ᐄᕕᓰᔨᓐ 1:1 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹ ᓃᔨ ᑆᓪ, ᒋᔖᒥᓂᑑ ᓂᒌ ᐅᐙᔮᐱᒧᒄ ᙭ ᒌᓴᔅ ᐅᑖᑆᔅᑎᓕᒻᐦ ᒑ ᒌ ᐄᑖᐱᒋᐦᐄᑦ᙮ ᒋᒥᓯᓂᐦᐋᒫᑎᓈᐙᐤ ᒌᔨᐙᐤ ᑳ ᑖᑆᔮᔨᐦᑎᒫᒄ ᐊᓂᑖᐦ ᐁᕕᓱᓯᐦᒡ ᑳᐦ ᑖᔮᒄ, ᒌᔨᐙᐤ ᒨᔥ ᑳ ᑖᑆᐅᒑᔨᐦᑖᑯᓯᔮᒄ ᐋ ᐐᒑᐙᒄ ᙭ ᒌᓴᔅ᙮

ᐄᕕᓰᔨᓐ 1:1 Iomraidhean Croise

ᒫᔪᐦᐧᑖᑦ ᓘᒃ 16:10

ᐊᐙᓐ ᑳ ᑖᑆᐅᒑᔨᐦᑖᑯᓯᑦ ᑯᐃᔅᒄ ᒑ ᒌ ᐄᔑ ᓈᓈᑭᒋᐦᑖᑦ ᐋ ᐊᐱᔖᔑᔨᒡ ᒑᒀᔨᐤ ᒋᑭ ᑖᑆᐅᒑᔨᐦᑖᑯᓯᐤ ᒑ ᒌ ᒥᔪᓈᓈᑭᒋᐦᑖᑦ ᐋ ᒥᔖᔨᒡ ᒑᒀᔨᐤ᙮ ᐋᒄ ᒫᒃ ᐊᐙᓐ ᐋᑳ ᑳ ᑯᐃᔅᒄ ᑐᑎᐦᑳ ᐋ ᓈᓈᑭᒋᐦᑖᑦ ᐊᓂᔮᔨᐤ ᒫᐅᒡ ᐋ ᐊᐱᔖᔑᔨᒡ ᒑᒀᔨᐤ, ᓂᒧᐃ ᑯᐃᔅᒄ ᒋᑭ ᒌᐦ ᑐᑎᒻ ᐋ ᓈᓈᑭᒋᐦᑖᑦ ᒑᒀᔨᐤ ᐋ ᒥᔖᔨᒡ᙮

ᐋᐧᐹᔅᑎᓕᒡ 16:15

ᒌ ᓰᑭᐦᐋᐦᑎᐙᑭᓂᐤ ᒫᒃ ᓕᑎᔮ ᑭᔮᐦ ᒥᓯᐙ ᐊᓂᑎᐦ ᐐᒋᐦᒡ ᑳ ᐐᒋᒥᑯᑦ᙮ ᐋᒄ ᑳ ᓂᑑᒥᔨᒥᐦᑦ ᐊᓂᑖᐦ ᐐᒋᐦᒡ ᒑ ᒌ ᐐᒋᒥᒋᐦᑦ ᐋ ᐃᔑᔨᒥᐦᑦ, ᒋᔮᔥᑎᓈᐦᐅᐙᒀ ᐋ ᑖᑆᔮᔨᒫᒄ ᑎᐹᔨᐦᒋᒑᓯᐤ, “ᐹᒋ ᐲᐦᒑᒄ ᓃᒋᐦᒡ ᐊᓂᑎᐦ ᒑ ᑖᔮᒄ᙮” ᓂᒌ ᔑᐦᑰᒋᒥᑯᓈᓐ ᒫᒃ᙮

ᐋᐧᐹᔅᑎᓕᒡ 18:19

ᐋᒄ ᑳ ᒥᓯᑳᒡ ᐊᓂᑖᐦ ᐁᕕᓱᓯᐦᒡ ᑳ ᐃᔑᓂᐦᑳᑖᔨᒡ ᐃᐦᑖᐎᓂᔨᐤ, ᐋᑯᑖᐦ ᐊᓂᑎᐦ ᑆᓪ ᑳ ᓂᑭᑖᑦ ᐊᓂᔮᔨᐤ ᑉᕆᓯᓛ ᑭᔮᐦ ᐋᑶᓛ᙮ ᐋᒄ ᑆᓪ ᓃᔥᑎᒻ ᑳ ᐲᐦᒑᑦ ᐊᓂᑖᐦ ᒎᐤ ᐊᔨᒥᐦᐋᐅᑭᒥᑯᐦᒡ ᐋᒄ ᑳ ᐊᔨᒥᐦᐄᑐᒡ ᐊᓂᔮᔨᐤ ᒎᐤ ᐋ ᔒᐦᒋᒫᑦ ᒑ ᒌ ᑖᑆᐦᑖᑯᑦ ᑖᓐ ᐋᐦ ᐃᔨᑦ᙮

ᐋᐧᐹᔅᑎᓕᒡ 18:21

ᒥᒄ ᒌᐦ ᐄᑖᐤ ᑆᓪ, ᐄᔥᐱᐦ ᒑᔅᑐᐦᑖᑦ, “ᓂᑭ ᑎᑯᔑᓐ ᒦᓐ, ᒋᔖᒥᓂᑑ ᐄᑖᔨᐦᑎᐦᑳ ᒦᓐ ᒑ ᒌ ᑎᑯᔑᓂᔮᓐ᙮” ᐋᑯᑖᐦ ᐊᓂᑎᐦ ᑳ ᐅᐦᒋ ᒋᔥᑖᓯᑦ ᐊᐱᔖᔑᒡ᙮

ᐋᐧᐹᔅᑎᓕᒡ 9:13

ᐋᒄ ᒫᒃ ᐋᓂᓈᔮᔅ ᑳ ᓂᔥᒀᐅᔑᐦᐋᑦ ᑎᐹᔨᐦᒋᒑᓯᐤ ᐋᐦ ᐄᑖᑦ, “ᑎᐹᔨᐦᒋᒑᔨᓐ, ᒥᐦᒑᑐ ᐄᔨᔨᐅᒡ ᓂᒌ ᐐᐦᑎᒫᑯᒡ ᐆ ᓈᐹᐤ ᑖᓐ ᐋ ᐃᔥᐱᔥ ᓂᓈᐦᑳᒋᐦᐋᑦ ᐊᓂᔮᔨᐤ ᑳ ᑖᑆᐦᑎᒥᔨᒡ ᐊᓂᑖᐦ ᒋᕉᓯᓕᒥᐦᒡ ᑳᐦ ᑖᔨᒡ᙮

ᐧᕌᒥᓐ 1:1

ᓃᔨ ᑆᓪ, ᒌᓴᔅ ᙭ ᐅᑖᐱᒋᐦᐋᑭᓐᐦ᙮ ᒋᔖᒥᓂᑑ ᓂᒌ ᐅᐙᔮᐱᒧᒄ ᐋᑆᔅᑎᓪ ᒑ ᒌᐦ ᑖᐅᒡ ᑭᔮᐦ ᒫᒃ ᐐᔨ ᓂᒌ ᑖᑆᑎᒄ ᒑ ᒌ ᐙᐐᐦᑎᒧᒡ ᐅᒥᔻᒋᒧᐎᓐ᙮

ᐧᕌᒥᓐ 1:7

ᐋᐅᒄ ᒫᒃ ᐙᐦᒋ ᒥᓯᓂᐦᐋᒫᑎᑯᒡ ᒥᓯᐙ ᒌᔨᐙᐤ ᕎᒥᐦᒡ ᑳᐦ ᑖᔮᒄ, ᒌᔨᐙᐤ ᒋᔖᒥᓂᑑ ᑳ ᓵᒋᐦᐄᑖᒄ ᑭᔮᐦ ᑳ ᐅᐙᔮᐱᒥᑖᒄ ᒑ ᒌ ᑎᐹᔨᒥᑖᒄ᙮ ᒋᔖᒥᓂᑑ ᑰᐦᑖᐐᓂᐤ ᑭᔮᐦ ᒋᑎᐹᔨᐦᒋᒑᓰᒥᓂᐤ ᒌᓴᔅ ᙭ ᒋᑭ ᒥᔪᑐᑖᑯᐙᐅᒡ ᑭᔮᐦ ᒋᑭ ᒥᔨᑯᐙᐅᒡ ᒋᔮᒫᔨᐦᑎᒧᐎᓂᔨᐤ᙮

ᐧᕌᒥᓐ 8:1

ᓂᒧᐃ ᔖᔥ ᑎᑯᓐ ᐊᓂᑎᐦ ᒑ ᐅᐦᒋ ᓂᔑᐎᓈᒋᒥᑯᒡ ᐊᓂᒌ ᐄᔨᔨᐅᒡ ᙭ ᒌᓴᔅ ᑳ ᐐᒑᐙᒡ᙮

ᓃᔥᑎᒻ ᑯᕆᓐᕠᔨᓐ 4:12

ᓈᔥᒡ ᒥᔥᑏᐦ ᓂᑎᐋᐱᑎᓰᓈᓐ ᒑ ᒌ ᐱᒫᒋᐦᐄᓱᔮᐦᒡ᙮ ᐋ ᐅᐎᔨᐦᒀᓯᔨᒥᐦᒡ ᐄᔨᔨᐅᒡ, ᓂᓂᑐᑎᒫᒫᓐ ᒋᔖᒥᓂᑑ ᒑ ᒌ ᒋᔖᐙᑐᑖᑯᒡ᙮ ᑭᔮᐦ ᓈᓈᐦᑳᒋᐦᐄᒥᐦᑣᐤᐦ ᐄᔨᔨᐅᒡ ᓂᒧᐃ ᓂᒋᔅᑐᑖᓈᓂᒡ᙮

ᓃᔥᑎᒻ ᑯᕆᓐᕠᔨᓐ 4:17

ᐋᔪᐎᒄ ᐙᐦᒋ ᐄᑎᔑᐦᐅᒃ ᑎᒧᕢ ᐊᓂᑖᐦ ᐋᐦᑖᐙᒄ᙮ ᒧᔮᒻ ᓂᑯᔅ ᒋᔖᒥᓂᑑ ᐋ ᒌ ᐹᒋ ᒥᔨᑦ ᓂᑎᐄᑖᔨᒫᐤ, ᓈᔥᒡ ᓂᓵᒋᐦᐋᐤ᙮ ᒨᔥ ᑯᐃᔅᒄ ᐄᐦᑐ᙮ ᓂᓂᑎᐙᔨᒫᐤ ᒑ ᒌ ᒋᔅᒋᓲᒥᑖᒄ ᑖᓐ ᐋ ᐄᔑ ᐱᒫᑎᓰᐎᒡ ᙭ ᒌᓴᔅ ᐄᔑ ᐋᐦ ᑖᔨᒡ ᑭᔮᐦ ᐊᓂᔮᔨᐤ ᐋ ᐄᔑ ᒋᔅᑯᑎᒫᒑᐅᒡ ᒥᓯᐙ ᑖᓂᑖᐦ ᐋᐦ ᐋᑎ ᐃᔨᐦᑖᔨᒡ ᐅᒫᒨᐊᔨᒥᐦᐋᐤ᙮

ᓃᔓ ᑯᕆᓐᕠᔨᓐ 1:1

ᓃᔨ ᑆᓪ, ᙭ ᒌᓴᔅᐦ ᐅᑖᑆᔅᑎᓕᒻ ᐐᔨ ᒋᔖᒥᓂᑑ ᑳ ᐅᐙᔮᐱᒥᑦ ᒑ ᒌ ᐄᑖᐱᑎᓯᐎᒡ ᐅᔮᔨᐤ᙮ ᒌᒋᔖᓂᐤ ᑎᒧᕢ ᑖᐱᔥᑯᓐ ᒋᒥᓯᓂᐦᐋᒫᑎᓈᓐ᙮ ᒌᔨᐙᐤ ᒋᔖᒥᓂᑑ ᐋᐦ ᑖᑦ ᑳ ᐄᔑ ᒫᒨᐊᔨᒥᐦᐋᔮᒄ ᐊᓂᑖᐦ ᒀᕆᓐᑦ ᐃᐦᑖᐎᓐ ᑳᐦ ᑖᔮᒄ ᐊᓂᑖᐦ ᒫᒃ ᑭᔮᐦ ᐊᓐ ᐊᐃᔅᐱᓵᒡ ᐊᑫᔮ ᐊᔅᒌᔨᐤ ᑳᐦ ᑖᒡ ᒥᓯᐙ ᐊᓂᒌ ᑳ ᑖᑆᐦᑎᐦᒡ ᓂᒥᓯᓂᐦᐋᒧᐙᓈᓂᒡ᙮

ᑳᓓᔑᔨᓐ 1:1

ᓃᔨ ᑆᓪ ᑳ ᒥᓯᓂᐦᐋᒫᑎᑯᒡ᙮ ᐐᔨ ᒌᓴᔅ ᙭ ᐙᒌᐦᒡ ᓂᒌ ᐅᐙᔮᐱᒥᒄ ᐋᑆᔅᑎᓪ ᒑ ᒌ ᐄᑖᐱᒋᐦᐄᑦ᙮ ᑭᔮᐦ ᒫᒃ ᒋᔖᒥᓂᑑ ᑰᐦᑖᐐᓂᐤ ᓂᒌ ᐅᐙᔮᐱᒧᒄ, ᐊᓐ ᑳ ᐙᓂᔥᑳᓈᑦ ᒌᓴᔅᐦ ᓂᐱᐎᓂᐦᒡ ᐅᐦᒋ᙮ ᓂᒥᔮᐤ ᐐᔨ ᓈᐹᐤ ᑳ ᐅᐙᔮᐱᒥᑦ ᑭᔮᐦ ᓂᒥᔮᐤ ᓈᐹᐤ ᑳ ᒥᔨᑦ ᐅᔮᔨᐤ ᒑ ᒌ ᐄᑖᐱᑎᓯᐎᒡ᙮

ᑳᓓᔑᔨᓐ 3:26

ᒥᓯᐙ ᒌᔨᐙᐤ ᑳ ᑖᑆᔮᔨᒥᐦᒄ ᙭ ᒌᓴᔅ ᐋᑯᑖᐦ ᐙᐦᒋ ᐅᑎᐙᔑᔒᒥᑐᑖᑎᐦᒄ ᒋᔖᒥᓂᑑ᙮

ᑳᓓᔑᔨᓐ 3:28

ᒥᓯᐙ ᐹᔨᑯᓂᐦᒡ ᒋᑎ ᐄᔑ ᑭᓂᐙᐱᒥᑯᐙᐤ ᒋᔖᒥᓂᑑ, ᓂᒧᐃ ᐎᔮᔅ ᒎᐤ ᑭᔮᐦ ᒫᒃ ᐋᑳ ᒎᐤ ᐋᐦ ᐄᑎᔅᑳᓈᓯᐙᐅᐦᒀ, ᑳ ᑖᐱᑎᐹᔨᒫᑭᓅᑦ ᐃᔮᐱᑎᓰᓰᐅᐦᒀ ᑭᔮᐦ ᒫᒃ ᐋᑳ ᑎᔮᐱᑎᐹᔨᒫᑭᓅᑦ ᐃᔮᐱᑎᓰᓰᐅᐦᒀ, ᓂᔮᐹᐅᐦᒀ ᑭᔮᐦ ᒫᒃ ᐋᔅᒀᐅᐦᒀ, ᐙᔥ ᒥᓯᐙ ᒋᐹᔨᑯᓈᐙᐤ ᐊᓂᑎᐦ ᐅᐦᒋ ᐋ ᐄᔑ ᑎᐹᔨᐦᑖᑰᓯᔮᒄ ᐊᓂᑖᐦ ᐐᔨ ᙭ ᒌᓴᔅᐦ ᐋᐦ ᑖᑦ᙮

ᑳᓓᔑᔨᓐ 3:9

ᐊᓂᔮ ᐋᑉᕋᐦᐋᒻ ᒌ ᑖᑆᔮᔨᒫᐤ ᒋᔖᒥᓂᑑ ᒌ ᒋᔖᐙᑐᑖᐙᑭᓂᐤ ᐊᓂᑎᐦ ᐅᐦᒋ᙮ ᐋᒄ ᒫᒃ ᒥᓯᐙ ᐊᓂᒌ ᑏᔮᑆᐦᑎᐦᒡ ᒋᔖᐙᑐᑎᐙᑭᓅᐎᒡ ᒨᔮᒻ ᐋᑉᕋᐦᐋᒻ ᑳ ᐄᔑ ᒋᔖᐙᑐᑖᒥᐦᒡ ᐊᓂᔮᔨᐤ ᐅᐦᒋ ᐋ ᒌ ᑖᑆᐦᑎᒥᔨᒡ᙮

ᐄᕕᓰᔨᓐ 1:15

ᐃᔥᐱᔥ ᑳ ᐹᐦᑖᒫᓐ ᐋ ᑖᑆᔮᔨᒫᒄ ᒌᓴᔅ ᒋᑎᐹᔨᐦᒋᒑᓰᒥᓂᐤ ᑭᔮᐦ ᐋ ᓵᒋᐦᐋᐦᑯᒡ ᒥᓯᐙ ᐄᔨᔨᐅᒡ ᑳ ᑖᑆᔮᔨᐦᑎᐦᒡ,

ᐄᕕᓰᔨᓐ 2:10

ᐙᔥ ᐐᔨ ᒋᔖᒥᓂᑑ ᒋᒌ ᐅᔒᐦᐄᑯᓂᐤ ᐊᓂᔮᔨᐤ ᒑ ᒌ ᐃᑖᔨᐦᑖᑯᓲᐦᒄ, ᒋᒌ ᑐᑖᑭᓂᐤ ᒑ ᒌ ᑯᐃᔅᑯᓈᑯᓯᐅᐦᒄ ᐊᓂᔮᔨᐤ ᐅᐦᒋ ᑖᓐ ᑳᐦ ᑐᑎᒥᔨᒡ ᙭, ᐊᓂᑎᐦ ᐅᐦᒋ ᒑ ᒌ ᒫᒥᔪᑑᑎᒫᒥᐦᒄ, ᐙᔥ ᐋᔪᐎᒄ ᐅᔮᔨᐤ ᔖᔥ ᐊᓂᑖᐦ ᐙᔥᑭᒡ ᑳ ᐄᔑ ᐃᔮᔅᑭᐎᔥᑖᑦ ᒑ ᒌᐦ ᑐᑎᒥᐦᒄ᙮

ᐄᕕᓰᔨᓐ 2:13

ᒌᔨᐙᐤ ᑳ ᒌ ᔮᐙᐱᒫᒄ ᒋᔖᒥᓂᑑ, ᐊᓅᐦᒡ ᒫᒃ ᔖᔥ ᙭ ᒌᓴᔅ ᐊᔅᑎᐹᔨᒥᑯᐙᐤ᙮ ᒋᔖᒥᓂᑑ ᐐᔨ ᒋᒌᐹᔒᑯᐙᐤ ᒑ ᒌ ᐹᔣᐱᒫᒄ, ᐊᓂᔮᔨᐤ ᐅᐦᒋ ᙭ ᐅᒥᐦᑯᔨᐤ᙮

ᐄᕕᓰᔨᓐ 2:6

ᐊᓂᑎᐦ ᒫᒃ ᑳ ᐙᓂᔥᑳᓈᑦ ᙭ ᒌᓴᔅᐦ ᑭᔮᐦ ᒌᔮᓂᐤ ᒋᒌ ᐎᓂᔥᑳᓂᑯᓂᐤ᙮ ᐋᒄ ᐊᓂᑖᐦ ᑳ ᐅᐙᔨᐱᐦᐄᑎᐦᒄ ᒋᐦᒋᒌᔑᑯᐦᒡ ᐊᓂᑖᐦ ᑳ ᐄᔑ ᐅᐙᔨᐱᐦᐋᑦ ᙭,

ᐄᕕᓰᔨᓐ 6:21

ᑖᐃᑭᑭᔅ ᒋᑭ ᑎᑯᔑᓐ ᓈᑖᐦ ᐋᐦᑖᐙᒄ ᒑ ᒌ ᐐᐦᑎᒫᑖᒄ ᑖᓐ ᐋᔨᐦᑑᒡ ᑭᔮᐦ ᑖᓐ ᐋᔨᔅᐱᔫᒡ᙮ ᐋᐅᒄ ᐆ ᑳ ᓵᒋᐦᐄᒃ ᒌᒋᔖᓂᐤ ᑭᔮᐦ ᑯᐃᔅᒄ ᑳ ᐄᔑ ᐋᐱᑖᑎᓯᑦ ᑎᐹᔨᐦᒋᒑᓯᐤ ᐋᐦ ᐋᐱᑎᔒᔥᑎᐙᑦ᙮

ᑯᐧᓛᓯᔨᓐ 1:2

ᓂᓂᑐᑎᒧᐙᓈᓐ ᒋᔖᒥᓂᑑ ᑰᐦᑖᐐᓂᐤ ᒑ ᒌ ᒥᔪᑐᑖᑖᒄ ᑭᔮᐦ ᒑ ᒌ ᒥᔨᑖᒄ ᒋᔮᒫᔨᐦᑎᒧᐎᓂᔨᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 17:14

ᐅᒌ ᒫᒃ ᒥᑖᐦᑐ ᒋᐦᒋᐅᒋᒫᐅᒡ ᑭᔮᐦ ᐊᓐ ᒥᒋᐊᐅᐦᑳᓐ ᒋᑭ ᓂᑐᐱᔨᐦᑭᐦᑎᐙᐅᒡ ᐊᓂᔮᔨᐤ ᒫᓂᔥᒑᓂᔥ᙮ ᒥᒄ ᒫᒃ ᒋᑭ ᒫᑯᐦᐄᑯᒡ ᐊᓂᔮᔨᐤ ᒫᓂᔥᒑᓂᔥ᙮ ᐙᔥ ᐐᔨ ᐊᓐ ᒫᓂᔥᒑᓂᔥ ᐋᐅᒄ ᐊᓐ ᑎᐹᔨᐦᒋᒑᓯᐤ ᑖᐹᔨᒫᑦ ᒥᓯᐙ ᑎᐹᔨᐦᒋᒑᓯᐤᐦ ᑭᔮᐦ ᐐᔨ ᒋᐦᒋᐆᒋᒫᐤ ᑳ ᐅᒋᒫᐦᑭᑑᐙᑦ ᒥᓯᐙ ᒋᐦᒋᐅᒋᒫᐤ ᐋ ᑎᔑᔨᒡ᙮ ᐊᓂᔮᔨᐤ ᒫᒃ ᑳ ᓅᔔᔥᑳᑯᑦ ᐋᐅᒄ ᐋᓐ ᐐᔨ ᐙᒌᐦᒡ ᑳ ᑖᑆᑖᑦ ᑭᔮᐦ ᑳ ᐅᐙᔮᐱᒫᑦ ᒑ ᒌ ᐅᑏᔨᔨᒥᑦ ᑭᔮᐦ ᐋᔪᐎᑯᓐᐦ ᐊᓂᔮᔨᐤ ᑳ ᑖᑆᐅᒑᔨᐦᑖᑰᓰᔨᒡ ᐋ ᓅᔔᔥᑳᑯᑦ᙮”

ᒋᔅᒑᔨᐦᑖᑯᐦᑖᒑᐧᐃᓐ 2:10

ᐊᑳᐐ ᑯᔥᑖᒋᒄ ᑖᓐ ᒑ ᐄᔑ ᓂᓈᐦᑳᑖᔨᒧᔮᒄ, ᔖᔥ ᐐᐱᒡ᙮ ᒥᒋᒥᓂᑑ ᒋᑭ ᑯᒀᒋᐦᐄᑯᐙᐤ ᐋᐦ ᑐᑖᑖᒄ ᐱᔅᒡ ᒑ ᒌ ᒋᐱᐦᐅᑰᐙᒄ ᒋᐱᐦᐅᑑᑭᒥᑯᐦᒡ᙮ ᒥᑖᐦᑐ ᒌᔑᑳᐤᐦ ᒋᑭ ᐃᔥᐱᔥ ᓂᓈᐦᑳᑖᔨᒧᓈᐙᐤ᙮ ᑎᑖᑆᐅᓰᒄ ᐋ ᑖᑆᔮᔨᒥᔮᒄ ᐋᑎᐐᐦ ᓂᐱᐦᐄᑭᐎᔮᒀ᙮ ᐋᒄ ᒫᒃ ᒑ ᒥᔨᑎᑯᒡ ᐊᓐ ᐱᒫᑎᓰᐎᓐ, ᐋᐅᒄ ᐊᓐ ᒑ ᑭᔅᒋᐦᐅᔮᒄ᙮

ᒋᔅᒑᔨᐦᑖᑯᐦᑖᒑᐧᐃᓐ 2:13

ᓂᒋᔅᒑᔨᐦᑖᓐ ᐊᓂᑎᐦ ᐙᒋᔮᒄ, ᐋᑯᑎᐦ ᐊᓂᑎᐦ ᒥᒋᒥᓂᑑ ᐙᐦ ᒋᐦᒋᐅᒋᒫᐤ ᐅᑖᐦᑎᐱᐎᓂᑦ᙮ ᐋᑦ ᒫᒃ ᐊᓂᑎᐦ ᐋ ᐐᒋᔮᒄ ᐊᔮᐱᒡ ᓂᒧᐃ ᒋᐴᓃᓈᐙᐤ ᐋ ᑖᑆᔮᔨᒥᔮᒄ᙮ ᓂᒧᐃ ᑰᐦᒋ ᒌᐙᑳᐳᔥᑐᓈᐙᐤ ᐋᑦ ᐊᓂᑎᐦ ᒫᒀᒡ ᑳ ᓂᐱᐦᐋᑭᓅᑦ ᐊᓂᔮ ᑳ ᓅᔔᔥᑯᑦ ᐊᓂᑎᐱᔅ ᑳ ᐃᔑᓂᐦᑳᓱᑦ ᐊᓐ ᑳ ᑖᑆᐅᒑᔨᐦᑖᑯᓯᑦ, ᑯᐃᔅᒄ ᒨᔥ ᑳ ᐐᐦᑎᐦᒃ ᐋᐦ ᐋᔨᒧᒥᑦ᙮ ᐊᓂᑎᐦ ᐙᒋᔮᒄ ᐋᑯᑖᐦ ᑳ ᓂᐱᐦᐋᑭᓅᑦ, ᐊᓂᑖᐦ ᒥᒋᒥᓂᑑ ᐙᒋᑦ᙮