ᓃᔓ ᑎᒧᕢ 1:6 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁶ ᐋᐅᒄ ᒫᒃ ᐆ ᐙᐦᒋ ᐐᐦ ᒋᔅᒋᓲᒥᑎᓐ ᓲᐦᒃ ᒨᔥ ᒑ ᒌ ᐋᐱᒋᐦᑖᐙᑦ ᐊᓂᔮᔨᐤ ᒥᔨᐙᐎᓂᔨᐤ ᒋᔖᒥᓂᑑ ᑳ ᒥᔨᔅᒃ ᐄᔥᐱᐦ ᑳ ᑖᐦᒋᓂᑖᓐ ᐋ ᐊᔨᒥᐦᐋᔥᑎᒫᑖᓐ᙮

ᓃᔓ ᑎᒧᕢ 1:6 Iomraidhean Croise

ᒫᔪᐦᐧᑖᑦ ᓘᒃ 19:13

ᒥᒄ ᒫᒃ ᐋᒸᔮ ᐅᐦᒋ ᒋᔅᑐᐦᑖᑦ ᒌ ᓂᑑᒫᐤ ᒥᑖᐦᑐ ᐊᓂᔮᔨᐤ ᐅᑖᐱᒋᐦᐋᑭᓐ ᐹᐦᐹᔨᒄ ᑳ ᒥᔮᑦ ᔓᐎᔮᓐ, ᐋᒄ ᑳᐦ ᐄᑖᑦ, ‘ᐋᔨᐙᒡ ᐐᐦ ᐅᔑᐦᐋᒄ ᐆ ᔓᐎᔮᓐ ᒑ ᐃᔥᐱᔥ ᐃᑎᓂᐦᐅᔮᓐ᙮’

ᐋᐧᐹᔅᑎᓕᒡ 19:6

ᐋᒄ ᑆᓪ ᑳ ᑖᐦᑳᑎᐦᐹᓈᑦ, ᑳ ᐲᐦᒋᔥᑳᑯᒡ ᒫᒃ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ, ᑭᔮᐦ ᒌ ᒀᔅᒡ ᐋᔨᒨᒡ, ᑭᔮᐦ ᒫᒃ ᒌ ᐋᔨᒦᔥᑎᒧᐙᐅᒡ ᒋᔖᒥᓂᑑ᙮

ᐋᐧᐹᔅᑎᓕᒡ 6:6

ᐋᒄ ᒫᒃ ᐊᓂᒌ ᑳ ᑖᑆᐦᑎᐦᒡ ᑳ ᐄᑐᐦᑎᐦᐋᒡ ᐊᓂᔮᔨᐤ ᑳ ᐅᐙᔮᐱᒫᒡ ᓈᐹᐤ ᐊᓂᑖᐦ ᐊᓂᔮᔨᐤ ᐋᑆᔅᑎᓪᐦ ᐋᐦ ᑖᔨᒡ᙮ ᐋᒄ ᒫᒃ ᐊᓂᒌ ᐋᑆᔅᑎᓕᒡ ᑳ ᑖᐦᒋᓈᒡ ᑭᔮᐦ ᑳ ᐊᔨᒥᐦᐋᔥᑎᒧᐙᒡ ᐊᓂᔮᔨᐤ ᓈᐹᐤ᙮

ᓃᔥᑎᒻ ᕞᓵᐧᓛᓃᔨᓐ 5:19

ᐊᑳᐐ ᓂᑳᓈᐦᒄ ᑳ ᐱᔮᐦᒋᓰᑦ ᐊᐦᒑᐦᒄ ᑖᓐ ᐙᐦ ᐄᔑ ᐋᐱᑎᓰᑦ᙮

ᓃᔥᑎᒻ ᑎᒧᕢ 4:14

ᒨᔥ ᐋᐱᒋᐦᑖᐦ ᐊᓐ ᐊᐦᒑᐦᒄ ᒥᔨᐙᐎᓐ ᐋ ᐄᔑ ᐃᔮᔨᓐ ᒑ ᒌ ᐋᐱᑎᔒᔥᑑᑦ ᒋᔖᒥᓂᑑ᙮ ᐙᔥ ᐋᐅᒄ ᐆ ᒥᔨᐙᐎᓐ ᑳ ᒥᔨᑯᐎᔨᓐ ᒋᔅᒋᐙᐦᐄᒑᐎᓂᐦᒡ ᐅᐦᒋ, ᑳ ᑖᐦᒋᓂᔅᒡ ᐋ ᐊᔨᒥᐦᐋᔥᑎᒫᔅᒡ ᐊᓂᒌ ᑳ ᓃᑳᓂᔥᑭᐦᒡ ᐊᔨᒥᐦᐋᐅᑭᒥᑯᔨᐤ᙮

ᓃᔥᑎᒻ ᑎᒧᕢ 4:6

ᒥᔔ ᒫᒃ ᐅᔮᔨᐤ ᐄᔑ ᒋᔅᑯᑎᒫᐎᑣᐙ ᐐᒋᔖᓂᒫᐅᒡ, ᒋᑭ ᒥᔪ ᐋᐱᑎᓰᔅᑎᐙᐤ ᙭ ᒌᓴᔅ, ᐋ ᓄᔓᔅᑭᒥᓐ ᐋᑖᑆᒫᑳᐦᒡ ᑖᑆᔮᔨᐦᑎᒧᐎᓐ ᑭᔮᐦ ᐊᓐ ᒥᔪ ᒋᔅᑯᑎᒫᒑᐎᓐ ᒌ ᒥᔪ ᓂᐦᑖᐅᒋᐦᐄᑯᓐ᙮

ᓃᔓ ᑎᒧᕢ 2:14

ᒨᔥ ᒫᒃ ᒋᔅᒋᓲᒥᒡ ᒋᑎᐄᔨᔨᒥᒡ ᐅᔮᔨᐤ ᑭᔮᐦ ᐅᐦᑎᔅᑰ ᒋᔖᒥᓂᑑ ᐋᐦ ᑖᔨᒡ ᐃᔮᒀᒥᒥᒡ ᐋᑳ ᒑ ᒌ ᒨᐦᒌᑳᑑᒡ ᐊᔨᒧᐎᓂᔨᐤ ᐅᐦᒋ, ᐙᔥ ᓂᒧᐃ ᒥᑐᓐ ᒥᔪ ᐐᒋᐦᐄᐙᒥᑭᓐ ᐆ ᐋ ᐄᔑ ᐊᔨᒥᓈᓅᒡ᙮ ᑎᑯᓂᔨᐤ ᑖᓐ ᐋ ᐄᔑ ᒥᒌᐦᑐᑖᑯᒡ ᐊᓂᒌ ᑳ ᓂᑐᐦᑎᐦᒡ᙮

ᓃᔓ ᑎᒧᕢ 4:2

ᑭᒑᔅᒀᐦ ᐋᑎᔅᑖᔨᒡ ᒋᔖᒥᓂᑑ ᐅᑎᔨᒧᐎᓐᐦ᙮ ᐊᔮᐱᒡ ᓲᐦᒃ ᐙᐐᐦᑎᐦ ᐋᑎ ᐊᓂᑎᐦ ᐋᐦᐋᑳ ᓂᐦᐄᐱᔨᐦᒡ ᒑ ᒌ ᓂᑑᐦᑖᑭᓂᐎᒡ, ᑭᔮᐦ ᒫᒃ ᐊᓂᑎᐦ ᐋ ᓂᐦᐄᐱᔨᐦᒡ ᒑ ᒌ ᓂᑑᐦᑖᑭᓂᐎᒡ᙮ ᒋᔅᒑᔨᐦᑖᑯᐦᑖ ᑖᑆᐎᓐ ᐋ ᐐᔒᐦᒋᒧᐙᔨᓐ, ᒋᔅᑎᐦᐋᒫᒑ ᐋ ᐎᓂᑐᑖᑭᓂᐎᒡ, ᑭᔮᐦ ᒫᒃ ᐅᐦᐱᓄᐙ ᒋᑎᔨᒧᐎᓂᒡ ᑭᔮᐦ ᒨᔥ ᓰᐱᔨᐙᔅ ᐋ ᒋᔅᑯᑎᒫᒑᔨᓐ᙮

ᐦᐄᑉᕉ 6:2

ᑭᔮᐦ ᔖᔥ ᐋ ᒌ ᒋᔅᑯᑎᒫᑭᐎᔨᐦᒄ ᓰᑭᐦᐋᐦᑖᒑᐎᓐ, ᑭᔮᐦ ᐋ ᑖᐦᒋᓈᑭᓂᐎᒡ ᐄᔨᔨᐅᒡ ᒑ ᒌ ᐊᔨᒥᐦᐋᐅᒋᒫᐤ ᐋᐱᑎᔒᒡ, ᑭᔮᐦ ᐋ ᒌ ᒋᔅᑯᑎᒫᑭᐎᔨᐦᒄ ᒑ ᐎᓂᔥᑳᓈᑭᓅᑦ ᐊᐙᓐ ᓂᐱᐎᓂᐦᒡ ᐅᐦᒋ ᑭᔮᐦ ᒫᐦᒋᒡ ᑳᒋᒡ ᑎᐹᔅᑯᓂᒑᐎᓐ, ᐋᓐ ᒑᐦ ᐋᑳ ᓂᐦᑖ ᒌ ᐋᐦᑎᓂᑭᓂᐎᒡ᙮

ᓃᔓ ᐲᑎᕐ 1:12

ᐋᐅᒄ ᐙᔥ ᑭᔨᑆ ᑭᔮᐦ ᐆ ᒑ ᐅᐦᒋ ᒨᔥ ᐐᐦ ᒋᔅᒋᓲᒥᑎᑯᒡ ᐅᐦᐄ ᒑᒀᓂᐦᐄ ᐋᑦ ᔖᔥ ᐋ ᒋᔅᒑᔨᐦᑎᒫᒄ ᑭᔮᐦ ᔖᔥ ᐋ ᒑᔥᑎᓈᑖᔨᐦᑎᒥᐦᐄᑯᔮᒄ ᐊᓐ ᑖᑆᐐᓐ ᐊᓅᐦᒡ᙮

ᓃᔓ ᐲᑎᕐ 3:1

ᓃᐐᒑᐙᑭᓂᑐᒃ ᐋᐅᒄ ᐆ ᓃᔣ ᒑ ᒥᓯᓂᐦᐋᒫᑎᑯᒡ᙮ ᑖᐱᔥᑯᓐ ᒫᒃ ᐊᓂᑎᐦ ᑳ ᒥᓯᓂᐦᐋᒫᑎᑯᒡ ᓲᐦᒃ ᓂᒌ ᑯᒋᐦᑖᓐ ᒑ ᒌ ᐐᒋᐦᐄᑎᑯᒡ ᒑ ᒌ ᑯᐃᔅᒄ ᒫᒥᑐᓈᔨᐦᑎᒥᐦᐄᑯᔮᒄ ᒥᓯᐙ ᒑᒀᓐ ᐋ ᒋᔅᒋᓲᒥᑎᑯᒡ ᐅᐦᐄ ᒑᒀᓂᐦᐄ᙮

ᒎᑦ 1:5

ᐋᑦ ᒫᒃ ᔖᔥ ᒥᓯᐙ ᐋ ᒋᔅᒑᔨᐦᑎᒫᒄ ᐆ ᒑ ᐄᔑ ᐙᐐᐦᑎᒫᑎᑯᒡ, ᒋᐐᐦ ᒋᔅᒋᓲᒥᑎᓈᐙᐤ ᑎᐹᔨᐦᒋᒑᓯᐤ ᐋ ᒌ ᐱᑯᐦᐋᑦ ᐊᓂᔮᔨᐤ ᐃᔅᕋᐄᓪ ᐄᔨᔨᐤ ᐄᒋᑉᑦ ᑳ ᐃᔑᓂᐦᑳᑖᔨᒡ ᐊᔅᒌᔨᐤ ᐅᐦᒋ ᐋᒄ ᐊᓂᔮᔨᐤ ᐋᑳ ᑳ ᑖᑆᐦᑎᒥᔨᒡ ᐹᑎᒫ ᒌ ᓂᔑᐎᓈᒋᐦᐋᐤ᙮