ᓃᔓ ᑎᒧᕢ 4:5 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁵ ᒌᔨ ᒫᒃ, ᓲᐦᒃ ᓂᓈᑭᑎᐙᔨᒥᓲ, ᑯᐃᔅᒄ ᒑ ᒌ ᐄᔑ ᒫᒥᑐᓈᔨᐦᑎᒥᓐ ᑖᓐ ᒥᒄ ᒑ ᐄᔥᐱᔫᓈ᙮ ᓰᐱᐙᓰᔅᑎᐦ ᑖᓐ ᒥᒄ ᒑ ᐄᔑ ᓂᓈᐦᑳᒋᐦᐄᑯᓈ᙮ ᓲᐦᒃ ᐐᒋᐦᐄᒡ ᑯᑎᑭᒡ ᐋ ᐙᐐᐦᑎᒨᑣᐤ ᒥᔻᒋᒧᐎᓂᔨᐤ᙮ ᑭᔮᐦ ᒫᒃ ᒥᑐᓐ ᑐᑎᐦ ᒥᓯᐙ ᐊᓂᔮᔨᐤ ᑖᓐ ᐐᐦ ᐄᑖᐱᒋᐦᐄᔅᒃ ᒋᔖᒥᓂᑑ᙮

ᓃᔓ ᑎᒧᕢ 4:5 Iomraidhean Croise

ᒫᔪᐦᐧᑖᑦ ᒫᕠᔫ 25:16

ᐊᓐ ᒫᒃ ᐋᐱᒋᐦᐋᑭᓐᐦ ᓂᔮᔻᐤ ᒋᔖᒥᑖᐦᑐᒥᑎᓂᐤ ᑳ ᒥᔮᑭᓅᑦ, ᒌ ᒋᐦᑖᐱᑎᓰᐙᒑᐙᐤ ᐊᓂᔮᔨᐤ ᐅᔔᔮᓂᒥᔨᐤ ᐊᑎᑎᐤ ᒑ ᒌᐦ ᐄᐦᒋᐦᐄᒫᑦ᙮ ᒦᓐ ᒫᒃ ᓂᔮᔻᐤ ᒋᔖᒥᑖᐦᑐᒥᑎᓂᐤ ᒌ ᐱᐦᑯᐦᐋᐤ ᐊᓂᔮ ᔓᐎᔮᓐ᙮

ᒫᔪᐦᐧᑖᑦ ᒫᕐᒃ 13:34

ᐋᐅᒄ ᒧᔮᒻ ᐋ ᐃᓯᓈᑯᐦᒡ ᓈᐹᐤ ᐧᐋᐦᐄᔨᐤ ᐋ ᐧᐄᐦ ᐄᑐᐦᑖᑦ᙮ ᐄᔥᐱᐦ ᒑ ᓂᑭᑎᐦᒃ ᐧᐄᒡ ᐅᑖᐱᒋᐦᐋᑭᓐ ᒥᔮᐤ ᒑ ᐅᒋᒫᐧᐃᔨᒡ ᒫᐧᑳᒡ ᐋᐦᐋᑳ ᑖᑦ᙮ ᒥᓯᐧᐋ ᐹᐦᐹᔨᒄ ᐧᐄᐦᑎᒧᐧᐋᐤ ᒑ ᐄᑖᐱᑎᓰᔨᒡ᙮ ᑭᔮᐦ ᐊᓂᔮᔨᐤ ᑳ ᑭᓅᔥᑯᑎᐧᐋᔨᒡ ᐄᑎᔓᒫᐤ ᔮᐧᑳᐦ ᒑ ᓈᓈᑭᒋᐦᑖᔨᒡ ᐃᔥᐧᑳᐦᑖᒥᔨᐤ᙮

ᒫᔪᐦᐧᑖᑦ ᒫᕐᒃ 13:37

ᐆ ᒑ ᐄᑎᑯᒡ, ᓂᑎᑖᐅᒡ ᑭᔮᐦ ᑯᑎᑭᒡ ᐄᔨᔨᐅᒡ, ᐃᔮᔅᑭᐧᐃᔥᑑᒄ᙮”

ᒫᔪᐦᐧᑖᑦ ᓘᒃ 12:37

ᑭᑎ ᔑᐙᔨᐦᑖᑯᓯᐎᒡ ᒫᒃ ᐊᓂᒌ ᐋᐱᒋᐦᐋᑭᓂᒡ ᒥᔅᑳᑯᑣᐙ ᐊᓂᔮᔨᐤ ᐅᒋᒫᒧᐙᐤ ᐋ ᒌ ᐃᔮᔅᑭᐐᔥᑎᐙᒡ᙮ ᑖᑆᐦ ᒋᐐᐦᑎᒫᑎᓈᐙᐤ ᒫᒃ, ᐊᓐ ᐅᒋᒫᐤ ᑭᑎ ᐃᔮᔅᑭᐎᐤ ᐐᔨ ᒀᔅᒌᐱᓐ ᒑ ᒌᐦ ᑐᑎᒧᐙᑦ ᑖᓐ ᑳ ᐄᔑ ᑐᑎᒫᑯᑦ ᐋᒄ ᒫᒃ ᒑ ᓂᑑᒫᑦ ᒑ ᒌ ᒦᒋᓱᔨᒡ, ᐙᐙᒡ ᐐᔨ ᒋᑭ ᐎᔨᔥᑎᐙᐤ᙮

ᐋᐧᐹᔅᑎᓕᒡ 21:8

ᐋᒄ ᒫᒃ ᐎᔮᐱᐦᒡ ᐋᒄ ᑳ ᒋᔅᑐᐦᑖᔮᐦᒡ ᐊᓂᑖᐦ ᐊᓐ ᐃᐦᑖᐎᓐ ᓭᓯᕇᔮᐦ ᑳ ᐃᔑᓂᐦᑳᑖᒡ ᑳ ᐄᑐᐦᑖᔮᐦᒡ᙮ ᕕᓕᑉ ᒫᒃ ᐋ ᐃᔑᓂᐦᑳᓱᑦ ᓈᐹᐤ ᐊᓂᑎᐦ ᐋᐦ ᑖᑦ ᐋᐅᒄ ᐆ ᐐᒋᐦᒡ ᑳ ᐃᐦᑖᐎᒋᐦᑦ᙮ ᐋ ᑭᒑᔅᒀᑦ ᒌ ᐄᑖᐱᑎᓰᐤ ᐆ ᕕᓕᑉ ᑭᔮᐦ ᐋᐅᒄ ᐆ ᐹᔨᒄ ᐊᓂᒌ ᓃᔣᔥᒡ ᑳ ᐃᑎᔑᒡ ᑳ ᐅᐙᔮᐱᒫᑭᓂᐎᒡ ᒑ ᒌ ᓈᑎᒫᒑᒡ ᐊᓂᑖᐦ ᐊᔨᒥᐦᐋᐅᑭᒥᑯᐦᒡ ᒋᕉᓯᓕᒥᐦᒡ᙮

ᐧᕌᒥᓐ 15:19

ᐊᓂᔮᔨᐤ ᐅᐦᒋ ᓲᐦᑳᑎᓰᐎᓂᔨᐤ ᑳ ᒥᔨᑦ ᑳ ᐱᔮᐦᒋᓰᑦ ᐊᐦᒑᐦᒄ, ᐋᑯᑎᐦ ᑳ ᐅᐦᒋ ᐙᐱᐦᑏᔮᑭᓂᐎᒡ ᐙᐱᐦᑏᔨᐙᐎᓐ ᑭᔮᐦ ᐋ ᒥᔅᑳᑖᔨᐦᑖᑯᓃᔨᔨᒡ ᒑᒀᔨᐤ ᐋ ᓲᐦᒑᔨᐦᑖᑯᓃᔨᒡ᙮ ᒥᓯᐙ ᑖᓂᑖᐦ ᑳ ᐄᑐᐦᑖᔮᓐ ᒋᕉᓯᓕᒥᐦᒡ ᐅᐦᒋ ᐊᓂᑖᐦ ᒫᒃ ᐄᔑ ᐄᓖᕆᑭᒻ ᐊᔅᒌᐦᒡ ᓂᒌᐦ ᑳᒑᔅᒀᐙᓐ ᒥᑐᓐ ᙭ ᐅᒥᔻᒋᒧᐎᓐ᙮

ᐄᕕᓰᔨᓐ 4:11

ᐐᔨ ᒌ ᐅᐙᔮᐱᒫᐤ ᒫᒃ ᐊᐙᔨᐤᐦ ᒑ ᒌ ᐙᐐᒋᐦᐋᔨᒡ ᐊᓂᔮᔨᐤ ᑳ ᑖᑆᔮᔨᐦᑎᒥᔨᒡ, ᐋᔨᐅᑯᓐ ᒫᒃ ᐅᔮᔨᐤ ᐋᑆᔅᑎᓪᐦ ᑭᔮᐦ ᐅᒋᔅᒋᐙᐦᐄᒑᓯᐤ ᑭᔮᐦ ᒫᒃ ᐊᓂᔮᔨᐤ ᑳ ᐱᐹᐙᐐᐦᑎᒥᔨᒡ ᒥᔻᒋᒧᐎᓂᔨᐤ ᑭᔮᐦ ᒫᒃ ᐊᔨᒥᐦᐋᐅᒋᒫᐤ ᑭᔮᐦ ᑳ ᒋᔅᑯᑎᒫᒑᔨᒡ,

ᐄᕕᓰᔨᓐ 4:12

ᒋᐱᐦ ᐋᔮᔅᑰᐐᔨᐦᑑᑎᐙᐅᒡ ᐊᓂᔮᔨᐤ ᒋᔖᒥᓂᑑ ᐅᑏᔨᔨᒥᔨᐤ ᒑ ᒌ ᐋᐱᑎᔒᔥᑑᐙᔨᒡ ᐊᓂᑎᐦ ᒫᒃ ᒑ ᒌ ᐅᐦᒋ ᓲᐦᒋᑳᐳᐎᒡ ᒫᒨ ᐊᐦᑎᓰᔨᒡ, ᒧᔮᒻ ᐊᓂᔮᔨᐤ ᐋᐦ ᐋᐐᒡ ᙭ ᐅᔨᐤ᙮

ᑯᐧᓛᓯᔨᓐ 1:25

ᒋᔖᒥᓂᑑ ᓂᒌᐦ ᐄᑎᔓᒥᒄ ᒑ ᒌ ᐋᐱᑎᔒᔥᑖᒨᒡ ᒑ ᒌ ᐐᒋᐦᐄᑯᒡ ᑭᔮᐦ ᓂᒌᐦ ᐄᑎᔑᐦᐅᒃ ᒑ ᒌ ᑭᒑᔅᒋᒥᑎᑯᒡ ᒌᔨᐙᐤ ᒥᓯᐙ ᒋᔖᒥᓂᑑ ᐅᑎᔨᒧᐎᓐᐦ᙮

ᑯᐧᓛᓯᔨᓐ 4:17

ᑭᔮᐦ ᒫᒃ ᒑ ᐄᑖᒄ ᐊᕐᒋᐳᔅ ᒑ ᒌ ᒌᔑᐦᑖᑦ ᐊᓂᔮᔨᐤ ᑳ ᒥᔮᑭᓅᑦ ᒑ ᐄᔑ ᐋᐱᑎᔒᔥᑎᐙᑦ ᑎᐹᔨᐦᒋᒑᓯᐤ᙮

ᓃᔥᑎᒻ ᕞᓵᐧᓛᓃᔨᓐ 5:6

ᒨᔥ ᒋᐱᐦ ᐃᔮᔅᑭᐎᓈᓂᐤ, ᒨᔥ ᒋᐱᐦ ᐐᐦ ᐙᔅᑭᒫᔨᒧᓈᓂᐤ, ᓂᒧᐃ ᒫᒃ ᒧᔮᒻ ᒑ ᒌ ᐃᓯᓈᑯᓯᔨᐦᒄ ᐊᓂᐹᔨᐦᒄ᙮

ᓃᔥᑎᒻ ᑎᒧᕢ 4:12

ᐊᑳᐐ ᒋᑭ ᐅᐦᒋ ᐃᔮᑐᐦᐄᑯᒡ ᐄᔨᔨᐅᒡ ᐊᓂᔮᔨᐤ ᐋ ᐅᔅᒋᓃᒌᐎᑦ᙮ ᒥᒄ ᐄᔑ ᐱᒫᑎᓰᐦ ᐊᓂᑎᐦ ᒑ ᒌ ᐅᐦᒋ ᒋᔅᒋᓄᐙᐱᐦᑎᐦᒡ ᒋᐱᒫᑎᓰᐎᓂᔨᐤ ᐊᓂᒌ ᑳ ᑖᑆᐦᑎᐦᒡ, ᑭᔮᐦ ᑖᓐ ᐋ ᐃᑎᐦᑖᑯᓃᔨᒡ ᒋᑎᔨᒧᐎᓂᔨᐤ, ᑭᔮᐦ ᑖᓐ ᐋ ᐃᓯᓈᑯᐦᒡ ᒋᐱᒫᑎᓰᐎᓂᔨᐤ ᑭᔮᐦ ᑖᓐ ᐋ ᐄᔑ ᓵᒋᐦᐄᐙᔨᓐ ᑭᔮᐦ ᒫᒃ ᐋ ᐄᔑ ᑖᑆᐦᑎᒥᓐ ᑭᔮᐦ ᑖᓐ ᐋ ᐄᔑ ᐱᔮᐦᒋᓯᔨᓐ᙮

ᓃᔥᑎᒻ ᑎᒧᕢ 4:15

ᓂᓈᑭᑐᐙᔨᐦᑎᒥᐦᐄᒄ ᒨᔥ ᒑ ᒌᐦ ᑐᑎᒥᓐ ᐆ ᑳ ᐄᔑ ᐋᔨᒨᑎᒫᑖᓐ ᐋᒄ ᒫᒃ ᒑ ᒌ ᐙᐱᐦᑎᐦᒡ ᒥᓯᐙ ᐄᔨᔨᐅᒡ ᑖᓐ ᐋ ᐄᔑ ᓈᓈᓂᒌᒻ ᑭᔅᒋᐦᐅᔨᓐ ᐋᐦ ᐋᐱᑎᔒᔥᑑᑦ ᒋᔖᒥᓂᑑ᙮

ᓃᔓ ᑎᒧᕢ 1:8

ᐊᑳᐐ ᒫᒃ ᒋᑭ ᐅᐦᒋ ᐱᒫᒥᔒᔥᑎᒸᓐ ᒋᑎᐹᔨᐦᒋᒑᓰᒥᓂᐤ ᐅᒥᔻᒋᒧᐎᓐ ᒑ ᒌ ᐋᔨᒨᑎᒧᑦ᙮ ᑭᔮᐦ ᒫᒃ ᐋᑎ ᐆ ᒫᒀᒡ ᐋ ᒋᐱᐦᐅᑭᐎᔮᓐ ᙭ ᐅᐦᒋ, ᐊᑳᐐ ᒋᑭ ᐅᐦᒋ ᔖᒀᔨᒧᓐ ᐋ ᐅᐐᒑᐙᑭᓂᑐᑖᑖᓐ᙮ ᐃᔮᔅᑭᐐᔥᑎ ᑎᔨᑯᒡ ᑖᓐ ᒑ ᐄᔑ ᓂᓈᐦᑳᑖᔨᒧᔨᓐ ᐋ ᐙᐐᐦᑎᒥᓐ ᒥᔻᒋᒧᐎᓐ ᐙᔥ ᒋᑭ ᒥᔨᒄ ᒋᔖᒥᓂᑑ ᒥᔅᑭᐎᓰᐎᓂᔨᐤ᙮

ᓃᔓ ᑎᒧᕢ 2:10

ᐋᒄ ᒫᒃ ᓲᐦᒋᐱᔨᐦᒡ ᒥᓯᐙ ᒑᒀᓐ ᒑ ᒌ ᔖᐳᔅᑭᒫᓐ, ᒑ ᒌ ᐅᐦᒋ ᐃᔮᔨᒡ ᐱᒫᒋᐦᐄᑯᓰᐎᓂᔨᐤ ᑭᔮᐦ ᑳᒋᒡ ᒋᔅᑖᔨᐦᑖᑯᓯᐎᓂᔨᐤ ᐊᓂᔮᔨᐤ ᒋᔖᒥᓂᑑ ᑳ ᐅᐙᔮᐱᒫᑦ ᒑ ᐅᑏᔨᔨᒥᑦ, ᐋ ᑖᑆᔮᔨᒫᒡ ᙭ ᒌᓴᔅᐦ᙮

ᓃᔓ ᑎᒧᕢ 2:3

ᓲᐦᒃ ᐐᐦ ᓰᐱᔨᐙᓰᐦ ᐋᐦ ᐋᔨᒧᐦᐅᔨᓐᐦ ᒧᔮᒻ ᙭ ᒌᓴᔅ ᐅᑖᑆᐎᓯᐤ ᒫᓯᐦᒑᐤ ᐄᔨᔨᒻ ᑳᐦ ᑎᔨᒡ᙮

ᓃᔓ ᑎᒧᕢ 4:17

ᒥᒄ ᒫᒃ ᑎᐹᔨᐦᒋᒑᓯᐤ ᓂᒌ ᐐᒋᑳᐳᔥᑖᒄ ᑭᔮᐦ ᐐᔨ ᓂᒌ ᒥᔨᒄ ᓲᐦᑳᑎᓰᐎᓂᔨᐤ᙮ ᒌ ᐄᔅᐱᔨᐤ ᒫᒃ ᐊᔮᐱᒡ ᒥᑐᓐ ᒑ ᒌ ᐙᐐᐦᑎᒧᒀᐤ ᐅᔮᔨᐤ ᒥᔻᒋᒧᐎᓂᔨᐤ ᑭᔮᐦ ᐊᓂᒌ ᐋᑳ ᒎᐤ ᐄᑎᔅᑳᓈᓯᒡ ᒑ ᒌ ᐅᐦᒋ ᐹᐦᑎᐦᒡ, ᑭᔮᐦ ᒫᒃ ᓂᒌ ᐱᐦᑯᐦᐄᑭᐎᓐ ᒑᐦ ᐋᑳ ᒌ ᓂᐱᐦᐄᑦ ᒥᔑᐱᔑᐤ᙮

ᐦᐄᑉᕉ 13:17

ᓂᓂᐦᐄᐦᑎᐙᐦᑯᒡ ᐊᓂᒌ ᑳ ᓃᑳᓂᔥᑳᑖᑯᒡ ᐊᔨᒥᐦᐋᐅᑭᒥᑯᐦᒡ ᑭᔮᐦ ᑐᑎᒸᐦᒄ ᐊᑎᑎᑯᒡ᙮ ᐙᔥ ᒌ ᑭᓂᐙᔨᒥᑯᐙᐅᒡ ᒋᑖᑆᔮᔨᐦᑎᒧᐎᓂᐙᐦᒡ᙮ ᐋᔪᐎᒄ ᐅᔮᔨᐤ ᐅᑖᐱᑎᓰᐎᓂᐙᐤ᙮ ᐙᔥ ᒋᑭ ᓂᑎᐙᔨᐦᑖᑯᓯᐎᒡ ᒑ ᒌ ᐐᐦᑎᒧᐙᒡ ᒋᔖᒥᓂᑑᐦ ᑖᓐ ᑳᐦ ᑎᒡ ᐋ ᒌ ᑭᓂᐙᔨᒥᑖᑯᒡ᙮ ᒋᑭ ᒥᔻᔨᐦᑎᒧᒡ ᒫᒃ ᒑ ᒌᐦ ᑐᑎᐦᒡ ᐅᔮᔨᐤ ᐅᑖᐱᑎᓰᐎᓂᐙᐤ ᒥᔔ ᒌᔨᐙᐤ ᓂᓂᐦᐄᐦᑎᐙᒀᒑ ᑭᔮᐦ ᒋᔅᑖᔨᐦᑎᒸᒀ ᑖᓐ ᑳ ᐄᔑ ᒥᔮᑭᓂᐎᒡ ᒑ ᒌ ᓃᑳᓂᔥᑳᑖᑯᒡ᙮ ᐋᑳ ᒫᒃ ᐆ ᑎᔮᒀ ᒋᑭ ᒥᒑᔨᐦᑎᒧᒡ ᐋᒄ ᒫᒃ ᓂᒧᐃ ᒋᑭ ᒌ ᒥᔪ ᐐᒋᐦᐄᑯᐙᐅᒡ᙮

ᓃᔥᑎᒻ ᐲᑎᕐ 1:13

ᐙᔥ ᐊᓐ ᒋᔖᒥᓂᑑ ᐋ ᒌ ᐱᒫᒋᐦᐄᑎᐦᒄ, ᒨᔥ ᒋᐱᐦ ᐃᔮᔅᑭᐎᔅᑖᓈᐙᐤ ᑖᓐ ᐊᓐ ᒥᒄ ᒑ ᐋᑎ ᐃᔨᔅᐱᔨᒀ ᑭᔮᐦ ᓲᐦᒃ ᓂᓈᑭᑐᐙᔨᒦᓱᒄ ᑖᓐ ᐋᑎ ᐋᐃᐦᑎᔮᒄ᙮ ᒥᑐᓐ ᐊᔅᐹᔨᒧᑐᑎᒧᒄ ᐊᓐ ᒋᔖᐙᑎᓰᐎᓐ ᒑ ᒥᔨᑯᐎᔮᒄ ᐄᔥᐱᐦ ᑎᑯᔑᐦᑳ ᒌᓴᔅ ᙭᙮

ᒋᔅᒑᔨᐦᑖᑯᐦᑖᒑᐧᐃᓐ 3:2

ᐎᓂᔥᑳᒄ᙮ ᔮᐃᒋᐦᑖᒄ ᐊᓂᐦᐄ ᒑᒀᓂᐦᐄ ᑳ ᐄᔅᑯᐱᔨᔨᒡ ᓲᐦᒋᑳᐳᐦᐄᑯᔮᒄ ᒋᑖᑆᔮᔨᐦᑎᒧᐎᓂᐙᐦᒡ, ᔖᔥ ᒑᑳᑦ ᑳ ᓂᐲᒥᑭᐦᒡ, ᐙᔥ ᓂᒋᔅᒑᔨᐦᑖᓐ ᐋᐦᐋᑳ ᐋᔥᒄ ᒥᑐᓐ ᐄᐦᑐᑎᒫᒄ ᑖᓐ ᑳᐦ ᐄᑎᔓᒥᑖᒄ ᒋᔖᒥᓂᑑ᙮