ᓃᔓ ᑎᒧᕢ 2:5 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁵ ᐄᔑ ᐱᒫᑎᓰᐦ ᑖᓐ ᐋ ᐄᔑ ᓂᑎᐙᔨᒥᔅᒃ ᒋᔖᒥᓂᑑ ᒑ ᒌ ᐄᔑ ᐱᒫᑎᓰᐎᑦ᙮ ᒧᔮᒻ ᐊᓯᓈᑯᓯᑦ ᐊᓐ ᐊᐙᓐ ᑳ ᐐᒋᐦᐄᐙᑦ ᐋ ᒋᐦᒋᐱᐦᐄᑐᓈᓂᐎᔨᒡ ᓂᒧᐃ ᒋᑭ ᒌ ᑭᔅᒋᐦᐆ ᐹᑎᔥ ᓈᑭᑎᐙᔨᐦᑎᐦᑳ ᐊᓂᔮᔨᐤ ᐐᔓᐙᐎᓐ ᑳ ᐎᔨᔅᑖᔨᒡ ᒑ ᐋᐱᑎᓃᔨᒡ ᐋ ᒋᐦᒋᐱᐦᐄᑐᓈᓂᐎᔨᒡ᙮

ᓃᔓ ᑎᒧᕢ 2:5 Iomraidhean Croise

ᒫᔪᐦᐧᑖᑦ ᓘᒃ 13:24

“ᒥᐦᒑᑐ ᐄᔨᔨᐅᒡ ᒋᑭ ᑯᒋᐦᑖᐅᒡ ᒑ ᒌ ᐲᐦᒑᒡ ᐊᓂᑖᐦ ᒋᔖᒥᓂᑑ ᐅᒋᐦᒋᐅᒋᒫᐎᓃᔨᒡ, ᓂᒧᐃ ᒫᒃ ᑭᑎ ᒌᐦ ᑑᐎᒡ᙮ ᒌᔨᐙᐤ ᒫᒃ ᓲᐦᒃ ᑯᒋᐦᑖᒄ ᒑ ᒌ ᐲᐦᒑᔮᒄ ᐊᓂᑖᐦ ᐅᐦᒋ ᐊᓐ ᑳ ᔖᑯᐙᒡ ᐃᔥᒀᐦᑖᒻ᙮

ᕕᓕᐱᔨᓐ 1:15

ᑖᑆᐦ ᑭᔨᑆ ᑖᐅᒡ ᐄᔨᔨᐅᒡ ᒥᒄ ᐋ ᐅᐎᐦᑖᔨᒥᒡ ᑭᔮᐦ ᒫᒃ ᐋ ᐐᐦ ᒥᒥᒋᐱᔨᐦᐄᒡ ᐋᔪᐎᒄ ᐙᐦᒋ ᐋᔨᒨᒫᒡ ᙭᙮ ᐋᒄ ᑯᑎᑭᒡ ᓲᐦᒃ ᐙᐐᐦᑎᒧᒡ ᒥᔻᒋᒧᐎᓂᔨᐤ ᑯᐃᔅᒄ ᐋ ᐐᐦ ᐃᔨᐦᑎᒡ, ᐋᔪᐎᒄ ᐙᐦᒋ ᐋᔨᒨᒫᒡ ᙭᙮

ᑯᐧᓛᓯᔨᓐ 1:29

ᐋᐅᒄ ᒫᒃ ᐙᐦᒋ ᓲᐦᒃ ᐋᐱᑎᓰᔮᓐ ᑭᔮᐦ ᐋᐦ ᐋᑦ ᓈᔥᒡ ᐋᔨᒥᐦᐄᑯᔮᓐ, ᐊᓐ ᐋ ᐃᔮᔮᓐ ᓲᐦᒑᔨᐦᑖᑯᓯᐎᓐ ᐲᐦᒡ ᙭ ᑳ ᒥᔨᑦ ᒑ ᒌᐦ ᑐᑎᒧᒡ ᐅᔮᔨᐤ ᐋᐱᑎᓰᐎᓂᔨᐤ᙮

ᐦᐄᑉᕉ 12:4

ᒋᒌ ᓂᔥᑰᔥᑖᓈᐙᐤ ᒥᒋᐦᑣᐎᓐ᙮ ᓂᒧᐃ ᐋᔥᒄ ᑰᐦᒋ ᐃᔥᐱᔥ ᓂᒋᔥᑳᓈᐙᐤ ᐋ ᓂᓈᐦᑳᑖᔨᒧᔮᒄ ᒑ ᒌ ᐃᓯᓈᑯᐦᒡ ᒥᑐᓐ ᒑ ᐐᐦ ᓂᐱᐦᐄᑯᐎᔮᒄ, ᐋ ᒌ ᓂᔥᑰᔥᑎᒫᒄ ᒥᒋᐦᑣᐎᓐ ᐅᐦᒋ᙮

ᐦᐄᑉᕉ 2:7

ᐙᐃᐱᔥᒌᔥ ᒋᒌ ᑐᑎᐙᐤ ᐊᑎᑎᐤ ᒑ ᒌ ᑎᐱᐦᑖᔨᐦᑖᑯᓯᑦ ᐋᑖᔨᐦᑖᑯᓯᒡ ᐋᓐᒋᓐ᙮ ᑭᔮᐦ ᐊᔮᐱᒡ ᒋᒌ ᑐᑎᐙᐤ ᓈᔥᒡ ᒑ ᒌ ᒋᔅᑖᔨᐦᑖᑯᓯᑦ ᒸᐦᒡ ᐋ ᒋᐦᒋᐅᒋᒫᐅᑦ᙮

ᐦᐄᑉᕉ 2:9

ᒋᒋ ᐙᐱᐦᑖᓈᓂᐤ ᒫᒃ ᐋ ᒌ ᑎᐱᐱᔨᒡ ᒌᓴᔅ ᐅᐦᒋ, ᐙᔨᐱᔅᒌᔥ ᐊᑎᑎᐤ ᐋ ᒌ ᑎᐱᐦᑖᔨᐦᑖᑰᐦᐋᑭᓅᑦ ᐋᑖᔨᐦᑖᑯᓰᔨᒡ ᐋᓐᒋᓐ᙮ ᐋᑯᑎᐦ ᐅᑎᐦ ᐅᐦᒋ ᑳ ᓂᒋᔅᑳᐦᒃ ᓂᐱᐎᓂᔨᐤ᙮ ᒋᔖᒥᓂᑑ ᐆ ᒥᔪᐦᑳᒑᐎᓂᔨᐤ ᐄᔑ, ᒌ ᐳᓂᐱᒫᑎᓰᐤ ᒥᓯᐙ ᐄᔨᔨᐤ ᒑ ᒌ ᐱᒫᒋᐦᐋᑦ᙮ ᐊᔪᒃ ᐙᐦᒋ ᓈᔥᒡ ᐙᔪᒡ ᒥᔮᑭᓅᑦ ᒋᔅᑖᔨᐦᑖᑯᓯᐎᓂᔨᐤ ᒧᔮᒻ ᒋᐦᒋᐅᒋᒫᐦᒡ, ᐊᓂᔮᔨᐤ ᐅᐦᒋ ᐋ ᒌ ᓂᓈᐦᑳᑖᔨᒧᐦᐋᑭᓅᑦ ᑭᔮᐦ ᐋ ᒌ ᓂᐲᐦᐋᑭᓅᑦ,

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 1:12

ᔑᐙᔨᐦᑖᑯᓱ ᐊᓐ ᐊᐙᓐ ᐋᑳ ᑳ ᔑᐦᑯᒋᐦᐄᑯᑦ ᑖᓐ ᐋ ᐄᔑ ᑯᒀᒋᐦᐋᑭᓅᑦ᙮ ᐙᔥ ᔖᐳᔥᑭᐦᒑ ᑖᓐ ᐋ ᐄᔑ ᑯᒀᒋᐦᐋᑭᓅᑦ ᒋᑭ ᒥᔨᑰ ᒋᔖᒥᓂᑑ ᐋ ᐙᔪᒡ ᒥᔻᔨᐦᑖᑯᓃᔨᒡ ᑳᒋᒡ ᐱᒫᑎᓰᐎᓂᔨᐤ, ᐊᓂᔮᔨᐤ ᑳ ᐄᔨᔨᒡ ᒑᔥᑎᓈᔥ ᒑ ᒥᔮᔨᒡ ᐊᓂᔮᔨᐤᐦ ᑳ ᓵᒋᐦᐄᑯᔨᒡ᙮

ᓃᔥᑎᒻ ᐲᑎᕐ 5:4

ᐋᒄ ᒫᒃ ᐄᔥᐱᐦ ᙭ ᐹᒋ ᓅᑯᓯᒑ ᐊᓐ ᒫᐅᒡ ᑳ ᓃᑳᓈᔨᐦᑖᑯᔑᑦ ᒫᓂᔥᒑᓂᔓᐐᔨᔨᐤ, ᒋᑭ ᒥᔨᑯᐙᐤ ᐊᓂᔮᔨᐤ ᒫᐅᒡ ᑳ ᒋᔅᑖᔨᐦᑖᑯᓃᔨᒡ ᑎᐱᐦᐋᒫᑰᓯᐎᓂᔨᐤ ᑳᒋᒡ ᒑ ᑎᑯᓃᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 2:10

ᐊᑳᐐ ᑯᔥᑖᒋᒄ ᑖᓐ ᒑ ᐄᔑ ᓂᓈᐦᑳᑖᔨᒧᔮᒄ, ᔖᔥ ᐐᐱᒡ᙮ ᒥᒋᒥᓂᑑ ᒋᑭ ᑯᒀᒋᐦᐄᑯᐙᐤ ᐋᐦ ᑐᑖᑖᒄ ᐱᔅᒡ ᒑ ᒌ ᒋᐱᐦᐅᑰᐙᒄ ᒋᐱᐦᐅᑑᑭᒥᑯᐦᒡ᙮ ᒥᑖᐦᑐ ᒌᔑᑳᐤᐦ ᒋᑭ ᐃᔥᐱᔥ ᓂᓈᐦᑳᑖᔨᒧᓈᐙᐤ᙮ ᑎᑖᑆᐅᓰᒄ ᐋ ᑖᑆᔮᔨᒥᔮᒄ ᐋᑎᐐᐦ ᓂᐱᐦᐄᑭᐎᔮᒀ᙮ ᐋᒄ ᒫᒃ ᒑ ᒥᔨᑎᑯᒡ ᐊᓐ ᐱᒫᑎᓰᐎᓐ, ᐋᐅᒄ ᐊᓐ ᒑ ᑭᔅᒋᐦᐅᔮᒄ᙮

ᒋᔅᒑᔨᐦᑖᑯᐦᑖᒑᐧᐃᓐ 3:11

ᔖᔥ ᐐᐱᒡ ᓂᑭ ᑎᑯᔑᓐ᙮ ᓲᐦᒃ ᐊᔮᐱᒡ ᑖᑆᔮᔨᒥᒄ ᐋᑳ ᐊᐙᓐ ᒑ ᒌ ᒥᔅᑭᒥᑖᒄ ᐊᓂᔮᔨᐤ ᑳ ᑭᔅᒋᐦᐅᐙᒄ ᒋᐦᒋᐅᒋᒫᐤ ᐊᔥᑐᑎᓂᔨᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 4:10

ᐊᓂᒌ ᓃᔥᑎᓂᐤ ᓈᐅᔖᑉ ᑳ ᒋᔅᑖᔨᐦᑖᑯᓯᒡ ᒋᔖᐄᔨᔨᐅᒡ ᒌ ᐱᐦᒋᔓᒥᐱᔨᐦᐅᐎᒡ ᐊᓂᑖᐦ ᐄᔑ ᐅᐦᑎᔅᑰ ᐋᐦ ᑖᔨᒡ ᐊᓂᔮᔨᐤ ᑳ ᐊᐱᔨᒡ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ, ᐋ ᒫᒥᐦᒋᒫᒡ ᐊᓂᔮᔨᐤ ᑳᒋᒡ ᑳ ᐱᒫᑎᓰᔨᒡ᙮ ᒌ ᒥᓂᒧᒡ ᐊᓂᔮᔨᐤ ᐅᒋᐦᒋᐅᒋᒫᐤ ᐊᔥᑐᑎᓂᐙᐤ ᐋᒄ ᐅᐦᑎᔅᑰ ᐊᓂᑎᐦ ᒋᐦᒋᐅᒋᒫᐤ ᑖᐦᑎᐱᐎᓂᐦᒡ ᑳ ᐄᔑ ᐱᒋᔅᑎᓂᐦᒡ, ᐋᐦ ᐃᔨᒡ,

ᒋᔅᒑᔨᐦᑖᑯᐦᑖᒑᐧᐃᓐ 4:4

ᐙᔅᑳ ᒫᒃ ᐊᓐ ᒋᐦᒋᐅᒋᒫᐤ ᑖᐦᑎᐱᐎᓐ ᐋᑯᑖᐦ ᑳᐦ ᑎᑯᐦᒡ ᓃᔥᑎᓂᐤ ᓈᐅᔖᑉ ᑯᑎᒃᐦ ᒋᐦᒋᐅᒋᒫᐤ ᑖᐦᑎᐱᐎᓐᐦ᙮ ᓃᔥᑎᓂᐤ ᓈᐅᔖᑉ ᐋ ᒋᔅᑖᔨᐦᑖᑯᓯᒡ ᒋᔖᐄᔨᔨᐅᒡ ᒌ ᐊᐱᐎᒡ ᐊᓂᑎᐦ᙮ ᒌ ᐙᐹᔨᐤ ᐅᒑᒀᓂᒧᐙᐤ ᑭᔮᐦ ᒌ ᒋᒋᔥᑭᒧᒡ ᐋ ᐅᔖᐅᔔᐎᔮᓈᐱᔅᑰᐐᔨᒡ ᒋᐦᒋᐅᒋᒫᐤ ᐊᔥᑐᑎᓐ᙮