ᓃᔥᑎᒻ ᑎᒧᕢ 6:2 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

² ᐋᒄ ᒫᒃ ᑰᒋᒫᒨᐙᐅᒡ ᑎᔮᑆᐦᑎᒧᐙᒀ ᐊᑳᐐ ᒋᑭ ᐅᐦᒋ ᑐᑎᐙᐙᐅᒡ ᐋᑳ ᒑ ᒌ ᒋᔅᑖᔨᒫᑯᒡ ᒥᒄ ᐊᓂᔮᔨᐤ ᐋ ᒋᔅᒑᔨᒫᑯᒡ ᐋ ᐐᒋᔖᓂᑐᑎᐙᑯᒡ ᑖᑆᔮᔨᐦᑎᒧᐎᓂᒡ ᐄᔑ᙮ ᑎᔨᑯᒡ ᐊᑎᑎᐤ ᒋᐱᐦ ᒥᔪ ᐋᐱᑎᔒᔥᑑᐙᐙᐅᒡ ᒑ ᒌ ᐄᒋᐦᐋᑯᒡ ᐅᒌ ᒌᒋᔖᓂᐙᐅᒡ ᑳ ᓵᒋᐦᐋᑭᓂᐎᒡ᙮ ᐋᐅᒄ ᒫᒃ ᐆ ᒋᐱᐦ ᐄᔑ ᒋᔅᑯᑎᒫᒑᓈᐙᐤ ᑭᔮᐦ ᒋᐱᐦ ᐄᔑ ᑭᒑᔥᒀᓈᐙᐤ᙮

ᓃᔥᑎᒻ ᑎᒧᕢ 6:2 Iomraidhean Croise

ᒫᔪᐦᐧᑖᑦ ᒫᕠᔫ 23:8

ᐊᑳᐐ ᒫᒃ ᐐ ᒌᔨᐙᐤ ᓂᑎᐙᔨᐦᑎᒧᒄ ‘ᒋᔅᑯᑎᒫᒑᓯᐤ’ ᒑ ᒌᐦ ᐃᔑᓂᐦᑳᑎᑯᐎᔮᒄ, ᐙᔥ ᒥᓯᐙ ᒋᐐᒋᔖᓂᓂᑐᓈᐙᐤ, ᑭᔮᐦ ᒫᒃ ᒥᒄ ᐹᔨᑯᓯᐤ ᒌ ᒋᔅᑯᑎᒫᒑᓰᒧᐙᐤ᙮

ᒫᔪᐦᐧᑖᑦ ᒫᕠᔫ 25:40

ᐋᒄ ᒋᐦᒋᐅᒋᒫᐤ ᒑ ᐄᑖᑦ, ‘ᒋᐐᐦᑎᒫᑎᓈᐙᐤ, ᐊᓂᔮᔨᐤ ᑖᓐ ᑳ ᐄᔑ ᑐᑎᐙᒄ ᐹᔨᒄ ᐊᓐ ᓃᒋᔖᓐ ᐋᑳ ᑳ ᒥᑐᓐ ᒌ ᑳᔮᔨᐦᑖᑯᓯᑦ ᑳ ᐄᑖᔨᒫᑭᓅᑦ, ᓃᔨ ᒋᒌ ᑐᑎᐎᓈᐙᐤ᙮’ ”

ᒫᔪᐦᐧᑖᑦ ᒫᕠᔫ 6:24

“ᓂᒧᐃ ᐊᐙᓐ ᒋᑭ ᒌ ᓈᓃᐦᑎᐙᐤ ᓃᔓ ᐅᒋᒫᐤ, ᐙᔥ ᐹᔨᒄ ᐊᓂᔮᔨᐤ ᒋᑭ ᐅᐦᑳᑖᐤ, ᐋᒄ ᐊᓂᔮᔨᐤ ᑯᑎᒃ ᒑ ᓵᒋᐦᐋᑦ᙮ ᐊᓂᔮᔨᐤ ᐹᔨᒄ ᓲᐦᒃ ᒋᑭ ᐋᐱᑎᓰᔥᑎᐙᐤ, ᐋᒄ ᐊᓂᔮᔨᐤ ᑯᑎᒃ ᓂᒧᐃ ᒋᑭ ᓂᐦᐋᔨᑎᒻ ᒑ ᒌᐦ ᐋᐱᑎᔒᔥᑎᐙᑦ᙮ ᒋᑭ ᐅᔮᔨᐦᑖᓈᐙᐤ ᐊᐙᓐ ᒑ ᐋᐱᑎᔒᔥᑑᐙᒄ ᒋᔖᒥᓂᑑ ᑭᔮᐦ ᒫᒃ ᔔᔮᓐ᙮”

ᐋᐧᐹᔅᑎᓕᒡ 1:15

ᐹᔨᒀᐤ ᒫᒃ ᐋ ᓂᔥᑐᐐᒡ ᐊᓂᒌ ᑳ ᑖᑆᐦᑎᐦᒡ, ᓵᐃᒥᓐ ᐲᑎᕐ ᒌ ᐱᓯᑰ ᐋᒄ ᑳ ᐊᔨᒥᐦᐋᑦ ᐊᓂᔮᔨᐤ ᑳ ᐹᒋ ᓂᔥᑐᐎᔨᒡ᙮ ᐎᔮᔥ ᒥᑖᐦᑐᒥᑎᓂᐤ ᒦᓐ ᓃᔥᑎᓂᐤ ᒌ ᑎᔒᒑᓂᒋ᙮ ᐋᒄ ᑳᐦ ᐄᑖᑦ,

ᐧᕌᒥᓐ 11:17

ᐊᓂᒌ ᐄᔨᔨᐅᒡ ᒎᐤ ᑳ ᐄᑎᔅᑳᓈᓯᒡ ᐋᐅᑯᓂᒡ ᐅᒌ ᐊᓕᕝ ᒥᔥᑎᒄ ᐊᓂᑖᐦ ᓂᐦᑖᐅᒋᐦᒋᑭᓐ ᐊᔅᒌᐦᒡ ᑳ ᓂᐦᑖᐅᒋᐦᐋᑭᓅᑦ᙮ ᒌ ᑎᑯᓐ ᐅᑎᐦᑯᓐ ᐋ ᒌ ᓈᑣᑭᐦᐄᑭᓂᐎᒡ ᐊᓂᑎᐦ ᐅᐦᒋ ᐊᓕᕝ ᒥᔅᑎᑯᐦᒡ᙮ ᑭᔮᐦ ᒌᐦ ᑖᐅᒡ ᐊᓂᑎᐦ ᐎᔨᐐᑎᒫ ᑯᑎᒃ ᐊᓕᕝ ᒥᔅᑎᑯᒡ ᓂᑎᐐ ᒥᒄ ᐋ ᒌ ᓂᐦᑖᐅᒋᐦᒡ, ᐋᔪᐎᒄ ᒫᒃ ᐅᐎᑎᐦᑯᓐ ᒌ ᒋᑭᒧᐦᑖᑭᓂᐎᔨᐤ ᐄᔑ ᐊᓂᑎᐦ ᐊᓕᕝ ᒥᔥᑎᒄ ᓂᐦᑖᐅᒋᐦᒋᑭᓐ ᐊᔅᒌᐦᒡ ᑳᓂᐦᑖᐅᒋᒡ᙮ ᒌᔨᐙᐤ ᒫᒃ ᐋᑳ ᑳ ᒎᐤ ᐄᑎᔅᑳᓈᓰᔮᒄ ᒋᐐᒋᐦᐄᑯᓈᐙᐤ ᑭᔮᐦ ᒌᔨᐙᐤ ᐅᐦᒋ ᐊᓂᔮᔨᐤ ᑳᐦ ᑐᑎᒧᐙᑦ ᒋᔖᒥᓂᑑ ᒎᐄᔨᔨᐤ᙮

ᐧᕌᒥᓐ 8:29

ᐙᔥ ᓂᔮᑭᓐᐦ ᒌ ᒋᔅᒑᔨᒫᐤ ᒋᔖᒥᓂᑑ ᐊᐙᔨᐤᐦ ᒑ ᐅᑏᔨᔨᒥᑦ, ᐋᔨᐅᑯᓐ ᒫᒃ ᐅᔮᔨᐤ ᑳ ᐅᐙᔮᐱᒫᑦ ᒑ ᓂᔅᐱᑎᐙᔨᒡ ᐅᑯᓯᔅᐦ᙮ ᐋᔪᐎᒄ ᐅᔮᔨᐤ ᑳᐦ ᑎᒃ ᒋᔖᒥᓂᑑ ᒑ ᒌ ᓃᔥᑎᒨᔖᓂᐎᔨᒡ ᐅᑯᓯᔅᐦ ᐊᓂᑎᐦ ᑖᐙᔨᔥ ᐋ ᒥᐦᒑᑎᔨᒡ ᐐᒋᔖᓂᒫᐤ᙮

ᑳᓓᔑᔨᓐ 5:6

ᓂᒧᐃ ᐎᔮᔥ ᒑᔥᒋᓂᐙᐦᒋᔓᑯᐙᐦᒑ ᑭᔮᐦ ᒫᒃ ᐋᑳ ᒑᔅᒋᓂᐙᐦᒋᔓᑯᐙᐦᒑ ᐋ ᐐᒑᐅᒋᐦᒡ ᙭ ᒌᓴᔅ᙮ ᐊᓐ ᒫᐅᒡ ᒑᔅᑎᒫᐙᔨᐦᑖᑯᐦᒡ ᐋᐅᒄ ᒑ ᒌ ᐃᔮᔨᐦᒄ ᑖᑆᔮᔨᐦᑎᒧᐎᓐ ᐋ ᓄᑯᐦᒡ ᐋ ᓵᒋᐦᐄᑐᔨᐦᒄ᙮

ᐄᕕᓰᔨᓐ 1:1

ᓃᔨ ᑆᓪ, ᒋᔖᒥᓂᑑ ᓂᒌ ᐅᐙᔮᐱᒧᒄ ᙭ ᒌᓴᔅ ᐅᑖᑆᔅᑎᓕᒻᐦ ᒑ ᒌ ᐄᑖᐱᒋᐦᐄᑦ᙮ ᒋᒥᓯᓂᐦᐋᒫᑎᓈᐙᐤ ᒌᔨᐙᐤ ᑳ ᑖᑆᔮᔨᐦᑎᒫᒄ ᐊᓂᑖᐦ ᐁᕕᓱᓯᐦᒡ ᑳᐦ ᑖᔮᒄ, ᒌᔨᐙᐤ ᒨᔥ ᑳ ᑖᑆᐅᒑᔨᐦᑖᑯᓯᔮᒄ ᐋ ᐐᒑᐙᒄ ᙭ ᒌᓴᔅ᙮

ᐄᕕᓰᔨᓐ 1:15

ᐃᔥᐱᔥ ᑳ ᐹᐦᑖᒫᓐ ᐋ ᑖᑆᔮᔨᒫᒄ ᒌᓴᔅ ᒋᑎᐹᔨᐦᒋᒑᓰᒥᓂᐤ ᑭᔮᐦ ᐋ ᓵᒋᐦᐋᐦᑯᒡ ᒥᓯᐙ ᐄᔨᔨᐅᒡ ᑳ ᑖᑆᔮᔨᐦᑎᐦᒡ,

ᐄᕕᓰᔨᓐ 3:6

ᐊᓐ ᐋ ᑖᑆᐦᑖᑭᓂᐅᒡ ᒥᔻᒋᒧᐎᓐ ᐅᐦᒋ ᐋᑯᑖᐦ ᑭᔮᐦ ᐐᔨᐙᐤ ᐊᓂᒌ ᐋᑳ ᒎᐤ ᐄᑎᔅᑳᓈᓯᒡ ᒑ ᒌ ᐃᔮᒡ ᐊᓂᔮᔨᐤ ᐋ ᐄᔑ ᒥᔮᔨᒡ ᒋᔖᒥᓂᑑ ᒎᐤ ᑳ ᐄᑎᔅᑳᓈᓯᒡ᙮ ᑭᔮᐦ ᒫᒃ ᐋᑯᑎᐦ ᑭᔮᐦ ᐐᔨᐙᐤ ᐊᔅᑎᒋᐦᑖᑯᓯᑦ ᐊᓂᑎᐦ ᑳ ᑖᑆᔮᔨᐦᑎᒦᒡ ᒨᔮᒻ ᐹᔨᒄ ᒥᔨᐤ ᐋ ᐃᓯᓈᑯᓯᒡ᙮ ᐐᔨᐙᐤ ᑭᔮᐦ ᒋᑭ ᒦᔮᑭᓅᐎᒡ ᐊᓂᔮᔨᐤ ᑳ ᐊᔓᑎᒧᐙᔨᒡ ᒋᔖᒥᓂᑑ ᒥᓯᐙ ᐊᓂᔮᔨᐤ ᐊᔅᑎᒋᐦᑖᑰᓰᔨᒡ ᐊᓂᑎᐦ ᙭ ᒌᓴᔅᐦ ᐋᐦ ᑖᔨᒡ᙮

ᑯᐧᓛᓯᔨᓐ 1:2

ᓂᓂᑐᑎᒧᐙᓈᓐ ᒋᔖᒥᓂᑑ ᑰᐦᑖᐐᓂᐤ ᒑ ᒌ ᒥᔪᑐᑖᑖᒄ ᑭᔮᐦ ᒑ ᒌ ᒥᔨᑖᒄ ᒋᔮᒫᔨᐦᑎᒧᐎᓂᔨᐤ᙮

ᑯᐧᓛᓯᔨᓐ 1:4

ᐙᔥ ᓂᒌ ᐹᐦᑖᓈᓐ ᑖᓐ ᐋ ᐄᔑ ᑖᑆᔮᔨᒫᒄ ᙭ ᒌᓴᔅ ᑭᔮᐦ ᓂᒌ ᐹᐦᑖᓈᓐ ᑖᓐ ᐋ ᐃᔥᐱᔥ ᓵᒋᐦᐋᐦᑯᒡ ᒥᓯᐙ ᐊᓂᒌ ᑳ ᑖᑆᔮᔨᐦᑎᐦᒡ᙮

ᑯᐧᓛᓯᔨᓐ 4:1

ᒌᔨᐙᐤ ᑳ ᐅᒋᒫᐎᔮᒄ ᒥᓯᐙ ᐹᔨᑯᓂᒡ ᐄᔑ ᑭᓂᐙᐱᒫᐦᑯᒡ ᑳ ᑎᐱᑎᐹᔨᒫᑳᓅᐎᒡ ᒋᑖᐱᒋᐦᐋᑭᓂᐙᐅᒡ ᑖᓐ ᐋᐃᑑᑎᐙᑯᒡ ᑭᔮᐦ ᑯᐃᔅᒄ ᑐᑎᐙᐦᑯᒡ᙮ ᒋᔥᒋᒄ ᑭᔮᐦ ᒌᔨᐙᐤ ᐋᐦ ᑖᑦ ᐊᐙᓐ ᒋᐦᒋᒌᔑᑯᐦᒡ ᐙᐅᒋᒫᒥᔮᒄ᙮

ᓃᔓ ᕞᓵᐧᓛᓃᔨᓐ 1:3

ᓃᒋᔖᓈᓂᒡ, ᐄᑖᔨᐦᑖᑯᓐ ᒨᔥ ᒑ ᒌ ᓂᓈᔅᑯᒥᒋᐦᑦ ᒋᔖᒥᓂᑑ ᒌᔨᐙᐤ ᐅᐦᒋ, ᐙᔥ ᐊᑎᑎᐤ ᒋᑎ ᐋᑎ ᑖᑆᐅᒑᔨᒫᐙᐤ ᙭ ᑭᔮᐦ ᒫᒃ ᐋᔮᔅᒃ ᐊᑎᑎᐤ ᒋᓵᒋᐦᐄᑐᓈᐙᐤ᙮

ᓃᔥᑎᒻ ᑎᒧᕢ 4:11

ᐋᔪᐎᒄ ᐅᔮᔨᐤ ᒋᐱᐦ ᐄᑎᔓᒫᐙᐅᒡ ᑭᔮᐦ ᒋᐱᐦ ᐄᔑ ᒋᔅᑯᑎᒧᐙᐙᐅᒡ ᐄᔨᔨᐅᒡ ᑳ ᑖᑆᐦᑎᐦᒡ᙮

ᓃᔥᑎᒻ ᑎᒧᕢ 5:1

ᐊᑳᐐ ᒌᔅᑳᒧᑐ ᐊᐙᓐ ᑳ ᒋᔖᐄᔨᔨᐎᑦ, ᐋᑖᔨᐦᑖᑯᓃᔨᒀ ᒫᒃ ᒑ ᒌ ᒋᔅᑎᐦᐋᒧᐙᑭᓅᑦ ᒑᒀᔨᐤ, ᔮᒀᐦ ᐄᔑ ᐊᔨᒥᐦᐄ ᒧᔮᒻ ᒑ ᑐᑎᐙᐎᑎᐱᓈ ᑎᐱᔨᐙ ᑰᐦᑖᐐ᙮ ᐊᓂᒌ ᑳ ᐅᔅᒋᓃᒎᒡ ᒧᔮᒻ ᑎᐱᔨᐙ ᐋ ᐐᒋᔖᓃᔨᓐ ᒋᐱᐦ ᑐᑎᐙᐅᒡ,

ᑖᐃᑎᔅ 2:1

ᒌᔨ ᒫᒃ, ᑯᐃᔅᒄ ᒋᐱᐦ ᒋᔅᑯᑎᒨᐙᐅᒡ ᑖᓐ ᒑ ᐄᔑ ᐱᒫᑎᓰᔨᒡ᙮

ᑖᐃᑎᔅ 2:15

ᒋᔅᑯᑎᒨᐎᒡ ᐅᔮᔨᐤᐦ ᒑᒀᔨᐤᐦ ᑭᔮᐦ ᐋᐱᒋᐦᑖᐦ ᐊᓐ ᒥᓯᐙ ᑎᐹᔨᐦᒋᒑᐎᓐ ᑳ ᒥᔨᑯᐎᔨᓐ ᒑ ᒌ ᔒᐦᒋᒥᑣᐤ ᑭᔮᐦ ᒑ ᒌ ᐐᐦᑎᒧᑣᐤ ᑖᓂᑖᐦ ᐎᓂᐱᔨᔨᒡ᙮ ᐊᑳᐐ ᐊᐙᓐ ᒋᑭ ᐅᐦᒋ ᐐᐦ ᐋᑎᐙᔨᒥᒄ᙮

ᑖᐃᑎᔅ 3:8

ᑖᑆᒥᑭᓐ ᐆ ᑳ ᐃᔮᓐ᙮ ᒌ ᓂᑎᐙᔨᒥᑎᓐ ᔮᔨᑖᐃ ᒑ ᒌ ᔒᐦᒋᒥᑣᐤ ᐊᓂᒌ ᑳ ᑖᑆᔮᔨᒫᒡ ᒋᔖᒥᓂᑑ ᒑ ᐐᐦ ᒥᔪᑐᑎᒧᐙᒡ ᑯᑎᒃ ᐊᐙᔨᐤᐦ᙮ ᐙᔥ ᒥᔻᔑᔨᐤ ᑭᔮᐦ ᒋᑭ ᒥᔪ ᐐᒋᐦᐄᑯᒡ ᒥᓯᐙ ᐄᔨᔨᐅᒡ᙮

ᐦᐄᑉᕉ 3:1

ᓃᒋᔖᓂᑎᒄ, ᒋᔖᒥᓂᑑ ᑳ ᐎᔮᔨᒥᑖᒄ ᒑ ᐱᔮᐦᒋᐱᒫᑎᓰᔮᒄ ᐋ ᐅᑏᔨᔨᒥᑐᑖᑎᐦᒄ᙮ ᒫᒥᑐᓈᔨᒫᐦᒄ ᒫᐦ ᒌᓴᔅ, ᐋᔨᐅᑯᓐ ᐅᔮᔨᐤ ᒋᔖᒥᓂᑑ ᑳ ᐹᒋ ᐄᑎᔑᐦᐙᑦ ᑭᔮᐦ ᒑ ᒌ ᓃᑳᓐ ᒋᔖᐊᔨᒥᐦᐋᐅᒋᒫᐐᒡ, ᐊᓐ ᐃᔮᔨᐦᒄ ᒑᔥᑎᓈᔥ ᐋ ᑖᑆᔮᔨᒫᐦᒄ᙮

ᐦᐄᑉᕉ 3:14

᙭ ᐋᐦ ᑖᑦ ᑰᐦᒋ ᑎᐹᔨᐦᑖᑯᓰᓈᓂᐤ ᓲᐦᒋᑳᐳᐎᔨᐦᒀᐤ ᒋᑖᑆᔮᔨᐦᑎᒧᐎᓂᓈᐦᒡ ᒨᔮᒻ ᑳ ᐃᔥᐱᔥ ᑖᑆᐦᑎᒥᐦᒄ ᐊᓂᑎᐦ ᐅᔅᑭᒡ ᐲᐦᐃᒻ ᐊᓂᑎᐦ ᐄᔑ ᐋᐦ ᐄᔥᒀᔮᒡ᙮

ᓃᔥᑎᒻ ᐲᑎᕐ 5:1

ᒫᐅᔮᔨᐤ ᐙᐦ ᐄᑎᒀᐤ ᐊᓂᒌ ᑳ ᓃᑳᓂᔒᒡ ᐊᓂᑎᐦ ᐋᐦᑎᓯᔮᒄ, ᓃᔨ ᑭᔮᐦ ᐊᓐ ᐋ ᐄᔑ ᓃᑳᓂᓰᔮᓐ᙮ ᓂᒌᐙᐱᒫᐤ ᑭᔮᐦ ᙭ ᐋ ᐐᓯᒑᔨᐦᑎᒥᐦᐋᑭᓅᑦ ᓃᔨ ᑭᔮᐦ ᓂᑭ ᐐᒋᐦᐄᐙᓐ ᐊᓂᔮᔨᐤ ᒑ ᒌᓯᑳᔨᒡ ᓅᑰᐦᑖᑭᓂᐎᔨᒑ ᐆ ᒋᔅᑖᔨᐦᑖᑯᓲᐎᓐ᙮

ᓃᔓ ᐲᑎᕐ 2:10

ᐊᑎᑎᐤ ᒫᒃ ᒑᔥᑎᓈᑖᔮᔨᐦᑖᑯᓂᔨᐤ ᒑ ᑎᐹᔅᑯᓈᑭᓂᐎᒡ ᐊᓂᒌ ᒥᒄ ᐋ ᐄᔑ ᒥᒋᓂᑐᐙᔨᐦᑎᒨᒥᑭᓃᔨᒡ ᐎᔮᓯᐙᐤ ᐅᐱᒫᑎᓰᐎᓂᐙᒡ ᑳ ᐄᔑ ᓂᐦᐋᔨᑎᒥᐦᐄᓯᐎᒡ, ᐊᓂᒌ ᑳ ᐅᐦᑳᑖᔨᐦᑎᐦᒡ ᑎᐹᔨᐦᒋᒑᐎᓂᔨᐤ᙮ ᓈᔥᒡ ᑖᑆᐦ ᓲᐦᒋᒫᔮᔨᐦᒑᐅᒡ ᐋᐅᑯᓂᒡ ᐅᒌ ᑭᔮᐦ ᓈᔥᒡ ᐐᒥᒥᐦᑖᑯᓯᐎᒡ ᑭᔮᐦ ᓈᔅᑏᔨᔅ ᓂᒥ ᐃᔮᐱᑖᔨᐦᑎᒧᒡ ᑖᓐ ᐋ ᐄᔑ ᒥᒋᐃᔅᒌᔂᑖᒡ ᐊᓂᔮᔨᐤ ᐃᔥᐱᒥᐦᒡ ᐋ ᐅᒋᒫᐐᒡ᙮

ᒎᑦ 1:8

ᐋᔪᐎᒄ ᒫᒃ ᒧᔮᒻ ᐋᐦ ᑎᒡ ᐅᒌ ᓈᐹᐅᒡ, ᐐᓂᓯᐤ ᐱᒫᑎᓰᐎᒡ ᑭᔮᐦ ᐐᓂᓯᐤ ᐳᐙᒨᒡ᙮ ᒥᑐᓐ ᓂᒧᐃ ᐃᔮᐱᑖᔨᐦᑎᒧᒡ ᑎᐹᔨᐦᒋᒑᐎᓂᔨᐤᐦ ᑭᔮᐦ ᒥᒫᔮᔨᒫᐅᒡ ᐊᓂᔮᔨᐤ ᑳ ᒋᔅᑖᔨᐦᑖᑯᓰᔨᒡ ᐃᔥᐱᒥᐦᒡ ᑳᐦ ᑖᔨᒡ᙮