ᓃᔓ ᑎᒧᕢ 2:16 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁶ ᐊᑳᐐ ᐃᔮᐱᑖᔨᐦᑎᒥᐦᐄᒄ ᓂᑎᐐ ᒥᒄ ᐊᔨᒧᐎᓐ, ᑭᔮᐦ ᐋᐦᐋᑳ ᑭᒋᐦᑳᐙᓯᑖᑯᐦᒡ ᒑᒀᓐ ᐋᐦ ᐋᔨᒸᐅᐦᐄᐙᒡ ᐙᔥ ᓂᒧᐃ ᐐᒋᐦᐄᑰ ᐊᐙᓐ ᐅᔮᔨᐤ ᐋ ᐄᔑ ᐋᔨᒥᓈᓂᐎᔨᒡ᙮ ᑐᑖᑰ ᒥᒄ ᐊᑎᑎᐤ ᒑ ᒌ ᐋᑎ ᔮᐙᐱᒫᑦ ᒋᔖᒥᓂᑑ᙮

ᓃᔓ ᑎᒧᕢ 2:16 Iomraidhean Croise

ᓃᔥᑎᒻ ᑯᕆᓐᕠᔨᓐ 15:33

ᐊᑳᐐ ᑳᒌᔑᐦᐄᓱᒄ᙮ ᑖᑆᒥᑭᓐ ᐊᓐ ᑳ ᐄᓈᓅᒡ, ᐊᓂᒌ ᑳ ᒥᒑᑎᓯᒡ ᐄᔨᔨᐅᒡ ᐋ ᐱᐹᐐᒑᐙᑭᓂᐎᒡ ᐋᑯᑖᐦ ᐙᐦᒋᐱᔨᒡ ᒑ ᒌ ᐃᔮᔪᐦᒡ ᒋᑰᐃᔅᑰᑖᑎᓯᐎᓐ᙮

ᓃᔥᑎᒻ ᑯᕆᓐᕠᔨᓐ 5:6

ᓂᒧᐃ ᒥᑐᓐ ᐃᓯᓈᑯᓐ ᒑ ᒌ ᒋᑳᔮᔨᒦᓱᔮᒄ᙮ ᒋᒋᔅᒑᔨᐦᑖᓈᐙᐤ ᐊᐱᔒᔥ ᐅᐦᐱᓯᑭᓐ ᐋ ᐱᒋᔅᑎᓂᑭᓂᐎᒡ ᐋᐃᐦᑯᓈᐦᒡ ᒥᓯᐙ ᐋᐦ ᐋᔅᑎᑎᒃ ᐊᓐ ᐋᐃᐦᑯᓈᐤ ᐅᐦᐱᔨᐤ᙮

ᓃᔥᑎᒻ ᑎᒧᕢ 1:9

ᑭᔮᐦ ᒫᒃ ᒋᒋᔅᒑᔨᐦᑖᓈᓂᐤ, ᑖᐹ ᓂᒥᔮᐤ ᐅᑯᐃᔅᑯᑖᑎᓰᐤ ᑳ ᐅᔑᐦᑎᒧᐙᑭᓅᑦ ᐅᔮᔨᐤ ᐐᔓᐙᐎᓂᔨᐤ᙮ ᐊᓂᒌ ᐙᔥ ᑳᐦ ᐋᑑᐙᔨᑎᐦᒡ ᒋᔖᒥᓂᑑ ᐅᐐᔓᐙᐎᓂᔨᐤ ᑭᔮᐦ ᐊᓂᒌ ᐋᑳ ᓂᓃᐦᑑᐙᒡ ᑭᔮᐦ ᒫᒃ ᐊᓂᒌ ᑳᐦ ᐋᑎᐙᔨᒫᒡ ᒋᔖᒥᓂᑑ ᐅᐱᒫᑎᓰᐎᓂᐙᐦᒡ ᑭᔮᐦ ᐊᓂᒌ ᒥᑐᓐ ᑳ ᒥᒋᐱᒫᑎᓰᔨᒡ᙮ ᑭᔮᐦ ᒫᒃ ᐊᓂᒌ ᐋᑳ ᐱᔮᐦᒡ ᐱᒫᑎᓰᔨᒡ ᑭᔮᐦ ᐊᓂᒌ ᐋᑳ ᑳ ᒥᑐᓐ ᐊᔨᒥᐦᐋᐙᑎᓰᔨᒡ ᑭᔮᐦ ᐊᓂᒌ ᑳ ᓂᐱᐦᐋᒡ ᐅᐦᑖᐐᐙᐤ ᑭᔮᐦ ᐅᑳᐐᐙᐤ ᑭᔮᐦ ᐊᓂᒌ ᑳ ᓂᐱᐦᐄᐙᒡ᙮

ᓃᔥᑎᒻ ᑎᒧᕢ 4:7

ᐊᑳᐐ ᐃᔮᐱᑖᔨᐦᑦ ᐊᓂᐦᐄ ᐋᑳ ᑳ ᐎᔮᔥ ᐄᑖᐱᑎᐦᒡ ᓂᑎᐐ ᑎᐹᒋᒧᐎᓐ᙮ ᐊᐅᔅᑖ ᐐᐦ ᒋᔅᑯᑎᒫᓱᐦ ᑖᓂᑖᐦ ᐊᑎᑎᐤ ᒑ ᒌ ᐅᐦᒋ ᓂᓂᐦᐄᐙᐦᐄᑦ ᒋᔖᒥᓂᑑ᙮

ᓃᔥᑎᒻ ᑎᒧᕢ 6:20

ᒌᔨ ᑎᒧᕢ ᓈᓈᑭᒋᐦᑖ ᑖᓐ ᑳ ᐄᔑ ᒥᔨᔅᒃ ᒋᔖᒥᓂᑑ ᒑ ᒌ ᐄᑖᐱᑎᓰᐎᑦ᙮ ᐊᑳᐐ ᐃᔮᐱᓯᐦᑐᒡ ᐊᓂᒌ ᑳᐦ ᐋᔨᒸᐦᐄᑯᒡ ᒑᒀᔨᐤ ᐋᐦᐋᑳ ᐊᓂᑖᐦ ᐄᔑ ᐐᒋᐦᐄᐙᒥᑭᓃᔨᒡ ᐋ ᒋᔖᒥᓂᑑᐙᑎᓰᓈᓂᐎᔨᒡ, ᐊᓂᒌ ᑳ ᐄᑎᐦᑖᑯᓯᒡ ᒧᔮᒻ ᓈᔥᒡ ᒥᔥᑏᐦ ᐋ ᒋᔅᒑᔨᐦᑎᐦᒡ ᒑᒀᔨᐤ ᐋᐦᐋᑳ ᒫᒃ ᓂᐦᐋᐤ ᒧᔮᒻ ᐄᔑ ᑭᒑᔅᒑᔨᐦᑎᐦᒡ᙮

ᓃᔓ ᑎᒧᕢ 2:14

ᒨᔥ ᒫᒃ ᒋᔅᒋᓲᒥᒡ ᒋᑎᐄᔨᔨᒥᒡ ᐅᔮᔨᐤ ᑭᔮᐦ ᐅᐦᑎᔅᑰ ᒋᔖᒥᓂᑑ ᐋᐦ ᑖᔨᒡ ᐃᔮᒀᒥᒥᒡ ᐋᑳ ᒑ ᒌ ᒨᐦᒌᑳᑑᒡ ᐊᔨᒧᐎᓂᔨᐤ ᐅᐦᒋ, ᐙᔥ ᓂᒧᐃ ᒥᑐᓐ ᒥᔪ ᐐᒋᐦᐄᐙᒥᑭᓐ ᐆ ᐋ ᐄᔑ ᐊᔨᒥᓈᓅᒡ᙮ ᑎᑯᓂᔨᐤ ᑖᓐ ᐋ ᐄᔑ ᒥᒌᐦᑐᑖᑯᒡ ᐊᓂᒌ ᑳ ᓂᑐᐦᑎᐦᒡ᙮

ᓃᔓ ᑎᒧᕢ 2:21

ᐋᔪᐎᒄ ᒫᒃ ᐊᓯᓈᑯᓯᑦ ᐊᐙᓐ, ᐱᔮᐦᒋᐦᐄᓱᒑ ᑭᔮᐦ ᐴᓃᒑ ᐋ ᒥᒑᐱᒫᑎᓰᑦ, ᑭᑎ ᑎᑯᓂᔨᐤ ᓈᔥᒡ ᐋ ᒋᔅᑖᔨᐦᑖᑯᓃᔨᒡ ᒑ ᐄᔑ ᐋᐱᒋᐦᐋᑭᓅᑦ, ᒥᑐᓐ ᑭᑎ ᐱᒋᔅᑎᓃᓲ ᒑ ᒌ ᒥᔻᐱᒋᐦᐄᑯᑦ ᐊᓂᔮᔨᐤ ᐅᒋᒫᒻ ᑏᐙᒡ ᒑ ᒌᐦ ᑐᑎᐦᒃ ᒥᔪᑐᑎᒫᒑᐅᓂᔨᐤ᙮

ᓃᔓ ᑎᒧᕢ 3:13

ᐋᒄ ᐊᓂᒌ ᑳ ᒥᒑᑎᓯᒡ ᑭᔮᐦ ᐊᓂᒌ ᓂᑎᐐ ᒥᒄ ᑳ ᐄᔑ ᒋᔅᑯᑎᒫᒑᒡ ᓈᓈᓂᒌᒻ ᐊᑎᑎᐤ ᑭᑎ ᐄᑖᔨᐦᑖᑯᓯᐎᒡ, ᐋ ᑳᒌᔑᒫᒡ ᐊᐙᔨᐤᐦ ᑭᔮᐦ ᐐᔨᐙᐤ ᐋ ᑳᒌᔑᒫᑭᓂᐎᒡ᙮

ᑖᐃᑎᔅ 1:11

ᐄᑖᔨᐦᑖᑯᓂᔨᐤ ᒫᒃ ᒑ ᒌ ᒋᐱᐦᒋᐦᐋᑭᓂᐎᒡ ᐅᔮᔨᐤ ᐋ ᐄᔑ ᐐᐦᑎᒫᒑᒡ ᐙᔥ ᒥᒋᐱᔨᐦᐋᐅᒡ ᐋ ᐹᔨᑰᑖᐆᓰᔨᒡ ᐊᐙᔨᐤᐦ ᐋ ᒋᔅᑯᑎᒧᐙᒡ ᐊᓂᔮᔨᐤ ᒑᒀᔨᐤ ᐋᑳ ᒑ ᐄᔑ ᒋᔅᑯᑎᒧᐙᐙᑯᐱᓈ, ᒥᒄ ᐊᓂᔮᔨᐤ ᐋ ᐐᐦ ᐅᔔᔮᓂᒥᐦᑳᓱᒡ ᐅᐦᒋ᙮

ᑖᐃᑎᔅ 1:14

ᑭᔮᐦ ᐋᑳ ᒑ ᒌ ᒋᔅᑖᒫᐙᔨᐦᑎᒥᐦᐄᑯᒡ ᐊᓂᔮᔨᐤ ᒎᐄᔨᔨᐤ ᐋᑎᔫᐦᑳᓂᔨᐤ ᑭᔮᐦ ᐋᑳ ᒑ ᒌ ᓂᑑᐦᑎᒸᒡ ᐋ ᐐᔔᐙᔨᒡ ᐊᓂᔮᔨᐤᐦ ᐊᐙᔨᐤᐦ ᑳᐦ ᐋᓍᐦᑎᒥᔨᒡ ᑖᑆᐎᓂᔨᐤᐦ᙮

ᑖᐃᑎᔅ 3:9

ᑖᐅᒡ ᐄᔨᔨᐅᒡ ᐋ ᒥᒋᐱᔨᒡ ᐋᐦ ᐋᔨᒨᑎᐦᒡ ᒎᐄᔨᔨᐤ ᐐᔓᐙᐎᓐ ᑖᓂᔮᔨᐤ ᒋᐱᐦ ᑭᓄᐙᔨᐦᑖᑭᓂᔨᐤ ᑭᔮᐦ ᐋᐦ ᐋᔨᒨᑎᐦᒡ ᑖᓐ ᐋ ᐄᑎᔅᑳᑐᔨᒡ ᐅᑖᓂᔥᒑ ᐅᐙᐦᑯᒫᑭᓂᐙᐤ᙮ ᐊᑳᐐ ᐃᔮᐱᑖᔨᐦᑎᒧᒄ ᒑ ᒌ ᐋᔨᒨᑎᒫᒄ ᐅᐦᐄ ᒑᒀᓂᐦᐄ ᐙᔥ ᑖᐹ ᐎᔮᔥ ᐄᑖᐱᑎᓐ ᑭᔮᐦ ᓂᒧᐃ ᒥᑐᓐ ᐐᒋᐦᐄᑯᒡ ᐄᔨᔨᐅᒡ᙮

ᐦᐄᑉᕉ 12:15

ᓂᓈᑭᑎᐙᔨᒥᑐᒄ ᐋᑳ ᐙᒋ ᐹᔨᒄ ᐊᓂᑎᐦ ᐋ ᑎᔑᔮᒄ ᒑ ᒌ ᓅᐦᑖᔥᑭᐦᒃ ᒋᔖᒥᓂᑑ ᐅᒥᔪᐦᑳᒑᐎᓂᔨᐤ, ᐃᔮᒀᒥᐦᒄ ᒑᐦ ᐋᑳ ᑖᑦ ᐊᓂᔮᔨᐤ ᐊᐙᓐ ᐋ ᐄᑖᔨᐦᑖᑰᓯᑦ ᒧᔮᒻ ᓂᐦᑖᐅᒋᐦᒋᑭᓐ ᐊᓂᑎᐦ ᐊᐆᐦᒡ ᓂᐦᑖᐅᒋᐦᒡ ᐊᐅᑎᐱᐆᒡ ᐊᓂᑎᐦ ᐋ ᐅᐦᒋ ᐎᓰᒋᔅᐱᑰᐦᒡ᙮ ᐊᓂᑎᐦ ᒫᒃ ᐄᔑ ᓂᐦᑖᐆᒋᒑ ᐊᓂᑎᐦ ᐋᐦᑖᐙᒄ, ᒥᐦᒑᑐ ᐊᐙᔨᐤᐦ ᑭᑎ ᒥᒋᐱᔨᐦᐋᐤ᙮

ᓃᔓ ᐲᑎᕐ 2:18

ᐙᔥ ᓈᔥᑖᑆᐦ ᒋᔅᑖᒋᒥᓲᐎᒡ ᑭᔮᐦ ᒌᔥᒀᑖᑯᓯᐎᒡ ᐋ ᐊᔨᒥᒡ᙮ ᑖᓐ ᐋ ᐄᔑ ᒥᒋᓂᑐᐙᔨᐦᑎᒨᒥᑭᓃᔨᒡ ᒫᒃ ᐎᔮᓯᒡ ᐱᒫᑎᓰᐎᓂᔨᐤ ᐋᔪᐎᒄ ᐃᔮᐱᒋᐦᑖᒡ ᒑ ᒌ ᑳᒋᔥᑎᓈᒡ ᐊᓂᔮᔨᐤᐦ ᐊᐙᔨᐤᐦ ᓈᔥᒡ ᐊᓅᐦᒡ ᑳ ᐱᑯᐦᐅᔨᒡ ᐊᓂᑖᐦ ᐋ ᐎᓂᑐᑖᑭᐎᔨᒡ ᐋ ᒌ ᐄᔑ ᐐᒋᐦᐄᐙᔨᒡ᙮

ᓃᔓ ᐲᑎᕐ 2:2

ᐊᔮᐱᒡ ᒫᒃ ᒥᐦᒑᑐ ᐊᐙᔨᐤᐦ ᒋᑭ ᒋᔅᒋᓄᐙᐱᒥᑰᐎᒡ ᐊᓂᔮᔨᐤ ᓂᑎᐐ ᒥᒄ ᐋ ᐄᑖᑎᓰᔨᒡ᙮ ᐅᔮᔨᐤ ᒫᒃ ᐋ ᐄᑖᑎᓰᔨᒡ ᐋᑯᑖᐦ ᒑ ᐅᐦᒋ ᒥᒋᐋᔨᒨᑖᑭᓂᐎᒡ ᐊᓐ ᑎᔮᑆᒥᑭᐦᒡ ᒫᔅᑭᓂᐤ᙮

ᒋᔅᒑᔨᐦᑖᑯᐦᑖᒑᐧᐃᓐ 13:14

ᐋᒄ ᒫᒃ ᒌ ᐎᓂᐱᐦᐄᑯᒡ ᐊᓂᒌ ᐄᔨᔨᐅᒡ ᐊᓂᑖᐦ ᐊᔅᒌᐦᒡ ᑳᐦ ᑖᒡ ᐊᓂᔮᔨᐤ ᐋ ᒌ ᒥᔨᒫᑳᓄᐐᒡ ᒫᒥᔥᑳᒡ ᐙᐲᐦᑏᐙᐎᓐᐦ ᒑ ᒌ ᐋ ᐃᔨᐦᑎᔨᒡ ᐊᓂᔮᔨᐤ ᓃᔥᑎᒻ ᒥᒋᐊᐅᐦᑳᓐ, ᐊᓂᔮᔨᐤ ᑳ ᐅᐦᒋ ᓅᑯᓰᔨᒡ ᐊᓂᑖᐦ ᒋᐦᒋᑭᒦᐦᒡ᙮ ᐊᓂᒌ ᐄᔨᔨᐅᒡ ᐊᔅᒌᐦᒡ ᑳᐦ ᑖᒡ ᒌ ᐄᑎᔓᒥᑯᒡ ᐊᓂᔮᔨᐤ ᓃᔓ ᑳᐦ ᑖᔨᒡ ᒥᒋᐊᐅᐦᑳᓐ ᒑ ᒌ ᐅᔑᐦᐋᒡ ᑯᑎᒃ ᒥᓂᑑᐦᑳᓐᐦ ᐋ ᒋᔅᑖᔨᐦᑖᑯᐦᐋᒡ ᐊᓂᔮᔨᐤ ᓃᔥᑎᒻ ᒥᒋᐊᐅᐦᑳᓐ ᒋᐦᒋᐙ ᑳ ᒥᔣᑭᓂᐦᑳᑎᑯᔨᒡ ᓂᑐᐱᔫᐦᑯᒫᓂᔨᐤ ᒥᒄ ᒫᒃ ᐊᔮᐱᒡ ᐋ ᒌ ᐱᒫᑎᓰᔨᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 13:3

ᐹᔨᒄ ᐊᓂᔮᔨᐤ ᐅᔥᑎᒀᓐ ᐊᓐ ᒥᒋᐊᐅᐦᑳᓐ ᒧᔮᒻ ᐋ ᒌ ᓂᐱᐦᑖᑭᓂᐎᔨᒡ ᒌ ᐃᓯᓈᑯᓂᔨᐤ᙮ ᒥᒄ ᒫᒃ ᔖᔥ ᒌ ᒦᔻᔨᐤ᙮ ᒥᓯᐙ ᒫᒃ ᐊᓂᒌ ᐊᔅᒌᐦᒡ ᑳᐦ ᑖᒡ ᒌ ᒫᒥᔥᑳᑖᔨᒫᐅᒡ ᐊᓂᔮᔨᐤ ᒥᒋᐊᐅᐦᑳᓐ ᑭᔮᐦ ᒌ ᓅᔔᔥᑯᐙᐅᒡ᙮