ᓃᔥᑎᒻ ᑎᒧᕢ 6:11 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹¹ ᒌᔨ ᒫᒃ ᑎᒧᕢ, ᒋᔖᒥᓂᑑ ᑳᐦ ᐋᐱᑎᔒᔥᑑᑦ, ᐊᑳᐐ ᐃᔮᐱᑖᔨᐦᑎ ᐅᐦᐄ ᒥᒋᒑᒀᓂᐦᐄ᙮ ᐊᐅᔅᑖ ᐄᑖᔨᐦᑎᒥᐦᐄᒄ ᑯᐃᔅᑯᑖᑎᓰᐎᓐ, ᒋᔖᒥᓂᑑᐙᑎᓰᐎᓐ, ᑖᑆᔮᔨᐦᑎᒧᐎᓐ, ᓵᒋᐦᐄᐙᐎᓐ, ᓲᐦᒋᐋᔨᐦᑖᑯᓯᐎᓐ, ᑭᔮᐦ ᔫᔅᐱᓰᐎᓐ᙮

ᓃᔥᑎᒻ ᑎᒧᕢ 6:11 Iomraidhean Croise

ᐧᕌᒥᓐ 14:19

ᓲᐦᒃ ᒫᒃ ᒨᔥ ᐐᐦ ᐄᔑ ᐱᒫᑎᓰᑖᐤ ᒑ ᒌ ᒥᔪ ᐐᒑᐆᑐᔨᐦᒄ ᑭᔮᐦ ᒑ ᒌ ᐐᒋᐦᐄᑐᔨᐦᒄ ᒑ ᒌ ᔮᔨᒋᑳᐳᐎᔨᐦᒄ ᐊᑐ ᒋᑖᑆᔮᔨᐦᑎᒧᐎᓈᐦᒡ᙮

ᓃᔥᑎᒻ ᑯᕆᓐᕠᔨᓐ 10:14

ᐋᒄ ᒫᒃ ᓂᐐᒑᐙᑭᓂᑐᒃ ᑳ ᓵᒋᐦᐄᑎᑯᒡ, ᓰᑎᐤ ᒑ ᐅᓲᒧᔮᒄ ᐊᓂᑎᐦ ᐅᐦᒋ ᐊᔨᒥᐦᐋᔥᑎᐙᑯᓂᐎᒡ ᒥᓂᑑᐦᑳᓂᒡ᙮

ᓃᔥᑎᒻ ᑯᕆᓐᕠᔨᓐ 14:1

ᒥᒄ ᐋ ᐃᔥᐱᔥ ᑭᔅᒋᐦᑖᔮᒄ ᒋᐱᐦ ᐄᔑ ᐱᒧᐦᑖᓈᐙᐤ ᒑ ᒌ ᓵᒋᐦᐄᑐᔮᒄ ᑭᔮᐦ ᒫᒃ ᒑ ᒌ ᐱᑯᓵᔨᐦᑎᒫᒄ ᓂᓈᐦᑭᐤ ᒥᔨᐙᐎᓐᐦ ᐊᓂᔮᔨᐤ ᒫᔨᐙᑦ ᑳ ᐱᔮᐦᒋᓰᑦ ᐊᐦᒑᐦᒄ, ᒫᐅᒡ ᒫᒃ ᐊᓂᔮᔨᐤ ᐋ ᒋᔅᒋᐙᐦᐄᒑᑦ ᒋᔖᒥᓂᑑ ᐊᔨᒦᔅᑎᒨᐙᑭᓂᐎᒡ᙮

ᓃᔥᑎᒻ ᑯᕆᓐᕠᔨᓐ 6:18

ᐅᔑᒧᑐᑎᒧᒄ ᐐᓂᓯᐤ ᐱᒫᑎᓰᐎᓐ᙮ ᑯᑎᒃ ᒥᒋᐦᑐᑎᒧᐎᓐ ᓂᒧᐃ ᐎᔮᔥ ᑐᑖᒑᒥᑭᓐ ᒥᔮᐦᒡ᙮ ᐐᓂᓱᐎᓂᐦᒡ ᒫᒃ ᐋ ᐄᔑ ᐱᒫᑎᓰᑦ ᐊᐙᓐ ᐐᔨ ᑎᐱᔨᐙ ᐅᔨᐤ ᐎᓂᑐᑎᒻ᙮

ᓃᔥᑎᒻ ᑎᒧᕢ 1:14

ᓈᔥᒡ ᓂᒌ ᓅᑯᐦᑣᒄ ᑎᐹᔨᐦᒋᒑᓯᐤ ᑖᓐ ᐋ ᐃᔥᐱᔥ ᐙᔪᒡ ᒥᔪᑐᑎᐎᑦ ᑖᑆᔮᔨᐦᑎᒧᐎᓂᒡ ᑭᔮᐦ ᓵᒋᐦᐄᐙᐎᓂᒡ ᙭ ᒌᓴᔅᐦ ᐅᐦᒋ ᑳ ᒥᔨᑯᔮᓐ᙮

ᓃᔥᑎᒻ ᑎᒧᕢ 4:12

ᐊᑳᐐ ᒋᑭ ᐅᐦᒋ ᐃᔮᑐᐦᐄᑯᒡ ᐄᔨᔨᐅᒡ ᐊᓂᔮᔨᐤ ᐋ ᐅᔅᒋᓃᒌᐎᑦ᙮ ᒥᒄ ᐄᔑ ᐱᒫᑎᓰᐦ ᐊᓂᑎᐦ ᒑ ᒌ ᐅᐦᒋ ᒋᔅᒋᓄᐙᐱᐦᑎᐦᒡ ᒋᐱᒫᑎᓰᐎᓂᔨᐤ ᐊᓂᒌ ᑳ ᑖᑆᐦᑎᐦᒡ, ᑭᔮᐦ ᑖᓐ ᐋ ᐃᑎᐦᑖᑯᓃᔨᒡ ᒋᑎᔨᒧᐎᓂᔨᐤ, ᑭᔮᐦ ᑖᓐ ᐋ ᐃᓯᓈᑯᐦᒡ ᒋᐱᒫᑎᓰᐎᓂᔨᐤ ᑭᔮᐦ ᑖᓐ ᐋ ᐄᔑ ᓵᒋᐦᐄᐙᔨᓐ ᑭᔮᐦ ᒫᒃ ᐋ ᐄᔑ ᑖᑆᐦᑎᒥᓐ ᑭᔮᐦ ᑖᓐ ᐋ ᐄᔑ ᐱᔮᐦᒋᓯᔨᓐ᙮

ᓃᔥᑎᒻ ᑎᒧᕢ 5:10

ᑭᔮᐦ ᒋᐱᐦ ᑎᑯᓂᔨᐤ ᑖᓐ ᐋ ᐄᔑ ᒥᔻᒋᒫᑭᓅᑦ ᐋ ᒫᒥᔪᑑᑎᒫᒑᑦ, ᒸᐦᒡ ᐋ ᒌ ᒥᔪ ᓂᐦᑖᐅᒋᓈᑦ ᐊᐙᔑᔥ, ᐋ ᒌ ᒥᔪ ᑭᓂᐙᔨᒫᑦ ᒫᓐ ᒫᓂᑖᐤ, ᑭᔮᐦ ᒨᔥ ᐋ ᒌ ᒫᒥᔪᑐᑎᐙᑦ ᑳ ᑖᑆᔮᔨᐦᑎᒥᔨᒡ ᑭᔮᐦ ᒨᔥ ᐋ ᒌ ᐙᐎᒋᐦᐋᑦ ᐊᓂᔮᔨᐤ ᑳᐦ ᐋᔨᒥᐦᐅᔨᒡ ᑭᔮᐦ ᒫᒃ ᓲᐦᒃ ᒨᔥ ᐋ ᒌ ᓈᓂᑐ ᒥᔅᑭᐦᒃ ᑖᓐ ᒑ ᐄᔑ ᒫᒥᔪᑑᑎᒫᒑᑦ᙮

ᓃᔥᑎᒻ ᑎᒧᕢ 6:20

ᒌᔨ ᑎᒧᕢ ᓈᓈᑭᒋᐦᑖ ᑖᓐ ᑳ ᐄᔑ ᒥᔨᔅᒃ ᒋᔖᒥᓂᑑ ᒑ ᒌ ᐄᑖᐱᑎᓰᐎᑦ᙮ ᐊᑳᐐ ᐃᔮᐱᓯᐦᑐᒡ ᐊᓂᒌ ᑳᐦ ᐋᔨᒸᐦᐄᑯᒡ ᒑᒀᔨᐤ ᐋᐦᐋᑳ ᐊᓂᑖᐦ ᐄᔑ ᐐᒋᐦᐄᐙᒥᑭᓃᔨᒡ ᐋ ᒋᔖᒥᓂᑑᐙᑎᓰᓈᓂᐎᔨᒡ, ᐊᓂᒌ ᑳ ᐄᑎᐦᑖᑯᓯᒡ ᒧᔮᒻ ᓈᔥᒡ ᒥᔥᑏᐦ ᐋ ᒋᔅᒑᔨᐦᑎᐦᒡ ᒑᒀᔨᐤ ᐋᐦᐋᑳ ᒫᒃ ᓂᐦᐋᐤ ᒧᔮᒻ ᐄᔑ ᑭᒑᔅᒑᔨᐦᑎᐦᒡ᙮

ᓃᔓ ᑎᒧᕢ 2:21

ᐋᔪᐎᒄ ᒫᒃ ᐊᓯᓈᑯᓯᑦ ᐊᐙᓐ, ᐱᔮᐦᒋᐦᐄᓱᒑ ᑭᔮᐦ ᐴᓃᒑ ᐋ ᒥᒑᐱᒫᑎᓰᑦ, ᑭᑎ ᑎᑯᓂᔨᐤ ᓈᔥᒡ ᐋ ᒋᔅᑖᔨᐦᑖᑯᓃᔨᒡ ᒑ ᐄᔑ ᐋᐱᒋᐦᐋᑭᓅᑦ, ᒥᑐᓐ ᑭᑎ ᐱᒋᔅᑎᓃᓲ ᒑ ᒌ ᒥᔻᐱᒋᐦᐄᑯᑦ ᐊᓂᔮᔨᐤ ᐅᒋᒫᒻ ᑏᐙᒡ ᒑ ᒌᐦ ᑐᑎᐦᒃ ᒥᔪᑐᑎᒫᒑᐅᓂᔨᐤ᙮

ᓃᔓ ᑎᒧᕢ 2:22

ᒑ ᐄᒑᐦᑖᔨᓐ ᐋᑳ ᐃᔮᐱᑖᔨᑎᒥᐦᐄᑰ ᑖᓂᔮᔨᐤ ᐋ ᐄᔑ ᒧᔥᑖᓈᔮᔨᐦᑎᐦᒃ ᒑ ᒌ ᐄᑖᑎᓰᑦ ᐅᔅᒋᓃᒎ᙮ ᐊᐅᔅᑖ ᐄᑖᔨᐦᑎᒥᐦᐄᑯᐦ ᑯᐃᔅᑯᑖᑎᓰᐎᓐ, ᑖᑆᔮᔨᐦᑎᒧᐎᓐ, ᓵᒋᐦᐄᐙᐎᓐ ᑭᔮᐦ ᒫᒃ ᒋᔮᒫᔨᐦᑎᒧᐎᓐ, ᐋ ᐐᒑᐅᑣᐤ ᐊᓂᒌ ᑳ ᑖᑆᑖᒡ ᑎᐹᔨᐦᒋᒑᓯᐤ ᑳ ᐱᔮᐦᑭᓃᔨᔨᒡ ᐅᑖᐦᐄᐙᐤ᙮

ᓃᔓ ᑎᒧᕢ 3:10

ᒌᔨ ᒫᒃ ᑎᒧᕢ ᓂᒑᔥᑎᓈᐦᐅᓐ ᒑ ᓅᔔᔥᑭᒥᓐ ᓂᒋᔅᑯᑎᒫᒑᐎᓐ, ᑭᔮᐦ ᑳ ᐄᔑ ᐱᒫᑎᓰᔮᓐ, ᑭᔮᐦ ᓂᑎᐄᑖᔨᐦᑎᒧᐎᓐ᙮ ᒋᒌ ᐙᐱᐦᑖᓐ ᑖᓐ ᑳ ᐄᔑ ᑖᑆᐦᑎᒫᓐ, ᑖᓐ ᑳ ᐄᔑ ᓰᐱᔨᐙᓯᔮᓐ, ᑭᔮᐦ ᓂᓵᒋᐦᐄᐙᐎᓐ, ᑭᔮᐦ ᒋᒌ ᐙᐱᐦᑖᓐ ᑖᓐ ᑳ ᐄᔑ ᓲᐦᒑᐋᐦᔨᑖᑯᓯᔮᓐ ᑖᓐ ᑳ ᐄᔑ ᓂᓈᐦᑭᐤ ᓂᒋᔥᑭᒫᓐ᙮

ᓃᔓ ᑎᒧᕢ 3:17

ᐅᔮᔨᐤ ᑭᔮᐦ ᐅᑎᔨᒧᐎᓐᐦ ᐎᒋᐦᐄᑯᔨᐤ ᒥᑐᓐ ᒑ ᒌ ᐃᔮᔅᑭᐎᔨᒡ ᒋᔖᒥᓂᑑ ᐅᑖᐱᒋᐦᐋᑭᓐᐦ ᒑ ᒌᐦ ᑐᑎᒥᔨᒡ ᒥᓯᐙ ᓂᓈᐦᑭᐤ ᒥᔪᑐᑎᒫᒑᐅᓂᔨᐤ᙮

ᐦᐄᑉᕉ 12:14

ᓲᐦᒃ ᑯᒋᐦᑖᒄ ᒑ ᒌ ᐄᔑ ᐱᒫᑎᓰᔮᒄ ᒑ ᒌ ᒥᔪᐐᒋᐱᒫᑎᓰᒫᑯᒡ ᒥᓯᐙ ᐄᔨᔨᐅᒡ᙮ ᓲᐦᒃ ᑯᒋᐦᑖᒄ ᒑ ᒌ ᐱᔮᐦᒋ ᐱᒫᑎᓰᔮᒄ᙮ ᐙᔥ ᑖᐹ ᑭᑎ ᒌ ᐙᐱᒫᐤ ᐊᐙᓐ ᑎᐹᔨᐦᒋᒑᓯᐤ ᐋᑳ ᐱᔮᐦᒋᐱᒫᑎᓰᒑ᙮

ᓃᔥᑎᒻ ᐲᑎᕐ 3:11

ᐋᑯᔥ ᑭᑎ ᐴᓂᔨᐤ ᐋ ᒥᒋᐦᑐᑎᐦᒃ᙮ ᒨᔥ ᒋᑭ ᒥᔪᑐᑎᒫᒑᐤ᙮ ᓲᐦᒃ ᑭᑎ ᐐᐦ ᐋᐦᒌᔅᑎᒻ ᒑ ᒌ ᐐᒋᐦᐋᑦ ᐋᐙᔨᐤᐦ ᒨᔥ ᒑ ᒌ ᒥᔪ ᐐᒑᐅᑐᔨᒡ᙮