ᓃᔓ ᐲᑎᕐ 3:15 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁵ ᒑ ᐐᐦ ᒋᔅᒌᔮᐦᒄ ᐅᓰᐲᐙᓯᐎᓂᐦᒡ ᐅᐦᒋ ᐙᐦᒋ ᐋᑳ ᐋᔥᒄ ᑎᑯᔑᐦᒃ ᑎᐹᔨᐦᒋᒑᓯᐤ, ᐊᑎᑎᐤ ᐐᐦ ᑎᐅᓂᒻ ᐊᓂᑎᐦ ᐋᔥᒄ ᒑ ᒌ ᐱᒫᒋᐦᐅᔨᒡ ᐊᐙᔨᐤᐦ᙮ ᐋᔪᐎᒄ ᐙᔥ ᐅᔮᔨᐤ ᑭᔮᐦ ᐐᔨ ᑳ ᐄᔑ ᐋᔨᒨᑎᐦᒃ ᒌᒋᔖᓂᐤ ᑆᓪ ᐊᓂᑎᐦ ᑳ ᒥᓯᓂᐦᐋᒫᑖᒄ ᑖᓐ ᑳ ᐄᔑ ᒥᔨᑯᑦ ᑭᔮᐦ ᐐᔨ ᒋᔖᒥᓂᑑ ᑭᒑᐦᑖᐙᔨᐦᑎᒧᐎᓂᔨᐤ᙮

ᓃᔓ ᐲᑎᕐ 3:15 Iomraidhean Croise

ᒫᔪᐦᐧᑖᑦ ᓘᒃ 21:15

ᐙᔥ ᒋᑭ ᐐᐦᑎᒫᑎᓈᐙᐤ ᑖᓐ ᒑ ᐃᔨᔮᒄ ᑭᔮᐦ ᑭᒑᐦᑖᐙᔨᐦᑎᒧᐎᓐ ᒋᑭ ᒥᔨᑎᓈᐙᐤ ᒑ ᒌ ᑭᒑᐦᑖᐙᔨᐦᑎᒨᐦᑖᑯᓯᔮᒄ ᐋᔨᒥᔮᒀ, ᐋᒄ ᒫᒃ ᐊᓂᒌ ᑳ ᐅᐦᑳᑎᑖᑯᒡ ᓂᒧᐃ ᒋᑭ ᒌ ᐋᓍᐦᑎᒧᒡ ᑭᔮᐦ ᓂᒧᐃ ᒋᑭ ᒌ ᓂᔅᒀᔒᐦᐄᑯᐙᐅᒡ ᒑ ᐃᔨᐙᒄ᙮

ᐋᐧᐹᔅᑎᓕᒡ 15:25

ᐋᐅᒄ ᒫᒃ ᐙᐦᒋ ᓂᔥᑐᐎᔮᐦᒡ ᐅᑎᐦ, ᒥᓯᐙ ᓂᒌ ᐎᔮᔨᐦᑖᓈᓐ ᒫᒃ ᒑ ᒌ ᐄᑎᔓᐦᐅᒋᐦᒡ ᐄᔨᔨᐅᒡ ᐊᓂᑖᐦ ᐋᐦᑖᐙᒄ᙮ ᑭᑎ ᐹᒋ ᐐᒑᐙᐅᒡ ᑆᓪ ᑭᔮᐦ ᐹᕐᓂᐱᔅ, ᐊᓂᔮᔨᐤ ᓂᐐᒑᐙᑭᓈᓐ ᑳ ᓵᒋᐦᐄᒥᒋᐦᒡ᙮

ᐋᐧᐹᔅᑎᓕᒡ 7:10

ᒌ ᐱᑯᐦᐄᑰ ᒫᒃ ᐊᓂᑎᐦ ᒫᒀᒡ ᓈᔥᒡ ᐋᐦ ᐋᔨᒥᓂᔨᒡ ᑳᐦ ᑖᑦ᙮ ᐄᔥᐱᐦ ᒫᒃ ᒍᓯᕝ ᑳ ᐅᐦᑎᔅᑯᑳᐳᔥᑎᐙᑦ ᐊᓂᔮᔨᐤ ᒋᐦᒋᐅᒋᒫᐤ ᕓᕎ ᑳ ᐃᔑᓂᐦᑳᑎᒫᑭᓂᐎᔨᒡ ᐊᓂᑖᐦ ᐄᒋᑉᑦ ᑳᐦ ᑖᔨᒡ, ᒋᔖᒥᓂᑑ ᒌ ᒥᔨᑰ ᒍᓯᕝ ᑭᒑᐦᑖᐙᔨᐦᑎᒧᐎᓂᔨᐤ ᑭᔮᐦ ᒌ ᑐᑖᑰ ᒑ ᒌ ᒥᔻᔨᐦᑖᑯᓯᑦ᙮ ᒌ ᒥᔻᔨᒥᑰ ᒫᒃ ᕓᕎ, ᐋᒄ ᑳ ᐅᒋᒫᐅᐦᐄᑯᑦ ᐊᓂᑎᐦ ᐊᓂᔮᔨᐤ ᐋᔅᒋᔨᐤ ᑳ ᐅᒋᒫᑭᑎᒥᔨᒡ ᑭᔮᐦ ᐊᓂᔮᔨᐤ ᒥᓯᐙ ᑖᓐ ᐋ ᐄᔑ ᑎᐱᔨᐙᐅᓰᔨᒡ ᒌ ᒥᔨᑰ ᒑ ᒌ ᓈᓈᑭᒋᐦᑖᐙᑦ᙮”

ᐋᐧᐹᔅᑎᓕᒡ 9:17

ᐋᒄ ᐋᓂᓈᔮᔅ ᑳ ᐄᑐᐦᑖᑦ ᐊᓂᑖᐦ, ᑳ ᐲᐦᒑᑦ ᐊᓂᔮᔨᐤ ᐙᔅᑳᐦᐄᑭᓂᔨᐤ ᐊᓂᑖᐦ ᑳᐦ ᐄᑎᔑᐦᐙᑭᓄᑦ᙮ ᐄᔥᐱᐦ ᒫᒃ ᐎᔮᐱᒫᑦ ᐊᓂᔮᔨᐤ ᔂᓚ, ᐋᒄ ᑳ ᑖᒋᓈᑦ ᐋᐦ ᐄᑖᑦ, “ᓃᒋᔖᓐ ᔂᓪ, ᑎᐹᔨᐦᒋᒑᓯᐤ ᒌᓴᔅ ᓂᒌ ᐹᒋ ᐄᑎᔑᐦᐆᒄ, ᐊᓐ ᑳ ᓂᒋᔥᑳᔅᒃ ᓈᑖᐦ ᒫᔅᑭᓈᐦᒡ ᒫᒀᒡ ᑳ ᐹᒋ ᐄᑐᐦᑖᔨᓐ ᐅᑖᐦ᙮ ᓂᒌ ᐹᒋ ᐄᑎᔑᐦᐆᒄ ᒦᓐ ᑳᐤ ᒑ ᒌ ᐙᐱᐦᑎᒥᓐ, ᑭᔮᐦ ᒑ ᒌ ᓵᑭᔅᒋᓈᔥᑳᔅᒃ ᑳ ᐱᔮᐦᒋᓰᑦ ᐊᐦᒑᐦᒄ᙮”

ᐧᕌᒥᓐ 2:4

ᓈᔥᑖᑆᐦ ᒋᔖᐙᑎᓯᐤ ᒋᔖᒥᓂᑑ᙮ ᓂᒧᐃ ᐄᑖᔨᐦᑎᒻ ᒑ ᒌ ᑎᐹᔅᑯᓂᔅᒃ ᑭᔮᐦ ᓈᔥᑖᑆᐦ ᒌ ᓰᐱᔨᐙᓰᔅᑖᒄ᙮ ᒑᒀᔨᐤ ᐙᐦᒋ ᒫᔮᔨᒥᑦ, ᐊᓂᔮᔨᐤ ᒫᒃ ᐋ ᐃᔥᐱᔥ ᒥᔻᔨᐦᑖᑯᓯᑦ? ᓂᒧᐃ ᐋ ᒋᒋᔅᒑᔨᐦᑖᓐ ᒑᒀᔨᐤ ᐙᐦᒋ ᒋᔖᐙᑐᑖᔅᒃ? ᒌ ᓂᑎᐙᔨᒥᒄ ᒑ ᒌ ᒥᐦᒋᔨᐙᔨᐦᑎᒧᑦ ᑖᓐ ᐋ ᐄᔑ ᒥᒑᑎᓰᐎᑦ ᑭᔮᐦ ᒫᒃ ᒑ ᒌ ᒀᔅᑳᑎᓰᐎᑦ᙮

ᓃᔥᑎᒻ ᑯᕆᓐᕠᔨᓐ 12:8

ᑳ ᐱᔮᐦᒋᓰᑦ ᐊᐦᒑᐦᒄ ᒫᔮᑦ ᐱᔅᒡ ᐊᐙᔨᐤᐦ ᒑ ᒌ ᐙᐐᐦᑎᒥᔨᒡ ᒋᔖᒥᓂᑑ ᐅᑭᒑᐦᑖᐙᔨᐦᑎᒧᐎᓂᔨᐤ, ᐋᒄ ᑯᑎᒃ ᒫᔮᑦ ᒑ ᒌ ᐐᐦᑎᒫᒑᔨᒡ ᑖᓐ ᐙᐦ ᐄᔑ ᒋᔅᒑᔨᐦᑎᒥᐦᐋᔨᒡ ᒋᔖᒥᓂᑑ ᐊᐙᔨᐤᐦ᙮

ᓃᔥᑎᒻ ᑯᕆᓐᕠᔨᓐ 2:13

ᐋᐦ ᐋᔨᒨᑎᒫᐦᒡ ᒫᒃ ᐅᐦᐄ ᒑᒀᓂᐦᐄ ᓂᒧᐃ ᓂᒥᑐᓈᔨᐦᒋᑭᓈᐦᒡ ᐋ ᐄᔑ ᓂᔅᑐᐦᑎᒫᐦᒡ ᓂᑎ ᐄᔑ ᐋᔨᒨᑖᓈᓐ᙮ ᒋᑎ ᐋᔔ ᐐᐦᑎᒫᑎᓈᓐ ᑖᓐ ᑳ ᐄᔑ ᒋᔅᑯᑎᒨᔨᒥᐦᑦ ᒋᔖᒥᓂᑑ ᐅᑎᐦᒑᐦᒄ᙮ ᐋᔪᐎᒄ ᐙᒋᐦᐄᔨᒥᐦᑦ ᐋ ᐐᐦ ᒋᔅᒑᔨᐦᑎᒥᐦᐄᒋᐦᒡ ᐅᔮᔨᐤ ᑖᑆᐎᓂᔨᐤ ᐊᓂᒌ ᑳ ᐲᐦᒋᔥᑳᑯᐙᒡ ᒋᔖᒥᓂᑑ ᐅᑎᐦᒑᐦᑯᔨᐤ᙮

ᓃᔥᑎᒻ ᑯᕆᓐᕠᔨᓐ 3:10

ᒋᔖᒥᓂᑑ ᑳ ᐃᔥᐱᔥ ᓈᔥᒡ ᒥᔪᑐᑎᐎᑦ ᓂᒌᐦ ᐄᑎᒄ ᒑ ᒌ ᐋᐱᑎᔒᔥᑑᒄ᙮ ᒧᔮᒻ ᒫᒃ ᐊᓐ ᐊᐙᓐ ᓈᔥᒡ ᑳ ᑭᔅᒋᐦᐅᑦ ᐋ ᐅᔑᐦᑖᑦ ᑖᓂᑖᐦ ᒑ ᑖᐦᒋᑳᐳᐎᔨᒡ ᐙᔅᑳᐦᐄᑭᓂᔨᐤ ᓂᒌᐦ ᐄᔑ ᐋᐱᑎᓰᓐ᙮ ᐋᒄ ᒫᒃ ᑯᑎᑭᒡ ᐋᐦ ᐋᑎ ᒌᔑᐦᑖᒡ ᐊᓂᔮᔨᐤ ᑳ ᐄᔑ ᒋᐦᒋ ᐎᔨᑳᐳᐦᑖᐅᒡ ᐋᑯᑖᐦ ᐋᔑᓈᑯᒡ᙮ ᒥᒄ ᒫᒃ ᒥᓯᐙ ᐊᓂᒌ ᑳᐦ ᐋᑎ ᐋᐱᑎᔒᔥᑎᐦᒡ ᐊᓂᔮᔨᐤ ᑳ ᐄᔑ ᒋᐦᒋ ᐎᔨᑳᐳᐦᑖᐅᒡ ᔮᔨᑖ ᑯᐃᔅᒄ ᑭᑎ ᐐᐦ ᐄᔑ ᐎᔨᑳᐳᐦᑖᐅᒡ ᐊᓂᔮᔨᐤ ᐙᔅᑳᐦᐄᑭᓂᔨᐤ᙮

ᐄᕕᓰᔨᓐ 3:3

ᓂᒌ ᒥᔨᒄ ᒋᔖᒥᓂᑑ ᒑ ᒌ ᒋᔅᒑᔨᐦᑎᒧᒡ ᐊᓂᔮᔨᐤ ᑳ ᐄᔑ ᐎᔮᔨᐦᑎᒧᑯᐱᓈ ᒑ ᑎᒃ ᐋᐦᐋᑳ ᐋᔥᒄ ᐅᐦᒋ ᒋᔅᒑᔨᐦᑎᑯᓃᔨᒡ ᐱᑦ᙮ ᔖᔥ ᐙᔥ ᐊᐱᔒᔥ ᓂᒋᐋᔨᒨᑖᓐ ᐆ ᐅᑖᐦᒡ ᐆ ᐅᑎᐦ ᒫᓯᓂᐦᐊᒫᑎᑯᒡ᙮

ᓃᔥᑎᒻ ᑎᒧᕢ 1:16

ᐋᑦ ᒫᒃ ᓃᔨ ᒫᐅᒡ ᐋ ᒌ ᒥᒑᑎᓯᐎᒡ ᓂᒌ ᒋᔅᑎᒫᒑᔨᒥᒄ ᒋᔖᒥᓂᑑ ᒑ ᒌ ᓅᑯᐦᑖᑦ ᑖᓐ ᒑ ᒌ ᐃᔥᐱᔥ ᐙᔪᒡ ᓰᐱᔨᐙᓰᔅᑐᐙᑦ ᐊᓂᔮᔨᐤ ᒑ ᑖᑆᔮᔨᒥᑯᑦ ᑭᔮᐦ ᒫᒃ ᒑ ᐃᔮᔨᒡ ᑳᒋᒡ ᐱᒫᑎᓰᐎᓂᔨᐤ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 1:5

ᐋ ᑖᒀ ᐊᐙᓐ ᐋᐦᐋᑳ ᒋᔅᒑᔨᐦᑎᐦᒃ ᑖᓐ ᓂᐦᐋᐤ ᒑ ᐄᔑᑳᐴᔥᑎᐦᒃ ᒑᒀᔨᐤ ᐋ ᓂᒋᔥᑭᐦᒃ, ᒋᔖᒥᓂᑑ ᒋᐱᐦ ᓂᑐᑎᒧᐙᐤ ᑭᒑᐦᑖᐙᔨᐦᑎᒧᐎᓂᔨᐤ᙮ ᒋᑭ ᒥᔨᑰ ᒫᒃ᙮ ᐙᔥ ᒋᔖᒥᓂᑑ ᒥᔻᔨᐦᑎᒻ ᐙᔪᒡ ᒥᔮᐤ ᒥᓯᐙ ᐊᐙᔨᐤᐦ ᑖᓐ ᐋ ᐄᔑ ᓂᑎᐙᔨᐦᑎᒫᑯᑦ ᒑᒀᔨᐤ ᐋᐦᐋᑳ ᐋᓍᔨᒫᑦ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 3:17

ᐊᓐ ᒫᒃ ᑭᒑᐦᑖᐙᔨᐦᑎᒧᐎᓐ ᐃᔥᐱᒥᐦᒡ ᑳ ᐅᐦᒋᐱᔨᐦᒡ ᓃᔥᑎᒻ ᒥᑐᓐ ᐱᔮᐦᑭᓐ, ᐋᒄ ᒦᓐ ᐋ ᒋᔮᒫᔨᐦᑖᑯᐦᐄᐙᒥᑭᐦᒡ, ᔫᔅᐹᔨᐦᑖᑯᐦᐄᐙᒥᑭᓐ, ᑭᔮᐦ ᑐᑖᑰ ᐊᐙᓐ ᐃᔮᒀ ᒑ ᒌ ᓂᑑᐦᑎᐙᑦ ᐊᐙᔨᐤᐦ᙮ ᐊᐙᓐ ᐋ ᐃᔮᑦ ᐅᔮᔨᐤ ᑭᒑᐦᑖᐙᔨᐦᑎᒧᐎᓂᔨᐤ ᓈᔥᒡ ᑭᑎ ᐙᔪᒡ ᒋᔖᐙᑐᑎᐙᐤ ᐊᐙᔨᐤᐦ ᑭᔮᐦ ᒥᔥᑏᐦ ᒋᑭ ᒥᔪᑐᑎᒫᒑᐤ, ᐹᔨᑯᓂᐦᒡ ᒋᑭ ᐄᔑ ᑭᓂᐙᐱᒫᐤ ᒥᓯᐙ ᐊᐙᔨᐤᐦ ᑭᔮᐦ ᓂᒧᐃ ᒥᑐᓐ ᒋᑭ ᐅᐦᒋ ᐐᐦᑳᑖᐤ ᑖᓐ ᓂᐦᐋᐤ ᐋ ᐄᑖᔨᐦᑖᑯᓯᑦ᙮

ᓃᔥᑎᒻ ᐲᑎᕐ 3:20

ᐋᐅᑯᓂᒡ ᐅᒌ ᐊᓂᔮᐦᑳ ᑳ ᐱᒫᑎᓰᔨᒡ ᒫᒀᒡ ᐊᓂᔮ ᓄᐙ ᑳ ᐅᔑᐦᑖᑦ ᒌᒫᓂᔨᐤ ᓈᔥᒡ ᐋ ᒥᓵᔨᒡ᙮ ᓂᒧᐃ ᐅᐦᒋ ᓂᓂᐦᐄᑎᐙᑖᐙᑯᐱᓂᒡ ᒋᔖᒥᓂᑑ, ᒥᒄ ᒫᒃ ᒌ ᓰᐱᔨᐙᓰᔅᑖᑰᐎᒡ ᒋᔖᒥᓂᑑ ᐊᔨᐦᒡ ᒑ ᒌ ᐄᔑ ᐱᒫᑎᓰᑦ, ᒥᒄ ᒫᒃ ᓂᒧᐃ ᐊᔨᐦᒡ ᐅᐦᒋ ᐄᔑ ᐱᒫᑎᓰᐎᒡ᙮ ᓂᒧᐃ ᒥᐦᒑᑐ ᐅᐦᒋ ᐱᒫᒋᐦᐅᒡ, ᒥᒄ ᓂᔮᓈᓈᐤ ᐄᔨᔨᐅᒡ ᒌ ᐴᓯᐎᒡ ᐊᓂᔮᔨᐤ ᒌᒫᓂᔨᐤ, ᒌ ᐱᒫᒋᐦᐄᑯᒡ ᒫᒃ ᒋᔖᒥᓂᑑ ᐊᓂᑎᐦ ᐊᓂᔮᔨᐤ ᑳ ᐊᔅᒋᐳᑖᔨᒡ᙮

ᓃᔓ ᐲᑎᕐ 3:2

ᒋᐐᐦ ᒋᔅᒋᓲᒥᑎᓈᐙᐤ ᑖᓐ ᑳᐦ ᐃᔨᒡ ᐊᓂᔮᐦᑳ ᐅᒋᔅᒋᐙᐦᐄᒑᓱᒡ ᑳ ᐱᔮᐦᒋ ᐱᒫᑎᓰᔨᒡ ᑭᔮᐦ ᒫᒃ ᑖᓐ ᑳᐦ ᐄᑎᔓᒥᑖᒄ ᑎᐹᔨᐦᒋᒑᓯᐤ ᑭᔮᐦ ᒋᐱᒫᒋᐦᐄᐙᓯᒥᓂᐤ ᐊᓂᔮᔨᐤ ᐅᑖᑆᔅᑎᓕᒻ ᐅᐦᒋ ᑳ ᐹᒋ ᐄᑎᔑᐦᐊᒫᑖᒄ᙮

ᓃᔓ ᐲᑎᕐ 3:9

ᑖᐹ ᑆᔥᑎᐤ ᑎᐹᔨᐦᒋᒑᓯᐤ ᒑ ᒌᐦ ᑐᑎᐦᒃ ᑖᓂᔮᔨᐤ ᑳᐦ ᐃᔨᑦ ᒑ ᑐᑎᐦᒃ᙮ ᑆᔥᑎᐤ ᐄᑖᔨᒫᐅᒡ ᒫᒃ ᑯᑎᑭᒡ ᐄᔨᔨᐅᒡ᙮ ᒋᓰᐱᔨᐙᓰᔅᑖᑯᐙᐤ, ᐋᐦᐋᑳ ᐙᒋ ᐹᔨᒄ ᐊᐙᔨᐤᐦ ᓂᑎᐙᔨᒫᑦ ᒑ ᒌ ᓂᔑᐎᓈᑎᓰᔨᒡ, ᐙᔥ ᒥᓯᐙ ᐊᐙᔨᐤᐦ ᓂᑎᐙᔨᒫᐤ ᒑ ᒌ ᒀᔅᑳᑎᓰᔨᒡ᙮