ᓃᔓ ᑎᒧᕢ 1:7 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁷ ᐙᔥ ᐊᓂᔮᔨᐤ ᐊᐦᒑᐦᒄ ᒋᔖᒥᓂᑑ ᑳ ᒥᔨᑎᐦᒄ ᐋᐅᒄ ᐊᓐ ᐙᒋᐦᐄᑎᐦᒄ ᐋᑳ ᒑ ᒌ ᑯᔥᑖᒋᔨᒄ᙮ ᒥᒄ ᒫᒃ ᓲᐦᑳᑎᓰᐎᓂᔨᐤ ᑭᔮᐦ ᓵᒋᐦᐄᐙᐎᓂᔨᐤ ᒌ ᒥᔨᑯᓂᐤ ᐆ ᐊᐦᒑᐦᒄ ᑭᔮᐦ ᒑ ᒌ ᓂᓈᑭᑎᐙᔨᐦᑎᒥᐦᒄ ᑖᓐ ᐋᐦᑎᐅᐦᒄ᙮

ᓃᔓ ᑎᒧᕢ 1:7 Iomraidhean Croise

ᒫᔪᐦᐧᑖᑦ ᓘᒃ 10:19

ᓂᑐᐦᑎᒧᒄ ᒫᒃ, ᒋᒌ ᒥᔨᑎᓈᐙᐤ ᑎᐹᔨᐦᒋᒑᐎᓐ ᒑ ᒌ ᐃᔥᐱᔑᐦᑖᐙᒄ ᒥᒋᒥᓂᑑ ᐅᓲᐦᑳᑎᓰᐎᓐ, ᑭᔮᐦ ᒑ ᒌ ᑖᐦᑎᐦᑯᔥᑳᑖᑯᒡ ᑳ ᐱᐦᒋᐳᔨᐙᒡ ᒥᔑᒋᓈᐳᑯᒡ, ᑭᔮᐦ ᒫᒃ ᑳ ᐱᐦᒋᐳᔨᑐᓂᐎᔨᒡ ᐋ ᒌᔅᑐᐦᐅᐙᒡ ᑳᒫᒥᒑᑐᑳᑖᒡ᙮ ᓂᒧᐃ ᑎᑯᓐ ᒑᒀᓐ ᒑ ᒌ ᐋᐦᑯᐦᐄᑯᔮᒄ᙮

ᒫᔪᐦᐧᑖᑦ ᓘᒃ 15:17

“ᒑᒃ ᒫᒃ ᐄᔥᐱᐦ ᑳ ᑯᐃᔅᑯᑯᑖᔨᒡ ᐅᒫᒥᑐᓈᔨᐦᒋᑭᓐ, ᒌ ᐄᑖᔨᐦᑎᒻ, ‘ᐋᑎ ᐋ ᑎᔑᔨᒡ ᓅᐦᑖᐐ ᐅᑖᐱᒋᐦᐋᑭᓐ ᒥᓯᐙ ᐋ ᑖᐱᔥᑯᔨᔨᒡ ᐊᔮᐱᒡ ᐄᔅᑯᐱᔨᐅᒡ ᒦᒋᒥᔨᐤ, ᓃᔨ ᒫᒃ ᒑᑳᑦ ᓂᑭᐎᐦᑭᑖᓐ᙮

ᒫᔪᐦᐧᑖᑦ ᓘᒃ 24:49

ᐋᒄ ᒫᒃ ᒑ ᐹᒋ ᐄᑎᔑᐦᐋᒫᑎᑯᒡ ᐊᓐ ᑳ ᐱᔮᐦᒋᓰᑦ ᐊᐦᒑᐦᒄ ᐊᓂᔮᔨᐤ ᓅᐦᑖᐐ ᑳᐦ ᐃᔨᑦ ᒑᔥᑎᓈᔥ ᒑ ᐹᒋ ᐄᑎᔑᐦᐙᑦ᙮ ᐊᔑᓂᐙᓯᒄ ᒫᒃ ᐊᓂᑖᐦ ᒋᕉᓯᓕᒥᐦᒡ ᐹᑎᔥ ᒌ ᐅᑎᐦᑎᐦᐅᑯᔮᒀ ᓲᐦᑳᑎᓰᐎᓐ ᒋᐦᒋᒌᔑᑯᐦᒡ ᑳ ᐅᐦᒋᐱᔨᐦᒡ᙮”

ᒫᔪᐦᐧᑖᑦ ᓘᒃ 8:35

ᒌ ᑎᑯᔑᓂᒡ ᒫᒃ ᐄᔨᔨᐅᒡ ᐋ ᒌ ᐹᒋ ᓂᑑᐙᐱᐦᑎᐦᒡ ᑖᓐ ᑳ ᐄᔅᐱᔨᒡ᙮ ᐄᔥᐱᐦ ᐙᑎᐦᑖᒡ ᒌᓴᔅᐦ ᒌ ᐙᐱᒫᐅᒡ ᐊᓂᔮᔨᐤ ᓈᐹᐤ ᔖᔥ ᐋᐦᐋᑳ ᐲᐦᒋᔥᑳᑯᔨᒡ ᒥᒋᐊᐦᒑᐦᒄ ᐋ ᐊᐱᔨᒡ ᐹᔓᒡ ᐊᓂᑎᐦ ᒌᓴᔅᐦ ᐅᓯᑎᔨᒡ᙮ ᒌ ᓂᒋᓈᑯᐦᑖᑯᐱᓐ ᐋᔨᐤᐦ ᑭᔮᐦ ᒌ ᒋᔮᒫᐙᔨᐦᑖᑯᓲ᙮ ᓈᔥᒡ ᒌ ᑯᔥᑖᐅᒡ ᒫᒃ ᐎᔮᐱᒫᒡ ᐅᔮᔨᐤ ᓈᐹᐤᐦ᙮

ᒫᔪᐦᐧᑖᑦ ᐧᒑᓐ 14:27

“ᒋᔮᒫᔨᐦᑎᒧᐎᓐ ᒋᓂᑭᑎᒫᑎᓈᐙᐤ᙮ ᓃᔨ ᒋᔮᒫᔨᐦᑎᒧᐎᓐ ᒋᒥᔨᑎᓈᐙᐤ᙮ ᓂᒧᐃ ᐅᑎᐦ ᐊᔅᒌᐦᒡ ᐋ ᐄᑖᔨᐦᑖᑯᐦᒡ ᒋᔮᒫᔨᐦᑎᒧᐎᓐ ᒋᒥᔨᑎᓈᐙᐤ᙮ ᐊᑳᐐ ᒫᒃ ᒥᑯᔥᑳᑖᔨᐦᑎᒧᒄ ᒋᑖᐦᐐᐙᐦᒡ ᑭᔮᐦ ᐊᑳᐐ ᑯᔥᑖᒋᒄ᙮

ᐋᐧᐹᔅᑎᓕᒡ 1:8

ᒥᒄ ᒫᒄ ᒋᑭ ᓵᑭᔅᒋᓈᔥᑳᑯᓈᐙᐤ ᓲᐦᑳᑎᓰᐎᓐ, ᐄᔥᐱᐦ ᑳ ᐱᔮᐦᒋᓰᑦ ᐊᐦᒑᐦᒄ ᒌ ᐅᑎᐦᑎᑖᒀ᙮ ᐋᒄ ᒫᒃ ᒑ ᐱᐹᒫᒋᒥᔮᒄ ᐊᓂᑖᐦ ᒋᕉᓯᓕᒥᐦᒡ, ᒥᓯᐙ ᒎᑏᔮ ᐊᔅᒌᐦᒡ, ᓵᒫᕆᔮᐦᒡ ᑭᔮᐦ ᒥᓯᐙ ᐋᔅᐱᑎᔅᑭᒥᑳᒡ ᐊᔅᒌ᙮”

ᐋᐧᐹᔅᑎᓕᒡ 10:38

ᒋᒌ ᐹᐦᑖᓈᐙᐤ ᒌᓴᔅ ᓈᓵᕆᕠᐦᒡ ᑳ ᐅᐦᒌᑦ ᑳ ᐅᐙᔮᐱᒥᑯᑦ ᒋᔖᒥᓂᑑ ᑭᔮᐦ ᐋ ᒌ ᒥᔨᑯᑦ ᓲᐦᑳᑎᓰᐎᓂᔨᐤ ᑭᔮᐦ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ᙮ ᒥᒄ ᑖᓂᑖᐦ ᑳᐦ ᐋᑎ ᐃᔨᐦᑖᑦ ᒌ ᒥᔪᑐᑎᒫᒑᐤ ᑭᔮᐦ ᒌ ᒦᓂᐙᒋᐦᐋᐤ ᐊᓂᔮᔨᐤ ᐄᔨᔨᐤᐦ ᒥᒋᒥᓂᑑ ᑳ ᓂᓈᐦᑳᒋᐦᐄᑯᔨᒡ ᐙᔥ ᒨᔥ ᒌ ᐐᒑᐅᑰ ᒋᔖᒥᓂᑑ᙮

ᐋᐧᐹᔅᑎᓕᒡ 20:24

ᓂᒧᐃ ᒫᒃ ᒥᑐᓐ ᐎᔮᔥ ᓂᑎ ᐄᑖᔨᐦᑎᒥᐦᐄᑯᓐ ᓂᐱᒫᑎᓰᐎᓐ ᐙᔥ ᒫᒃ ᐄᔥᐱᐦ ᒌᔑᐱᔨᐦᒑ ᓂᐱᒫᑎᓰᐎᓐ ᐅᑎᐦ ᐊᔅᒌᐦᒡ ᒌ ᒌᔑᑖᔮᓈ ᑖᓐ ᑳᐦ ᐄᑎᔓᒥᑦ ᑎᐹᔨᐦᒋᒑᓯᐤ ᒌᓴᔅ ᒑ ᐄᑖᐱᑎᓰᐎᒡ, ᐋᔪᐎᒄ ᐋᒄ ᐅᔮᔨᐤ ᒑ ᒌ ᐙᐐᐦᑎᒧᒡ ᒥᔻᒋᒧᐎᓂᔨᐤ᙮ ᐅᑎᐦ ᒫᒃ ᒥᔻᒋᒧᐎᓂᐦᒡ ᐋᑯᑖᐦ ᐃᔮᔨᒨᑖᔨᒡ ᒋᔖᒥᓂᑑ ᐅᒥᔪᐦᑳᒑᐎᓐ᙮”

ᐋᐧᐹᔅᑎᓕᒡ 21:13

ᒥᒄ ᒫᒃ ᓂᒌᐦ ᐄᑎᑯᓈᓐ, “ᒑᒀᓐ ᐙᐦᒋ ᒫᑐᔮᒄ, ᓂᑯᔑᑯᑖᐦᐋᓐ ᐋ ᒫᑐᔮᒄ᙮ ᐊᔮᐱᒡ ᐙᔥ ᓂᑭ ᐄᑐᐦᑖᓐ ᐊᓂᑖᐦ ᒋᕉᓯᓕᒥᐦᒡ᙮ ᔖᔥ ᐙᔥ ᓂᑎᔮᔅᑭᐐᓐ, ᓂᒧᐃ ᒥᒄ ᒑ ᒌ ᒋᐱᐦᐅᑭᐎᔮᓐ ᑎᐹᔨᐦᒋᒑᓯᐤ ᒌᓴᔅ ᐅᑎᔑᓂᐦᑳᓱᐎᓐ ᐅᐦᒋ, ᓂᑎᔮᔅᑭᐐᓐ ᑭᔮᐦ ᒑ ᐐᐦ ᓂᐱᐦᐄᑯᐙᓈ ᐐᔨ ᐅᐦᒋ᙮” ᐋᔪᐎᒄ ᐅᔮᔨᐤ ᑳ ᐃᔑᔨᒥᐦᑦ ᑆᓪ᙮

ᐋᐧᐹᔅᑎᓕᒡ 26:11

ᒥᐦᒑᑣᐤ ᑭᔮᐦ ᓃᔨ ᓂᒌᐦ ᑐᑎᐙᐅᒡ ᒑ ᒌ ᐎᔮᔅᑐᑎᐙᑭᓂᐎᒡ ᐊᓂᑖᐦ ᒎᐤ ᐊᔨᒥᐦᐋᐅᑭᒥᑯᐦᒡ, ᑭᔮᐦ ᓂᒌ ᐐᐦ ᑐᑎᐙᐅᒡ ᒑ ᒌ ᒫᔮᔨᒫᒡ ᒌᓴᔅᐦ᙮ ᓈᔥᑖᑆᐦ ᒨᔥ ᓂᒌ ᒋᔑᐙᐦᐄᑯᒡ, ᐙᐙᒡ ᐊᓂᑖᐦ ᒫᓂᑖᐤ ᐃᐦᑖᐎᓂᐦᒡ ᓂᒌᐦ ᐄᑐᐦᑖᐙᓐ ᐋ ᓂᑑᓂᓈᐦᑳᒋᐦᐄᒀᐤ᙮”

ᐋᐧᐹᔅᑎᓕᒡ 26:25

ᐋᒄ ᑆᓪ ᑳ ᓂᔥᒀᐅᔑᐦᐋᑦ ᐋᐦ ᐄᑖᑦ, “ᓂᒧᐃ ᓂᒌᔥᒀᓐ, ᕓᔅᑐᔅ ᒫᐅᒡ ᑳ ᒋᔅᑖᔨᐦᑖᑯᓯᔨᓐ᙮ ᓂᑖᑆᓐ ᑯᐃᔅᒄ ᐊᓐ ᑳ ᐄᔑ ᐐᐦᑎᒫᓐ᙮

ᐋᐧᐹᔅᑎᓕᒡ 6:8

ᔅᑏᕙᓐ ᒫᒃ ᐊᓐ ᐊᐙᓐ ᑳ ᓵᒋᔅᒋᓈᔥᑳᑯᑦ ᒋᔖᒥᓂᑑ ᐅᒥᔪᑳᒑᐎᓂᔨᐤ ᑭᔮᐦ ᐅᓲᐦᑳᑎᓰᐎᓂᔨᐤ ᒌ ᐄᑖᔨᐦᑖᑯᓯᐤ, ᒌᐦ ᑐᑎᒻ ᒫᒃ ᓂᓈᐦᑭᐤ ᒫᒥᔥᑳᒡ ᒑᒀᔨᐤ ᑭᔮᐦ ᒫᒥᔅᑳᒡ ᐙᐱᐦᑏᐙᐎᓐᐦ ᐊᓂᑎᐦ ᐄᔨᔨᐤ ᐋᐦ ᑖᔨᒡ᙮

ᐋᐧᐹᔅᑎᓕᒡ 9:22

ᔂᓪ ᒫᒃ ᐊᑎᑎᐤ ᒌ ᒑᔥᑎᓈᔑᑖᑯᓯᐤ ᐊᓂᔮᔨᐤ ᑖᓐ ᑳ ᐄᔑ ᑭᒑᔅᒀᑦ ᐋᐦ ᐋᔨᒨᒫᑦ ᒌᓴᔅᐦ ᑖᑆᐦ ᐋᐦ ᐋᐎᔨᒡ ᙭ ᐊᓂᔮᔨᐤ ᑳ ᐅᐙᔮᐱᒫᔨᒡ ᒋᔖᒥᓂᑑ᙮ ᐊᓂᒌ ᒫᒃ ᒎᐤ ᐄᔨᔨᐅᒡ ᐊᓂᑎᐦ ᑖᒫᔅᑯᓯᐦᒡ ᑳᐦ ᑖᒡ ᒌ ᐙᐙᓈᔨᐦᑎᒥᐦᐄᑯᒡ, ᓂᒧᐃ ᒥᑐᓐ ᒑᒀᔨᐤ ᐅᐦᒌ ᐄᔑ ᓂᔥᒀᐅᔑᐦᐋᐅᒡ᙮

ᐧᕌᒥᓐ 5:5

ᐋ ᒋᔅᒑᔨᐦᑎᒧᒄ ᒫᒃ ᐋᔥᒄ ᒥᑐᓐ ᒑ ᒋᔅᒑᔨᐦᑎᒥᐦᐄᑎᐦᒄ ᒋᔖᒥᓂᑑ ᐅᒋᔅᑖᔨᐦᑖᑯᓯᐎᓐ, ᒋᑭ ᒋᒑᔥᑎᓈᑖᔨᐦᑖᓈᓂᐤ ᑖᑆᐦ ᐋᔥᒄ ᒑ ᐄᔅᐱᔨᔨᒡ, ᐙᔥ ᒋᔖᒥᓂᑑ ᑖᑆᐦ ᒋᒌ ᒋᔅᒑᔨᐦᑎᒥᐦᐄᑯᓂᐤ ᒋᑖᐦᐄᓈᐦᒡ ᐅᐱᔮᐦᒋ ᐊᐦᒑᐦᒄ ᐅᐦᒋ, ᑖᓐ ᐋ ᐃᔥᐱᔥ ᓵᒋᐦᐄᑎᐦᒄ᙮ ᐐᔨ ᒫᒃ ᒋᔖᒥᓂᑑ ᒋᒌ ᒥᔨᑯᓂᐤ ᐅᐱᔮᐦᒋ ᐊᐦᒑᐦᒄ᙮

ᐧᕌᒥᓐ 8:15

ᐙᔥ ᑖᐹ ᒋᑎᐦᑐᑖᑯᐙᐤ ᐊᓐ ᐊᐦᒑᐦᒄ ᒋᔖᒥᓂᑑ ᑳ ᒥᔨᑖᒄ ᒦᓐ ᑳᐤ ᒑ ᒌ ᑎᐹᔨᒥᑯᐙᒄ ᓵᒋᓯᐎᓂᔨᐤ᙮ ᐆ ᐊᐦᒑᐦᒄ ᐅᐦᒋ ᐋᑯᑖᐦ ᐙᐦᒋ ᐄᔑᐦᐄᑎᐦᒄ ᒋᔖᒥᓂᑑ ᒑ ᒌ ᐅᑎᐙᔑᔒᒥᑖᑎᐦᒄ᙮ ᑭᔮᐦ ᒫᒃ ᒑ ᒌ ᐄᑎᒄ, “ᐋᐹ, ᓅᐦᑖ᙮”

ᓃᔥᑎᒻ ᑯᕆᓐᕠᔨᓐ 2:4

ᒫᒀᒡ ᑳ ᒌ ᐊᔨᒥᐦᐄᑎᑯᒡ ᑭᔮᐦ ᑳ ᒌ ᑭᒑᔅᒋᒥᑎᑯᒡ ᓂᒧᐃ ᓅᐦᒋ ᐐᐦ ᐄᑎᐦᑖᑯᐦᐄᓱᓐ ᓈᔥᒡ ᒑ ᒌ ᔨᑆᐦᑳᐅᑖᑯᓯᔮᓐ ᐋᑎ ᒑ ᒌ ᐅᐦᒋ ᑖᑆᐦᑎᒫᒄ᙮ ᒋᔖᒥᓂᑑ ᐅᑎᐦᒑᐦᒄ ᐊᓅᑯᐦᑖᔨᒡ ᐅᓲᐦᑳᑎᓰᐎᓂᔨᐤ ᐋᐅᒄ ᑳᐦᑐᑖᑖᒄ ᒑ ᒌ ᑖᑆᐦᑎᒫᒄ ᑖᓐ ᑳ ᐄᔑ ᐙᐐᐦᑎᒫᒡ᙮

ᑳᓓᔑᔨᓐ 5:22

ᐋᒄ ᒫᒃ ᐊᓐ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ ᑐᑎᒻ ᒑ ᒌ ᒥᔪᓂᐦᑖᐅᒋᐦᑖᑦ ᐋ ᒥᔻᔑᔨᒡ ᒑ ᒌ ᓅᑯᓃᔨᒡ ᒋᐱᒫᑎᓰᐎᓂᐙᐦᒡ, ᓵᒋᐦᐄᐙᐎᓂᔨᐤ, ᒨᒋᒑᔨᐦᑎᒧᐃᓂᔨᐤ, ᒋᔮᒫᔨᐦᑖᑯᓲᐎᓂᔨᐤ, ᓰᐱᔨᐙᓯᐎᓂᔨᐤ, ᒥᔻᔨᐦᑖᑯᓲᐎᓂᔨᐤ, ᒥᔪᑐᑎᒧᐎᓂᔨᐤ, ᑖᑆᐅᒑᔨᐦᑖᑯᓲᐎᓂᔨᐤ,

ᑯᐧᓛᓯᔨᓐ 1:8

ᓂᒌ ᐐᐦᑎᒫᑯᓈᓐ ᐁᐹᕝᕌᔅ ᐋ ᓵᒋᐦᐄᐙᐙᒄ ᑳ ᐱᔮᐦᒋᓰᑦ ᐊᐦᒑᐦᒄ ᐅᐦᒋ᙮

ᐦᐄᑉᕉ 2:15

ᑭᔮᐦ ᒑ ᒌ ᐋᐱᐦᑯᓈᑦ ᐊᓂᔮᔨᐤᐦ ᐊᐙᔨᐤᐦ ᑳ ᒫᐦᒋᒀᐱᐦᑳᑎᑯᔨᒡ ᒧᔮᒻ ᑳ ᑖᐱᑎᐹᔨᒫᑭᓅᑦ ᐋᐱᒋᐦᐋᑭᓐ ᑳ ᑯᔥᑎᒥᔨᒡ ᓂᐱᐎᓂᔨᐤ ᑳ ᐃᔥᐱᔥ ᐹᐦᒋ ᐱᒫᑎᓰᔨᒡ᙮

ᓃᔥᑎᒻ ᐲᑎᕐ 1:22

ᐋ ᒌ ᐱᔮᐦᒋᐦᐄᓲᔮᒄ ᐊᓐ ᐅᐦᒋ ᐋ ᓂᓂᐦᐄᐦᑎᒫᒄ ᑖᑆᐎᓐ ᒋᐦᒋᐙ ᒫᒃ ᒑ ᓵᒋᐦᐋᐦᑯᒡ ᒌᒋᔖᓂᐙᐅᒡ, ᓲᐦᒃ ᓵᒋᐦᐄᑐᒃ ᒥᓯᐙ ᒋᑖᐦᐄᐙᐦᒡ ᐅᐦᒋ᙮

ᓃᔥᑎᒻ ᐧᒑᓐ 4:18

ᐊᓂᑎᐦ ᐋᐦᑎᑯᐦᒡ ᓵᒋᐦᐄᐙᐎᓐ ᓂᒧᐃ ᒌ ᑎᑯᓐ ᓵᒋᓯᐎᓐ, ᓵᒋᐦᐄᐙᐎᓐ ᐊᓐ ᐋᐦᐋᑳ ᓅᐦᑎᓂᒨᒥᑭᐦᒡ ᐄᒑᐙᐱᓂᒨᒥᑭᓐ ᓵᒋᓲᐎᓐ᙮ ᐙᔥ ᐊᓐ ᐊᐙᓐ ᑳ ᒋᔅᒑᔨᐦᑎᐦᒃ ᒑ ᒫᑯᐦᐋᑭᓅᑦ ᐋᐅᒄ ᐊᓐ ᓯᔮᒋᓯᑦ᙮ ᐋᑯᑎᐦ ᓅᑯᓃᔨᒡ ᐅᓵᒋᐦᐄᐙᐎᓐ ᐋᓅᐦᑎᓂᒨᒥᑭᓃᒡ᙮