ᐋᐧᐹᔅᑎᓕᒡ 26:3 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

³ ᐊᓐ ᓈᔥᒡ ᐋ ᒥᔪ ᒋᔅᒑᔨᐦᑎᒥᓐ ᒎᐤ ᐊᔨᑎᐎᓐ ᑭᔮᐦ ᐊᓂᐦᐄ ᒑᒀᓂᐦᐄ ᐙᐦᒋ ᐎᔥᑖᐱᔨᔨᒡ ᒫᓐ ᒎᐤ ᐄᔨᔨᐅᒡ, ᐋᐅᒄ ᐙᐦᒋ ᓈᔥᒡ ᒥᔻᔨᐦᑎᒫᓐ ᐅᑎᐦ ᐋᐦ ᑖᔨᓐ ᒑ ᒌ ᐋᔨᒦᔥᑎᒫᓱᔮᓐ᙮ ᒋᓂᑐᑎᒫᑎᓐ ᒫᒃ ᒑ ᒌ ᓂᑐᐦᑎᐎᔨᓐ ᒑ ᐐᐦ ᓰᐱᔨᐙᓰᔅᑎᐎᔨᓐ ᑖᓐ ᒑ ᐄᔑ ᐊᔨᒥᔮᓐ᙮”

ᐋᐧᐹᔅᑎᓕᒡ 26:3 Iomraidhean Croise

ᐋᐧᐹᔅᑎᓕᒡ 21:21

ᒌ ᐄᑖᒋᒧᔥᑐᐙᑭᓂᐎᒡ ᒫᒃ ᐋ ᒋᔅᑯᑎᒫᒥᑦ ᐊᓂᔮᔨᐤ ᒎᐤ ᑳ ᐐᒋᔨᒡ ᐊᓂᑖᐦ ᐋᑳ ᑳ ᒎᐤ ᐄᑎᔅᑳᓈᓰᔨᒡ ᐋᐦ ᑖᔨᒡ ᒑᐦ ᐋᑳ ᐃᔮᐱᑖᔨᐦᑎᒥᐦᐄᑯᔨᒡ ᒧᓱᔅ ᐅᐐᔓᐙᐎᓂᔨᐤ, ᐋᐦ ᐄᑎᑎᑣᐤ ᒑᐦ ᐋᑳ ᒋᔅᒋᓄᐙᒋᔣᒡ ᐅᑎᐙᔑᔒᒥᐙᐤᐦ ᑭᔮᐦ ᒑᐦ ᐋᑳ ᐃᔮᐱᑖᔨᐦᑎᐦᒡ ᒎᐤ ᐃᔨᐦᑎᐎᓐ᙮

ᐋᐧᐹᔅᑎᓕᒡ 24:10

ᐋᒄ ᐊᓐ ᒋᐦᒋᐅᒋᒫᐤ ᑳ ᒥᔮᑦ ᐊᓂᔮᔨᐤ ᑆᓪ ᒑ ᒌ ᐊᔨᒥᔨᒡ, ᐋᒄ ᑆᓪ ᑳᐦ ᐄᑖᑦ, “ᒌ ᒋᔅᒑᔨᒥᑎᓐ ᔖᔥ ᒥᐦᒑᑐ ᐱᐳᓐ ᐋ ᒌ ᑎᐹᔅᑯᓂᒑᓰᐎᔨᓐ ᐅᑖᐦ ᐄᑖᐦᒑ ᐅᒌ ᒎᐤ ᐄᔨᔨᐅᒡ ᐋᐦ ᑖᒡ᙮ ᓂᒥᔻᔨᐦᑖᓐ ᒫᒃ ᐋ ᓂᐦᐄᐱᔨᐦᒡ ᑯᐃᔅᒄ ᒑ ᒌ ᐄᔑ ᐋᔨᒨᑎᒫᑖᓐ ᑭᔮᐦ ᓃᔨ ᐆ ᑖᓐ ᐙᐦ ᐄᔑ ᑎᐹᔅᑯᓂᑭᐎᔮᓐ᙮

ᐋᐧᐹᔅᑎᓕᒡ 24:4

ᐋᒄ ᒫᒃ ᐋᑳ ᓈᔥᒡ ᒑ ᒌ ᐅᑎᒥᐦᐄᑖᐦᒡ, ᒋᒌ ᐐᐦ ᐄᔑ ᑯᒀᒋᒥᑎᓐ ᐊᓐ ᑭᔨᑆ ᐋ ᐄᔑ ᒥᔪᐦᑣᔨᓐ ᒑ ᒌ ᓂᑐᐦᑎᐎᔨᓐ ᑖᓐ ᒑ ᐃᔮᓐ᙮ ᓂᒧᐃ ᓈᐅᔥ ᒋᑭ ᐅᐦᒋ ᐊᔨᒥᐦᐄᑎᓐ᙮

ᐋᐧᐹᔅᑎᓕᒡ 25:26

ᐋᒄ ᒥᒄ ᓂᒧᐃ ᓂᐦᐋᐤ ᓂᒋᔅᒑᔨᐦᑎᒸᓐ ᑖᓐ ᒑ ᐄᑎᔥᑖᐅᒡ ᐋ ᒥᓯᓂᐦᐋᒫᒥᒡ ᓰᓯᕐ ᐋ ᑎᐹᒋᒥᒃ᙮ ᐋᔪᐎᒄ ᒫᒃ ᐆ ᐙᐦᒋ ᐹᔔᒃ ᐅᑎᐦ ᐋᐦ ᑖᔨᓐ ᒌ ᒋᐦᒋᐅᒋᒫᐤ ᐋᒃᕆᐹ ᑭᔮᐦ ᒫᒃ ᒌᔨᐙᐤ ᒥᓯᐙ ᐅᑎᐦ ᑳᐦ ᑖᔮᒄ᙮ ᐋᒄ ᒫᒃ ᐄᔥᐱᐦ ᒌ ᒥᔅᑭᒧᒀ ᑖᓐ ᑳ ᐄᔑ ᒥᒋᐦᑐᑎᐦᒃ, ᐋᒄ ᒑ ᒋᔅᒑᔨᐦᑎᒧᒡ ᑖᓐ ᒑ ᐄᑎᔥᑖᐅᒡ ᒥᓯᓂᐦᐋᒫᒥᒑ ᓰᓯᕐ᙮

ᐋᐧᐹᔅᑎᓕᒡ 26:2

ᑳᐦ ᐄᑖᑦ ᐊᓂᔮᔨᐤ ᒋᐦᒋᐅᒋᒫᐤ ᐋᒃᕆᐹ, “ᒋᐦᒋᐅᒋᒫᐤ ᐋᒃᕆᐹ, ᓂᔑᐙᔨᐦᑖᑯᓯᓐ ᓂᑎᐄᑖᔨᐦᑖᓐ ᐋ ᓂᐦᐄᐱᔨᐦᒡ ᐅᑎᐦ ᐋᐦ ᑖᔨᓐ ᒑ ᒌ ᐋᔨᒦᔥᑎᒫᓱᔮᓐ ᐅᐦᒋ ᒥᓯᐙ ᐅᔮᔨᐤ ᑳᐦ ᐃᔨᒡ ᐅᒌ ᒎᐤ ᐄᔨᔨᐅᒡ ᐋ ᒌᐦ ᑑᐎᒡ᙮

ᐋᐧᐹᔅᑎᓕᒡ 26:26

ᒋᐦᒋᐅᒋᒫᐤ ᐋᒃᕆᐹ, ᒋᑭ ᒌ ᐋᔨᒨᑎᒫᑎᓐ ᐅᐦᐄ ᒑᒀᓂᐦᐄ ᐋᐦᐋᑳ ᑯᔥᑖᒋᔮᓐ ᐙᔥ ᒌ ᒋᔅᒑᔨᐦᑖᓐ ᐊᓐ ᐃᔮᔨᒧᑎᒫᓐ᙮ ᓂᒧᐃ ᒌᒧᒡ ᐅᐦᒋ ᐄᔅᐱᔨᐤ ᐅᐦᐄ ᒑᒀᓂᐦᐄ᙮

ᐋᐧᐹᔅᑎᓕᒡ 26:7

ᒥᓯᐙ ᒫᒃ ᑭᔮᐦ ᐊᓂᒌ ᒎᐤ ᐄᔨᔨᐅᒡ, ᐊᓂᔮᔨᐤ ᑳ ᓃᔓᔖᐳᔨᒡ ᒉᑭᑉ ᐅᑯᓯᔨᐤᐦ ᐋᐦ ᑖᔨᒡ ᑳ ᐅᐦᒌᒡ, ᐋᔪᐎᒄ ᑭᔮᐦ ᐐᔨᐙᐤ ᐅᔮᔨᐤ ᐋ ᐊᔑᐙᐱᐦᑎᐦᒡ᙮ ᐋᔪᐎᒄ ᐅᔮᔨᐤ ᐋ ᐄᔑ ᐱᑯᓵᔨᒧᒡ ᐋ ᐊᔨᒥᐦᐋᒡ ᒋᔖᒥᓂᑑ ᐋ ᒌᔑᑳᔨᒡ ᑭᔮᐦ ᐋ ᑎᐱᔅᑳᔨᒡ᙮ ᒋᐦᒋᐅᒋᒫᐤ ᐋᒃᕆᐹ, ᐋᔪᐎᒄ ᒫᒃ ᐅᔮᔨᐤ ᐋ ᐄᔑ ᑖᑆᐦᑎᒧᒡ ᐙᐦᒋ ᐐᐦ ᐄᔑ ᒫᒥᔑᒥᒡ ᐅᒌ ᒎᐤ ᐄᔨᔨᐅᒡ᙮

ᐋᐧᐹᔅᑎᓕᒡ 28:17

ᓂᔥᑐ ᒌᔑᑳᐤᐦ ᒫᒃ ᐃᔥᐱᔥ ᐋᒄ ᑳ ᓂᑑᒫᑦ ᑆᓪ ᐊᓂᔮᔨᐤ ᒎᐄᔨᔨᐤ ᑳ ᓃᑳᓂᔥᑭᐙᔨᒡ ᐊᓂᑎᐦ ᑳ ᐅᐦᒌᔨᒡ᙮ ᐄᔥᐱᐦ ᒫᒃ ᓈᔥᑐᐎᔨᒡ ᒌ ᐃᔨᐤ, “ᓃᒋᔖᓂᑎᒄ, ᓂᒌ ᐅᑎᓂᑭᐎᓐ ᐊᓂᑖᐦ ᒋᕉᓯᓕᒥᐦᒡ ᐋᒄ ᐊᓂᑖᐦ ᕎᒻ ᐄᔨᔨᐅᒡ ᐋᐦ ᑖᒡ ᑳ ᐄᔑ ᐱᒋᔅᑎᓂᑭᐎᔮᓐ ᒑ ᒌ ᐄᔑ ᒫᒫᐦᒋᑯᓂᑭᐎᔮᓐ᙮ ᐋᐅᒄ ᐆ ᑳᐦᑐᑖᑯᔮᓐ ᐋᐦ ᐋᑦ ᐋᑳ ᐅᐦᒋ ᒥᒋᑑᑑᒀᐤ ᒋᑎᐄᔨᔨᒥᓂᐎᒡ ᑭᔮᐦ ᐋᑦ ᐋᑳ ᐅᐦᒋ ᐎᓂᑐᑎᒫᓐ ᐊᓂᐦᐄ ᐃᔨᐦᑎᐎᓐ ᐋᓂᔅᒑ ᒌ ᐙᐦᑯᒫᑭᓂᐎᒡ ᑳ ᒥᔨᑎᐦᑯᒡ᙮

ᐋᐧᐹᔅᑎᓕᒡ 6:14

ᐙᔥ ᓂᒌ ᐹᐦᑎᐙᓈᓐ ᐋᐦ ᐃᔨᑦ, ᐅᔮᔨᐤ ᒌᓴᔅᐦ, ᓈᓵᕆᕠᐦᒡ ᑳ ᐅᐦᒌᔨᒡ, ᒑ ᓂᔑᐅᓈᒋᑖᔨᒡ ᐅᔮᔨᐤ ᒎᐤ ᐊᔨᒥᐦᐋᐅᑭᒥᑯᔨᐤ, ᑭᔮᐦ ᒫᒃ ᒑ ᒀᔅᒋᓂᒥᔨᒡ ᐊᓂᔮᔨᐤ ᒎᐄᔨᔨᐤ ᐃᔨᐦᑎᐎᓐ ᐊᓂᔮᔨᐤ ᒧᓱᔅ ᑳᐦ ᐄᑎᔓᐙᔨᑯᐱᓈᓂᐦᐄ ᒑ ᑐᑖᑭᓂᐎᔨᒡ᙮” ᐋᔪᐎᒄ ᐅᔮᔨᐤ ᑳ ᐄᑖᒋᒧᒡ ᐊᓂᒌ ᓈᐹᐅᒡ᙮

ᓃᔥᑎᒻ ᑯᕆᓐᕠᔨᓐ 13:2

ᑭᔮᐦ ᒫᒃ ᐋᑦ ᒥᔨᑭᐎᔮᓐ ᒑ ᒌ ᑭᔅᒋᐦᐅᔮᓐ ᐋ ᒋᔅᒋᐙᐦᐄᒑᔮᓐ ᐋ ᐊᔨᒥᔅᑖᒨᒄ ᒋᔖᒥᓂᑑ, ᑭᔮᐦ ᒫᒃ ᐋᑦ ᒥᓯᐙ ᓂᔅᑐᐦᑎᒫᓐ ᓃᔨ ᑖᓐ ᐋ ᐄᔑ ᐋᑳ ᓂᔅᑐᐦᑎᐦᒡ ᑯᑎᑭᒡ ᐄᔨᔨᐅᒡ, ᑭᔮᐦ ᐋᑦ ᒥᔨᑭᐎᔮᓐ ᒥᓯᐙ ᒑ ᒌ ᒋᔅᒑᔨᐦᑎᒫᓐ ᒑᒀᓐ ᐋᐦᐋᑳ ᐅᐦᒋ ᒋᔅᒑᔨᐦᑎᒥᐦᐄᐙᓂᐎᒡ ᐊᓂᑖᐦ ᐅᑖᐦᒡ ᑭᔮᐦ ᒫᒃ ᐋᑦ ᐃᔮᔮᓐ ᑖᑆᔮᔨᐦᑎᒧᐎᓐ ᒑ ᒌ ᐋᐦᑎᓂᒫᓐ ᐙᒋᔮ ᐋᑳ ᒫᒃ ᐃᔮᔮᓐ ᓵᒋᐦᐄᐙᐎᓐ ᐊᔮᐱᒡ ᓂᒧᐃ ᒥᑐᓐ ᒑᒀᓐ ᓂᐱᐦ ᐅᐦᒋ ᐄᑖᔨᐦᑖᑯᓯᓐ᙮