ᓃᔓ ᑎᒧᕢ 3:12 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹² ᐋᐦᐋ, ᑖᑆᐦ, ᒥᓯᐙ ᐊᐙᓐ ᑯᐃᔅᒄ ᑳ ᐐᐦ ᐄᔑ ᐱᒫᑎᓰᑦ ᑭᔮᐦ ᒥᑐᓐ ᑳ ᐱᒋᔅᑎᓂᓱᑦ ᐋ ᐐᐦ ᐐᒑᐙᑦ ᙭ ᒌᓴᔅᐦ, ᑭᑎ ᑎᑯᓂᔨᐤ ᑖᓐ ᒑ ᐄᔑ ᓂᓈᐦᑳᒋᐦᐋᑭᓅᑦ,

ᓃᔓ ᑎᒧᕢ 3:12 Iomraidhean Croise

ᒫᔪᐦᐧᑖᑦ ᒫᕠᔫ 16:24

ᐋᒄ ᒌᓴᔅ ᑳᐦ ᐄᑖᑦ ᐊᓂᔮ ᐅᒋᔅᒋᓂᐦᐊᒧᐙᑭᓐᐦ, “ᐊᐙᓐ ᐙᐦ ᓅᔔᔥᑯᐙᒀ ᐋᑯᔥ ᑭᑎ ᐱᒋᔅᑎᓂᒻ ᐐᔨ ᐊᓂᔮᔨᐤ ᐙᐦ ᐄᔑ ᓂᓂᐦᐋᔨᐦᑎᒥᐦᐄᓱᑦ, ᑭᑎ ᐅᑎᓈᐤ ᐅᑖᔑᑖᔮᐦᑎᑯᒻ ᐋᒄ ᒫᒃ ᒑ ᐹᒋ ᓅᔔᔥᑳᐎᑦ᙮

ᒫᔪᐦᐧᑖᑦ ᒫᕠᔫ 23:34

ᐋᒄ ᒌᓴᔅ ᑳᐦ ᐄᑖᑦ, “ᐋᐅᒄ ᒫᒃ ᐆ ᐙᐦᒋ ᐄᑎᑯᒡ, ᓂᑭ ᐹᒋ ᐄᑎᔑᐦᐙᐅᒡ ᐊᓂᒌ ᐅᒋᔅᒋᐙᐦᐄᒑᓱᒡ ᑭᔮᐦ ᐊᓂᒌ ᑳ ᑭᒑᐦᑖᐙᔨᐦᑎᐦᒡ ᑭᔮᐦ ᑳ ᒋᔅᑯᑎᒫᒑᒡ ᐐᔓᐙᐎᓂᔨᐤ᙮ ᐊᔮᐱᒡ ᒫᒃ ᐙᔥ ᐋᐅᒄ ᒑ ᐃᓯᓈᑯᓱᔮᒄ ᐋ ᓂᐱᐦᐋᑯᒡ ᐱᔅᒡ, ᑯᑎᑭᒡ ᐋ ᒌᔅᑖᔅᑯᐦᐙᑯᒡ ᐋᔑᑖᔮᐦᑎᑯᐦᒡ ᑭᔮᐦ ᑯᑎᑭᒡ ᐋ ᐱᐱᓯᔅᑖᐦᐙᑯᒡ ᐊᓂᑖᐦ ᒎᐤ ᐊᔨᒥᐦᐋᐅᑭᒥᑯᐦᒡ, ᑭᔮᐦ ᓂᓈᐦᑭᐤ ᐃᐦᑖᐎᓂᐦᒡ ᐋᐦ ᐄᑖᒧᐦᒑᔮᒄ᙮

ᒫᔪᐦᐧᑖᑦ ᒫᕐᒃ 10:30

ᒑᔅᑎᓈᔅ ᐊᑎᑎᐤ ᒥᔥᑏᐦ ᑭᑎ ᐄᔑ ᐃᔮᐤ ᐅᑎᐦ ᐊᔅᒌᐦᒡ ᒫᐧᑳᒡ ᐋᐦ ᑖᑦ᙮ ᐅᔮᔨᐤ ᑎᐦᒑ ᒥᑖᐦᑐᒥᑎᓅᐤ ᐋᔨᐧᐋᒡ ᑭᑎ ᐃᔥᐱᔥ ᒥᔮᑭᓂᐤ ᐊᓂᔮᔨᐤ ᑳ ᐃᔥᐱᔥ ᓂᑭᑎᐦᒃ, ᑭᔮᐦ ᑭᑎ ᒥᔮᑭᓂᐤ ᐧᐋᔅᑳᐦᐄᑭᓐ, ᐊᑎᑎᐤ ᐊᐧᐋᔨᐤᐦ ᒑ ᐧᐄᒋᔖᓂᑦ ᑭᔮᐦ ᒑ ᐧᐄᒋᔖᓂᔅᐧᑳᒥᑦ ᑭᔮᐦ ᒑ ᐅᑳᐧᐄᑦ, ᑭᔮᐦ ᒑ ᐅᑎᐧᐋᔑᔒᒥᑦ ᑭᔮᐦ ᐋᔨᐧᐋᒡ ᐊᔅᒌᔨᐤ᙮ ᒥᒄ ᒫᒃ, ᑭᑎ ᓂᒋᔥᑭᒻ ᐋ ᓂᓈᐦᑳᒋᐦᐋᑭᓅᑦ᙮ ᐋᔨᐤᐦ ᒫᒃ ᑳᒋᒡ ᐱᒫᑎᓰᐧᐃᓂᔨᐤ ᑭᑎ ᐃᔮᐤ ᐊᓂᑖᐦ ᐄᔥ ᓃᔥᑖᒥᐦᒡ᙮

ᒫᔪᐦᐧᑖᑦ ᐧᒑᓐ 16:2

ᐅᒌ ᐄᔨᔨᐅᒡ ᒋᑭ ᐎᔨᐐᑎᓯᓂᑯᐙᐅᒡ ᒎᐤ ᐅᑎᔨᒥᐦᐋᐅᑭᒥᑯᐙᐦᒡ᙮ ᐋᐦᐋ, ᒑᒃ ᑖᑆᐦ ᒋᑭ ᐅᑎᐦᒋᐱᔨᐤ ᐊᐙᓐ ᒑ ᒌ ᓂᐱᐦᐄᑖᒄ ᐋ ᐄᑖᔨᐦᑎᐦᒃ ᒋᔖᒥᓂᑑ ᐋᐦ ᐋᐱᑎᔒᔥᑎᐙᑦ᙮

ᒫᔪᐦᐧᑖᑦ ᐧᒑᓐ 16:33

ᒋᒌ ᐐᐦᑎᒫᑎᓈᐙᐤ ᐆ ᒑ ᒌ ᐅᐦᒋ ᐃᔮᔮᒄ ᒋᔮᒫᔨᐦᑎᒧᐎᓐ ᐊᓂᑖᐦ ᓃᔨ ᐋᐦ ᑖᔮᓐ᙮ ᒋᑭ ᓂᓈᑳᑖᔨᒧᐦᐄᑯᓈᐙᐤ ᐅᑎᐦ ᐊᔅᒌᐦᒡ᙮ ᓲᐦᒃ ᐐᐦ ᓲᐦᒋᑖᐦᐋᒄ, ᐙᔥ ᔖᔥ ᓃᔨ ᓂᒌ ᔑᐦᑯᒋᐦᑖᓐ ᐆ ᐊᔅᒌ᙮”

ᒫᔪᐦᐧᑖᑦ ᐧᒑᓐ 17:14

ᓂᒌ ᐐᐦᑎᒧᐙᐅᒡ ᒋᑎᔨᒧᐎᓂᔨᐤ᙮ ᒌ ᐅᐦᑳᑎᑯᒡ ᐊᔅᒌᐦᒡ ᐄᔨᔨᐅᐤᐦ ᑳᐦ ᑖᔨᒡ ᐅᐦᒋ ᐊᓂᔮᔨᐤ ᐋᐦ ᐋᑳ ᐐᒡ ᐃᑖᑎᓯᒫᒡ, ᐙᔥ ᑖᐹ ᐅᑎᐦ ᐊᔅᒌᐦᒡ ᐄᔑ ᑎᐹᔨᐦᑖᑯᓯᐎᒡ ᒧᔮᒻ ᓃᔨ ᐋ ᐄᔑ ᐋᑳ ᑎᐹᔨᐦᑖᑯᓯᔮᓐ ᐅᑎᐦ ᐊᔅᒌᐦᒡ᙮

ᐋᐧᐹᔅᑎᓕᒡ 14:22

ᐋᑯᑖᐦ ᐊᓂᑎᐦ ᑳ ᐊᔨᒥᐦᐋᒡ ᐊᓂᔮᔨᐤᐦ ᐊᐙᔨᐤᐦ ᑳ ᑖᑆᔮᔨᒫᔨᒡ ᒌᓴᔅᐦ ᐋ ᔒᐦᒋᒫᒡ ᒑ ᒌ ᒥᒫᒋᑯᓂᒥᔨᒡ ᐅᑖᑆᔮᔨᐦᑎᒧᐎᓂᔨᐤ᙮ ᒌ ᐄᑖᐅᒡ ᑭᔮᐦ ᐋ ᓂᑎᐙᔨᐦᑖᑯᓃᔨᒡ ᐊᐙᓐ ᒑ ᒌ ᓂᒋᔥᑭᐦᒃ ᓂᓈᐦᑭᐤ ᒑᒀᔨᐤ ᐋᐦ ᐋᔨᒥᓂᔨᒡ ᐋᒄ ᒑ ᒌ ᐲᐦᒑᑦ ᒋᔖᒥᓂᑑ ᐅᒋᐦᒋᐅᒋᒫᐎᓃᔨᒡ᙮

ᓃᔥᑎᒻ ᑯᕆᓐᕠᔨᓐ 15:19

ᒥᔔ ᒫᒃ ᒥᒄ ᐅᑎᐦ ᐊᔅᒌᐦᒡ ᐋ ᐱᒫᑎᓰᔨᐦᒄ ᐙᒋᐦᐄᑯᒀ ᐋ ᑖᑆᔮᔨᒥᒄ ᙭, ᒌᔮᓂᐤ ᒫᐅᒡ ᒌ ᒋᔅᑎᒫᒑᔨᐦᑖᑯᓯᓈᓂᐤ ᐋ ᑎᔑᑦ ᐊᐙᓐ ᐅᑎᐦ ᐊᔅᒌᐦᒡ᙮

ᓃᔓ ᑯᕆᓐᕠᔨᓐ 1:12

ᒫᐤ ᒫᒃ ᐋ ᐄᔑ ᒫᒥᐦᑖᑯᓯᔮᐦᒡ, ᓂᒑᔥᑎᓈᐦᐅᓈᓐ ᒨᔥ ᑯᐃᔅᒄ ᐋ ᒌᐦ ᑎᔮᐦᒡ ᑖᓂᑖᐦ ᒥᒄ ᑳᐦ ᐋᑎ ᐋᐦ ᑖᔮᐦᒡ, ᐊᑎᑎᐤ ᒫᒃ ᒫᒀᒡ ᐊᓂᑖᐦ ᐋᐦ ᑖᔮᒄ ᑳᐦ ᑖᔮᐦᒡ᙮ ᑭᔮᐦ ᒫᒃ ᐋ ᒌ ᑖᑆᐅᒑᔨᐦᑖᑯᓯᔮᐦᒡ ᒋᔖᒥᓂᑑ ᐅᐦᒋ᙮ ᒋᔖᒥᓂᑑ ᓂᒌ ᒥᔨᑯᓈᓐ ᐅᒥᔪᐦᑳᒑᐎᓐ ᐆ ᒑ ᒌᐦ ᑎᔮᐦᒡ᙮ ᓂᒧᐃ ᐋᔅᒋᐦᒡ ᑭᒑᐦᑖᐙᔨᐦᑎᒧᐎᓈᐦᒡ ᐅᐦᒋᐱᔨᐤ᙮

ᓃᔓ ᑯᕆᓐᕠᔨᓐ 4:9

ᓂᓂᓈᐦᑳᒋᐦᐄᑭᐎᓈᓐ, ᒥᒄ ᒫᒃ ᒨᔥ ᓂᐐᒑᐅᑯᓈᓐ ᒋᔖᒥᓂᑑ᙮ ᓂᔮᓂᑯᑐᓐ ᓂᓃᐦᒋᐙᐳᐦᐅᑭᐎᓈᓐ, ᒥᒄ ᒫᒃ ᓂᒧᐃ ᓂᓂᔑᐎᓈᒋᐦᐄᑭᐎᓈᓐ᙮

ᓃᔥᑎᒻ ᑎᒧᕢ 2:2

ᐋᔨᐤᐦ ᒫᒃ ᐊᓂᒌ ᑳ ᒋᐦᒋᐅᒋᒫᐅᒡ ᑭᔮᐦ ᒫᒃ ᒥᓯᐙ ᐊᓂᒌ ᑳ ᓃᑳᓈᔮᔨᐦᑖᑯᔑᒡ ᒋᐱᐦ ᐊᔨᒥᐦᐋᔅᑎᒧᐙᐙᐅᒡ᙮ ᐋᑯᑖᐦ ᒑ ᒌ ᐅᐦᒋ ᐃᔮᔨᐦᒄ ᒋᔮᒫᔨᐦᑎᒧ ᐱᒫᑎᓰᐎᓐ, ᐋ ᒥᔪ ᐐᒑᐅᑐᓈᓂᐎᒡ ᑯᐃᔅᑯᑖᑎᓰᐎᓂᐦᒡ ᑭᔮᐦ ᐋ ᒋᔅᑖᔨᒫᒄ ᒋᔖᒥᓂᑑ ᑭᔮᐦ ᐋ ᒌ ᒋᔅᑖᔨᒥᑑᔮᒄ᙮

ᓃᔥᑎᒻ ᑎᒧᕢ 3:16

ᓄᐎᒡ ᑭᔨᑆ ᒋᔅᑖᔨᐦᑖᑯᓐ ᒥᔅᑳᑖᔨᐦᑎᒧᐎᓂᒡ ᐋᐦᐋᑳ ᐅᐦᒋ ᒌ ᓂᔅᑐᐦᑖᑭᓂᐎᒡ ᒋᑖᑆᔮᔨᐦᑎᒧᐎᓂᐤ, ᐊᓂᑖᐦ ᐄᔑ ᐅᑖᐦᒡ ᐋᐦᐋᑳ ᐅᐦᒋ ᒋᔅᒑᔨᐦᑖᑰᐦᑖᑭᓂᐎᒡ᙮ ᙭ ᒌ ᑎᑯᔑᓐ ᐋᓈᐹᐅᑦ᙮ ᒌ ᒑᔥᑎᓈᑖᔨᐦᑖᑯᐦᐄᑰ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ ᑖᑆᐦ ᒋᔖᒥᓂᑑ ᐋ ᒌ ᐹᒋ ᐄᑎᔑᐦᐅᑯᑦ᙮ ᒌ ᐙᐱᒥᑰ ᐋᓐᒋᓐ᙮ ᒌ ᐋᔨᒨᒫᑭᓂᐤ ᐋ ᑭᒑᔅᒀᓂᐎᔨᒡ ᐊᓂᑖᐦ ᓂᓈᐦᑭᐤ ᐋᐦ ᐄᑎᔅᑳᓈᓯᓈᓂᐎᔨᒡ᙮ ᒌ ᑖᑆᔮᔨᒥᑰ ᐊᐙᔨᐤᐦ ᐅᑎᐦ ᐊᔅᒌᐦᒡ᙮ ᐋᒄ ᒫᒃ ᒋᐦᒋᒌᔑᑯᐦᒡ ᑳ ᐄᔑ ᐅᐦᐱᔅᑳᑦ ᒑ ᒌ ᒋᔅᑖᔨᐦᑖᑯᐦᐋᑭᓅᑦ᙮

ᓃᔥᑎᒻ ᑎᒧᕢ 6:3

ᐋᒄ ᒫᒃ ᐊᐙᓐ ᐃᔨᐦᒡ ᐋ ᐄᔑ ᒋᔅᑯᑎᒫᒑᑦ ᑭᔮᐦ ᐋᐦ ᐋᓍᑎᒸᑦ ᑎᐹᔨᐦᒋᒑᓯᐤ ᒌᓴᔅ ᙭ ᐅᑎᔨᒧᐎᓂᔨᐤᐦ ᑳ ᑖᑆᒥᑭᓃᔨᒡ ᑭᔮᐦ ᐊᓂᔮᔨᐤ ᐋ ᐄᔑ ᒋᔅᑯᑎᒫᒑᓂᐎᔨᒡ ᒑ ᒌ ᒋᔖᒥᓂᑑᐙᑎᓰᓈᓂᐎᔨᒡ

ᑖᐃᑎᔅ 1:1

ᓃᔨ, ᑆᓪ᙮ ᓃᔨ ᒋᔖᒥᓂᑑ ᐅᑖᐱᒋᐦᐋᑭᓐᐦ ᑭᔮᐦ ᒌᓴᔅ ᙭ ᐅᑖᑆᔅᑎᓕᒻᐦ᙮ ᓂᒌᐦ ᐄᑎᔑᐦᐅᑭᐎᓐ ᒑ ᒌ ᐐᒋᐦᐄᒥᒡ ᐊᓂᔮᔨᐤ ᐄᔨᔨᐤᐦ ᒋᔖᒥᓂᑑ ᑳ ᐅᐙᔮᐱᒫᑦ ᒑ ᒌ ᑖᑆᔮᔨᒫᔨᒡ ᒌᓴᔅᐦ ᒑ ᒌ ᒋᔅᒑᔨᐦᑎᐦᒦᒡ ᑖᑆᐎᓂᔨᐤ ᐋᒄ ᒫᒃ ᒑ ᒌ ᐄᑖᑎᓰᔨᒡ ᑖᓐ ᐋ ᐄᔑ ᓂᑎᐙᔨᒥᑯᒡ ᒋᔖᒥᓂᑑ ᒑ ᒌ ᐄᑖᑎᓰᔨᒡ᙮

ᑖᐃᑎᔅ 2:12

ᐅᒋᔖᐙᑎᓰᐎᓂᐦᒡ ᑰᐦᒋ ᒋᔅᑯᑎᒫᑯᓂᐤ ᒑ ᒌ ᓂᑭᑎᒥᐦᒄ ᒥᒑᑎᓰᐎᓐ, ᐋᑳ ᒑ ᒌ ᒥᒋᒧᔥᑖᓈᔮᑎᒥᐦᒄ ᒑᒀᓐ ᐅᑎᐦ ᐊᔅᒌᐦᒡ, ᒑ ᒌ ᐃᔮᒀᒥᔨᐦᒄ ᑖᓐ ᐋ ᐄᑖᑎᓰᔨᐦᒄ, ᒑ ᒌ ᑯᐃᔅᑯᑖᑎᓰᔨᐦᒄ ᑭᔮᐦ ᒑ ᒌ ᒋᔖᒥᓂᑑᐙᑎᓰᔨᐦᒄ,

ᓃᔥᑎᒻ ᐲᑎᕐ 3:14

ᐋᑦ ᒫᒃ ᐃᓯᓈᑯᐦᒡ ᒑ ᒌ ᓂᓈᐦᑳᒋᐦᐄᑯᐎᔮᒄ ᐋ ᑯᐃᔅᑯᑖᑎᓯᔮᒄ ᐅᐦᒋ, ᒋᑭ ᒋᔖᐙᑐᑖᑯᓈᐙᐤ᙮ ᐊᑳᐐ ᑯᔥᑖᐦᑯᒡ ᐎᔮᔥ ᐋ ᐐᐦ ᑐᑖᑖᑯᒡ ᐄᔨᔨᐅᒡ, ᐊᑳᐐ ᒋᑭ ᐅᐦᒋ ᒥᑯᔥᑳᑖᔨᐦᑖᓈᐙᐤ,

ᓃᔓ ᐲᑎᕐ 3:11

ᐋ ᒋᔅᒑᔨᐦᑎᒫᒄ ᒫᒃ ᐆ ᒑ ᐄᔑ ᓂᔑᐎᓈᒌᐦᑖᑭᓅᒡ ᒥᓯᐙ ᒑᒀᓐ, ᑖᓂᑖᐦ ᒋᐱᐦ ᐄᔑ ᐱᒫᑎᓰᓈᐙᐤ ᒋᑎᐄᑖᔨᐦᑎᓈᐙᐤ? ᐱᔮᐦᒋᓰᐎᓂᐦᒡ ᒋᐱᐦ ᐄᔑ ᐱᒫᑎᓰᓈᐙᐤ, ᒥᑐᓐ ᐋ ᐱᒋᔥᑖᔨᐦᑎᒥᐦᐄᑯᔮᒄ ᒋᐱᒫᑎᓰᐎᓂᐙᐤ ᒋᔖᒥᓂᑑ ᐄᔑ ᐋᐦ ᑖᑦ,

ᒋᔅᒑᔨᐦᑖᑯᐦᑖᒑᐧᐃᓐ 12:4

ᒌ ᐙᐱᐦᐙᐤ ᐹᔨᒄ ᐊᓂᔮᔨᐤ ᐋ ᓈᓂᔥᑎᔨᒡ ᐊᒋᑯᐦᔥ ᐊᓂᑖᐦ ᒌᔑᑯᐦᒡ ᐅᐦᒋ ᐅᓲᐃ ᐋᐦ ᐋᐱᒋᐦᑖᑦ, ᐋᒄ ᐊᓂᑖᐦ ᐊᔅᒌᐦᒡ ᑳ ᐄᔑ ᐙᐱᐦᐙᑦ᙮ ᒌ ᓃᐴ ᐅᐦᑎᔅᑰ ᐊᓂᔮᔨᐤ ᐃᔅᒀᐤ ᐋᐦ ᑖᔨᒡ ᒫᒀᒡ ᐋᐦ ᐋᐦᑯᓰᔨᒡ ᐋᐦ ᐋᓯᓂᐙᐦᐋᑦ ᒑ ᐃᔥᐱᔥ ᐱᒫᑎᓰᔨᒡ ᐊᓂᔮᔨᐤ ᐊᐙᔑᔥ ᒑ ᒌ ᒧᐙᑦ ᐄᔥᐱᐦ ᐱᒫᑎᓰᔨᒑ᙮

ᒋᔅᒑᔨᐦᑖᑯᐦᑖᒑᐧᐃᓐ 7:14

ᐋᒄ ᑳ ᐄᑖᒄ, “ᓂᒧᐃ ᓂᒋᔅᒑᔨᒫᐅᒡ ᓃᔨ᙮ ᒌᔨ ᒋᒋᔅᒑᔨᒫᐅᒡ᙮” ᑳ ᐄᔑᑦ ᒫᒃ, “ᐋᐅᑯᓂᒡ ᐅᒌ ᑳ ᔖᐳᔥᑭᐦᒡ ᑖᓐ ᑳ ᐄᔑ ᓈᔥᒡ ᓂᓈᐦᑳᒋᐦᐋᑭᓂᐎᒡ᙮ ᒌ ᒋᔥᑖᐹᐅᑖᐅᒡ ᐅᑎᑯᐦᐱᐙᐤ ᐊᓂᔮᔨᐤ ᒫᓂᔥᒑᓂᔥ ᐅᒥᐦᑯᔨᒡ, ᐋᒄ ᒫᒃ ᑳ ᐙᐹᔨᔨᒡ ᐊᓂᔮᔨᐤ ᐅᑎᑯᐦᐱᐙᐤ᙮