ᓃᔓ ᕞᓵᐧᓛᓃᔨᓐ 3:6 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁶ ᓃᒋᔖᓂᑎᒄ, ᒋᑎᐄᑎᔓᒥᑎᓈᓐ ᑎᐹᔨᐦᒋᒑᓯᐤ ᒌᓴᔅ ᙭ ᐅᑎᔑᓂᐦᑳᓱᐎᓐ ᐅᐦᒋ, ᐊᑳᐐ ᐃᔮᐱᑖᔨᒫᐦᑯᒡ ᐊᓂᒌ ᐄᔨᔨᐅᒡ ᐋᑳ ᑳ ᒥᑐᓐ ᐎᔮᔥ ᐄᑖᐱᑎᓰᔨᒡ ᑭᔮᐦ ᐋᑳ ᑳ ᐃᔮᐱᑖᔨᐦᑎᐦᒡ ᑖᓐ ᑳ ᐄᔑ ᒋᔅᑯᑎᒫᑖᐦᒡ᙮

ᓃᔓ ᕞᓵᐧᓛᓃᔨᓐ 3:6 Iomraidhean Croise

ᒫᔪᐦᐧᑖᑦ ᒫᕠᔫ 18:17

ᐋᑳ ᒫᒃ ᐱᔑᒋᑖᔅᑳ ᑭᔮᐦ ᐊᓂᔮᔨᐤ ᑯᑎᒃ ᐊᐙᔨᐤᐦ ᐋᑳ ᐱᔑᒋᐦᐋᒑ, ᐋᒄ ᒑ ᐐᐦᑎᒫᒥᑦ ᐅᒫᒨᐊᔨᒥᐦᐋᐤ ᑖᓐ ᑳ ᐄᔑ ᒥᒋᐦᑐᑖᔅᒃ᙮ ᐋᑳ ᒫᒃ ᐱᔑᒋᐦᐋᒑ ᑭᔮᐦ ᐊᓂᔮᔨᐤ ᐅᒫᒨᐊᔨᒥᐦᐋᐤ ᐊᑳᐐ ᒋᑭ ᐅᐦᒋ ᐃᔮᐱᑖᔨᒫᑭᓂᐤ, ᒧᔮᒻ ᐊᐙᓐ ᐋᑳ ᑳ ᒋᔅᒑᔨᒫᑦ ᒋᔖᒥᓂᑑ ᐋᔪᐎᒄ ᒑ ᐄᔑ ᑭᓂᐙᐱᒫᑭᓅᑦ᙮ ᑭᔮᐦ ᒫᒃ ᐊᐙᓐ ᐋᑳ ᑳ ᐐ ᒀᔅᑳᑎᓰᑦ ᐋᔪᐎᒄ ᒑ ᐄᔑ ᑭᓂᐙᐱᒫᑭᓅᑦ᙮”

ᐧᕌᒥᓐ 16:17

ᓃᒋᔖᓂᑎᒄ, ᒋᐐᐦ ᔮᒀᒥᑎᓈᐙᐤ᙮ ᔮᒀᒦᔅᑐᐙᐦᑯᒡ ᐊᓂᒌ ᑳᐦ ᑐᑎᐙᒡ ᐊᐙᔨᐤᐦ ᒑ ᒌ ᐱᐱᐦᑳᓂᐱᔨᔨᒡ ᑭᔮᐦ ᑳ ᓂᔑᐎᓈᒋᐦᑖᐙᒡ ᑖᓐ ᐋ ᐄᔑ ᑖᑆᔮᔨᐦᑎᒥᔨᒡ᙮ ᐃᔨᐦᒡ ᐄᔑ ᒋᔅᑯᑎᒫᒑᐅᒡ ᑖᓐ ᔖᔥ ᑳ ᐄᔑ ᒋᔅᑯᑎᒫᑯᐙᒄ᙮ ᐊᑳᐐ ᐃᔮᐱᑖᔨᒫᑯᒡ ᐅᒌ᙮

ᓃᔥᑎᒻ ᑯᕆᓐᕠᔨᓐ 11:2

ᓂᒥᔻᔨᐦᑖᓐ ᒨᔥ ᐋ ᒋᔅᒋᓰᑐᐎᔮᒄ ᑭᔮᐦ ᐋᐦ ᑐᑎᒫᒄ ᑭᔮᐦ ᐋ ᑭᓂᐙᔨᐦᑎᒫᒄ ᑖᓐ ᑳ ᐄᔑ ᒋᔅᑯᑎᒫᑎᑯᒡ ᒑ ᑎᔮᒄ᙮

ᓃᔥᑎᒻ ᑯᕆᓐᕠᔨᓐ 5:4

ᑎᐹᔨᐦᒋᒑᓯᐤ ᒌᓴᔅ ᐋ ᒌ ᐹᒋ ᒥᔨᑦ ᒑ ᒌ ᐄᔑ ᐎᔮᔨᐦᑎᒧᒡ᙮ ᓂᔥᑐᐎᔮᒄ ᐙᐦ ᐊᔨᒥᐦᐋᔮᒄ, ᒧᔮᒻ ᐊᓂᑎᐦ ᐋᐦ ᑖᔮᒄ ᐋᐦ ᑖᔮᓐ ᒋᑭ ᐄᑖᔨᐦᑖᑯᓐ ᑭᔮᐦ ᒫᒃ ᑎᐹᔨᐦᒋᒑᓯᐤ ᒌᓴᔅ ᐅᓲᐦᑳᑎᓰᐎᓐ ᒋᑭ ᑎᑯᓂᔨᐤ᙮

ᓃᔥᑎᒻ ᑯᕆᓐᕠᔨᓐ 5:9

ᒋᒌ ᐐᐦᑎᒫᑎᓈᐙᐤ ᐅᑎᐦ ᑳ ᒥᓯᓂᐦᐋᒫᑎᑯᒡ, ᐋᑳ ᒑ ᐐᒑᐙᑯᒡ ᐊᓂᒌ ᓂᑎᐐ ᒥᒄ ᑳ ᐄᑖᑎᓰᔨᒡ᙮

ᓃᔓ ᑯᕆᓐᕠᔨᓐ 2:10

ᐙᔥ ᒥᒄ ᑎᐦᑐ ᐎᔮᐹᔨᐦᑎᒧᐙᒄ ᐊᐙᓐ ᑖᓐ ᒥᒄ ᑳᐦ ᑎᒀ ᑭᔮᐦ ᓃᔨ ᓂᐙᐹᔨᐦᑎᒧᐙᐤ᙮ ᓈᑎᐙᔨᐦᑖᑯᓂᒀ ᒑ ᒌ ᐙᐹᔨᐦᑎᒨᒃ ᐊᐙᓐ ᓂᐙᐹᔨᐦᑎᒧᐙᐤ ᒌᔨᐙᐤ ᒑ ᒌ ᐐᒋᐦᐄᑯᔮᒄ ᐋ ᒋᔅᒑᔨᐦᑎᒫᓐ ᙭ ᐋ ᐙᐱᒥᑦ᙮

ᐄᕕᓰᔨᓐ 4:17

ᐆ ᒫᐦ ᒋᑎ ᐄᔑ ᐐᐦᑎᒫᑎᓈᐙᐤ ᑎᐹᔨᐦᒋᒑᓯᐤ ᐄᔑ ᐋᐦ ᑖᑦ ᐋ ᐃᔮᒀᒥᑎᑯᒡ ᔮᔨᑖᐃ ᒑᐦ ᐋᑳ ᐄᔑ ᐱᒫᑎᓰᔮᒄ ᑖᓐ ᐋ ᐄᔑ ᐱᒫᑎᓰᔨᒡ ᐊᓂᒌ ᐋᑳ ᑳ ᐃᔮᐱᑖᔨᒫᒡ ᒋᔖᒥᓂᑑ᙮ ᐙᔥ ᐊᓂᔮᔨᐤ ᑖᓐ ᐋ ᐄᔑ ᒫᒥᑐᓈᔨᐦᑎᐦᒡ ᓂᒧᐃ ᒥᑐᓐ ᐋᐱᑖᔨᐦᑖᑯᓂᔨᐤ,

ᑯᐧᓛᓯᔨᓐ 3:17

ᒥᓯᐙ ᒑᒀᓐ ᐋᐃᐦᑑᑎᒫᒄ ᑭᔮᐦ ᑖᓐ ᐋ ᐃᔮᒄ, ᐋᒋᔅᑖᔨᐦᑎᒸᒄ ᑎᐹᔨᐦᒋᒑᓯᐤ ᒌᓴᔅ ᐅᑎᔑᓂᐦᑳᓱᐎᓂᐦᒡ ᒋᐱᐦ ᐄᔑ ᑐᑖᓈᐙᐤ ᐋ ᓂᓈᔅᑯᒫᒄ ᒋᔖᒥᓂᑑ ᑰᐦᑖᐎᓂᐤ ᐐᔨ ᒌᓴᔅ ᐅᐦᒋ᙮

ᓃᔥᑎᒻ ᕞᓵᐧᓛᓃᔨᓐ 4:1

ᒫᐦᒑᔨ ᒫᒃ ᓃᒋᔖᓂᑎᒄ, ᒋᒌ ᒋᔅᑯᑎᒫᑎᓈᓐ ᑖᓐ ᒑ ᐄᔑ ᐱᒫᑎᓰᐙᑯᐱᓈ ᒑ ᒌ ᓂᐦᐋᔨᐦᑎᒥᐦᐙᒄ ᒋᔖᒥᓂᑑ᙮ ᐋᐅᒄ ᒫᒃ ᑖᑆᐦ ᐋ ᐄᔑ ᐱᒫᑎᓰᔮᒄ᙮ ᒋᐱᑯᓵᔨᒥᑎᓈᓐ ᒫᒃ ᑭᔮᐦ ᒋᔒᐦᒋᒥᑎᓈᓐ ᓲᐦᒃ ᐊᑎᑎᐤ ᐆ ᒑ ᒌᐦ ᑎᔮᒄ ᐋ ᓅᔔᔥᑯᐙᒄ ᑭᔮᐦ ᒌᔨᐙᐤ ᑎᐹᔨᐦᒋᒑᓯᐤ ᒌᓴᔅ᙮

ᓃᔥᑎᒻ ᕞᓵᐧᓛᓃᔨᓐ 4:11

ᔖᔥ ᐅᑖᐦ ᐅᑖᐦᒡ ᒋᒌ ᐐᐦᑎᒫᑎᓈᓐ ᑖᓐ ᒋᐱᐦ ᑎᓈᐙᐤ, ᓲᐦᒃ ᑯᒋᐦᑖᒄ ᒑ ᒌ ᒋᔮᒫᐅᓯᔮᒄ᙮ ᐊᑳᐐ ᐅᑎᒫᐱᒫᐦᑯᒡ ᑖᓐ ᐋᐃᐦᑎᒡ ᑯᑎᑭᒡ ᐄᔨᔨᐅᒡ᙮ ᑭᔮᐦ ᒫᒃ ᓲᐦᒃ ᐋᐱᑎᓰᒄ᙮

ᓃᔥᑎᒻ ᕞᓵᐧᓛᓃᔨᓐ 5:14

ᓃᒋᔖᓂᑎᒄ, ᒋᔒᐦᒋᒥᑎᓈᓐ ᒑ ᒌ ᐄᑖᑯᒡ ᐊᓂᒌ ᐋᑳ ᑳ ᐐᐦ ᐋᐱᑎᔒᒡ ᔮᐃᑖᐃ ᒑ ᐋᐱᑎᔒᒡ᙮ ᐐᒋᐦᐋᐦᑯᒡ ᐊᓂᒌ ᑳ ᓵᑯᑖᐦᐋᒡ ᐋᑳ ᒑ ᒌ ᑯᔥᑖᒋᒡ᙮ ᐐᒋᐦᐋᐦᑯᒡ ᐊᓂᒌ ᐋᑳ ᑳ ᓵᐱᓰᔨᒡ ᐆ ᑖᑆᔮᔨᐦᑎᒧᓂᐙᒡ᙮ ᒥᓯᐙ ᐊᐙᓐ ᓰᐱᔨᐙᓰᔅᑐᐙᐦᒄ᙮

ᓃᔓ ᕞᓵᐧᓛᓃᔨᓐ 2:15

ᐋᒄ ᒫᒃ ᓃᒋᔖᓂᑎᒄ, ᓲᐦᒃ ᓲᐦᒋᑳᐳᒄ ᒋᑖᑆᔮᔨᐦᑎᒧᐎᓂᐙᐦᒡ ᑭᔮᐦ ᒥᒫᒋᑯᓂᒧᒄ ᑖᓐ ᑳ ᐄᔑ ᒋᔅᑯᑎᒫᑖᐦᒡ ᑳ ᑭᒑᔅᒋᒥᑖᐦᒡ ᑭᔮᐦ ᑖᓐ ᑳ ᐄᔑ ᒥᓯᓂᐦᐋᒫᑖᐦᒡ᙮

ᓃᔓ ᕞᓵᐧᓛᓃᔨᓐ 3:7

ᒋᒋᔅᒑᔨᐦᑖᓈᐙᐤ ᑭᔮᐦ ᒋᐱᐦ ᐐᐦ ᐄᔑ ᐱᒫᑎᓰᓈᐙᐤ ᐋᓐ ᑳ ᐄᔑ ᐙᐱᒥᔮᐦᒡ ᐋᐦ ᑎᔮᐦᒡ᙮ ᓂᒧᐃ ᓅᐦᒋ ᒋᐦᑎᒥᓈᓐ᙮

ᓃᔥᑎᒻ ᑎᒧᕢ 5:21

ᐆ ᒫᒃ ᒋᑎᐄᑎᔓᒥᑎᓐ, ᒋᔖᒥᓂᑑ ᑭᔮᐦ ᒌᓴᔅ ᙭ ᑭᔮᐦ ᒫᒃ ᑳ ᐱᔮᐦᒋᓰᔨᒡ ᐋᓐᒋᓂᒡ ᐋ ᐹᐦᑎᐎᒡ, ᓂᓃᐦᑎ ᐆ ᑖᓐ ᑳᐦ ᐄᑎᔓᒥᑖᓐ ᐊᓅᐦᒡ᙮ ᒥᓯᐙ ᒑᒀᓐ ᐋᐦ ᑐᑎᒥᓐ ᓅᑯᐦᑖ ᐹᔨᑯᓂᒡ ᐋᑖᔨᒥᑣᐤ ᒥᓯᐙ ᐄᔨᔨᐅᒡ᙮

ᓃᔥᑎᒻ ᑎᒧᕢ 6:5

ᐅᒌ ᒫᒃ ᒨᔥ ᑳ ᒫᒥᒋᐱᔨᐦᐄᐙᒡ ᓂᒧᐃ ᒋᔅᒑᔨᐦᑎᒧᒡ ᑖᑆᐎᓂᔨᐤ ᑭᔮᐦ ᓂᒧᐃ ᑯᐃᔅᒄ ᒌ ᐄᔑ ᓂᔅᑐᐦᑎᒧᒡ ᑖᑆᐎᓂᔨᐤ᙮ ᐋᔨᐤᐦ ᒫᒃ ᐄᑖᔨᐦᑎᒧᒡ ᐋ ᒋᔖᒥᓂᑑᐙᑎᓰᓈᓂᐎᔨᒡ ᐋᑎ ᒑ ᒌ ᐅᐦᒋ ᐙᔪᑎᓰᔨᒡ᙮

ᓃᔓ ᑎᒧᕢ 3:5

ᒧᔮᒻ ᓈᔥᒡ ᐋ ᐊᔨᒥᐦᐋᐙᑎᓰᔨᒡ ᑭᑎ ᐐᐦ ᐃᓯᓈᑯᐦᐄᓯᐎᒡ ᒥᒄ ᒫᒃ ᓂᒧᐃ ᑭᑎ ᐅᐦᒋ ᐃᔮᐱᑖᔨᐦᑎᒥᐦᐄᑯᒡ ᐊᓂᔮᔨᐤ ᓲᐦᑳᑎᓰᐎᓂᔨᐤ ᒑ ᐎᒋᐦᐄᑯᐙᑯᐱᓈ ᒑ ᒌ ᓂᓂᐦᐄᐙᐦᐋᒡ ᒋᔖᒥᓂᑑ᙮ ᐊᑳᐐ ᐃᔮᐱᑖᔨᒥᒡ ᐅᔮᔨᐤ ᑳ ᐄᑖᔨᐦᑖᑯᓯᒡ ᐄᔨᔨᐅᒡ᙮

ᓃᔓ ᑎᒧᕢ 4:1

ᒌᔨ ᑎᒧᕢ, ᒋᑎᐄᑎᔓᒥᑎᓐ ᐅᐦᑎᔅᑰ ᒋᔖᒥᓂᑑ ᑭᔮᐦ ᑎᐹᔨᐦᒋᒑᓯᐤ ᒌᓴᔅ ᙭ ᐋᐦ ᑖᑦ, ᐊᓐ ᒑ ᑎᐹᔅᑯᓈᑦ ᑳ ᐱᒫᑎᓰᔨᒡ ᑭᔮᐦ ᑳ ᐳᓂᐱᒫᑎᓰᔨᒡ, ᑭᔮᐦ ᒫᒃ ᒦᓐ ᒑ ᑎᑯᔑᐦᒃ ᒑ ᒋᐦᒋᐅᒋᒫᐅᑦ,

ᓃᔓ ᐧᒑᓐ 1:10

ᓂᑎᐙᐱᒥᔅᑳ ᒫᒃ ᐊᐙᓐ ᐋᐦᐋᑳ ᒋᔅᑯᑎᒫᒑᑦ ᑖᓐ ᐋ ᐄᔑ ᒋᔅᑯᑎᒫᒑᔨᒡ ᙭ ᐊᑳᐐ ᐲᐦᑎᑭᐦᐄ ᒌᒋᐦᒡ᙮ ᐊᑳᐐ ᐙᐙᒡ ᒋᑭ ᐅᐦᒋ ᐙᒋᔮᒫᐤ᙮