ᓃᔥᑎᒻ ᑎᒧᕢ 6:16 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁶ ᐐᔨ ᒥᒄ ᑳᒋᒡ ᐱᒫᑎᓰᐤ, ᐊᓂᑖᐦ ᒫᒃ ᐋᐦᐋᑳ ᓂᐦᑖ ᒧᔖ ᒑ ᒌ ᓈᑖᑭᓂᐎᔨᒡ ᐙᔥᑖᐎᓂᔨᐤ ᐋᑯᑖᐦ ᐋᐦ ᑖᑦ, ᐊᓂᑖᐦ ᐋᑳ ᐊᐙᔨᐤᐦ ᒑ ᒌ ᓈᑎᑯᑦ᙮ ᓂᒧᐃ ᓂᐦᑖ ᓈᐦᐄᔨᐤ ᐅᐦᒋ ᐙᐱᒥᑰ ᐊᐙᔨᐤᐦ ᑭᔮᐦ ᓂᒧᐃ ᓂᐦᑖ ᒋᑭ ᒌ ᐙᐱᒥᑰ᙮ ᐃᓯᓈᑯᓐ ᐐᔨ ᒑ ᒌ ᒋᔅᑖᔨᐦᑖᑯᐦᐋᑭᓂᑦ ᑭᔮᐦ ᐐᔨ ᒑ ᒌ ᐃᔮᑦ ᓲᐦᑳᑎᓰᐎᓂᔨᐤ ᒨᔥ ᑳᒋᒡ᙮ ᐋᒥᓐ᙮

ᓃᔥᑎᒻ ᑎᒧᕢ 6:16 Iomraidhean Croise

ᒫᔪᐦᐧᑖᑦ ᐧᒑᓐ 1:18

ᓂᒧᐃ ᓂᐦᑖ ᐊᐙᓐ ᐅᐦᒋ ᐙᐱᒫᐤ ᒋᔖᒥᓂᑑ, ᒥᒄ ᐊᓂᔮᔨᐤᐦ ᐅᐹᔨᑯᓵᓐ ᐅᑖᐦᐄᒡ ᑳᑎᔮᑦ ᒌ ᑐᑖᑰ ᒑ ᒌ ᒋᔅᒑᔨᒫᑭᓅᑦ᙮

ᒫᔪᐦᐧᑖᑦ ᐧᒑᓐ 14:9

ᐋᒄ ᒌᓴᔅ ᐋᑖᑦ, “ᕕᓕᑉ, ᔖᔥ ᓈᐎᔥ ᑳᐦ ᑖᔮᓐ ᐅᑎᐦ ᐋᐦ ᑖᔮᒄ ᐊᔮᐱᒡ ᒫᒃ ᓂᒧᐃ ᒋᒋᔅᒑᔨᒥᓐ? ᐊᓐ ᐊᐙᓐ ᑳ ᐙᐱᒥᑦ ᔖᔥ ᐙᐱᒫᐤ ᐅᐦᑖᐐᒫᐤ᙮ ᒑᒀᓐ ᒫᒃ ᐙᐦᒋ ᑯᒀᒋᒥᔨᓐ ᒑ ᒌ ᐙᐱᐦᑎᔨᑖᓐ ᐅᐦᑖᐐᒫᐤ?

ᒫᔪᐦᐧᑖᑦ ᐧᒑᓐ 6:46

ᓂᒧᐃ ᐊᐙᓐ ᐅᐦᒋ ᐙᐱᒫᐤ ᐅᐦᑖᐐᒫᐤ ᒥᒄ ᐊᓂᔮᔨᐤ ᒋᔖᒥᓂᑑ ᑳ ᐹᒋ ᐄᑎᔑᐦᐙᑦ ᐋᐅᒄ ᐊᓐ ᒥᒄ ᑳ ᐙᐱᒫᑦ ᐅᐦᑖᐐᒫᐤ᙮

ᒫᔪᐦᐧᑖᑦ ᐧᒑᓐ 8:58

ᐋᒄ ᒌᓴᔅᐦ ᐋᑎᑯᒡ, “ᑖᑆᐦ ᒋᐐᐦᑎᒫᑎᓈᐙᐤ, ᐋᔥᒄ ᐋᒸᔮ ᐅᐦᒋ ᑖᑦ ᐊᓂᔮ ᐋᑉᕋᐦᐋᒻ, ᔖᔥ ᓂᑎᐦᑖᓐ᙮”

ᐄᕕᓰᔨᓐ 3:21

ᐐᔨ ᒋᔖᒥᓂᑑ ᑳᒋᒡ ᑭᑎ ᒋᔅᑖᔨᐦᑖᑯᐦᐋᑭᓂᐤ ᒥᒄ ᑖᓂᑎ ᐅᒫᒨᐊᔨᒥᐦᐋᐤ ᐋᐦ ᑖᔨᒡ ᙭ ᒌᓴᔅ ᐅᐦᒋ᙮ ᐋᒥᓐ᙮

ᕕᓕᐱᔨᓐ 4:20

ᑳᒋᒡ ᑭᑎ ᒫᒥᐦᒋᒫᑭᓂᐤ ᒋᔖᒥᓂᑑ ᑰᐦᑖᐐᓂᐤ᙮ ᐋᒥᓐ᙮

ᑯᐧᓛᓯᔨᓐ 1:15

ᐐᔨ ᙭ ᒧᔮᒻ ᐋᐅᒄ ᐋ ᐄᑖᔨᐦᑖᑯᓯᑦ ᑖᓐ ᐋ ᐄᑖᔨᐦᑖᑯᓰᔨᒡ ᒋᔖᒥᓂᑑ ᐊᓂᔮᔨᐤ ᐋᑳ ᑳ ᓅᑯᓰᔨᒡ᙮ ᙭ ᐋᐅᒄ ᒋᔖᒥᓂᑑ ᐅᓃᔥᑎᒨᔖᓐ, ᐊᓐ ᒫᐅᒡ ᓃᑳᓐ ᐋ ᐄᑖᔨᐦᑖᑯᓯᑦ ᐋ ᐄᑖᔨᐦᑖᑯᓃᔨᒡ ᒥᓯᐙ ᒑᒀᔨᐤ ᑳ ᐅᔑᐦᑖᑭᓂᐎᔨᒡ᙮

ᓃᔥᑎᒻ ᑎᒧᕢ 1:17

ᐋᒄ ᒫᒃ ᑳᒋᒡ ᑭᑎ ᐐᐦ ᒋᔅᑖᔨᒫᑭᓂᐤ ᑭᔮᐦ ᐐᔨ ᒫᐅᒡ ᑭᑎ ᐐᐦ ᒋᔅᑖᔨᐦᑖᑯᐦᐋᑭᓂᐤ ᐊᓐ ᑳᒋᒡ ᑳ ᒋᐦᒋᐅᒋᒫᐅᑦ, ᐊᓐ ᐋᑳ ᓂᐦᑖ ᒑ ᐴᓂᐱᒫᑎᓰᑦ, ᐋᑳ ᑳ ᓅᑯᓯᑦ ᑭᔮᐦ ᐊᓐ ᒥᒄ ᑳ ᐹᔮᑯᑦ ᒋᔖᒥᓂᑑ᙮ ᐋᒥᓐ᙮

ᐦᐄᑉᕉ 13:8

ᒨᔥ ᐹᔨᑯᓂᒡ ᒋᑭ ᐄᑖᔨᐦᑖᑯᓯᐤ ᒌᓴᔅ ᙭, ᐅᑖᑯᔒᐦᒡ, ᐊᓅᐦᒡ ᑭᔮᐦ ᒫᒃ ᒨᔥ ᑳᒋᒡ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 1:17

ᒥᓯᐙ ᒥᔨᐙᐎᓐ ᑳ ᒥᔻᔑᒡ ᑭᔮᐦ ᒥᑐᓐ ᑯᐃᔅᒄ ᑳ ᐄᑖᔨᑖᑯᐦᒡ ᐊᓂᑖᐦ ᐃᔥᐱᒥᐦᒡ ᐅᐦᒋᐱᔨᐤ, ᐊᓂᑖᐦ ᒋᔖᒥᓂᑑ ᐋᐦ ᑖᑦ᙮ ᐋᐅᒄ ᐆ ᒋᔖᒥᓂᑑ ᑳ ᐅᔑᐦᑖᑦ ᒥᓯᐙ ᐙᔥᑖᐎᓂᔨᐤ ᐊᓂᑖᐦ ᒌᔑᑯᐦᒡ᙮ ᒨᔥ ᐹᔨᑯᓂᐦᒡ ᐄᑖᔨᐦᑖᑯᓯᐤ, ᓂᒧᐃ ᐃᓯᓈᑯᓯᐤ ᒧᔮᒻ ᐋ ᑎᑳᔥᑖᐦᑎᐦᒡ ᒑᒀᓐ ᐋᔅᑭᐤ ᐊᔨᐦᒡ ᒫᓐ ᐋ ᐃᓯᓈᑯᐦᒡ᙮

ᓃᔥᑎᒻ ᐧᒑᓐ 1:5

ᒋᐐᐦ ᐐᐦᑎᒫᑎᓈᓐ ᑖᓐ ᑳ ᐄᔑ ᐐᐦᑎᒧᔨᒥᐦᑦ ᒌᓴᔅ᙮ ᐋᒄ ᑳᐦ ᐃᔨᑦ, ᒋᔖᒥᓂᑑ ᐋᐅᒄ ᐙᔥᑖᐎᓐ, ᓂᒧᐃ ᒥᑐᓐ ᐲᐦᒋᔥᑳᑰ ᐊᐅᑳᔅᑖᐎᓂᔨᐤ᙮

ᓃᔥᑎᒻ ᐧᒑᓐ 1:7

ᒥᔔ ᐙᔥᑖᐎᓂᐦᒡ ᐄᔑ ᐱᒫᑎᓰᔨᒀ ᒧᔮᒻ ᐐᔨ ᐙᔥᑖᐎᓂᐦᒡ ᐋᐦ ᑖᑦ, ᑖᑆᐦ ᒋᑭ ᒥᔪ ᐐᒑᐅᑐᓈᓂᐤ, ᑭᔮᐦ ᒌᓴᔅ, ᒋᔖᒥᓂᑑ ᐅᑯᓯᔅᐦ, ᐅᒥᐦᒄ ᒌ ᐱᔮᐦᒋᐦᐄᑯᐙᓈᓂᐤ ᒥᓯᐙ ᒥᒋᐃᐦᑣᐎᓂᐦᒡ ᐅᐦᒋ᙮

ᓃᔥᑎᒻ ᐧᒑᓐ 4:12

ᓂᒧᐃ ᓂᐦᑖ ᐅᐦᒋ ᐙᐱᒫᐤ ᐊᐙᓐ ᒋᔖᒥᓂᑑ, ᒥᒄ ᒫᒃ ᓰᔮᒋᐦᐄᑐᐦᒀ ᒋᔖᒥᓂᑑ ᐱᒫᑎᓰᐤ ᐲᐦᒡ ᐋᐦᑖᐆᐦᒄ ᑭᔮᐦ ᐆ ᓵᒋᐦᐄᐙᐎᓐ ᓂᒧᐃ ᑎᑯᓂᔨᐤ ᒑᒀᔨᐤ ᐋᓅᐦᑎᓂᒧᒥᑭᓃᒡ ᒋᑖᐦᐄᓈᐦᒡ᙮

ᒎᑦ 1:25

ᐋᒄ ᒫᒃ ᐊᓐ ᑳ ᐹᔨᑯᑦ ᒋᔖᒥᓂᑑ ᒋᐱᒫᒋᐦᐄᐙᓯᒥᓂᐤ, ᒋᐱᐦ ᒥᔮᑭᓂᐤ ᒋᔅᑖᔨᐦᑖᑯᓯᐎᓂᔨᐤ, ᒋᐦᒋᐅᒋᒫᐎᓂᔨᐤ, ᓲᐦᑳᑎᓰᐎᓂᔨᐤ ᑭᔮᐦ ᒫᒃ ᑎᐹᔨᐦᒋᒑᐎᓂᔨᐤ, ᒋᑎᐹᔨᐦᒋᒑᒥᓂᐤ ᒌᓴᔅ ᙭ ᐅᐦᒋ, ᑳᒋᒡ ᑭᔮᐦ ᑳᒋᒡ᙮ ᐋᒥᓐ᙮

ᒋᔅᒑᔨᐦᑖᑯᐦᑖᒑᐧᐃᓐ 1:6

ᒌᐦ ᑐᑎᒻ ᒑ ᒌ ᒥᓯᓈᓲᐦᒄ ᐊᓂᑖᐦ ᐅᒋᐦᒋᐅᒋᒫᐎᓂᐦᒡ ᐋᐦ ᐋᐱᑎᔒᔥᑎᒫᐦᒄ ᐅᐦᑖᐐᐦ ᒋᔖᒥᓂᑑ ᐋ ᐊᔨᒥᐦᐋᐅᒋᒫᐤ ᐋᐱᑎᓰᐅᒄ᙮ ᐋᐅᒄ ᐙᔥ ᐊᓯᓈᑰᐦᒡ ᐐᔨ ᒑ ᒌ ᒋᔅᑖᔨᐦᑖᑯᐦᐋᑭᓅᑦ ᑭᔮᐦ ᒋᑭ ᑎᐹᔨᐦᒋᒑᓯᐤ ᑳᒋᒡ ᑭᔮᐦ ᑳᒋᒡ᙮ ᐋᒥᓐ᙮

ᒋᔅᒑᔨᐦᑖᑯᐦᑖᒑᐧᐃᓐ 1:8

ᐋᔪᐎᒄ ᐃᔮᑦ ᒋᔖᒥᓂᑑ ᑎᐹᔨᐦᒋᒑᓯᐤ, ᐊᓐ ᒫᐅᒡ ᑳ ᓲᐦᑳᑎᓰᑦ, “ᐋᐅᒄ ᓃᔨ ᐊᓪᕚᐦ ᑭᔮᐦ ᐅᒣᑳᐦ ᑳ ᐃᔑᓂᐦᑳᑖᑭᓅᑦ, ᐊᓐ ᐊᓅᐦᒡ ᑳᐦ ᑖᑦ ᑭᔮᐦ ᒨᔥ ᑳ ᐹᒋᐦᑖᑯᐱᓈ, ᑭᔮᐦ ᐊᓐ ᒑ ᑎᑯᔑᐦᒃ᙮”

ᒋᔅᒑᔨᐦᑖᑯᐦᑖᒑᐧᐃᓐ 21:3

ᐋᒄ ᑳ ᐹᐦᑎᐎᒃ ᐊᐙᓐ ᐊᓂᑖᐦ ᒋᐦᒋᐅᒋᒫᐤ ᑖᐦᑎᐱᐎᓂᔨᐤ ᐋᐦᑎᑯᓃᔨᒡ ᐋ ᒋᔣᐙᑦ ᐋᐦ ᐃᔨᑦ, “ᐊᓂᑎᐦ ᐄᔨᔨᐤ ᐋ ᑖᔨᐦᒡ ᐋᑯᑖᐦ ᒑ ᑖᑦ ᔖᔥ ᒋᔖᒥᓂᑑ᙮ ᑭᑎ ᐐᒋᒫᐤ᙮ ᐋᔨᐅᑯᓐ ᐊᓂᔮᔨᐤ ᒑ ᐅᑏᔨᔨᒥᑦ ᑭᔮᐦ ᐙᒋᔖᒥᓂᑑᒥᑐᑖᑯᑦ᙮

ᒋᔅᒑᔨᐦᑖᑯᐦᑖᒑᐧᐃᓐ 22:5

ᓂᒧᐃ ᓂᐦᑖ ᒦᓐ ᒋᑭ ᐅᐦᒋ ᑎᐱᔅᑳᐤ ᐊᓂᑎᐦ᙮ ᓂᒧᐃ ᑭᔮᐦ ᑭᑎ ᐅᐦᒋ ᓂᑎᐙᔨᐦᑎᒧᒡ ᐙᔥᑖᓂᒫᑭᓐ ᑭᔮᐦ ᓂᒧᐃ ᒋᑭ ᐅᐦᒋ ᓂᑎᐙᔨᒫᐅᒡ ᐲᓯᒻ ᒑ ᒌ ᐙᔥᑖᓂᒫᑯᒡ᙮ ᐙᔥ ᐊᓂᔮᔨᐤ ᐋ ᐃᔥᐱᔥ ᒌᐦᑳᔮᔥᑎᐙᔨᒡ ᑎᐹᔨᐦᒋᒑᓯᐤ ᒋᔖᒥᓂᑑ ᐋᔪᐎᒄ ᐅᔮᔨᐤ ᒑ ᐅᐙᔅᑖᓂᒫᑭᓂᒡ᙮ ᑳᒋᒡ ᒫᒃ ᑭᔮᐦ ᑭᑎ ᒋᐦᒋᐅᒋᒫᐅᐎᒡ᙮

ᒋᔅᒑᔨᐦᑖᑯᐦᑖᒑᐧᐃᓐ 4:11

“ᒌᔨ ᓂᑎᐹᔨᐦᒋᒑᓰᒥᓈᓐ ᑭᔮᐦ ᓂᒋᔖᒥᓂᑑᒥᓈᓐ ᒌ ᑖᐱᒑᔨᐦᑖᑯᓯᓐ ᒑ ᒌ ᒋᔅᑖᔨᐦᑖᑯᐦᐄᑭᐎᔨᓐ ᑭᔮᐦ ᒑ ᒌ ᒋᔅᑖᒋᒥᑭᐎᔨᓐ ᑭᔮᐦ ᒑ ᒌ ᒫᒥᐦᒋᒥᑭᐎᔨᓐ ᐋ ᐃᔥᐱᔥ ᓲᐦᑳᑎᓰᔨᓐ᙮ ᐙᔥ ᒌᔨ ᒥᓯᐙ ᒑᒀᓐ ᒋᒌ ᐅᔑᐦᑖᓐ᙮ ᒌᔨ ᒋᑎᑖᔨᐦᑎᒧᐎᓐ ᐅᐦᒋ ᒑ ᒌ ᑎᑯᐦᒡ ᒥᓯᐙ ᒑᒀᓐ ᑳᐦ ᑎᑯᐦᒡ ᐋᒄ ᒫᒃ ᒥᓯᐙ ᑳ ᐅᔑᐦᑖᔨᓐ᙮”

ᒋᔅᒑᔨᐦᑖᑯᐦᑖᒑᐧᐃᓐ 7:12

ᐋᐦ ᐃᔨᒡ, “ᐊᒦᓐ᙮ ᒋᒋᔖᒥᓂᑑᒥᓂᐤ ᑭᑎ ᒫᒥᐦᒋᒫᑭᓈᐤ ᑭᔮᐦ ᑭᑎ ᒋᔅᑖᒋᒫᑭᓂᐤ ᑭᔮᐦ ᑭᑎ ᓂᓂᔅᑯᒫᑳᓂᐤ ᐅᐦᒋ ᐊᓂᔮᔨᐤ ᐆ ᑭᒑᐦᑖᐙᔨᐦᑖᒨᐎᓐ ᑭᔮᐦ ᐆ ᒋᔅᑖᔨᐦᑖᑯᓯᐎᓐ ᑭᔮᐦ ᐆ ᒥᔅᑯᓯᐎᓐ ᑭᔮᐦ ᐆ ᓲᐦᑳᑎᓰᐎᓐ, ᑳᒋᒡ ᑭᔮᐦ ᑳᒋᒡ᙮ ᐋᒥᓐ᙮”