ᓃᔓ ᕞᓵᐧᓛᓃᔨᓐ 3:7 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁷ ᒋᒋᔅᒑᔨᐦᑖᓈᐙᐤ ᑭᔮᐦ ᒋᐱᐦ ᐐᐦ ᐄᔑ ᐱᒫᑎᓰᓈᐙᐤ ᐋᓐ ᑳ ᐄᔑ ᐙᐱᒥᔮᐦᒡ ᐋᐦ ᑎᔮᐦᒡ᙮ ᓂᒧᐃ ᓅᐦᒋ ᒋᐦᑎᒥᓈᓐ᙮

ᓃᔓ ᕞᓵᐧᓛᓃᔨᓐ 3:7 Iomraidhean Croise

ᓃᔥᑎᒻ ᑯᕆᓐᕠᔨᓐ 11:1

ᐆ ᑳ ᐄᔑ ᐙᐱᒥᔮᒄ ᐋ ᐄᔑ ᐱᒫᑎᓰᔮᓐ ᙭ ᐋ ᓅᔔᔅᑰᒃ, ᐋᐅᒄ ᑭᔮᐦ ᒌᔨᐙᐤ ᐄᔑ ᐱᒫᑎᓰᒄ᙮

ᓃᔥᑎᒻ ᑯᕆᓐᕠᔨᓐ 4:16

ᐋᐅᒄ ᒫᒃ ᐙᐦᒋ ᓈᔥᒡ ᐱᑯᓵᔨᒥᑎᑯᒡ ᒑ ᒌ ᒋᔅᒋᓄᐙᐱᒥᔮᒄ᙮

ᕕᓕᐱᔨᓐ 3:17

ᓃᒋᔖᓂᑎᒄ, ᓲᐦᒃ ᐐᐦ ᒋᔅᒋᓄᐙᐱᒧᒄ ᐋ ᐄᔑ ᐱᒫᑎᓰᔮᓐ ᑭᔮᐦ ᓲᐦᒃ ᒫᒃ ᑭᓂᐙᐱᒥᐦᑯᒡ ᐊᓂᒌ ᑳ ᒋᔅᒋᓄᐙᐱᒥᔨᒥᐦᒡ ᐋ ᐄᔑ ᐱᒫᑎᓰᐎᒋᐦᑦ᙮

ᕕᓕᐱᔨᓐ 4:9

ᒋᐱᐦ ᑐᑖᓈᐙᐤ ᐊᓐ ᑳ ᐄᔑ ᒋᔅᒋᓄᐦᐊᒫᑎᑯᒡ ᑭᔮᐦ ᐊᓐ ᑳ ᐄᔑ ᐙᐱᒥᔮᒄ ᐋᐦ ᐄᑖᑎᓰᔮᓐ᙮ ᐋᒄ ᒫᒃ ᒋᔖᒥᓂᑑ ᐊᓐ ᑳ ᒥᔨᑎᐦᒄ ᒋᔮᒫᔨᐦᑎᒧᐎᓂᔨᐤ ᒋᑭ ᐐᒑᐅᑯᐙᐤ᙮

ᓃᔥᑎᒻ ᕞᓵᐧᓛᓃᔨᓐ 2:10

ᒋᔖᒥᓂᑑ ᒋᔅᒑᔨᐦᑎᒻ ᑭᔮᐦ ᒫᒃ ᒌᔨᐙᐤ ᒋᒋᔅᒑᔨᐦᑖᓈᐙᐤ ᑖᓐ ᑳ ᐄᔑ ᐱᔮᐦᒋ ᐱᒫᑎᓰᔮᐦᒡ, ᑖᓐ ᑳ ᐄᔑ ᑯᐃᔅᑯᑖᑎᓯᔮᐦᒡ ᑭᔮᐦ ᐋᐦᐋᑳ ᐅᐦᒋ ᑎᑯᐦᒡ ᒑ ᒌ ᐄᔑ ᐋᑖᒫᔨᐦᑖᑯᓯᔮᐦᒡ ᒑ ᒌ ᒥᒋᐱᒫᑎᓰᔮᐦᒡ ᒫᒀᒡ ᐊᓂᑎᐦ ᒌᔨᐙᐤ ᑳ ᑖᑆᐦᑎᒫᒄ ᒥᔻᒋᒧᐎᓐ ᐋᐦ ᑖᔮᒄ ᑳ ᑖᔮᐦᒡ᙮

ᓃᔥᑎᒻ ᕞᓵᐧᓛᓃᔨᓐ 5:14

ᓃᒋᔖᓂᑎᒄ, ᒋᔒᐦᒋᒥᑎᓈᓐ ᒑ ᒌ ᐄᑖᑯᒡ ᐊᓂᒌ ᐋᑳ ᑳ ᐐᐦ ᐋᐱᑎᔒᒡ ᔮᐃᑖᐃ ᒑ ᐋᐱᑎᔒᒡ᙮ ᐐᒋᐦᐋᐦᑯᒡ ᐊᓂᒌ ᑳ ᓵᑯᑖᐦᐋᒡ ᐋᑳ ᒑ ᒌ ᑯᔥᑖᒋᒡ᙮ ᐐᒋᐦᐋᐦᑯᒡ ᐊᓂᒌ ᐋᑳ ᑳ ᓵᐱᓰᔨᒡ ᐆ ᑖᑆᔮᔨᐦᑎᒧᓂᐙᒡ᙮ ᒥᓯᐙ ᐊᐙᓐ ᓰᐱᔨᐙᓰᔅᑐᐙᐦᒄ᙮

ᓃᔓ ᕞᓵᐧᓛᓃᔨᓐ 3:6

ᓃᒋᔖᓂᑎᒄ, ᒋᑎᐄᑎᔓᒥᑎᓈᓐ ᑎᐹᔨᐦᒋᒑᓯᐤ ᒌᓴᔅ ᙭ ᐅᑎᔑᓂᐦᑳᓱᐎᓐ ᐅᐦᒋ, ᐊᑳᐐ ᐃᔮᐱᑖᔨᒫᐦᑯᒡ ᐊᓂᒌ ᐄᔨᔨᐅᒡ ᐋᑳ ᑳ ᒥᑐᓐ ᐎᔮᔥ ᐄᑖᐱᑎᓰᔨᒡ ᑭᔮᐦ ᐋᑳ ᑳ ᐃᔮᐱᑖᔨᐦᑎᐦᒡ ᑖᓐ ᑳ ᐄᔑ ᒋᔅᑯᑎᒫᑖᐦᒡ᙮

ᓃᔓ ᕞᓵᐧᓛᓃᔨᓐ 3:9

ᐋᐅᒄ ᑳᐦ ᑎᔮᐦᒡ᙮ ᐋᑦ ᐋ ᐃᓯᓈᑯᐦᒡ ᒑ ᒌ ᓂᑐᑎᒫᑖᐦᒡ ᒑ ᒌ ᐱᒥᓃᔮᐦᒡ ᓂᒧᐃ ᑰᐦᒋ ᓂᑎᐙᔨᐦᑎᒫᑎᓈᓐ ᒑᒀᓐ᙮ ᐙᔥ ᒋᒌ ᐐᐦ ᐙᐱᐦᑏᔨᑎᓈᓐ ᒑ ᐄᑖᑎᓰᐙᑯᐱᓈ ᑭᔮᐦ ᒌᔨᐙᐤ᙮

ᓃᔥᑎᒻ ᑎᒧᕢ 4:12

ᐊᑳᐐ ᒋᑭ ᐅᐦᒋ ᐃᔮᑐᐦᐄᑯᒡ ᐄᔨᔨᐅᒡ ᐊᓂᔮᔨᐤ ᐋ ᐅᔅᒋᓃᒌᐎᑦ᙮ ᒥᒄ ᐄᔑ ᐱᒫᑎᓰᐦ ᐊᓂᑎᐦ ᒑ ᒌ ᐅᐦᒋ ᒋᔅᒋᓄᐙᐱᐦᑎᐦᒡ ᒋᐱᒫᑎᓰᐎᓂᔨᐤ ᐊᓂᒌ ᑳ ᑖᑆᐦᑎᐦᒡ, ᑭᔮᐦ ᑖᓐ ᐋ ᐃᑎᐦᑖᑯᓃᔨᒡ ᒋᑎᔨᒧᐎᓂᔨᐤ, ᑭᔮᐦ ᑖᓐ ᐋ ᐃᓯᓈᑯᐦᒡ ᒋᐱᒫᑎᓰᐎᓂᔨᐤ ᑭᔮᐦ ᑖᓐ ᐋ ᐄᔑ ᓵᒋᐦᐄᐙᔨᓐ ᑭᔮᐦ ᒫᒃ ᐋ ᐄᔑ ᑖᑆᐦᑎᒥᓐ ᑭᔮᐦ ᑖᓐ ᐋ ᐄᔑ ᐱᔮᐦᒋᓯᔨᓐ᙮

ᑖᐃᑎᔅ 2:7

ᒌᔨ ᒫᒃ ᑭᔮᐦ ᒋᐱᐦ ᐐᐦ ᐙᐱᐦᑎᔮᐅᒡ ᑖᓐ ᒑ ᐄᔑ ᒋᔅᒋᓄᐙᐱᒥᔅᒡ ᐋ ᒥᔪᑐᑎᒥᓐ ᒥᓯᐙ ᑖᓐ ᐋᑦ ᐋᔨᐦᑎᔨᓐ᙮ ᐋ ᒋᔅᑯᑎᒫᒑᔨᓐ ᑭᔮᐦ ᒋᐱᐦ ᓅᑯᐦᑖᓐ ᐋ ᐄᑆᐦᑳᔨᓐ ᑭᔮᐦ ᑯᐃᔅᒄ ᒋᐱᐦ ᐄᔑ ᒋᔅᑯᑎᒫᒑᓐ᙮

ᓃᔥᑎᒻ ᐲᑎᕐ 5:3

ᐊᑳᐐ ᓈᔥᒡ ᐐᐦ ᑖᐱ ᐅᒋᒫᐦᑭᐦᑎᐙᑯᒡ ᐊᓂᒌ ᑳ ᒥᔨᑯᐎᔮᒄ ᒑ ᒌ ᓃᑳᓂᔥᑯᐙᑯᒡ ᑭᔮᐦ ᒫᒃ ᐋᑯᔥ ᐊᐅᔅᑖ ᐐᐦ ᒥᔪᑐᑎᐙᐦᑯᒡ ᒑ ᑎᑯᓃᔨᒡ ᒫᒃ ᐊᓂᑎᐦ ᒑ ᒌ ᐅᐦᒋ ᒋᔅᒋᓄᐙᐱᒥᑖᑯᒡ᙮