ᓃᔓ ᑎᒧᕢ 3:2 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

² ᐊᐅᔅᑖ ᐐᔨ ᑭᑎ ᐄᑖᔨᒦᓱ ᐊᐙᓐ, ᑭᔮᐦ ᓈᔥᑖᑆᐦ ᑭᑎ ᓵᒋᐦᐋᐤ ᔓᐎᔮᓐ᙮ ᓈᔥᒡ ᑭᑎ ᒥᒥᔻᒋᒥᓯᐎᒡ, ᑭᑎ ᒋᔅᑖᔨᒧᐎᒡ, ᑭᔮᐦ ᓈᔥᒡ ᑭᑎ ᒫᒫᔮᔨᐦᒑᐅᒡ᙮ ᑭᔮᐦ ᓂᒧᐃ ᑭᑎ ᐅᐦᒋ ᓂᓂᐦᐄᐦᑐᐙᐅᒡ ᐅᓃᒋᐦᐄᑯᐙᐤ᙮ ᓂᒧᐃ ᒥᑐᓐ ᑭᑎ ᐅᐦᒋ ᓂᓈᔅᑯᒨᐎᒡ ᒑᒀᔨᐤ ᑭᔮᐦ ᓂᒧᐃ ᒥᑐᓐ ᑭᑎ ᐅᐦᒋ ᐃᔮᐱᑖᔨᒫᐅᒡ ᒋᔖᒥᓂᑑ᙮

ᓃᔓ ᑎᒧᕢ 3:2 Iomraidhean Croise

ᒫᔪᐦᐧᑖᑦ ᒫᕠᔫ 15:6

ᐊᓂᔮᔨᐤ ᒫᒃ ᐋᐦᑎᒃ ᓂᒧᐃ ᒋᔥᑖᔨᒫᐤ ᐅᐦᑖᐐᐦ᙮ ᐆ ᒫᒃ ᐋ ᐄᔑ ᒋᔅᑯᑎᒫᒑᔮᒄ ᒌᐦ ᑐᑎᐙᐙᐅᒡ ᒑ ᒌ ᓂᐦᐄᐦᑎᐦᒡ ᐊᓂᔮᔨᐤ ᐃᔨᐦᑎᐎᓐ ᑳ ᒋᔅᑯᑎᒧᐙᑯᒡ ᐃᔥᐱᔥ ᐐᔨ ᒋᔖᒥᓂᑑᐦ ᐅᑎᔨᒧᐎᓂᔨᐤᐦ ᒑ ᒌ ᓂᓂᐦᐄᐦᑎᒸᒡ᙮

ᒫᔪᐦᐧᑖᑦ ᓘᒃ 12:15

ᐋᒄ ᒌᓴᔅ ᒥᓯᐙ ᑳᐦ ᐄᑖᑦ ᐅᔮᔨᐤ, “ᔮᒀᒦᒄ, ᐋᑳ ᒑ ᒌ ᒧᔥᑖᓈᔨᐦᑎᒫᒑᔮᒄ ᐋ ᐃᔥᐱᔥ ᐐ ᐃᔮᔮᒄ ᒑᒀᓐ᙮ ᐙᔥ ᑖᐹ ᓂᒥᔮᔨᐤ ᐊᓂᔮᔨᐤ ᐋ ᐄᔑ ᐙᔪᑎᓰᑦ ᐊᐙᓐ ᑭᔮᐦ ᒫᒃ ᓈᔥᒡ ᒫᓯᒋᐦᓰᒀ ᒑ ᑐᑖᑯᑦ ᒑ ᒌ ᐅᐦᒋ ᐃᔮᑦ ᐱᒫᑎᓰᐎᓂᔨᐤ᙮”

ᒫᔪᐦᐧᑖᑦ ᓘᒃ 16:14

ᐄᔥᐱᐦ ᒫᒃ ᐹᕆᓰᒡ ᐱᔮᐦᑎᐦᒡ ᐅᔮᔨᐤ ᒌ ᒫᔮᔨᒫᐅᒡ ᒌᓴᔅᐦ, ᐙᔥ ᒌ ᓵᒋᐦᐋᐅᒡ ᔓᐎᔮᓐ᙮

ᒫᔪᐦᐧᑖᑦ ᓘᒃ 6:35

ᒫᐅᑖ ᒋᐱᐦ ᑎᓐ, ᒋᐱᐦ ᓵᒋᐦᐋᐅᒡ ᐊᓂᒌ ᑳ ᒥᒑᔨᒥᔅᒡ, ᑭᔮᐦ ᒋᐱᐦ ᒥᔪᑐᑎᐙᐅᒡ, ᒋᐱᐦ ᒥᔮᐅᒡ ᑭᔮᐦ ᒑᒀᔨᐤ ᐋ ᐄᔑ ᓂᑎᐙᔨᐦᑎᒫᔅᒡ᙮ ᓂᒧᐃ ᒋᐱᐦ ᐅᐦᒋ ᐱᑯᓵᔨᐦᑖᓐ ᒦᓐ ᒑ ᒌ ᒌᐙᒦᑭᐎᔨᓐ ᒑᒀᓐ, ᒑ ᒥᔖᒡ ᒫᒃ ᒌ ᑎᐱᐦᐊᒫᑯᓰᐎᓐ᙮ ᑭᔮᐦ ᒫᒃ ᐆ ᑐᑎᒥᓈ ᒋᑭ ᓅᑯᓐ ᐋ ᐅᑎᐙᔑᔒᒥᑐᑖᔅᒃ ᒋᔖᒥᓂᑑ, ᒫᐅᒡ ᑳ ᐃᔥᐹᔨᐦᑖᑯᓯᑦ᙮ ᐙᔥ ᒥᔪᑐᑎᐙᐤ ᒥᓯᐙ ᐊᐙᔨᐤᐦ ᐋᑎ ᐊᓂᔮᔨᐤ ᐋᑳ ᑳ ᓂᓈᔅᑯᒧᔨᒡ ᑭᔮᐦ ᐊᓂᔮᔨᐤ ᑳ ᒥᒋᐦᑣᔨᒡ᙮

ᐋᐧᐹᔅᑎᓕᒡ 5:36

ᒌ ᒋᔅᒋᓰᑐᑎᐙᐙᐤ ᐙᔥᑭᒡ ᓈᐹᐤ ᕠᔪᑎᔅ ᑳ ᐃᔑᓂᐦᑳᓱᑦ ᑳ ᑎᑯᔑᐦᒃ ᐋᐦ ᐃᔨᑦ ᓈᔥᒡ ᐋ ᒋᔅᑖᔨᐦᑖᑯᓯᑦ, ᐎᔮᔥ ᒫᒃ ᓈᐙᐤ ᒥᑖᐦᑐᒥᑎᓂᐤ ᓈᐹᐤ ᒌ ᓅᔔᔥᑳᑰ᙮ ᒥᒄ ᒫᒃ ᒌ ᓂᐱᐦᐋᑭᓂᐤ, ᒥᓯᐙ ᒫᒃ ᐊᓂᔮᔨᐤ ᑳ ᓅᔔᔥᑳᑯᑦ ᐹᐦᐲᑐᔥ ᒌᐦ ᑖᔨᐤ, ᐋᒄ ᒫᒃ ᐊᓂᔮᔨᐤ ᑳᐦ ᑎᒃ ᓂᒧᐃ ᔖᔥ ᐋᐱᑖᔨᐦᑖᑭᓂᐎᔨᐤ᙮

ᐧᕌᒥᓐ 11:18

ᐊᑳᐐ ᒫᒃ ᒋᑭ ᐅᐦᒋ ᒫᔮᔨᒫᐙᐅᒡ ᐊᓂᒌ ᒧᔮᒻ ᐙᐦᑎᐦᑯᓐ ᐋ ᒌ ᓈᑣᑭᐦᐄᑭᓂᐎᒡ ᑳ ᐃᓯᓈᑯᓯᒡ᙮ ᒑᒀᓐ ᒑ ᐅᐦᒋ ᐐᐦ ᓂᓈᐹᐅᒧᔮᒄ? ᒧᔮᒻ ᑖᑆᐦ ᐊᓂᑎᐦ ᒥᔅᑎᑯᐦᒡ ᐋ ᐅᐦᒋᔮᒄ ᒋᑎᓯᓈᑯᓯᓈᐙᐤ᙮ ᐋᑯᑖᐦ ᐙᐦᒋ ᒥᔪ ᓂᐦᑖᐅᒋᔮᒄ᙮ ᓂᒥᔮᐤ ᒌᔨᐙᐤ ᓈᐦᑖᐅᒋᐦᐋᒄ ᐆ ᒥᔥᑎᒄ᙮

ᓃᔓ ᑯᕆᓐᕠᔨᓐ 5:15

ᒥᓯᐙ ᐊᐙᔨᐤᐦ ᒌ ᓂᐴᔥᑎᒧᐙᐤ ᙭᙮ ᐋᑯᑖᐦ ᒫᒃ ᐙᐦᒋ ᐱᑯᓵᔨᐦᑖᑯᐦᒡ ᐊᓂᒌ ᑳ ᐱᒫᑎᓰᔨᒡ ᐋᑳ ᔖᔥ ᒥᒄ ᐐᔨᐙᐤ ᐋ ᐄᔑ ᓂᐦᐋᔨᐦᑎᐦᒡ ᒑ ᒌ ᐄᔑ ᐱᒫᑎᓰᔨᒡ, ᐊᐅᔅᑖ ᐋᑯᔥ ᒑ ᐄᔑ ᐱᒫᑎᓰᔨᒡ ᒑ ᒌ ᓂᐦᐋᔨᐦᑎᒥᐦᐋᒡ ᐊᓂᔮᔨᐤ ᑳ ᓂᐱᐦᐄᒫᑭᓂᐎᔨᒡ ᐐᔨᐙᐤ ᐅᐦᒋ ᑭᔮᐦ ᑳ ᐎᓂᔥᑳᓂᒫᑭᓂᐎᔨᒡ ᓂᐱᐎᓂᐦᒡ ᐅᐦᒋ᙮

ᕕᓕᐱᔨᓐ 2:21

ᒥᓯᐙ ᑯᑎᑭᒡ ᐄᔨᔨᐅᒡ ᒥᒄ ᐐᔨᐙᐤ ᓂᓈᑭᑐᐙᔨᒥᓲᐎᒡ, ᓂᒧᐃ ᐃᔮᐱᑖᔨᐦᑎᒥᐦᐄᑯᒡ ᒌᓴᔅ ᙭ ᐋᔥ ᓂᑎᐙᔨᒥᑰᐦᒡ ᒑ ᑎᒡ᙮

ᑯᐧᓛᓯᔨᓐ 3:5

ᓂᔑᐎᓈᒋᐦᑖᒄ ᐊᔅᒌᐦᒡ ᒥᒑᑎᓰᐎᓐ ᑖᓐ ᐋ ᐄᔑ ᑎᑯᐦᒡ ᒌ ᐱᒫᑎᓰᐎᓂᐙᐦᒡ᙮ ᓂᔑᐎᓈᒋᐦᑖᒄ ᐐᓂᓯᐤ ᐱᒫᑎᓰᐎᓐ, ᐐᓂᓯᐤ ᒫᒥᑐᓈᔨᐦᑎᒧᐎᓐ, ᒥᒋᓂᑐᐙᔨᐦᑎᒧᐎᓐ, ᑭᔮᐦ ᒫᒃ ᐊᓐ ᐋ ᒧᔥᑖᓈᔮᔨᐦᑎᒫᒄ ᒑ ᒌ ᐙᔪᒡ ᐃᔮᔮᒄ ᒑᒀᓐ ᐅᑎᐦ ᐊᔅᒌᐦᒡ᙮ ᐊᓐ ᐊᐙᓐ ᒨᔥ ᑳ ᒧᔥᑖᓈᔮᔨᐦᑎᐦᒃ ᒑ ᒌ ᐙᔪᒡ ᐃᔮᑦ ᒑᒀᔨᐤ ᒧᔮᒻ ᐋ ᐅᒋᔖᒥᓂᑑᒥᑦ ᐊᓂᔮᔨᐤ ᒑᒀᔨᐤ ᐃᓯᓈᑯᓂᔨᐤ᙮

ᓃᔓ ᕞᓵᐧᓛᓃᔨᓐ 2:4

ᒥᓯᐙ ᐊᓂᔮᔨᐤ ᒑᒀᔨᐤ ᑳᐦ ᑐᑖᑯᔨᒡ ᐊᐙᔨᐤᐦ ᒑ ᒌ ᐅᐦᒋ ᐊᔨᒥᐦᐋᔥᑎᐙᔨᒡ ᒋᔖᒥᓂᑑ ᑭᔮᐦ ᒫᒃ ᒋᔖᒥᓂᑑ ᐋᐦ ᑖᔨᒡ ᐋ ᐅᐦᒋᐱᔨᐦᒡ ᐋ ᐄᑖᔨᐦᑖᑯᓃᔨᒡ ᒋᑭ ᒫᓯᐦᑖᐤ᙮ ᐋᔪᐎᒄ ᐅᔮᔨᐤ ᒑ ᐅᐦᒋ ᑎᒃ ᐋ ᓂᑎᐙᔨᐦᑎᐦᒃ ᐐᔨ ᒫᐅᒡ ᒑ ᒌ ᒋᔅᑖᔨᐦᑖᑯᐦᐋᑭᓅᑦ᙮ ᐙᐙᒡ ᒋᑭ ᐲᐦᒑᐤ ᑭᔮᐦ ᑭᑎ ᐊᐱᐤ ᐊᓂᑖᐦ ᒋᔖᒥᓂᑑ ᐅᒋᔖᐊᔨᒥᐦᐋᐅᑭᒥᑯᔨᒡ ᐋᒄ ᒑ ᐃᔨᑦ ᐐᔨ ᐋ ᒋᔖᒥᓂᑑᐎᑦ᙮

ᓃᔥᑎᒻ ᑎᒧᕢ 1:20

ᐋᑯᑖᐦ ᑳ ᐄᔑ ᔑᐦᑯᒋᐱᑖᑭᓅᑦ ᐦᐄᒥᓀᔮᔅ ᑭᔮᐦ ᒫᒃ ᐋᓕᒃᓵᓐᑎᕐ᙮ ᒥᒋᒥᓂᑑ ᒫᒃ ᓂᒌ ᐱᒋᔅᑎᔓᐙᑖᐤ ᒑ ᒌ ᓂᓈᐦᑳᑖᔨᐦᑎᒥᐦᐋᑦ ᐅᔮᔨᐤ᙮ ᐱᑯᓵᔨᐦᑖᑯᓂᔨᐤ ᒫᒃ ᐊᓂᑎᐦ ᒑ ᒌ ᐅᐦᒋ ᒋᔅᒑᔨᐦᑎᐦᒡ ᐋᑳ ᒑ ᒌ ᒫᔮᔨᒥᒡ ᒋᔖᒥᓂᑑ ᐊᓂᔮᔨᐤ ᐋ ᐄᔑ ᐱᒫᑎᓰᔨᒡ᙮

ᓃᔥᑎᒻ ᑎᒧᕢ 1:9

ᑭᔮᐦ ᒫᒃ ᒋᒋᔅᒑᔨᐦᑖᓈᓂᐤ, ᑖᐹ ᓂᒥᔮᐤ ᐅᑯᐃᔅᑯᑖᑎᓰᐤ ᑳ ᐅᔑᐦᑎᒧᐙᑭᓅᑦ ᐅᔮᔨᐤ ᐐᔓᐙᐎᓂᔨᐤ᙮ ᐊᓂᒌ ᐙᔥ ᑳᐦ ᐋᑑᐙᔨᑎᐦᒡ ᒋᔖᒥᓂᑑ ᐅᐐᔓᐙᐎᓂᔨᐤ ᑭᔮᐦ ᐊᓂᒌ ᐋᑳ ᓂᓃᐦᑑᐙᒡ ᑭᔮᐦ ᒫᒃ ᐊᓂᒌ ᑳᐦ ᐋᑎᐙᔨᒫᒡ ᒋᔖᒥᓂᑑ ᐅᐱᒫᑎᓰᐎᓂᐙᐦᒡ ᑭᔮᐦ ᐊᓂᒌ ᒥᑐᓐ ᑳ ᒥᒋᐱᒫᑎᓰᔨᒡ᙮ ᑭᔮᐦ ᒫᒃ ᐊᓂᒌ ᐋᑳ ᐱᔮᐦᒡ ᐱᒫᑎᓰᔨᒡ ᑭᔮᐦ ᐊᓂᒌ ᐋᑳ ᑳ ᒥᑐᓐ ᐊᔨᒥᐦᐋᐙᑎᓰᔨᒡ ᑭᔮᐦ ᐊᓂᒌ ᑳ ᓂᐱᐦᐋᒡ ᐅᐦᑖᐐᐙᐤ ᑭᔮᐦ ᐅᑳᐐᐙᐤ ᑭᔮᐦ ᐊᓂᒌ ᑳ ᓂᐱᐦᐄᐙᒡ᙮

ᓃᔥᑎᒻ ᑎᒧᕢ 3:3

ᑭᔮᐦ ᒫᒃ ᐊᑑᒡ ᐐᐦᒋᐹᐤ᙮ ᓂᒧᐃ ᑭᔮᐦ ᒋᐱᐦ ᐅᐦᒋ ᐅᐙᓵᒫᔨᐦᑖᑯᓲ ᐋᑦ ᐋᑳ ᐙᐦ ᓂᓂᐦᐋᔨᐦᑎᒥᐦᐄᑯᒡ ᒑᒀᔨᐤ, ᒋᐱᐦ ᒋᔮᒫᐙᔨᐦᑖᑯᓲ᙮ ᓂᒧᐃ ᑭᔮᐦ ᒋᐱᐦ ᐅᐦᒋ ᐙᐦᒋᐱᔨᔨᐤ ᒑ ᒌ ᐎᔮᔅᑖᔨᒫᑦ ᐊᐙᔨᐤᐦ, ᑭᔮᐦ ᓂᒧᐃ ᒋᐱᐦ ᐅᐦᒋ ᐄᑖᔨᐦᑎᒥᐦᐄᑰ ᒑ ᒌ ᐙᔪᒡ ᐃᔮᐙᑦ ᔓᐎᔮᓐ᙮

ᓃᔥᑎᒻ ᑎᒧᕢ 6:10

ᐙᔥ ᔓᐎᔮᓐ ᐋ ᓵᒋᐦᐋᑳᓅᑦ ᐋᑯᑖᐦ ᐙᐦᒋᐱᔨᔨᒡ ᓂᓈᐦᑭᐤ ᒥᒋᐦᑣᐎᓐ᙮ ᐙᐙᒡ ᐋᑯᑖᐦ ᑳ ᐅᐦᒋ ᐴᓃᒡ ᑯᑎᑭᒡ ᐋ ᑖᑆᐦᑎᐦᒡ ᑭᔮᐦ ᒫᒃ ᐋᑯᑖᐦ ᓈᔥᒡ ᐙᐦᒋ ᒫᒥᔑᒫᔨᐦᑎᒥᐦᐄᓱᒡ᙮

ᓃᔥᑎᒻ ᑎᒧᕢ 6:4

ᓈᔥᑖᑆᐦ ᒋᔅᑖᔨᒧ, ᑭᔮᐦ ᓂᒧᐃ ᓂᔅᑐᐦᑎᒻ ᐊᓂᔮᔨᐤ ᒑᒀᔨᐤ ᐙᐦ ᐄᔑ ᐋᔨᒨᑎᐦᒃ᙮ ᐙᔥ ᐊᐅᔅᑖ ᐄᑖᔨᐦᑎᒻ ᒑ ᒌ ᐋᔨᒨᑎᐦᒃ ᒑᒀᔨᐤ ᐊᓂᑎᐦ ᒑ ᒌ ᐅᐦᒋ ᐋᑳ ᓂᓂᐦᐋᔨᒥᑐᓈᓂᐎᔨᒡ᙮ ᐋᑯᑖᐦ ᒫᒃ ᐅᑎᐦ ᐙᐦᒋᐱᔨᒡ ᐅᐦᑖᔨᐦᑎᒧᐎᓐ ᑭᔮᐦ ᐋᐦ ᐋᔮᔅᑖᒥᑑᓈᓅᒡ ᐅᐦᒋ ᑭᔮᐦ ᒫᔮᔨᐦᒑᐎᓐ ᑭᔮᐦ ᓂᑎᐐ ᐋᐦ ᐄᑖᑭᓅᑦ ᐊᐙᓐ᙮

ᓃᔓ ᑎᒧᕢ 3:4

ᓈᔥᒡ ᑭᑎ ᒥᔻᔨᐦᑎᒧᐦᒡ ᐋ ᐎᓂᐱᔨᐦᐋᒡ ᐅᐐᒑᐙᑭᓂᐙᐤ, ᓂᒧᐃ ᒥᑐᓐ ᑭᑎ ᐅᐦᒋ ᓂᓈᑭᑎᐙᔨᐦᑎᒧᒡ ᑖᓐ ᐋᐃᐦᔨᑎᒡ, ᑭᔮᐦ ᓈᔥᑖᑆᐦ ᑭᑎ ᒥᒥᐦᒋᐦᐄᓱᐎᒡ᙮ ᐊᑎᑎᐤ ᑭᑎ ᓵᒋᐦᑖᐅᒡ ᐊᓂᔮᔨᐤ ᐐᔨᐙᐤ ᐋ ᐄᔑ ᒨᒋᒑᔨᐦᑎᒥᐦᐄᑯᒡ ᒑᒀᔨᐤ ᐃᔥᐱᔥ ᐐ ᐋ ᓵᒋᐦᐋᒡ ᒋᔖᒥᓂᑑ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 2:8

ᑖᑆᐦ ᒫᒃ ᒋᑭ ᒥᔪᑐᑖᓈᐙᐤ ᓂᓂᐦᐄᐦᑎᒫᒀ ᐊᓐ ᒫᐅᒡ ᑳ ᒋᔅᑖᔨᐦᑖᑯᐦᒡ ᐐᔓᐙᐎᓐ, ᐊᓐ ᑳᐦ ᐄᑎᔥᑖᒡ ᒋᐦᒋᒥᓯᓂᐦᐄᑭᓂᐦᒡ, “ᓵᒋᐦᐄᐦ ᒌᒋᐄᔨᔨᐤ ᒧᔮᒻ ᒌ ᐋ ᐃᔥᐱᔥ ᓵᒋᐦᐄᓱᔨᓐ᙮”

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 4:16

ᒥᒄ ᒫᒃ ᓈᔅᑖᐦ ᒋᒋᔅᑖᔨᒦᓱᓈᐙᐤ ᑭᔮᐦ ᒋᒥᒥᔻᒋᒦᓱᓈᐙᐤ᙮ ᒫᔮᑎᓐ ᐊᓐ ᐋᐃᐦᑎᔮᒄ ᐋ ᒥᒥᔻᒋᒥᓱᔮᒄ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 4:6

ᒥᒄ ᒫᒃ ᒋᔖᒥᓂᑑ ᐙᔪᒡ ᒥᔥᑏᐦ ᒌ ᒥᔨᑯᓂᐤ ᒥᔪᐦᑳᒑᐎᓂᔨᐤ᙮ ᐙᔥ ᐊᒀᒋᔥᑖᒡ ᒋᐦᒋᒥᓯᓂᐦᐄᑭᓂᐦᒡ, ᒋᔖᒥᓂᑑ ᓂᔥᑯᔥᑎᐙᐤ ᐊᓂᔮᔨᐤ ᑳ ᒋᔅᑖᔨᒦᓱᔨᒡ ᒥᒄ ᒫᒃ ᒋᔖᐙᑐᑖᒑᐎᓂᔨᐤ ᒥᔮᐤ ᐊᓂᔮᔨᐤ ᑳ ᑎᐱᐦᑖᔨᒦᓱᔨᒡ᙮

ᓃᔥᑎᒻ ᐲᑎᕐ 5:5

ᐋᒄ ᒫᒃ ᒌᔨᐙᐤ ᑳ ᐅᔅᒋᐱᒫᑎᓰᔮᒄ ᒋᐱᐦ ᓂᓂᐦᐄᐦᑐᐙᐅᒡ ᐊᓂᒌ ᑳ ᓃᑳᓂᔒᒡ ᐋ ᐱᒥᐱᔨᐦᑖᑭᓂᐎᔨᒡ ᐊᔨᒥᐦᐋᐅᑭᒥᑯᔨᐤ᙮ ᒥᓯᐙ ᒫᒃ ᐋ ᑎᔑᔮᒄ ᒋᐱᐦ ᑎᐱᐦᑖᔨᒧᓱᔅᑖᑐᓈᐙᐤ ᐙᔥ ᐊᒀᒋᔥᑖᒡ ᒋᐦᒋᒥᓯᓂᐦᐄᑭᓂᐦᒡ, ᒋᔖᒥᓂᑑ ᓂᔥᑯᔥᑎᐙᐤ ᐊᓂᔮᔨᐤᐦ ᑳ ᒋᔅᑖᔨᒧᔨᒡ, ᐋᒄ ᐊᓂᔮᐦ ᑳ ᑎᐱᐦᑖᔨᒦᓱᔨᒡ ᒋᔖᐙᑐᑎᐙᐤ᙮

ᓃᔓ ᐲᑎᕐ 2:10

ᐊᑎᑎᐤ ᒫᒃ ᒑᔥᑎᓈᑖᔮᔨᐦᑖᑯᓂᔨᐤ ᒑ ᑎᐹᔅᑯᓈᑭᓂᐎᒡ ᐊᓂᒌ ᒥᒄ ᐋ ᐄᔑ ᒥᒋᓂᑐᐙᔨᐦᑎᒨᒥᑭᓃᔨᒡ ᐎᔮᓯᐙᐤ ᐅᐱᒫᑎᓰᐎᓂᐙᒡ ᑳ ᐄᔑ ᓂᐦᐋᔨᑎᒥᐦᐄᓯᐎᒡ, ᐊᓂᒌ ᑳ ᐅᐦᑳᑖᔨᐦᑎᐦᒡ ᑎᐹᔨᐦᒋᒑᐎᓂᔨᐤ᙮ ᓈᔥᒡ ᑖᑆᐦ ᓲᐦᒋᒫᔮᔨᐦᒑᐅᒡ ᐋᐅᑯᓂᒡ ᐅᒌ ᑭᔮᐦ ᓈᔥᒡ ᐐᒥᒥᐦᑖᑯᓯᐎᒡ ᑭᔮᐦ ᓈᔅᑏᔨᔅ ᓂᒥ ᐃᔮᐱᑖᔨᐦᑎᒧᒡ ᑖᓐ ᐋ ᐄᔑ ᒥᒋᐃᔅᒌᔂᑖᒡ ᐊᓂᔮᔨᐤ ᐃᔥᐱᒥᐦᒡ ᐋ ᐅᒋᒫᐐᒡ᙮

ᓃᔓ ᐲᑎᕐ 2:12

ᐅᒌ ᒫᒃ ᐄᔨᔨᐅᒡ, ᐋ ᒥᒋᐋᔨᒧᑎᐦᒡ ᐊᓂᔮᔨᐤᐦ ᒑᒀᔨᐤᐦ ᐋᐦᐋᑳ ᓂᔅᑐᐦᑖᐦᒡ᙮ ᒨᔮᒻ ᐋᐆᐦᑳᓂᒡ ᐊᓂᒌ ᐋᑳ ᑳ ᐐᒋᒫᑭᓅᐎᒡ ᐋᔪᐎᒄ ᐋᐦ ᑎᒡ, ᐋᐦᐋᑳ ᒫᒦᑐᓈᔨᐦᑎᒥᐦᐄᑯᒡ ᐄᔨᐦᒡ ᒑ ᒌ ᐄᑖᔨᐦᑖᑯᓰᔨᒡ᙮ ᒧᔮᒻ ᒫᒃ ᑳ ᐃᔑᐦᐋᑭᓅᑦ ᑯᑎᒃ ᐋᐆᐦᑳᓐ ᒥᒄ ᒑ ᒌ ᑳᒋᔅᑎᓈᑭᓅᑦ ᑭᔮᐦ ᒑ ᒌ ᓂᐱᐦᐋᑭᓅᑦ᙮ ᑭᔮᐦ ᒫᒃ ᐋᔪᐎᒄ ᒧᔮᒻ ᐋᔑᓈᑯᓂᓰᔨᒡ, ᓈᔥᑎᔨᔥ ᒑ ᒌ ᓂᓲᓈᒋᐦᐋᑳᓅᐎᒡ ᐊᓂᔮᔨᐤ ᐅᐦᒋ ᐆ ᒥᒋᐦᑐᑎᒧᐎᓂᐙᐤ᙮

ᓃᔓ ᐲᑎᕐ 2:18

ᐙᔥ ᓈᔥᑖᑆᐦ ᒋᔅᑖᒋᒥᓲᐎᒡ ᑭᔮᐦ ᒌᔥᒀᑖᑯᓯᐎᒡ ᐋ ᐊᔨᒥᒡ᙮ ᑖᓐ ᐋ ᐄᔑ ᒥᒋᓂᑐᐙᔨᐦᑎᒨᒥᑭᓃᔨᒡ ᒫᒃ ᐎᔮᓯᒡ ᐱᒫᑎᓰᐎᓂᔨᐤ ᐋᔪᐎᒄ ᐃᔮᐱᒋᐦᑖᒡ ᒑ ᒌ ᑳᒋᔥᑎᓈᒡ ᐊᓂᔮᔨᐤᐦ ᐊᐙᔨᐤᐦ ᓈᔥᒡ ᐊᓅᐦᒡ ᑳ ᐱᑯᐦᐅᔨᒡ ᐊᓂᑖᐦ ᐋ ᐎᓂᑐᑖᑭᐎᔨᒡ ᐋ ᒌ ᐄᔑ ᐐᒋᐦᐄᐙᔨᒡ᙮

ᓃᔓ ᐲᑎᕐ 2:3

ᐊᓂᔮᔨᐤ ᒫᒃ ᒑ ᐃᔥᐱᔥ ᐐᐦ ᐙᔪᒡ ᐃᔮᒡ ᐅᒌ ᑳᒌᔑᐦᐄᐙᐤ ᒋᔅᑯᑎᒫᒑᓱᒡ ᓂᑎᐐ ᒥᒄ ᑎᐹᒋᒧᐎᓐ ᒋᑭ ᐙᐐᐦᑎᒫᑯᐙᐅᒡ, ᐐᔨᐙᐤ ᑎᐱᔨᐙ ᐋᐦᒌ ᐅᔑᐦᑖᒡ ᒥᒄ ᐋᐦ ᐄᑖᐱᒋᐦᐄᑖᑯᒡ ᐊᓂᑎᐦ ᒑ ᒌ ᐅᐦᒋ ᐅᔔᔮᓂᒥᐦᑳᓱᒡ᙮ ᐋᐅᑯᓂᒡ ᒫᒃ ᐅᒌ ᔖᔥ ᐙᔥᑭᒡ ᑳ ᐃᔮᔅᑯᔥᑖᔨᒡ ᑖᓐ ᒑ ᐄᔑ ᒫᑯᐦᐋᑭᓂᐎᒡ ᑭᔮᐦ ᒨᔥ ᒑ ᒋᔥᑎᓈᒋᔅᑖᔨᐤ ᑖᓐ ᒑ ᐄᔑ ᓂᔑᐎᓈᑎᓰᔨᒡ᙮

ᒎᑦ 1:16

ᒨᔥ ᓂᑎᐐ ᒫᒫᐦᒡ ᐃᔨᐅᒡ ᐅᒌ ᓈᐹᐅᒡ᙮ ᒨᔥ ᑯᑎᒃ ᐊᐙᔨᐤᐦ ᐊᑖᒫᔨᒫᐅᒡ ᐙᐦᒋ ᐋᑳ ᑭᒋᐦᑳᐙᒋᐱᔨᒡ᙮ ᐱᔑᔑᐦᒄ ᐊᓂᔮᔨᐤ ᐋ ᐄᔑ ᒥᒋᓂᑐᐙᔨᐦᑎᐦᒡ ᐋᔪᐎᒄ ᐋᐦ ᑐᑎᒡ᙮ ᓈᔥᑖᑆᐦ ᐐ ᓂᓈᐹᐅᒨᒡ ᑭᔮᐦ ᓈᔥᒡ ᐐ ᒦᒥᔪᔨᑖᐅᒡ ᑯᑎᒃ ᒥᒄ ᐊᓂᔮᔨᐤ ᐐᔨᐙᐤ ᐋ ᐐᐦ ᐃᔮᒡ ᒥᒄ ᐊᓂᔮᔨᐤ ᐋ ᐄᔑ ᓂᑎᐙᔨᐦᑖᐦᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 13:1

ᐊᓐ ᒫᒃ ᑳ ᒥᓯᒋᔅᑎᒃ ᒥᓂᑐᔥ ᐊᓂᑖᐦ ᔑᔓᒡ ᒋᐦᒋᑭᒦᐦᒡ ᒌ ᓃᐴᐦ᙮ ᐋᒄ ᑳ ᐙᐱᒥᒄ ᒥᒋᐊᐅᐦᑳᓐ ᐊᓂᑖᐦ ᒋᐦᒋᑭᒦᐦᒡ ᐋ ᐅᐦᒋ ᓅᑯᓯᑦ᙮ ᓃᔣᔥᒡ ᒌ ᑎᐦᑎᓂᔨᐤ ᐅᔥᑎᒀᓐ ᑭᔮᐦ ᒥᑖᐦᑐ ᒌ ᐊᑎᓯᐦᔨᐤ ᐅᑖᔅᑭᓐ᙮ ᒋᐦᒋᐅᒋᒫᐤ ᐊᔥᑐᑎᓐ ᒌ ᐊᑯᑖᔨᐤ ᐹᐦᐹᔨᒄ ᐊᓂᑎᐦ ᐊᓂᔮᔨᐤ ᐅᑖᔅᑭᓐᐦ᙮ ᐹᐦᐹᔨᒄ ᒫᒃ ᐊᓂᔮᔨᐤ ᐅᔥᑎᒀᓐ ᒌ ᒥᓯᓈᑖᔨᐤ ᐊᓂᑎᐦ ᐃᔑᓂᐦᑳᓱᐎᓐ ᐋ ᒫᔮᔨᒥᑯᔨᒡ ᒋᔖᒥᓂᑑ ᐋᐦ ᐄᑎᐦᑖᑯᓃᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 16:11

ᐋᒄ ᑳ ᒫᔮᔨᒫᒡ ᒋᔖᒥᓂᑑ ᒋᐦᒋᒌᔑᑯᐦᒡ ᑳᐦ ᑖᔨᒡ ᐊᓂᔮᔨᐤ ᐋ ᐙᐐᓯᒑᔨᐦᑎᐦᒡ ᑭᔮᐦ ᐅᒥᒌᐙᐤ ᐅᐦᒋ᙮ ᒥᒄ ᒫᒃ ᓂᒧᐃ ᐊᔮᐱᒡ ᐅᐦᒋ ᐐᐦ ᒀᔅᑳᑎᓰᐎᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 16:21

ᐋᒄ ᒫᒃ ᑳ ᒥᔥᑎᐦ ᐙᐦᒀᐦᑯᐦᑯᐙᑖᒡ᙮ ᐊᓂᒌ ᒫᒃ ᒥᔅᑯᒥᔨᒡ ᑳ ᐹᐦᐱᐦᒋᔑᐦᒡ ᐹᐦᐹᔨᒄ ᐎᔮᔥ ᒥᑖᐦᑐᒥᑎᓂᐤ ᑎᐹᐹᔅᑯᒋᑭᓐ ᒌ ᐄᔅᐱᐦᑎᓂᑯᑑᒡ᙮ ᒌ ᐱᑎᑯᐦᐅᑯᐎᒡ ᒫᒃ ᐄᔨᔨᐅᒡ ᐅᑎᐦ ᐊᔅᒌᐦᒡ ᐊᓂᔮᔨᐤ ᒥᔅᑯᒦᐦ ᒌᔑᑯᐦᒡ ᑳ ᐅᐦᒋ ᐱᐦᒋᔑᓃᔨᒡ᙮ ᐊᓂᒌ ᒫᒃ ᐄᔨᔨᐅᒡ ᒌ ᐹᔥᑖᒫᐅᒡ ᒋᔖᒥᓂᑑ ᐊᓂᔮᔨᐤ ᐅᐦᒋ ᑖᓐ ᑳ ᐄᔑ ᓂᓈᐦᑳᑖᔨᒨᐦᐄᑯᒡ ᐋ ᐙᐦᑯᐦᑰᐙᑖᓃᔨᒡ, ᐙᔥ ᓈᔥᑖᑆᐦ ᒌ ᓂᓈᐦᑳᑖᔨᒧᒡ ᒫᒀᒡ ᐅᔮᔨᐤ ᑳ ᐄᔅᐱᔨᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 16:9

ᒌ ᐃᔥᒀᓲᐎᒡ ᒫᒃ ᐄᔨᔨᐅᒡ ᐋ ᐃᔥᐱᔥ ᐐᓯᑳᑯᔓᐙᔨᒡ ᐲᓯᒻ᙮ ᐊᔮᐱᒡ ᒫᒃ ᒌ ᒫᔮᔨᐦᑖᒸᒡ ᒋᔖᒥᓂᑑ ᐅᑎᔑᓂᐦᑳᓱᐎᓂᔨᐤ, ᐊᓂᔮᔨᐤ ᑳ ᐃᔮᔨᒡ ᑎᐹᔨᐦᒋᒑᐎᓂᔨᐤ ᐅᔮᔨᐤ ᑳ ᐄᔑ ᓂᓈᐦᑳᑖᔨᒧᓈᓂᐎᔨᒡ᙮ ᒥᒄ ᒫᒃ ᓂᒧᐃ ᐅᐦᒋ ᐐᐦ ᒀᔅᑳᑎᓰᐅᒡ ᑭᔮᐦ ᓂᒧᐃ ᐅᐦᒋ ᒋᔅᑖᔨᐦᑖᑰᐦᐋᐅᒡ ᒋᔖᒥᓂᑑᐦ᙮