ᓃᔥᑎᒻ ᑎᒧᕢ 6:18 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁸ ᐐᐦᑎᒨᒡ ᐊᓂᒌ ᑳ ᒥᓯᒋᓰᔨᒡ ᒑ ᒌ ᒥᔪᑐᑎᒫᒑᒡ, ᒥᔪᑐᑎᒫᒑᐎᓂᐦᒡ ᒑ ᒌ ᐄᔑ ᒥᓯᒋᓰᔨᒡ, ᒑ ᒌ ᐃᓯᓈᑯᓯᒡ ᓈᔥᒡ ᐋ ᒥᔻᔨᐦᑎᐦᒡ ᐋ ᒥᔨᐙᒡ ᑭᔮᐦ ᓈᔥᒡ ᐋ ᐙᐦᒋᐱᔨᔨᒡ ᒑ ᒌ ᐱᐱᐦᒀᓂᒧᐙᒡ ᐊᐙᔨᐤᐦ ᑖᓐ ᐋ ᐄᔑ ᐃᔮᒡ᙮

ᓃᔥᑎᒻ ᑎᒧᕢ 6:18 Iomraidhean Croise

ᒫᔪᐦᐧᑖᑦ ᒫᕠᔫ 5:42

ᑭᔮᐦ ᐊᐙᓐ ᓂᑎᐙᔨᐦᑎᒫᔅᑳ ᒑᒀᔨᐤ, ᒥᔨ᙮ ᑭᔮᐦ ᒫᒃ ᐊᐙᓐ ᐐᐦ ᐊᐅᐦᐋᓲᒥᔅᑳ ᒑᒀᔨᐤ, ᒥᔨ ᐊᓂᔮᔨᐤ ᒑᒀᔨᐤ ᐙᐦ ᐊᐅᐦᐋᓱᒥᔅᒃ᙮”

ᒫᔪᐦᐧᑖᑦ ᓘᒃ 12:21

ᒌᓴᔅ ᑳᐦ ᐄᑖᑦ, “ᐋᐅᒄ ᒫᒃ ᒧᔮᒻ ᐋ ᐃᓯᓈᑯᐦᒡ ᐊᐙᓐ ᐐᔨ ᑳ ᒫᐅᒋᐦᑎᒫᓱᑦ ᒑᒀᔨᐤ᙮ ᓂᒧᐃ ᒥᓯᒋᓰᐤ ᐄᑖᔨᒥᑰ ᒋᔖᒥᓂᑑ ᐋ ᑭᓂᐙᐱᒥᑯᑦ᙮”

ᒫᔪᐦᐧᑖᑦ ᓘᒃ 3:11

ᑳᐦ ᐄᑖᑦ, “ᐊᐙᓐ ᐋ ᓃᔑᓃᔨᔨᒡ ᐅᑎᑯᐦᑉᐦ ᐹᔨᒄ ᐊᓂᔮᔨᐤ ᒋᐱᐦ ᒥᔮᐤ ᐊᐙᔨᐤᐦ ᐋᐦᐋᑳ ᐃᔮᔨᒡ, ᑭᔮᐦ ᒫᒃ ᒦᒋᒥᔨᐤ ᐋᔮᒀ ᒋᐱᐦ ᐊᔑᒫᐤ ᐊᐙᔨᐤᐦ ᐋᐦᐋᑳ ᐅᒦᒋᒥᔨᒡ᙮”

ᐋᐧᐹᔅᑎᓕᒡ 10:38

ᒋᒌ ᐹᐦᑖᓈᐙᐤ ᒌᓴᔅ ᓈᓵᕆᕠᐦᒡ ᑳ ᐅᐦᒌᑦ ᑳ ᐅᐙᔮᐱᒥᑯᑦ ᒋᔖᒥᓂᑑ ᑭᔮᐦ ᐋ ᒌ ᒥᔨᑯᑦ ᓲᐦᑳᑎᓰᐎᓂᔨᐤ ᑭᔮᐦ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ᙮ ᒥᒄ ᑖᓂᑖᐦ ᑳᐦ ᐋᑎ ᐃᔨᐦᑖᑦ ᒌ ᒥᔪᑐᑎᒫᒑᐤ ᑭᔮᐦ ᒌ ᒦᓂᐙᒋᐦᐋᐤ ᐊᓂᔮᔨᐤ ᐄᔨᔨᐤᐦ ᒥᒋᒥᓂᑑ ᑳ ᓂᓈᐦᑳᒋᐦᐄᑯᔨᒡ ᐙᔥ ᒨᔥ ᒌ ᐐᒑᐅᑰ ᒋᔖᒥᓂᑑ᙮

ᐋᐧᐹᔅᑎᓕᒡ 11:29

ᐋᒄ ᐊᓂᒌ ᒋᔅᒋᓂᐦᐊᒧᐙᑭᓂᒡ ᒥᓯᐙ ᐹᐦᐹᔨᒄ ᐋ ᐃᑎᔑᒡ ᑳ ᐎᔮᔨᐦᑎᐦᒡ ᓲᐦᒃ ᒑ ᐐᒋᐦᐋᒡ ᒥᒄ ᐊᓂᔮᔨᐤ ᒑ ᒌ ᐃᔥᐱᔥ ᐎᒋᐦᐋᒡ, ᑖᓐ ᐋ ᐄᔑ ᓂᑎᐙᔨᐦᑎᒥᔨᒡ ᐊᓂᔮᔨᐤ ᐊᔨᒥᐦᐋᐤ ᐐᒋᔖᓂᐙᐤ ᐊᓂᑖᐦ ᒎᑏᔮ ᐊᔅᒌᐦᒡ ᑳᐦ ᑖᔨᒡ᙮

ᐋᐧᐹᔅᑎᓕᒡ 9:36

ᐊᓂᑖᐦ ᐃᐦᑖᐎᓂᐦᒡ ᒞᐹ ᑳ ᐃᔑᓂᐦᑳᑖᔨᒡ ᒌᐦ ᑖᐤ ᐃᔅᒀᐤ ᐋ ᑖᑆᔮᔨᒫᑦ ᒌᓴᔅᐦ, ᑖᐱᑖ ᐋ ᒌ ᐃᔑᓂᐦᑳᓱᑦ᙮ ᐆ ᒫᒃ ᐃᔑᓂᐦᑳᓱᐎᓐ ᑖᕐᑭᔅ, ᒃᕇᒃ ᐋ ᐄᔑ ᐊᔨᒥᓈᓅᒡ ᐆ᙮ ᒨᔥ ᒌ ᒥᔪᑐᑎᐙᐤ ᐊᐙᔨᐤᐦ ᐊᓐ ᐃᔅᒀᐤ ᑭᔮᐦ ᒌ ᐐᒋᐦᐋᐤ ᑳ ᒋᔅᑎᒫᑎᓰᔨᒡ ᐊᐙᔨᐤᐦ᙮

ᐧᕌᒥᓐ 12:13

ᐄᔥᐱᐦ ᓅᐦᑖᐲᑣᐙ ᒑᒀᔨᐤ ᐊᓂᒌ ᑳ ᑖᑆᔮᔨᐦᑎᐦᒡ ᒥᔮᐦᑯᒡ ᑖᓐ ᐋ ᐄᔑ ᓅᐦᑖᐱᔨᒡ᙮ ᒨᔥ ᒑ ᐐᐦ ᐲᐦᑎᑭᐦᐋᑯᒡ ᐄᔨᔨᐅᒡ ᐋᑳ ᑎᑯᓃᔨᒡ ᑖᓂᑖᐦ ᒑ ᑖᒡ᙮

ᐧᕌᒥᓐ 12:8

ᐋ ᑖᒀ ᐊᐙᓐ ᐋ ᒌ ᒥᔮᑭᓅᑦ ᒑ ᒌ ᐅᐦᐱᓅᐙᑦ ᐋ ᐊᔨᒥᐦᐋᑦ ᐋᐙᔨᐤᐦ ᐅᐦᒋ, ᐋᔪᐎᒄ ᒋᐱᐦ ᐄᔑ ᐅᐦᐱᓅᐙᐤ᙮ ᑳ ᒥᔮᑭᓅᒀ ᐊᐙᓐ ᒑ ᒌ ᐙᐐᒋᐦᐋᑦ ᐊᐙᔨᐤᐦ ᑖᓐ ᐋ ᐄᔑ ᓅᐦᑖᐱᔨᔨᒡ ᒑᒀᔨᐤ ᐋᑯᔥ ᑭᑎ ᐐᐦ ᐙᔪᒡ ᒥᔨᐙᐤ᙮ ᑳ ᒥᔮᑭᓅᒀ ᐊᐙᓐ ᒑ ᒌ ᓃᑳᓂᔥᑳᒑᑦ ᓲᐦᒃ ᒋᐱᐦ ᐐᐦ ᑭᔅᒋᐦᐆ ᐊᓂᔮᔨᐤ ᐋᐦ ᐄᑖᐱᑎᓰᑦ᙮ ᐋᒄ ᒫᒃ ᑳ ᒥᔮᑭᓅᒀ ᐊᐙᓐ ᒑ ᒌ ᐐᒋᐦᐋᑦ ᑳ ᒋᔅᑎᒫᑎᓰᔨᒡ ᑭᔮᐦ ᒫᒃ ᐊᓂᔮᔨᐤ ᑳ ᒥᓯᒫᔨᐦᑎᒥᔨᒡ ᒋᐱᐦ ᒥᔻᔨᐦᑎᒻ ᐊᓂᔮᔨᐤ ᐋᐦ ᑐᑎᐦᒃ᙮

ᓃᔥᑎᒻ ᑯᕆᓐᕠᔨᓐ 16:2

ᐊᓐ ᐋ ᒋᐦᒋᐱᔨᒡ ᐋ ᑎᐎᔥᑖᒡ, ᒥᓯᐙ ᐊᐙᓐ ᐊᓂᑎᐦ ᐋ ᑎᔑᔮᒄ ᒋᐱᐦ ᐱᐦᑳᓂᐦᐋᐤ ᔓᐎᔮᓐ ᐋ ᓂᓈᑭᑎᐙᔨᐦᑎᒥᐦᐄᑯᑦ ᑖᓐ ᒫᒨ ᑳ ᐄᔑ ᒥᔨᑯᑦ ᒋᔖᒥᓂᑑ ᒑ ᒌ ᐅᐦᒋ ᐱᒥᓂᓱᑦ᙮ ᒥᓯᐙ ᒋᐱᐦ ᒫᒨ ᑭᓂᐙᔨᒫᑭᓂᐤ᙮ ᐋᒄ ᒫᒃ ᓂᒧᐃ ᒋᐱᐦ ᐅᐦᒋ ᑎᑯᓐ ᐋ ᓂᔅᑐᓈᑭᓅᑦ ᔓᐎᔮᓐ ᑎᑯᔑᓂᔮᓈ᙮

ᓃᔓ ᑯᕆᓐᕠᔨᓐ 8:12

ᓅᑯᐦᒑ ᓈᔥᒡ ᐋᐦ ᐋᓯᐦᒑᔨᐦᑎᒫᒄ ᒑ ᒌ ᐱᒋᔅᑎᓂᒑᔮᒄ ᐋᔪᐎᒄ ᐅᔮᔨᐤ ᒑ ᓂᐦᐋᔨᐦᑎᒥᐦᐄᑯᑦ ᒋᔖᒥᓂᑑ᙮ ᑖᐹ ᓂᒥᔮᔨᐤ ᐊᓂᔮᔨᐤ ᐋᔥ ᐋᑳ ᐃᔮᐙᒄ ᒑ ᑭᓂᐙᐱᐦᑎᐦᒃ᙮ ᐊᓂᔮᔨᐤ ᑖᓐ ᐋ ᐄᔑ ᐃᔮᐙᒄ ᐋᔪᐎᒄ ᐊᓂᔮᔨᐤ ᒑ ᑭᓂᐙᐱᐦᑎᐦᒃ᙮

ᓃᔓ ᑯᕆᓐᕠᔨᓐ 8:9

ᒋᒋᔅᒑᔨᒫᐙᐤ ᑖᓐ ᑳ ᐄᔑ ᒥᔪᑐᑎᒫᒑᑦ ᒋᑎᐹᔨᐦᒋᒑᓰᒥᓂᐤ ᒌᓴᔅ ᙭᙮ ᐋᐦᐋᑦ ᒫᒃ ᒌ ᐙᔪᑎᓰᑦ ᐊᔮᐱᒡ ᒫᒃ ᒌ ᑐᑖᔓ ᒑ ᒌ ᒋᔅᑎᒫᑎᓯᑦ ᒌᔮᓂᐤ ᐅᐦᒋ, ᒑ ᒌ ᐙᔪᒡ ᐃᔮᔨᐦᒄ ᒫᒃ ᒌᔮᓂᐤ᙮ ᒌ ᓂᑭᑎᒻ ᐐᔨ ᒥᓯᐙ ᐅᐙᔫᑎᓰᐎᓐ᙮

ᑳᓓᔑᔨᓐ 6:10

ᒥᒄ ᒫᒃ ᑖᓂᑖᐦ ᒥᒄ ᒑ ᒌ ᒥᔪᑐᑎᒧᐦᒀ ᐋᔪᐎᒄ ᒨᔥ ᒥᓯᐙ ᐊᐙᓐ ᒑ ᒌ ᐙᐐᒋᐦᐄᐦᒄ, ᐊᑎᑎᐤ ᒫᒃ ᐊᓂᒌ ᑳ ᑖᑆᔮᔨᒫᒡ ᒌᓴᔅᐦ ᒋᐱᐦ ᐐᐦ ᒥᔪᑐᑎᐙᓅᒡ᙮

ᐄᕕᓰᔨᓐ 4:28

ᑭᔮᐦ ᒫᒃ ᐊᓐ ᐊᐙᓐ ᑳ ᑭᒑᒧᑎᑦ ᒋᐱᐦ ᐴᓃᐤ ᐋ ᑭᒑᒧᑎᒃ᙮ ᑎᔨᑯᒡ ᒋᐱᐦ ᐋᐱᑎᓰᐤ ᑯᐃᔅᒄ ᐋᐦᑎᒃ ᐋ ᐐᐦ ᐐᒋᐦᐄᓱᑦ ᑭᔮᐦ ᒫᒃ ᐋᐱᑎᓰᒑ ᐋᑯᑖᐦ ᒑ ᒌ ᐅᐦᒋ ᐐᒋᐦᐋᑦ ᑳᒋᔅᑎᒫᑎᓰᔨᒡ ᐊᐙᔨᐤᐦ᙮

ᓃᔥᑎᒻ ᑎᒧᕢ 5:10

ᑭᔮᐦ ᒋᐱᐦ ᑎᑯᓂᔨᐤ ᑖᓐ ᐋ ᐄᔑ ᒥᔻᒋᒫᑭᓅᑦ ᐋ ᒫᒥᔪᑑᑎᒫᒑᑦ, ᒸᐦᒡ ᐋ ᒌ ᒥᔪ ᓂᐦᑖᐅᒋᓈᑦ ᐊᐙᔑᔥ, ᐋ ᒌ ᒥᔪ ᑭᓂᐙᔨᒫᑦ ᒫᓐ ᒫᓂᑖᐤ, ᑭᔮᐦ ᒨᔥ ᐋ ᒌ ᒫᒥᔪᑐᑎᐙᑦ ᑳ ᑖᑆᔮᔨᐦᑎᒥᔨᒡ ᑭᔮᐦ ᒨᔥ ᐋ ᒌ ᐙᐎᒋᐦᐋᑦ ᐊᓂᔮᔨᐤ ᑳᐦ ᐋᔨᒥᐦᐅᔨᒡ ᑭᔮᐦ ᒫᒃ ᓲᐦᒃ ᒨᔥ ᐋ ᒌ ᓈᓂᑐ ᒥᔅᑭᐦᒃ ᑖᓐ ᒑ ᐄᔑ ᒫᒥᔪᑑᑎᒫᒑᑦ᙮

ᑖᐃᑎᔅ 2:14

ᒌ ᐱᒋᔥᑖᔨᒥᓲ ᙭ ᒌᔮᓂᐤ ᐅᐦᒋ, ᒑ ᒌ ᐱᒫᒋᐦᐄᑎᐦᒄ ᐋ ᐙᐹᔨᐦᑎᒫᑭᐎᔨᐦᒄ ᒥᓯᐙ ᒋᒥᒋᐦᑣᐎᓂᓂᐤ ᑭᔮᐦ ᒑ ᒌ ᐱᔮᐦᒋᐦᐄᑎᐦᒄ ᒥᒄ ᐐᔨ ᒑ ᒌ ᑎᐹᔨᒥᑎᐦᒄ, ᓲᐦᒃ ᒑ ᒌ ᐄᑖᔨᐦᑎᒥᐦᐄᑯᔨᐦᒄ ᑯᐃᔅᒄ ᒑ ᒌ ᑏᔨᒄ᙮

ᑖᐃᑎᔅ 3:8

ᑖᑆᒥᑭᓐ ᐆ ᑳ ᐃᔮᓐ᙮ ᒌ ᓂᑎᐙᔨᒥᑎᓐ ᔮᔨᑖᐃ ᒑ ᒌ ᔒᐦᒋᒥᑣᐤ ᐊᓂᒌ ᑳ ᑖᑆᔮᔨᒫᒡ ᒋᔖᒥᓂᑑ ᒑ ᐐᐦ ᒥᔪᑐᑎᒧᐙᒡ ᑯᑎᒃ ᐊᐙᔨᐤᐦ᙮ ᐙᔥ ᒥᔻᔑᔨᐤ ᑭᔮᐦ ᒋᑭ ᒥᔪ ᐐᒋᐦᐄᑯᒡ ᒥᓯᐙ ᐄᔨᔨᐅᒡ᙮

ᐦᐄᑉᕉ 13:16

ᐊᑳᐐ ᐴᓃᒄ ᐋ ᒥᔪᑐᑎᒫᒑᔮᒄ ᑭᔮᐦ ᐋ ᒫᑎᓄᐙᐱᔨᑣᑐᔮᒄ ᑖᓐ ᐋ ᐄᔑ ᐃᔮᔮᒄ᙮ ᐙᔥ ᐆ ᑭᔮᐦ, ᐋ ᒥᔨᐙᓅᒡ ᐱᒋᔅᑎᓃᒑᐎᓐ ᒋᔖᒥᓂᑑ ᓂᐦᐊᔨᐦᑎᒥᐦᐄᑰ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 2:5

ᔮᒀᐦ ᓂᑐᐦᑎᒧᒄ ᓃᒋᔖᓂᑎᒄ᙮ ᓂᒧᐃ ᐋ ᐊᓂᔮᔨᐤ ᑳ ᒋᔅᑎᒫᑎᓰᔨᒡ ᐅᑎᐦ ᐊᔅᒌᐦᒡ ᑳᐦ ᑖᔨᒡ ᐅᐦᒋ ᐎᔮᔨᒫᐤ ᒋᔖᒥᓂᑑ ᒥᔥᑏᐦ ᒑ ᒌ ᐃᔮᔨᒡ ᑖᑆᔮᔨᐦᑎᒧᐎᓂᔨᐤ ᑭᔮᐦ ᒑ ᒌ ᐃᔮᔨᒡ ᒋᐦᒋᐅᒋᒫᐎᓂᔨᐤ ᐊᓂᔮᔨᐤ ᑳᐦ ᐄᑖᑦ ᒑᔥᑎᓈᔥ ᒑ ᒥᔮᑦ ᐊᓂᔮᔨᐤ ᑳ ᓵᒋᐦᐄᑯᑦ?

ᓃᔥᑎᒻ ᐲᑎᕐ 3:11

ᐋᑯᔥ ᑭᑎ ᐴᓂᔨᐤ ᐋ ᒥᒋᐦᑐᑎᐦᒃ᙮ ᒨᔥ ᒋᑭ ᒥᔪᑐᑎᒫᒑᐤ᙮ ᓲᐦᒃ ᑭᑎ ᐐᐦ ᐋᐦᒌᔅᑎᒻ ᒑ ᒌ ᐐᒋᐦᐋᑦ ᐋᐙᔨᐤᐦ ᒨᔥ ᒑ ᒌ ᒥᔪ ᐐᒑᐅᑐᔨᒡ᙮

ᓃᔥᑎᒻ ᐧᒑᓐ 3:17

ᐙᐱᒫᒑ ᐊᐙᓐ ᐋ ᓅᐦᑖᐱᔨᔨᒡ ᐊᐙᔨᐤᐦ ᒑᒀᔨᐤ, ᐋᐦᐋᑳ ᒫᒃ ᓅᐦᑖᐱᔨᑦ ᐐᔨ ᒑᒀᔨᐤ, ᐋᑳ ᒫᒃ ᒋᔅᑎᒫᒑᔨᒫᒑ, ᑖᓂᑖᐦ ᒑ ᒌ ᐅᐦᒋ ᐃᔨᑦ ᐋ ᐲᐦᒋᔥᑳᑯᐙᑦ ᒋᔖᒥᓂᑑᐦ ᐅᓵᒋᐦᐄᐙᐎᓂᔨᐤᐦ᙮

ᓂᔥᑐ ᐧᒑᓐ 1:11

ᓂᐐᒑᐙᑭᓐ ᑳ ᓵᒋᐦᐄᑖᓐ ᐊᑳᐐ ᒋᔅᒋᓄᐙᐱᐦᑎᐦ ᒥᒑᑎᓰᐎᓐ, ᑯᐃᔅᑯᑖᑎᓰᐎᓐ ᐋᐅᒄ ᒋᔅᒋᓄᐙᐱᐦᑎᐦ᙮ ᐊᓐ ᐊᐙᓐ ᑳ ᑯᐃᔅᑯᑖᑎᓰᑦ ᒋᔖᒥᓂᑑ ᑎᐹᔨᒥᑰ, ᐋᒄ ᐊᓐ ᐊᐙᓐ ᑳ ᒥᒑᑎᓰᑦ ᓂᒧᐃ ᐅᐦᒋ ᐙᐱᒫᐤ ᒋᔖᒥᓂᑑᐦ᙮