ᓃᔓ ᑎᒧᕢ 2:2 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

² ᒋᒌ ᐹᐦᑑᐎᓐ ᑖᓐ ᑳ ᐄᔑ ᒋᔅᑯᑎᒫᒑᔮᓐ ᐊᓂᑖᐦ ᐋ ᒥᐦᒑᑎᓈᓂᐎᔨᒡ᙮ ᐆ ᒫᒃ ᑳ ᐄᔑ ᒋᔅᑯᑎᒫᒑᔮᓐ ᒑ ᐱᒋᔅᑎᓂᒀᐤ ᐊᓂᒌ ᑳ ᑖᑆᐅᒑᔨᐦᑖᑯᓯᒡ ᒑ ᒌ ᐋᔔ ᒋᔅᑯᑎᒧᐙᒡ ᑯᑎᒃ ᐊᐙᔨᐤᐦ᙮

ᓃᔓ ᑎᒧᕢ 2:2 Iomraidhean Croise

ᒫᔪᐦᐧᑖᑦ ᒫᕠᔫ 13:52

ᐋᒄ ᑳᐦ ᐄᑖᑦ, “ᒥᓯᐙ ᐊᓂᒌ ᑳ ᒋᔅᒑᔨᐦᑎᐦᒡ ᒋᔖᒥᓂᑑ ᐅᐐᔓᐙᐎᓂᔨᐤ ᑭᔮᐦ ᑳ ᒋᔅᑯᑎᒧᐙᑭᓂᐎᒡ ᒋᐦᒋᒌᔑᒄ ᒋᐦᒋᐅᒋᒫᐎᓂᔨᐤ ᑖᓐ ᐋ ᐄᑖᔨᐦᑖᑯᓃᔨᒡ ᒧᔮᒻ ᐊᐙᓐ ᑳ ᑎᐱᔨᐙᐎᓰᑦ ᐊᔥᑖᓲᑭᒥᑯᔨᐤ ᐋ ᑭᓄᐙᔨᐦᑎᐦᒃ ᒑᒀᔨᐤ ᑖᐱᔥᑯᓐ ᓈᔥᒡ ᐋ ᒥᔻᔑᔨᔨᒡ ᑖᐱᔥᑯᓐ ᐋ ᐙᔅᑭᒋᓈᑯᓃᔨᒡ ᑭᔮᐦ ᐋ ᐅᔥᑳᔨᔨᒡ᙮ ᑖᐱᔥᑯᓐ ᒫᒃ ᐋ ᒥᔻᐱᒋᐦᑖᑦ᙮”

ᒫᔪᐦᐧᑖᑦ ᒫᕠᔫ 24:25

ᓂᑐᐦᑎᐎᒄ ᒫᒃ, ᐙᔥ ᔖᔥ ᓂᔮᑭᓐᐦ ᒋᐐᐦᑎᒫᑎᓈᐙᐤ ᒑ ᐄᔅᐱᔨᔨᒡ ᐅᐦᐄ ᒑᒀᓂᐦᐄ᙮”

ᒫᔪᐦᐧᑖᑦ ᓘᒃ 12:42

ᑎᐹᔨᐦᒋᒑᓯᐤ ᒌᐦ ᐄᑖᐤ, “ᐋᐱᒋᐦᐋᑭᓐ ᑯᐃᔅᒄ ᑳᐦ ᑐᑎᐦᒃ ᐅᑖᐱᑎᓰᐎᓐ ᑭᔮᐦ ᑳ ᐄᑆᐦᑳᑦ ᐋᐅᒄ ᒑ ᐅᐙᔮᐱᒥᑯᑦ ᐅᒋᒫᒻ ᐐᔨ ᒑ ᒌ ᐅᒋᒫᐦᑭᐦᑎᐙᑦ ᒥᓯᐙ ᐊᓂᔮᔨᐤ ᑯᑎᒃ ᐋᐱᒋᐦᐋᑭᓐ ᑭᔮᐦ ᒑ ᒌ ᓈᓈᑭᒋᐦᑖᐙᑦ ᓂᐦᐋᐤ ᒑ ᒌ ᐄᔑ ᐊᔑᒫᑭᓂᐎᔨᒡ ᐄᔥᐱᐦ ᐅᑎᐦᒋᐱᔨᐦᒑ ᒑ ᐊᔑᒫᑭᓂᐎᔨᒡ᙮

ᓃᔥᑎᒻ ᑯᕆᓐᕠᔨᓐ 4:2

ᐹᔨᒄ ᒑᒀᔨᐤ ᑖᑆᐦ ᐋ ᐄᔑ ᓂᑎᐙᔨᐦᑖᑯᓯᒡ ᒑ ᒌ ᐄᑖᔨᐦᑖᑯᓯᒡ ᐅᒌ ᐅᔮᔨᐤ ᑳ ᐄᔑ ᒥᔮᑭᓂᐎᒡ ᒑ ᒌ ᐄᑖᐱᑎᓰᔨᒡ ᐋᔪᐎᒄ ᒑ ᒌ ᒑᔥᑎᓈᑖᔨᐦᑖᑯᓯᒡ ᑖᑆᐦ ᒑ ᒌᐦ ᑐᑎᐦᒡ ᑖᓐ ᐋᐦ ᐄᑎᔓᒥᑯᒡ ᐅᒋᒫᒧᐙᐤ᙮

ᓃᔓ ᑯᕆᓐᕠᔨᓐ 2:14

ᒥᒄ ᒫᒃ ᑖᑆᐦ ᓂᓂᓈᔅᑯᒫᐤ ᒋᔖᒥᓂᑑ, ᐐᔨ ᒨᔥ ᐋ ᒋᔅᒋᓄᑎᐦᐄᑎᐦᒄ ᐊᓂᑎᐦ ᒑ ᒌ ᑎᑯᓯᓃᔨᐦᒡ ᐄᔨᔨᐤ ᒑ ᒌ ᒋᔅᑖᔨᒫᔨᒡ ᙭ ᑭᔮᐦ ᐆ ᑖᐱ ᑭᔅᒋᐦᐆᐎᓂᔨᐤ᙮ ᐆ ᒫᒃ ᙭ ᒋᔅᒑᔨᐦᑎᒨᐎᓐ ᐋᐦ ᐋᑎ ᒥᓯᐦᑖᐲᐦᑖᔮᐦᒡ ᒥᒄ ᑖᓂᑖᐦ ᐋᑎ ᐄᑑᐦᑖᔮᐦᒡ ᒨᔮᒻ ᑳ ᒥᔪᒫᑯᓯᒡ ᒑᒀᓐ ᐋ ᒥᔮᐦᑭᑖᒡ ᐄᑖᔨᐦᑖᑯᓐ᙮

ᓃᔓ ᑯᕆᓐᕠᔨᓐ 3:5

ᓂᒧᐃ ᐐ ᓃᔮᓐ ᐋᐦ ᑖᔮᐦᒡ ᒋᑭ ᒌ ᐅᐦᒋᐱᔨᐤ ᒑ ᒌ ᐃᔮᐦᒡ ᓃᔮᓐ ᑎᐱᔨᐙ ᒑ ᒌ ᑭᔅᒋᐦᐆᔮᐦᒡ ᒑ ᒌᐦ ᑐᑎᒫᐦᒡ ᐆ᙮ ᒋᔖᒥᓂᑑ ᐋᐅᒄ ᒫᔨᔮᒥᐦᑦ ᑭᔅᒋᐦᐅᐎᓂᔨᐤ ᒑ ᒌᐦ ᑐᑎᒫᐦᒡ ᒥᓯᐙ ᐆ ᑖᓐ ᐋᐦ ᑐᑎᒫᐦᒡ᙮

ᑯᐧᓛᓯᔨᓐ 1:7

ᐁᐹᕝᕌᔅ ᒫᒃ ᑳ ᐃᔑᓂᐦᑳᓱᑦ ᓂᐐᒋᐋᐱᑎᓰᒫᑭᓐ ᑳ ᓵᒋᐦᐄᑖᐦᒡ ᐋᐅᒄ ᑳ ᒋᔅᒑᔨᐦᑎᒥᐦᐄᑖᒄ ᒋᔖᒥᓂᑑ ᐅᒋᔖᐙᑎᓰᐎᓂᔨᐤ ᑳ ᐙᐐᐦᑎᒫᑖᒄ ᒥᔻᒋᒧᐎᓂᔨᐤ᙮ ᒨᔥ ᑯᐃᔅᒄ ᐄᔑ ᐋᐱᑎᓰᔅᑎᐙᐤ ᙭ ᑭᔮᐦ ᐐᔨ, ᓈᔥᑖᑆᐦ ᓂᒥᔪ ᐐᒋᐦᐄᑯᓈᓐ᙮

ᓃᔥᑎᒻ ᑎᒧᕢ 1:12

ᓂᓂᓈᔅᑯᒫᐤ ᙭ ᒌᓴᔅ ᒋᑎᐹᔨᐦᒋᒑᓰᒥᓂᐤ ᑖᓐ ᑳ ᐄᔑ ᑖᑆᐅᒑᔨᒥᑦ ᑭᔮᐦ ᑖᓐ ᑳ ᐄᔑ ᒥᔨᑦ ᓲᐦᑳᑎᓰᐎᓂᔨᐤ ᒑ ᒌ ᐋᐱᑎᔒᔥᑑᒄ ᐊᓂᔮᔨᐤ ᑖᓐ ᑳ ᐄᔑ ᐅᐙᔮᐱᒥᑦ᙮

ᓃᔥᑎᒻ ᑎᒧᕢ 1:18

ᑎᒧᕢ ᓂᑯᔅ, ᐊᓐ ᒑᔅᑯᑎᒫᑖᓐ, ᐋᐅᒄ ᐙᒑᐦᑎᒧᒥᑳᐦᒡ ᒋᔖᒥᓂᑑ ᐅᑎᔨᒧᐎᓂᐦᒡ ᓃᑳᓐ ᑳ ᐊᔨᒧᑎᒫᔅᒡ ᐊᓂᒌ ᑳᐦ ᐋᐱᑎᔒᔥᑑᐙᒡ ᒋᔖᒥᓂᑑ᙮ ᓈᑭᑎᐙᔨᐦᑎᒥᐦᐄᑯᔨᓈ ᒫᒃ ᐆ ᒋᔅᑯᑎᒫᒑᐅᓐ ᒋᑭ ᐐᒋᐦᐄᑯᓐ ᒑ ᒌ ᒥᔪ ᒫᓯᐦᒑᔨᓐ ᐊᓂᑖᐦ ᑖᑆᔮᔨᐦᑎᒧᐎᓂᐦᒡ ᐄᔑ᙮

ᓃᔥᑎᒻ ᑎᒧᕢ 4:14

ᒨᔥ ᐋᐱᒋᐦᑖᐦ ᐊᓐ ᐊᐦᒑᐦᒄ ᒥᔨᐙᐎᓐ ᐋ ᐄᔑ ᐃᔮᔨᓐ ᒑ ᒌ ᐋᐱᑎᔒᔥᑑᑦ ᒋᔖᒥᓂᑑ᙮ ᐙᔥ ᐋᐅᒄ ᐆ ᒥᔨᐙᐎᓐ ᑳ ᒥᔨᑯᐎᔨᓐ ᒋᔅᒋᐙᐦᐄᒑᐎᓂᐦᒡ ᐅᐦᒋ, ᑳ ᑖᐦᒋᓂᔅᒡ ᐋ ᐊᔨᒥᐦᐋᔥᑎᒫᔅᒡ ᐊᓂᒌ ᑳ ᓃᑳᓂᔥᑭᐦᒡ ᐊᔨᒥᐦᐋᐅᑭᒥᑯᔨᐤ᙮

ᓃᔥᑎᒻ ᑎᒧᕢ 4:6

ᒥᔔ ᒫᒃ ᐅᔮᔨᐤ ᐄᔑ ᒋᔅᑯᑎᒫᐎᑣᐙ ᐐᒋᔖᓂᒫᐅᒡ, ᒋᑭ ᒥᔪ ᐋᐱᑎᓰᔅᑎᐙᐤ ᙭ ᒌᓴᔅ, ᐋ ᓄᔓᔅᑭᒥᓐ ᐋᑖᑆᒫᑳᐦᒡ ᑖᑆᔮᔨᐦᑎᒧᐎᓐ ᑭᔮᐦ ᐊᓐ ᒥᔪ ᒋᔅᑯᑎᒫᒑᐎᓐ ᒌ ᒥᔪ ᓂᐦᑖᐅᒋᐦᐄᑯᓐ᙮

ᓃᔥᑎᒻ ᑎᒧᕢ 5:22

ᐊᑳᐐ ᐐᐱᒡ ᒋᑭ ᐅᐦᒋ ᑖᐦᑳᐦᑎᐹᓈᐤ ᐊᐙᓐ ᒑ ᒌ ᓃᑳᓂᔅᑭᐦᒃ ᐊᔨᒥᐦᐋᐅᑭᒥᑯᔨᐤ ᐋᐦᐋᑳ ᒑᔅᑎᓈᑖᔨᒫᑦ ᐋᑖᑆᐅᒑᔨᐦᑖᑰᓯᑦ, ᒑᐦ ᐋᑳ ᒫᒃ ᐃᓯᓈᑯᓯᔨᓐ ᐋ ᒌ ᐐᒋᐦᐄᑦ ᐋ ᒌ ᒥᒋᐦᑐᑎᐦᒃ᙮ ᓲᐦᒃ ᒥᔪ ᑭᓄᐙᔨᒥᓲ ᒑ ᒌ ᐱᔮᐦᒋᓈᑯᐦᒡ ᒌ ᐱᒫᑎᓰᐎᓐ᙮

ᓃᔥᑎᒻ ᑎᒧᕢ 6:12

ᒫᓯᐦᒑ ᐊᓐ ᒥᔪ ᒫᓯᐦᒑᐎᓐ ᒑ ᒌ ᒥᒫᐦᒋᑯᓂᑭᓂᐎᒡ ᑖᑆᔮᔨᐦᑖᒨᐎᓐ ᐊᓂᑎᐦ ᒑ ᒌ ᐅᐦᒋ ᐅᐦᑎᓰᔨᓐ ᑳᒋᒡ ᐱᒫᑎᓰᐎᓐ᙮ ᐋᐅᒄ ᐙᔥ ᑭᔨᑆ ᐊᓐ ᑳ ᐄᔑ ᐅᐙᔮᐱᒥᑭᐎᔨᓐ ᒑ ᒌ ᐄᔑ ᐃᔮᔨᓐ ᐄᔥᐱᐦ ᑳ ᐐᐦᑎᒥᓐ ᑖᑆᐦ ᐋ ᑖᑆᐦᑎᒥᓐ ᐅᐦᑎᔅᑰ ᒥᐦᒑᑐ ᐄᔨᔨᐅᒡ ᐋᐦ ᑖᒡ᙮

ᓃᔓ ᑎᒧᕢ 3:10

ᒌᔨ ᒫᒃ ᑎᒧᕢ ᓂᒑᔥᑎᓈᐦᐅᓐ ᒑ ᓅᔔᔥᑭᒥᓐ ᓂᒋᔅᑯᑎᒫᒑᐎᓐ, ᑭᔮᐦ ᑳ ᐄᔑ ᐱᒫᑎᓰᔮᓐ, ᑭᔮᐦ ᓂᑎᐄᑖᔨᐦᑎᒧᐎᓐ᙮ ᒋᒌ ᐙᐱᐦᑖᓐ ᑖᓐ ᑳ ᐄᔑ ᑖᑆᐦᑎᒫᓐ, ᑖᓐ ᑳ ᐄᔑ ᓰᐱᔨᐙᓯᔮᓐ, ᑭᔮᐦ ᓂᓵᒋᐦᐄᐙᐎᓐ, ᑭᔮᐦ ᒋᒌ ᐙᐱᐦᑖᓐ ᑖᓐ ᑳ ᐄᔑ ᓲᐦᒑᐋᐦᔨᑖᑯᓯᔮᓐ ᑖᓐ ᑳ ᐄᔑ ᓂᓈᐦᑭᐤ ᓂᒋᔥᑭᒫᓐ᙮

ᓃᔓ ᑎᒧᕢ 3:14

ᒋᐐᐦ ᐄᑎᑎᓐ ᒫᒃ ᒌᔨ, ᑖᑆᐦᑎᐦ ᑭᔮᐦ ᓲᐦᒃ ᓂᓈᑭᑎᐙᔨᐦᑎ ᐊᓐ ᑖᑆᐎᓐ ᑳ ᒋᔅᑯᑎᒫᑭᐎᔨᓐ ᐋ ᒋᔅᒑᔨᒥᑣᐤ ᐊᓂᒌ ᐄᔨᔨᐅᒡ ᑳ ᒋᔅᑯᑎᒫᔅᒡ᙮

ᐦᐄᑉᕉ 2:17

ᐋᔪᐎᒄ ᒫᒃ ᐙᐦᒋ ᔮᔨᑖᐃ ᒌ ᓂᑎᐙᔨᐦᑖᑯᓰᑦ ᒥᑐᓐ ᒑ ᒌ ᐄᑖᔨᐦᑖᑰᓯᑦ ᐐᒋᔖᓐᐦ ᐊᑖᔨᐦᑖᑰᓰᔨᒡ᙮ ᐊᓂᑎᐦ ᒫᒃ ᒑ ᒌ ᐅᐦᒋ ᒋᔖᐊᔨᒥᐦᐋᐅᒋᒫᐅᑦ ᐋ ᒋᔅᑎᒫᒑᔨᐦᒌᒑᑦ ᑭᔮᐦ ᐋ ᑖᑆᐅᒑᔨᐦᑖᑯᓯᑦ ᐋᐦ ᐋᐱᑎᔒᔥᑎᐙᑦ ᒋᔖᒥᓂᑑ, ᒑ ᒌ ᐱᒋᔅᑎᓂᓲᑦ ᐐᔨ ᒑ ᒌ ᐙᐹᔨᐦᑎᒧᐙᑳᓂᐐᒡ ᐋᐙᔨᐤᐦ ᐆ ᒥᒋᐦᑣᐎᓂᐙᔨᐤ᙮