᒡ ᐋᐅᑯᓂᒡ ᑭᔮᐦ ᐐᔨᐙᐤ ᒑ ᐃᔮᒡ ᐅᔮᔨᐤ᙮ ᐙᔥ ᒥᓯᐙ ᐋᐦᑎᔒᐦᒄ ᐊᓂᔮ ᐋᑉᕋᐦᐋᒻ ᑰᐦᑖᐐᑎᐙᓂᐤ᙮

ᐧᕌᒥᓐ 5:10

ᐋᔥᒄ ᒫᒃ ᒫᒀᒡ ᐋᐦᐋᑳ ᒥᑐᓐ ᐅᐦᒋ ᐃᔮᐱᑖᔨᒫᐦᒄ ᒋᔖᒥᓂᑑ ᐊᔮᐱᒡ ᒌ ᐅᐦᑎᓂᒻ ᑖᓂᑖᐦ ᒑ ᒌ ᐅᐦᒋ ᐃᓯᓈᑯᓃᔨᒡ ᒑ ᒌ ᐋᑎᒦᔫᐐᒑᐅᐦᒄ᙮ ᑳ ᓂᐳᔅᑎᒫᑎᔨᑎᐦᒄ ᐅᑯᓯᔅᐦ ᐋᑯᑖᐦ ᑳ ᐅᐦᒋ ᓂᐦᐄᐱᔨᐦᑖᑦ ᐅᔮᔨᐤ ᒑ ᒌ ᐃᓯᓈᑯᓃᔨᒡ᙮ ᐋᒄ ᒫᒃ ᐊᓅᐦᒡ ᐋ ᒥᔪᐎᒑᐅᐦᒄ ᒋᔖᒥᓂᑑ ᒑᔥᑎᓈᑖᔨᐦᑖᑯᓐ ᒑ ᐱᒫᒋᐦᐄᑎᐦᒄ ᒌᓴᔅ ᐅᐱᒫᑎᓰᐎᓃᐦᒡ ᐅᐦᒋ᙮

ᐧᕌᒥᓐ 5:6

ᐙᔥ ᐊᓂᑎᐦ ᒫᒀᒡ ᑳ ᐃᓯᓈᑯᓰᔨᐦᒄ ᐋᑳ ᒥᑐᓐ ᒑ ᒌ ᐱᒫᒋᐦᐄᓱᔨᐦᒄ, ᙭ ᒌ ᓂᐳᔅᑎᒧᐙᐤ ᐅᒥᒋᐦᑣᐤ᙮ ᐊᓂᑎᐦ ᒫᒃ ᒋᔖᒥᓂᑑ ᑳ ᐎᔮᔨᐦᑎᒥᔨᒡ ᐅᔮᔨᐤ ᒑ ᒌᐦ ᑐᑎᒫᑎᐦᒄ ᐋᑯᑖᐦ ᑳ ᓂᐳᔥᑎᒫᑎᐦᒄ᙮

ᐧᕌᒥᓐ 5:8

ᒋᔖᒥᓂᑑ ᒫᒃ ᐐᔨ ᒥᑐᓐ ᒋᒌ ᐙᐱᐦᑎᔨᑯᓂᐤ ᑖᓐ ᐋ ᐃᔥᐱᔥ ᓵᒋᐦᐄᑎᐦᒄ, ᒌ ᐱᒋᔅᑎᓈᐤ ᙭ ᒑ ᒌ ᓂᐳᔅᑎᒫᑎᔨᑎᐦᒄ ᐋᔥᒄ ᒫᒀᒡ ᒥᒋᐦᑣᐎᓂᐦᒡ ᐋ ᒌ ᑖᐅᐦᒄ᙮

ᐧᕌᒥᓐ 8:2

ᐙᔥ ᒋᔖᒥᓂᑑ ᐅᑎᐦᒑᐦᒄ ᒌ ᑐᑖᑯᔨᓂᐤ ᒑ ᒌ ᐱᒫᑎᓰᐅᒄ ᙭ ᒌᓴᔅᐦ ᐅᐦᒋ᙮ ᐋᐅᒄ ᑳ ᐱᑯᐦᐄᑦ ᑖᓐ ᑳ ᐄᔑ ᑎᐹᔨᒥᑯᒡ ᒥᒑᑎᓰᐎᓂᔨᐤ ᑭᔮᐦ ᓂᐱᐎᓂᔨᐤ᙮

ᓃᔓ ᑯᕆᓐᕠᔨᓐ 13:14

ᓂᓂᑐᑎᒫᓈᓐ ᒑ ᒌ ᐃᔮᔮᒄ ᐆ ᒋᔅᑎᒫᒑᔨᐦᒋᒑᐎᓐ ᒋᑎᐹᔨᐦᒋᒑᓰᒥᓂᐤ ᒌᓴᔅ ᙭ ᒑ ᒌ ᑎᑯᓃᔨᒡ ᐊᓂᑎᐦ ᐋᐦᑖᐙᒄ ᑭᔮᐦ ᒫᒃ ᐆ ᓵᒋᐦᐄᐙᐎᓐ ᒋᔖᒥᓂᑑ ᑭᔮᐦ ᒫᒃ ᑳ ᐱᔮᐦᒋᓰᑦ ᐊᐦᒑᐦᒄ ᒑ ᒌ ᑐᑖᑖᒄ ᒨᔥ ᒫᐦ ᒌ ᒥᔪᐐᒑᐅᑑᔮᐦᒄ᙮

ᐄᕕᓰᔨᓐ 2:1

ᒌᔨᐙᐤ ᒫᒃ ᐋ ᓂᐱᔮᒄ ᒋᒌ ᐃᓯᓈᑯᓯᓈᐙᐤ ᐋᔥᒄ ᐋᒸᔮ ᐅᐦᒋ ᐱᒫᒋᐦᐄᑖᒄ ᒋᔖᒥᓂᑑ᙮ ᒋᒌ ᒥᒑᑎᓰᓈᐙᐤ ᑭᔮᐦ ᓂᒧᐃ ᑰᐦᒋ ᓂᓂᐦᐄᐦᑐᐙᐙᐤ ᒋᔖᒥᓂᑑ᙮

ᐄᕕᓰᔨᓐ 2:8

ᒋᔖᒥᓂᑑ ᓵᐦᒑᐄ ᒋᒌ ᒋᔖᐙᑐᑖᑯᐙᐤ ᑳ ᐱᒫᒋᐦᐄᑖᐦᒄ ᐊᓐ ᐋ ᑖᑆᐦᑎᒫᒄ ᐅᐦᒋ᙮ ᓂᒥᔮᐤ ᐐ ᒌᔨᐙᐤ ᐅᐦᒋ ᑳ ᐅᐦᒋᐱᔨᐦᒡ ᒑ ᒌ ᐱᒫᒋᐦᐅᔮᒄ᙮ ᒋᔖᒥᓂᑑ ᐅᔮᔨᐤ ᐅᒥᔨᐙᐎᓐ᙮

ᐄᕕᓰᔨᓐ 5:14

ᐙᔥ ᐙᔥᑖᐎᓐ ᐅᐦᒋ ᓅᑯᐦᒡ ᒥᓯᐙ ᒑᒀᓐ᙮ ᐋᐅᒄ ᒫᒃ ᐙᐦᒋ ᐄᓈᓅᒡ ᒫᓐ, “ᐎᓂᔥᑳ ᒌᔨ ᑳ ᐐᐦᒋᐦᒀᒧᔨᓐ, ᐎᓂᔥᑳ ᐊᓂᑎᐦ ᓂᐱᐎᓂᐦᒡ ᐅᐦᒋ᙮ ᐋᒄ ᒫᒃ ᙭ ᒑ ᒥᔨᔅᒃ ᐙᔥᑖᐎᓂᔨᐤ᙮”

ᑯᐧᓛᓯᔨᓐ 2:13

ᒋᒥᒋᐦᑣᐎᓂᐙᐤ ᒋᒌ ᑐᑖᑯᓈᐙᐤ ᒧᔮᒻ ᐋ ᓂᐱᔮᒄ ᒑ ᒌ ᐃᓯᓈᑯᓱᔮᒄ ᑭᔮᐦ ᒫᒃ ᐋᔥᒄ ᓂᒧᐃ ᑰᐦᒋ ᑐᑖᑯᐙᐤ ᒋᔖᒥᓂᑑ ᒑ ᒌ ᐅᑎᐙᔑᔒᒥᑖᑖᒄ᙮ ᐊᓅᐦᒡ ᒫᒃ ᒋᒌ ᒥᔨᑯᐙᐤ ᒋᔖᒥᓂᑑ ᐋ ᐅᔥᑳᔨᒡ ᐱᒫᑎᓰᐎᓂᔨᐤ ᒧᔮᒻ ᑳ ᐄᔑ ᐙᓂᔥᑳᓈᑦ ᙭ ᓂᐱᐎᓂᐦᒡ ᐅᐦᒋ᙮ ᒥᑐᓐ ᒋᒌ ᐙᐹᔨᐦᑎᒫᑯᓂᐤ ᒋᔖᒥᓂᑑ ᒋᒥᒋᐦᑣᐎᓂᓂᐤ᙮

ᑖᐃᑎᔅ 2:11

ᐙᔥ ᒋᔖᒥᓂᑑ ᒌ ᐙᐱᐦᑏᔨᐙᐤ ᐅᒋᔖᐙᑎᓰᐎᓐ ᒑ ᒌ ᐱᒫᒋᐦᐅᑦ ᒥᓯᐙ ᐊᐙᓐ᙮

ᑖᐃᑎᔅ 3:5

ᒋᒌ ᐱᒫᒋᐦᐄᑯᓂᐤ᙮ ᓂᒧᐃ ᐐ ᑖᓐ ᑳ ᐄᔑ ᒥᔪᑑᑎᒥᐦᒄ ᑰᐦᒋ ᐱᒫᒋᐦᐄᑯᓂᐤ, ᒥᒄ ᐊᓂᔮᔨᐤ ᒋᔖᒥᓂᑑ ᐋ ᒌ ᒋᔅᑎᒫᒑᔨᒥᑎᐦᒄ ᐋᑯᑖᐦ ᑳ ᐅᐦᒋ ᐱᒫᒋᐦᐄᑎᐦᒄ᙮ ᑳ ᐱᔮᐦᒋᓰᑦ ᐊᐦᒑᐦᒄ ᐅᐦᒋ ᒋᒌ ᐱᔮᐦᒋᐦᐄᑯᓂᐤ ᑭᔮᐦ ᒦᓐ ᒋᒌ ᐅᔅᒋᐦᐄᑯᓂᐤ, ᒑ ᒌ ᐃᔮᐦᐆᐦᒄ ᐋᐅᔅᑳᔨᒡ ᐱᒫᑎᓰᐎᓂᔨᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 22:21

ᓂᓂᑐᑎᒧᐙᐤ ᑎᐹᔨᐦᒋᒑᓯᐤ ᒌᓴᔅ ᒑ ᒌ ᒋᔖᐙᑐᑖᒄ, ᒋᔖᒥᓂᑑ ᒥᓯᐙ ᐅᑎᔨᔨᒻᐦ᙮ ᐋᒥᓐ᙮