ᓃᔓ ᑎᒧᕢ 2:21 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

²¹ ᐋᔪᐎᒄ ᒫᒃ ᐊᓯᓈᑯᓯᑦ ᐊᐙᓐ, ᐱᔮᐦᒋᐦᐄᓱᒑ ᑭᔮᐦ ᐴᓃᒑ ᐋ ᒥᒑᐱᒫᑎᓰᑦ, ᑭᑎ ᑎᑯᓂᔨᐤ ᓈᔥᒡ ᐋ ᒋᔅᑖᔨᐦᑖᑯᓃᔨᒡ ᒑ ᐄᔑ ᐋᐱᒋᐦᐋᑭᓅᑦ, ᒥᑐᓐ ᑭᑎ ᐱᒋᔅᑎᓃᓲ ᒑ ᒌ ᒥᔻᐱᒋᐦᐄᑯᑦ ᐊᓂᔮᔨᐤ ᐅᒋᒫᒻ ᑏᐙᒡ ᒑ ᒌᐦ ᑐᑎᐦᒃ ᒥᔪᑐᑎᒫᒑᐅᓂᔨᐤ᙮

ᓃᔓ ᑎᒧᕢ 2:21 Iomraidhean Croise

ᐋᐧᐹᔅᑎᓕᒡ 9:15

ᐋᒄ ᐋᓂᓈᔮᔅ ᑳᐦ ᐄᑎᑯᑦ ᑎᐹᔨᐦᒋᒑᓯᐤ, “ᐄᑐᐦᑖ ᐊᔮᐱᒡ, ᐙᔥ ᓂᒌ ᐎᔮᔨᒫᐤ ᔂᓪ ᒑ ᒌ ᐹᒋ ᐋᐱᑎᔒᔥᑑᑦ, ᑭᔮᐦ ᒑ ᒌ ᐹᒋ ᒋᔅᒑᔨᐦᑖᑯᐦᐄᑦ ᐊᓂᑖᐦ ᒎᐄᔨᔨᐤ ᐋᐦ ᑖᔨᒡ ᑭᔮᐦ ᒫᒃ ᐊᓂᑖᐦ ᐋᑳ ᑳ ᒎᐤ ᐄᑎᔅᑳᓈᓰᔨᒡ ᐄᔨᔨᐤ, ᑭᔮᐦ ᒫᒃ ᒋᐦᒋᐅᒋᒫᐤ ᐋᐦ ᑖᔨᒡ᙮

ᓃᔥᑎᒻ ᑯᕆᓐᕠᔨᓐ 5:7

ᐊᑳᐐ ᐱᒋᔅᑎᓂᒧᒄ ᒥᒋᐦᑣᐎᓐ ᒑ ᒌ ᑎᑯᐦᒡ ᐊᓂᑎᐦ ᐋᐦ ᑖᔮᒄ᙮ ᐙᔥ ᒧᔮᒻ ᐅᐦᐱᓯᑭᓂᒡ ᐄᑖᔨᐦᑖᑯᓐ ᒥᒋᐦᑣᐎᓐ, ᐋᔪᐎᒄ ᐅᔮᔨᐤ ᑳᐦᑐᑖᑯᑦ ᐋᐃᐦᑯᓈᐤ ᒑ ᒌ ᐅᐦᐱᔨᑦ, ᐋᐅᒄ ᒫᒃ ᒧᔮᒻ ᐋᐦ ᑐᑎᒫᒑᒥᑭᐦᒡ ᒥᒋᐦᑣᐎᓐ ᐱᒫᑎᓰᐎᓂᐦᒡ᙮ ᓂᒧᐃ ᒋᐱᐦ ᐅᐦᒋ ᐃᔮᓈᐙᐤ ᒥᒋᐦᑣᐎᓐ ᒌ ᐱᒫᑎᓰᐎᓂᐙᐦᒡ ᐙᔥ ᒋᒌ ᐱᑯᐦᐄᑯᓈᐙᐤ ᒥᒋᐃᐦᑣᐎᓂᐦᒡ ᐅᐦᒋ᙮ ᐙᔥ ᙭ ᒌ ᒥᔮᔥᑳᒑᐤ ᒫᓂᔥᒑᓂᔑᒥᓂᐤ ᒌ ᓂᐱᐦᐋᑭᓂᐤ ᒌᔮᓂᐤ ᐅᐦᒋ ᒑ ᒌ ᐱᒫᒋᐦᐅᔨᐦᒄ᙮

ᓃᔓ ᑯᕆᓐᕠᔨᓐ 7:1

ᓂᐐᒑᐙᑭᓂᑐᒃ, ᒥᓯᐙ ᑖᓐ ᑳᐦ ᐃᔨᑦ ᒋᔖᒥᓂᑑ ᒑᔥᑎᓈᔥ ᒑ ᑐᑎᒫᑎᐦᒄ, ᐋᔪᐎᒄ ᐙᔥ ᒑ ᐅᐦᒋ ᐱᔮᐦᒋᐦᐄᓱᔨᐦᒄ ᐋᑳ ᒥᑐᓐ ᒑ ᒌ ᑎᑯᐦᒡ ᒥᒋᐦᑣᐎᓐ ᒋᔮᓈᐦᒡ ᑭᔮᐦ ᒋᑎᐦᒑᐦᑯᓈᐦᒡ, ᐋ ᓈᓂᐦᒌᔥᑑᐦᒄ ᒋᔖᒥᓂᑑ ᒥᑐᓐ ᐋ ᐱᒋᔥᑖᔨᒦᓱᔨᐦᒄ ᒑ ᒌ ᐱᒫᑎᓰᔅᑑᐦᒄ᙮

ᓃᔓ ᑯᕆᓐᕠᔨᓐ 9:8

ᒋᑭ ᒌᐦ ᑐᑎᒻ ᒋᔖᒥᓂᑑ ᒥᔥᑎᐦ ᒨᔥ ᒑ ᐃᔮᔮᒄ ᑖᓐ ᒥᒄ ᒑ ᐄᔑ ᓂᑎᐙᔨᐦᑎᒧᐙᒀ, ᒑ ᒌ ᐐᒋᐦᐋᑯᒡ ᒫᒃ ᑯᑎᑭᒡ ᐄᔨᔨᐅᒡ᙮

ᐄᕕᓰᔨᓐ 2:10

ᐙᔥ ᐐᔨ ᒋᔖᒥᓂᑑ ᒋᒌ ᐅᔒᐦᐄᑯᓂᐤ ᐊᓂᔮᔨᐤ ᒑ ᒌ ᐃᑖᔨᐦᑖᑯᓲᐦᒄ, ᒋᒌ ᑐᑖᑭᓂᐤ ᒑ ᒌ ᑯᐃᔅᑯᓈᑯᓯᐅᐦᒄ ᐊᓂᔮᔨᐤ ᐅᐦᒋ ᑖᓐ ᑳᐦ ᑐᑎᒥᔨᒡ ᙭, ᐊᓂᑎᐦ ᐅᐦᒋ ᒑ ᒌ ᒫᒥᔪᑑᑎᒫᒥᐦᒄ, ᐙᔥ ᐋᔪᐎᒄ ᐅᔮᔨᐤ ᔖᔥ ᐊᓂᑖᐦ ᐙᔥᑭᒡ ᑳ ᐄᔑ ᐃᔮᔅᑭᐎᔥᑖᑦ ᒑ ᒌᐦ ᑐᑎᒥᐦᒄ᙮

ᓃᔥᑎᒻ ᑎᒧᕢ 6:11

ᒌᔨ ᒫᒃ ᑎᒧᕢ, ᒋᔖᒥᓂᑑ ᑳᐦ ᐋᐱᑎᔒᔥᑑᑦ, ᐊᑳᐐ ᐃᔮᐱᑖᔨᐦᑎ ᐅᐦᐄ ᒥᒋᒑᒀᓂᐦᐄ᙮ ᐊᐅᔅᑖ ᐄᑖᔨᐦᑎᒥᐦᐄᒄ ᑯᐃᔅᑯᑖᑎᓰᐎᓐ, ᒋᔖᒥᓂᑑᐙᑎᓰᐎᓐ, ᑖᑆᔮᔨᐦᑎᒧᐎᓐ, ᓵᒋᐦᐄᐙᐎᓐ, ᓲᐦᒋᐋᔨᐦᑖᑯᓯᐎᓐ, ᑭᔮᐦ ᔫᔅᐱᓰᐎᓐ᙮

ᓃᔓ ᑎᒧᕢ 2:16

ᐊᑳᐐ ᐃᔮᐱᑖᔨᐦᑎᒥᐦᐄᒄ ᓂᑎᐐ ᒥᒄ ᐊᔨᒧᐎᓐ, ᑭᔮᐦ ᐋᐦᐋᑳ ᑭᒋᐦᑳᐙᓯᑖᑯᐦᒡ ᒑᒀᓐ ᐋᐦ ᐋᔨᒸᐅᐦᐄᐙᒡ ᐙᔥ ᓂᒧᐃ ᐐᒋᐦᐄᑰ ᐊᐙᓐ ᐅᔮᔨᐤ ᐋ ᐄᔑ ᐋᔨᒥᓈᓂᐎᔨᒡ᙮ ᑐᑖᑰ ᒥᒄ ᐊᑎᑎᐤ ᒑ ᒌ ᐋᑎ ᔮᐙᐱᒫᑦ ᒋᔖᒥᓂᑑ᙮

ᓃᔓ ᑎᒧᕢ 2:20

ᐱᑯᓂᒑ ᒀᓯᓈᑰᐦᒡ, ᐊᓂᑖᐦ ᐋ ᒥᓵᒡ ᐙᔅᑳᐦᐄᑭᓐ ᑎᑯᓐ ᓂᓈᐦᑭᐤ ᐋ ᐃᓯᓈᑯᐦᒡ ᐎᔮᑭᓐ᙮ ᐱᔅᒡ ᐊᓂᐦᐄ ᐎᔮᑭᓐ ᐅᔖᐅᔔᐎᔮᓈᐱᔅᑰ ᐋᒄ ᑯᑎᒃ ᐙᓵᔮᐱᔅᑳᐤᐦ᙮ ᐱᔅᒡ ᒥᔅᑎᑯᐦᒡ ᒌ ᐅᐦᒋ ᐅᔑᐦᑖᑭᓄᐤ ᐋᒄ ᑯᑎᒃ ᓯᔅᒋᐎᐦᒡ᙮ ᐊᓂᐦᐄ ᑳ ᔔᔮᓂᐎᒡ ᓂᒧᐃ ᓈᔥᒡ ᐋᐱᑎᓐ ᐋᒄ ᐊᓂᐦᐄ ᐋᑳ ᑳ ᔔᔮᓂᐎᒡ ᐋᐅᒄ ᐋᓐ ᐊᓂᐦᐄ ᐋᔑᑯᒻ ᒌᔑᑳᐤᐦ ᐃᔮᐱᑎᐦᒡ᙮

ᓃᔓ ᑎᒧᕢ 3:17

ᐅᔮᔨᐤ ᑭᔮᐦ ᐅᑎᔨᒧᐎᓐᐦ ᐎᒋᐦᐄᑯᔨᐤ ᒥᑐᓐ ᒑ ᒌ ᐃᔮᔅᑭᐎᔨᒡ ᒋᔖᒥᓂᑑ ᐅᑖᐱᒋᐦᐋᑭᓐᐦ ᒑ ᒌᐦ ᑐᑎᒥᔨᒡ ᒥᓯᐙ ᓂᓈᐦᑭᐤ ᒥᔪᑐᑎᒫᒑᐅᓂᔨᐤ᙮

ᓃᔓ ᑎᒧᕢ 4:11

ᒥᒄ ᓘᒃ ᐋᐅᒄ ᐋᐦ ᑖᑦ ᐅᑎᐦ ᐋᐦ ᑖᔮᓐ᙮ ᔮᔨᑖ ᒑ ᐐᐦ ᐹᒋ ᐐᒑᐎᑦ ᒫᕐᒃ ᑎᑯᔑᓃᔨᓈ᙮ ᓂᓂᑎᐙᔨᒫᐤ ᒑ ᒌ ᐹᒋ ᐐᒋᐦᐄᑦ ᐅᑎᐦ ᐋ ᐊᔨᒥᐦᐋᐤ ᐋᐱᑎᓯᐎᒡ᙮

ᑖᐃᑎᔅ 3:1

ᒋᔅᒋᓲᒥᒡ ᒋᑎᐄᔨᔨᒥᒡ ᒑ ᒌ ᓂᑑᐦᑎᐙᒡ ᑭᔮᐦ ᒑ ᒌ ᓂᓂᐦᐄᐦᑎᐙᒡ ᐊᓂᔮᔨᐤ ᑳ ᐅᒋᒫᒥᒡ ᑭᔮᐦ ᐊᓂᔮᔨᐤ ᑳ ᒋᐦᒋᐅᒋᒫᐤ ᐋᐱᑎᓰᔨᒡ ᑭᔮᐦ ᒨᔥ ᒑ ᒌ ᐃᔮᔅᑭᐎᔨᒡ ᒑ ᒌ ᐋᐱᑎᔒᔥᑎᐦᒡ ᑯᐃᔅᒄ ᐋ ᐃᓯᓈᑯᓃᔨᒡ ᐋᐱᑎᓰᐅᓂᔨᐤ᙮

ᑖᐃᑎᔅ 3:14

ᐊᓂᒌ ᒫᒃ ᒌᔮᓂᐤ ᒋᑎᐄᔨᔨᒥᓅᒡ ᒋᐱᐦ ᐐᐦ ᒋᔅᒑᔨᐦᑎᒧᒡ ᑖᓐ ᒋᐱᐦ ᒌ ᐄᔑ ᒥᔪ ᑐᑎᒫᒑᐅᒡ, ᐋ ᐐᒋᐦᐋᒡ ᐊᐙᔨᐤᐦ ᓈᔥᒡ ᐋ ᓂᑎᐙᔨᐦᑎᒥᔨᒡ ᒑ ᒌ ᐐᒋᐦᐄᒫᑭᓂᐎᔨᒡ᙮ ᓂᒧᐃ ᒋᐱᐦ ᐅᐦᒋ ᐃᓯᓈᑯᓯᐎᒡ ᐋᐦᐋᑳ ᒑᒀᔨᐤ ᐅᐦᒋ ᑐᑎᐦᒡ ᐅᐱᒫᑎᓰᐎᓂᐙᐦᒡ᙮

ᑖᐃᑎᔅ 3:8

ᑖᑆᒥᑭᓐ ᐆ ᑳ ᐃᔮᓐ᙮ ᒌ ᓂᑎᐙᔨᒥᑎᓐ ᔮᔨᑖᐃ ᒑ ᒌ ᔒᐦᒋᒥᑣᐤ ᐊᓂᒌ ᑳ ᑖᑆᔮᔨᒫᒡ ᒋᔖᒥᓂᑑ ᒑ ᐐᐦ ᒥᔪᑐᑎᒧᐙᒡ ᑯᑎᒃ ᐊᐙᔨᐤᐦ᙮ ᐙᔥ ᒥᔻᔑᔨᐤ ᑭᔮᐦ ᒋᑭ ᒥᔪ ᐐᒋᐦᐄᑯᒡ ᒥᓯᐙ ᐄᔨᔨᐅᒡ᙮

ᓃᔥᑎᒻ ᐲᑎᕐ 1:22

ᐋ ᒌ ᐱᔮᐦᒋᐦᐄᓲᔮᒄ ᐊᓐ ᐅᐦᒋ ᐋ ᓂᓂᐦᐄᐦᑎᒫᒄ ᑖᑆᐎᓐ ᒋᐦᒋᐙ ᒫᒃ ᒑ ᓵᒋᐦᐋᐦᑯᒡ ᒌᒋᔖᓂᐙᐅᒡ, ᓲᐦᒃ ᓵᒋᐦᐄᑐᒃ ᒥᓯᐙ ᒋᑖᐦᐄᐙᐦᒡ ᐅᐦᒋ᙮

ᓃᔥᑎᒻ ᐲᑎᕐ 1:7

ᐙᔥ ᐋ ᓂᒋᔥᑭᒫᒄ ᒑᒀᓐ ᐋᐦ ᐋᔨᒥᐦᒡ ᐋᑯᑖᐦ ᐙᐦᒋ ᒋᔅᒑᔨᐦᑖᑯᐦᒡ ᑎᔮᑆᐆᒑᔨᐦᑖᑯᓂᐙᒀ ᒋᑖᑆᔮᔨᐦᑎᒧᐎᓂᐙᐤ᙮ ᐙᐙᒡ ᐅᔖᐅᔔᐎᔮᓈᐱᔅᒄ ᐊᓐ ᒑᐦ ᐋᑳ ᑳᒋᒡ ᑖᑦ, ᓂᑑᒋᔅᒑᔨᒫᑭᓂᐤ ᐃᔥᑯᑖᐦᒡ ᑖᑆᐦ ᐙᔖᐅᔔᐎᔮᓈᐱᔅᑰᒀ᙮ ᐋᔪᐎᒄ ᒑ ᒌ ᐄᔑ ᓂᑑᒋᔅᒑᔨᐦᑖᑭᓂᐎᒡ ᒋᑖᑆᔮᔨᐦᑎᒧᐎᓂᐙᐤ ᑎᔮᑆᐆᒑᔨᐦᑖᑯᓂᐙᒀᐤ, ᐙᔥ ᐊᐅᔅᑖ ᒋᔅᑖᔨᐦᑖᑯᓐᐦ ᐋ ᐄᑖᔨᐦᑖᑯᓯᑦ ᐅᔖᐅᔔᐎᔮᓈᐱᔅᒄ᙮ ᑖᑆᐦ ᒫᒃ ᑎᔮᑆᐆᒑᔨᐦᑖᑯᓂᐙᒀᐤ, ᒋᑭ ᒥᔻᒋᒥᑯᓈᐙᐤ, ᑭᔮᐦ ᒋᑭ ᒋᔅᑖᔨᐦᑖᑯᐦᐄᑭᐎᓈᐙᐤ ᑭᔮᐦ ᒋᑭ ᒋᔅᑖᒋᒥᑭᐎᓈᐙᐤ ᒦᓐ ᑎᑯᔑᐦᑳ ᒌᓴᔅ ᙭᙮

ᓃᔥᑎᒻ ᐧᒑᓐ 3:3

ᒥᓯᐙ ᒫᒃ ᐊᐙᓐ ᐅᔮᔨᐤ ᑳ ᐄᔑ ᐊᔅᐹᔨᒧᑦ ᓂᓈᑭᑎᐙᔨᒥᓲ ᒑ ᒌ ᐱᔮᐦᒋᓰᑦ ᒧᔮᒻ ᙭ ᐋ ᐄᔑ ᐱᔮᐦᒋᓰᔨᒡᐦ᙮