ᐄᕕᓰᔨᓐ 2:22 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

²² ᑭᔮᐦ ᒫᒃ ᒌᔨᐙᐤ ᐊᓂᑖᐦ ᐋ ᐄᔑ ᑎᐹᔨᐦᑖᑰᓰᔮᒄ ᐋᐦ ᑖᑦ, ᐋᑯᑖᐦ ᐃᔅᒡ ᐋ ᐄᔑ ᐅᐦᐱᑳᐳᐦᐄᑯᐎᔮᒄ ᐊᓂᑖᐦ ᐋᐦ ᑖᔨᒡ ᒋᔖᒥᓂᑑ ᐅᑎᐦᒑᐦᒄ᙮

ᐄᕕᓰᔨᓐ 2:22 Iomraidhean Croise

ᓃᔥᑎᒻ ᑯᕆᓐᕠᔨᓐ 3:16

ᓂᒧᐃ ᐋ ᒋᒋᔅᒑᔨᐦᑖᓈᐙᐤ ᒧᔮᒻ ᒋᔖᒥᓂᑑ ᐅᒋᔖᐊᔨᒥᐦᐋᐅᑭᒥᒄ ᐋ ᐃᓯᓈᑯᓱᔮᒄ, ᑭᔮᐦ ᒫᒃ ᒋᔖᒥᓂᑑ ᐅᑎᐦᒑᐦᒄ ᐋ ᐲᐦᒋᔥᑳᑏᑖᒄ?

ᓃᔥᑎᒻ ᑯᕆᓐᕠᔨᓐ 3:9

ᑖᐱᔥᑯᓐ ᓂᑎᐋᐱᑎᔒᔥᑑᐙᓈᓐ ᒋᔖᒥᓂᑑ᙮ ᒌᔨᐙᐤ ᒧᔮᒻ ᓂᐦᑖᐅᒋᐦᒋᑭᓐ ᐊᔅᒌ ᒋᑎᓯᓈᑯᓯᓈᐙᐤ᙮ ᐅᑖᐦ ᒫᒃ ᒋᐱᐦ ᒌ ᐄᔑ ᑭᓂᐙᐱᐦᑖᓈᐙᐤ᙮ ᒧᔮᒻ ᒋᔖᒥᓂᑑ ᐅᐙᔅᑳᐦᐄᑭᓂᒻ ᒋᑎᓯᓈᑯᓯᓈᐙᐤ᙮

ᓃᔥᑎᒻ ᑯᕆᓐᕠᔨᓐ 6:19

ᒋᐱᐦ ᒋᔅᒑᔨᐦᑖᓈᐙᐤ ᑳ ᐱᔮᐦᒋᓰᑦ ᐊᐦᒑᐦᒄ ᐱᒫᑎᓰᐤ ᐲᐦᒡ ᒋᔮᐙᐦᒡ, ᐋᒄ ᒫᒃ ᒋᔮᐙᐦᒡ ᐋᑯᑎᐦ ᐙᒋᔖᐊᔨᒥᐦᐋᐅᑭᒥᑯᑦ᙮ ᐋᔨᐅᑯᓐ ᐅᔮᔨᐤ ᐊᐦᒑᐦᒄ ᒋᔖᒥᓂᑑ ᑳ ᒥᔨᑖᒄ᙮ ᓂᒧᐃ ᒌᔨᐙᐤ ᒋᑎᐹᔨᒦᓱᓈᐙᐤ, ᒋᔖᒥᓂᑑ ᒋᑎᐹᔨᒥᑯᐙᐤ᙮

ᓃᔓ ᑯᕆᓐᕠᔨᓐ 6:16

ᑯᔨᔅᒀ ᒋᐱᐦ ᐃᓯᓈᑯᓐ ᒑ ᒌ ᑎᔮᑭᓂᐎᒡ ᒥᓂᑑᐦᑳᓂᒡ ᐊᓂᑖᐦ ᒋᔖᒥᓂᑑ ᐅᒋᔖᐊᔨᒥᐦᐋᐅᑭᒥᑯᔨᒡ? ᓂᒧᐃ ᒥᑐᓐ᙮ ᑭᔮᐦ ᒫᒃ ᒌᔮᓂᐤ ᓂᒧᐃ ᒋᓂᑎᐙᔨᐦᑖᑯᓯᓈᓂᐤ ᒑ ᒌ ᐃᔮᔨᒦᐦᑰᐦᑯᒡ ᒥᓂᑑᐦᑳᓂᒡ, ᐙᔥ ᐋᔪᐎᒄ ᒌᔮᓂᐤ ᐅᔮᔨᐤ ᐙᐦ ᒋᔖᐊᔨᒥᐦᐋᐅᑭᒥᑯᑦ ᐊᓐ ᑳ ᐱᒫᑎᓰᑦ ᒋᔖᒥᓂᑑ᙮ ᒧᔮᒻ ᒋᔖᒥᓂᑑ ᑳᐦ ᐃᔨᑦ, ᓂᑭ ᐐᒋᒫᐆᒡ ᑭᔮᐦ ᒨᔥ ᓂᑭ ᐐᒑᐙᐅᒡ᙮ ᓃᔨ ᓂᑭ ᐅᒋᔖᒥᓂᑑᒥᑐᑖᑯᒡ᙮ ᐐᔨᐙᐤ ᓂᑭ ᐅᑏᔨᔨᒥᑐᑎᐙᐅᒡ᙮

ᐄᕕᓰᔨᓐ 3:17

ᑭᔮᐦ ᒫᒃ ᓂᑐᑎᒧᐙᐤ ᙭ ᒑ ᒌ ᐱᒫᑎᓰᑦ ᒋᐦᑖᐦᐄᐙᐦᒡ ᐊᓐ ᐅᐦᒋ ᐋ ᑖᑆᔮᔨᐦᑎᒫᒄ, ᑭᔮᐦ ᒫᒃ ᒑ ᒌ ᐋᑎᒦᔫᓂᐦᑖᐅᒋᔮᒄ ᑭᔮᐦ ᒑ ᐋᑎ ᐋᔨᒋᑳᐳᔮᒄ ᐆ ᓵᒋᐦᐄᐙᐎᓂᐦᒡ ᐄᔑ᙮

ᓃᔥᑎᒻ ᐧᒑᓐ 3:24

ᒥᓯᐙ ᐊᓂᒌ ᑳᐦ ᑐᑎᒸᒡ ᑖᓐ ᐋᑎᔓᒥᑯᒡ ᒋᔖᒥᓂᑑ ᒨᔥ ᐐᒋᒫᐅᒡ ᒋᔖᒥᓂᑑ ᑭᔮᐦ ᐐᔨᐙᐤ ᒫᒃ ᒨᔥ ᐐᒋᒥᑯᒡ᙮ ᐊᓂᔮᔨᐤ ᒫᒃ ᐅᑎᐦᒑᐦᒄᐦ ᑳ ᒥᔨᑎᐦᒄ ᐋᑯᑖᐦ ᐙᐦᒋ ᒋᔅᒑᔨᐦᑎᒥᐦᒄ ᐋ ᐐᒋᒥᑎᐦᒄ ᒋᔖᒥᓂᑑ᙮

ᓃᔥᑎᒻ ᐧᒑᓐ 4:13

ᒋᒋᔅᒑᔨᐦᑖᓈᓂᐤ ᐋ ᐐᒋᐱᒫᑎᓰᒥᐦᒄ ᒋᔖᒥᓂᑑ ᑭᔮᐦ ᐐᔨ ᒫᒃ ᒋᐐᒋᐱᒫᑎᓰᒥᑯᓂᐤ ᐊᓂᔮᔨᐤ ᐅᐦᒋ ᐋ ᒌ ᒥᔨᑎᐦᒄ ᐅᑎᐦᒑᐦᒄ᙮

ᓃᔥᑎᒻ ᐧᒑᓐ 4:16

ᐋᒄ ᒫᒃ ᒑᔅᒑᔨᐦᑎᒥᐦᒄ ᑭᔮᐦ ᒋᑖᑆᐦᑖᓈᓂᐤ ᑖᑆᐦ ᐋ ᓵᒋᐦᐄᑎᐦᒄ ᒋᔖᒥᓂᑑ᙮ ᒋᔖᒥᓂᑑ ᐋᐅᒄ ᓵᒋᐦᐄᐙᐎᓐ᙮ ᐊᓐ ᐊᐙᓐ ᒨᔥ ᑳ ᓵᒋᐦᐄᐙᑦ, ᐱᒫᑎᓰᐙᐤ ᐲᐦᒡ ᒋᔖᒥᓂᑑᐦ ᐋᐦ ᑖᔨᒡ ᑭᔮᐦ ᒫᒃ ᐐᔨ ᐲᐦᒡ ᐱᒫᑎᓰᔨᐤᐦ ᒋᔖᒥᓂᑑᐦ ᐋᐦ ᑖᑦ᙮