ᓃᔥᑎᒻ ᑎᒧᕢ 4:16 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁶ ᓂᓈᑭᑐᐙᔨᐦᑎᒥᐦᐄᒄ ᑭᔮᐦ ᒌ ᐱᒫᑎᓰᐎᓐ ᑭᔮᐦ ᐊᓐ ᐋ ᐄᔑ ᒋᔅᑯᑎᒫᒑᔨᓐ᙮ ᐆ ᐄᔑ ᓂᓈᑭᑎᐙᔨᐦᑎᒥᓈ ᐋᐅᒄ ᐆ ᒑ ᑭᓂᐙᔨᒥᑯᔮᒄ ᑭᔮᐦ ᒑ ᐱᒫᒋᐦᐄᑯᔮᒄ, ᒌᔨ ᑭᔨᑆ ᑭᔮᐦ ᒫᒃ ᐊᓂᒌ ᑳ ᓂᑑᐦᑖᔅᒡ᙮

ᓃᔥᑎᒻ ᑎᒧᕢ 4:16 Iomraidhean Croise

ᒫᔪᐦᐧᑖᑦ ᒫᕐᒃ 13:9

“ᔮᐧᑳᒦᒄ ᐧᐋᔥ ᒋᑭ ᑖᐅᒡ ᐊᓂᒌ ᒑ ᐅᑎᓂᑖᑯᒡ, ᐋᒄ ᐊᓂᑖᐦ ᑳ ᓃᑳᓂᔥᑳᒑᔨᒡ ᐋᐦ ᑖᔨᒡ ᒑ ᐄᑐᐦᑎᐦᐄᑖᑯᒡ ᒑ ᒌ ᑎᐹᔅᑯᓂᑯᐧᐃᔮᒄ᙮ ᑭᔮᐦ ᒫᒃ ᐊᓂᑖᐦ ᐊᔨᒥᐦᐋᐅᑭᒥᑯᐦᒡ ᐋᑯᑖᐦ ᒑ ᐹᐱᐦᓯᔅᑖᐦᐅᑯᐧᐃᔮᒄ᙮ ᒋᑭ ᐄᑐᐦᑎᐦᐄᑯᓈᐧᐋᐤ ᐹᔓᒡ ᑭᔮᐦ ᒋᐦᒋᐅᒋᒫᐅᒡ ᐋᐦᑖᐦᒡ ᒑ ᒌ ᑎᐹᔅᑯᓂᑖᑯᒡ ᐊᓐ ᐅᐦᒋ ᐋ ᓅᔔᔥᑯᔮᒄ ᑭᔮᐦ ᑯᐃᔅᒄ ᒋᑭ ᑎᐹᒋᒥᓈᐧᐋᐤ᙮

ᒫᔪᐦᐧᑖᑦ ᓘᒃ 21:34

“ᔮᒀᒦᒄ ᑖᓐ ᐋ ᐄᔑ ᐱᒫᑎᓰᔮᒄ᙮ ᐊᑳᐐ ᐅᑎᒥᐦᐄᓱᒄ ᐱᔑᔑᐦᒄ ᒑ ᒌ ᒥᓂᐦᒀᔮᒄ ᑭᔮᐦ ᒫᒃ ᐱᔑᔑᐦᒄ ᒑ ᒌ ᒦᒋᓱᔮᒄ ᑭᔮᐦ ᒫᒃ ᐱᔑᔑᐦᒄ ᒑ ᒌ ᐋᔨᒫᔨᐦᑎᒫᒄ ᑖᓐ ᐋ ᐄᔑ ᐱᒫᑎᓰᓈᓂᐎᒡ᙮ ᐊᓐ ᑎᔮᒀ ᒋᑭ ᒌ ᐃᓯᓈᑯᓐ ᔑᔥᒋᑯᒡ ᒑ ᒌ ᑎᑯᔑᓂᔮᓐ ᒫᒀᒡ ᐊᓂᑎᐦ ᐋᐦᐋᑳ ᐄᑖᔨᐦᑎᒫᒄ᙮ ᐊᓐ ᒫᒃ ᔑᔥᒋᑯᒡ ᑎᑯᔑᓂᔮᓈ, ᒸᐦᒡ ᐊᐅᐦᑳᓐ ᐋᐦᐋᑳ ᐹᔣᔨᐦᑎᐦᒃ ᓂᒀᓂᔨᐤ ᒑ ᓂᒀᓱᑦ ᐋᐅᒄ ᐊᓐ ᒑ ᐄᑖᔨᐦᑖᑯᐦᒡ᙮

ᐋᐧᐹᔅᑎᓕᒡ 26:22

ᒥᒄ ᒫᒃ ᒋᔖᒥᓂᑑ ᒨᔥ ᓂᒌ ᐹᒋ ᐐᒋᐦᐄᒄ, ᐋᐅᒄ ᐙᐦᒋ ᓃᐴᔮᓐ ᐅᑎᐦ ᐊᓅᐦᒡ ᐋ ᐙᐐᐦᑎᒨᒀᐤ ᒥᓯᐙ ᐄᔨᔨᐅᒡ ᐋ ᒌᔅᑎᒫᑎᔒᒡ ᑭᔮᐦ ᒫᒃ ᐋ ᒦᔒᒋᔒᒡ, ᐋ ᑖᑆᔮᓐ ᒥᓯᐙ ᑖᓐ ᐋ ᐄᔑ ᐙᐐᐦᑎᒫᓐ ᐋᐦᐋᑦ ᐋᐱᓵᔑᒡ ᑭᔮᐦ ᒫᒃ ᐋ ᒥᓵᒡ᙮ ᐊᓐ ᒫᒃ ᐋ ᐄᔑ ᐙᐐᐦᑎᒫᓐ ᐋᔪᐎᒄ ᒧᔮᒻ ᑳ ᐄᔑ ᐙᐐᐦᑎᒧᐙᐙᑯᐱᓈ ᑭᔮᐦ ᐐᔨᐙᐤ ᐊᓂᔮᐦᑳ ᐅᒋᔅᒋᐙᐦᐄᒑᓱᒡ ᑭᔮᐦ ᐊᓂᔮ ᒧᓱᔅ ᒑ ᐄᔅᐱᔨᒡ᙮

ᐋᐧᐹᔅᑎᓕᒡ 6:4

ᐋᒄ ᒫᒃ ᓃᔮᓐ ᒑ ᐃᔥᐱᔑᔮᐦᒡ ᒑ ᒌ ᐊᔨᒥᐦᐋᔮᐦᒡ ᑭᔮᐦ ᐋ ᑭᒑᔅᒀᔮᐦᒡ ᒋᔖᒥᓂᑑ ᐅᑎᔨᒧᐎᓐᐦ᙮”

ᐧᕌᒥᓐ 11:14

ᐙᐱᒥᑣᐙ ᓃᒋ ᒎᐤ ᐄᔨᔨᐅᒡ ᐋ ᐙᐐᐦᑎᒫᑎᑯᒡ ᒥᔻᒋᒧᐎᓐ ᒋᑭ ᒌ ᐃᓯᓈᑯᓂᔨᐤ ᒑ ᒌ ᑐᑖᑯᒡ ᐱᔅᒡ ᑳᐤ ᒑ ᒌ ᓂᑎᐙᐱᒫᒡ ᒋᔖᒥᓂᑑ ᐋᒄ ᒫᒃ ᒑ ᐱᒫᒋᐦᐅᒡ᙮

ᐧᕌᒥᓐ 16:17

ᓃᒋᔖᓂᑎᒄ, ᒋᐐᐦ ᔮᒀᒥᑎᓈᐙᐤ᙮ ᔮᒀᒦᔅᑐᐙᐦᑯᒡ ᐊᓂᒌ ᑳᐦ ᑐᑎᐙᒡ ᐊᐙᔨᐤᐦ ᒑ ᒌ ᐱᐱᐦᑳᓂᐱᔨᔨᒡ ᑭᔮᐦ ᑳ ᓂᔑᐎᓈᒋᐦᑖᐙᒡ ᑖᓐ ᐋ ᐄᔑ ᑖᑆᔮᔨᐦᑎᒥᔨᒡ᙮ ᐃᔨᐦᒡ ᐄᔑ ᒋᔅᑯᑎᒫᒑᐅᒡ ᑖᓐ ᔖᔥ ᑳ ᐄᔑ ᒋᔅᑯᑎᒫᑯᐙᒄ᙮ ᐊᑳᐐ ᐃᔮᐱᑖᔨᒫᑯᒡ ᐅᒌ᙮

ᐧᕌᒥᓐ 2:7

ᐊᓂᔮᔨᐤᐦ ᐊᐙᔨᐤᐦ ᒨᔥ ᑳ ᒥᔪᑐᑎᒥᔨᒡ ᐋ ᐱᑯᓵᔨᒧᔨᒡ ᒑ ᒌ ᒥᔪ ᑭᓂᐙᐱᒥᑯᔨᒡ ᒋᔖᒥᓂᑑ ᑭᔮᐦ ᒑ ᒌ ᒥᔻᒋᒥᑯᔨᒡ ᑭᔮᐦ ᒑ ᒌ ᒥᔨᑯᔨᒡ ᑳᒋᒡ ᒑ ᒌ ᐱᒫᑎᓰᔨᒡ, ᑭᑎ ᒥᔮᐤ ᑳᒋᒡ ᐱᒫᑎᓰᐎᓂᔨᐤ᙮

ᓃᔥᑎᒻ ᑯᕆᓐᕠᔨᓐ 1:21

ᐋᒄ ᒫᒃ ᐋ ᐃᔥᐱᔥ ᑭᒑᐦᑖᐙᔨᐦᑎᐦᒃ ᒋᔖᒥᓂᑑ ᒌᐦ ᑐᑎᒻ ᐋᑳ ᑭᒑᐦᑖᐙᔨᐦᑎᒧᐎᓂᐦᒡ ᒑ ᒌ ᐅᐦᒋ ᒋᔅᒑᔨᒥᑯᑦ ᐊᐙᔨᐤᐦ᙮ ᐊᐅᔅᑖ ᒌ ᓂᐦᐋᔨᐦᑎᒥᐦᐄᑰ ᒑ ᒌ ᐱᒫᒋᐦᐋᑦ ᐊᓂᔮᔨᐤᐦ ᐊᐙᔨᐤᐦ ᑳ ᑖᑆᐦᑎᒥᔨᒡ ᐊᓂᔮᔨᐤ ᒌᔥᒀᐤ ᐊᔨᒧᐎᓐ ᑳ ᐄᔥᒌᔣᑖᑭᓂᐎᔨᒡ, ᐊᓂᔮᔨᐤ ᐐᔮᐐᐦᑎᒥᐦᒄ᙮

ᓃᔥᑎᒻ ᑯᕆᓐᕠᔨᓐ 9:22

ᑭᔮᐦ ᒫᒃ ᐋᐦ ᑖᔮᓐ ᐊᓂᑖᐦ ᐋᐦ ᑖᒡ ᐊᓂᒌ ᐋᑳ ᑳ ᓈᔥᒡ ᒥᔥᑭᐎᑳᐳᐎᒡ ᐅᑖᑆᔮᔨᐦᑎᒧᐎᓂᐙᐦᒡ ᐋᐅᒄ ᑭᔮᐦ ᓃᔨ ᐋᑖᔨᐦᑖᑯᐦᐄᓱᔮᓐ᙮ ᐅᔮᔨᐤ ᓂᑐᐦᑎᐙᓐ ᒑ ᒌ ᐐᒋᐦᐄᒀᐤ ᐊᑎᑎᐤ ᒑ ᒌ ᒥᔥᑭᐎᑳᐳᐎᒡ ᐋ ᑖᑆᐦᑎᐦᒡ᙮ ᒥᒄ ᑖᓐ ᐋ ᐄᑖᔨᐦᑖᑯᓯᒡ ᐄᔨᔨᐅᒡ ᐋ ᑭᒑᔅᒋᒥᒀᐤ ᐋᐅᒄ ᐊᓐ ᐋᑖᔨᐦᑖᑯᐦᐄᓱᔮᓐ᙮ ᒥᒄ ᑖᓐ ᒑ ᐄᔑ ᓂᐦᐄᐱᔨᐦᒀ ᒑ ᒌ ᐄᔑ ᐐᒋᐦᐄᒀᐤ ᐋᔪᐎᒄ ᒑ ᐄᔑ ᐐᒋᐦᐄᒀᐤ ᐱᔅᒡ ᒑ ᒌ ᐱᒫᒋᐦᐅᒡ᙮

ᓃᔥᑎᒻ ᑯᕆᓐᕠᔨᓐ 9:27

ᒥᓯᐙ ᐋ ᐄᔑ ᓂᑎᐙᔨᐦᑖᑯᐦᒡ ᒑ ᒌᐦ ᑎᔮᓐ ᐋ ᑯᒀᑎᔅᑭᓯᐙᔮᓐ ᒥᑐᓐ ᓂᐱᒋᔅᑎᓂᓱᓐ ᒑ ᒌᐦ ᑐᑎᒫᓐ᙮ ᐙᔥ ᓂᒧᐃ ᓂᓂᑎᐙᔨᐦᑖᓐ ᒑ ᒌ ᐎᓂᐦᑖᔮᓐ ᑖᓐ ᒑ ᒌ ᐄᔑ ᑭᔅᒋᐦᐅᐙᐹᓈ, ᔖᔥ ᐐ ᐋ ᒌ ᑭᒑᔅᒋᒥᒀᐤ ᑯᑎᑭᒡ ᒑ ᐄᔑ ᐱᒫᑎᓰᐙᑯᐱᓈ ᑳ ᑖᑆᔮᔨᒫᒡ ᙭᙮

ᐄᕕᓰᔨᓐ 4:14

ᓂᒧᐃ ᒫᒃ ᒧᔮᒻ ᐋᐙᔑᐦᒡ ᒋᑭ ᐄᑖᔨᐦᑖᑯᓯᓈᓂᐤ ᓈᔥᒡ ᐋᐙᐦᒌᐙᑦ ᐋ ᐐᐦ ᑎᑖᑆᒫᑭᓅᑦ᙮ ᓂᒧᐃ ᒋᑭ ᐃᓯᓈᑯᓯᓈᓂᐤ ᒧᔮᒻ ᐋ ᐱᐹᒧᐙᐱᐦᐆᑎᐦᑰᐦᒡ ᐊᓂᒌ ᑳ ᑳᑖᑆᒥᑭᓃᔨᒡ ᐅᒋᔅᑯᑎᒫᒑᐎᓂᐙᐤ ᐊᓂᒌ ᓈᔥᒡ ᓲᐦᒃ ᑳ ᑯᒋᐦᑖᒡ ᒑ ᒌ ᐎᓂᐱᔨᐦᐄᐙᒡ᙮

ᑯᐧᓛᓯᔨᓐ 4:17

ᑭᔮᐦ ᒫᒃ ᒑ ᐄᑖᒄ ᐊᕐᒋᐳᔅ ᒑ ᒌ ᒌᔑᐦᑖᑦ ᐊᓂᔮᔨᐤ ᑳ ᒥᔮᑭᓅᑦ ᒑ ᐄᔑ ᐋᐱᑎᔒᔥᑎᐙᑦ ᑎᐹᔨᐦᒋᒑᓯᐤ᙮

ᓃᔥᑎᒻ ᕞᓵᐧᓛᓃᔨᓐ 2:16

ᐙᐙᒡ ᓂᒌ ᐐᐦ ᒋᐱᐦᒋᐦᐄᑯᓈᓂᒡ ᐋ ᐙᐐᐦᑎᒫᒥᒋᐦᒡ ᐊᓂᔮᔨᐤ ᐋᑳ ᑳ ᒎᐤ ᐄᑎᔅᑳᓈᓰᔨᒡ ᐊᓂᔮᔨᐤ ᒥᔻᒋᒧᐎᓂᔨᐤ ᒑ ᐱᒫᒋᐦᐄᑯᔨᒡ᙮ ᐋᑯᑖᐦ ᐙᐦᒋ ᑖᑭᓯᑖᐦᒡ ᐊᓂᔮᔨᐤ ᒨᔥ ᑳ ᐄᔑ ᐹᒋ ᐎᓂᑐᑎᐦᒡ᙮ ᐋᒄ ᒫᒃ ᐙᑎᐦᒋᐱᔨᔨᒡ ᒑ ᒌ ᒋᔑᐙᐦᐋᒡ ᑭᔮᐦ ᒑ ᒌ ᒫᑯᐦᐄᑯᒡ ᒋᔖᒥᓂᑑᐦ᙮

ᓃᔥᑎᒻ ᑎᒧᕢ 1:3

ᐊᓐ ᒫᒃ ᑖᓐ ᑳ ᐄᔑ ᔒᐦᒋᒥᑖᓐ ᐄᔥᐱᐦ ᒑ ᐄᑐᐦᑖᔮᓐ ᒫᓯᑐᓂᔮ ᒦᓐ ᒋᐐᐦᑎᒫᑎᓐ, ᐋᐅᒄ ᐊᓐ ᒑ ᒌᐦ ᑖᔨᓐ ᐱᑎᒫ ᐊᓂᑖᐦ ᐊᓐ ᐃᐦᑖᐎᓐ ᐁᕕᓱᔅ ᑳ ᐃᔑᓂᐦᑳᑖᒡ ᒑ ᒌ ᒋᔅᑎᐦᐋᒧᑣᐤ ᐊᓂᒌ ᐄᔨᔨᐅᒡ ᐋᑳ ᑖᑆᒥᑭᓃᒡ ᐋ ᐄᔑ ᒋᔅᑯᑎᒫᒑᒡ᙮

ᓃᔥᑎᒻ ᑎᒧᕢ 4:15

ᓂᓈᑭᑐᐙᔨᐦᑎᒥᐦᐄᒄ ᒨᔥ ᒑ ᒌᐦ ᑐᑎᒥᓐ ᐆ ᑳ ᐄᔑ ᐋᔨᒨᑎᒫᑖᓐ ᐋᒄ ᒫᒃ ᒑ ᒌ ᐙᐱᐦᑎᐦᒡ ᒥᓯᐙ ᐄᔨᔨᐅᒡ ᑖᓐ ᐋ ᐄᔑ ᓈᓈᓂᒌᒻ ᑭᔅᒋᐦᐅᔨᓐ ᐋᐦ ᐋᐱᑎᔒᔥᑑᑦ ᒋᔖᒥᓂᑑ᙮

ᓃᔥᑎᒻ ᑎᒧᕢ 4:6

ᒥᔔ ᒫᒃ ᐅᔮᔨᐤ ᐄᔑ ᒋᔅᑯᑎᒫᐎᑣᐙ ᐐᒋᔖᓂᒫᐅᒡ, ᒋᑭ ᒥᔪ ᐋᐱᑎᓰᔅᑎᐙᐤ ᙭ ᒌᓴᔅ, ᐋ ᓄᔓᔅᑭᒥᓐ ᐋᑖᑆᒫᑳᐦᒡ ᑖᑆᔮᔨᐦᑎᒧᐎᓐ ᑭᔮᐦ ᐊᓐ ᒥᔪ ᒋᔅᑯᑎᒫᒑᐎᓐ ᒌ ᒥᔪ ᓂᐦᑖᐅᒋᐦᐄᑯᓐ᙮

ᓃᔓ ᑎᒧᕢ 2:10

ᐋᒄ ᒫᒃ ᓲᐦᒋᐱᔨᐦᒡ ᒥᓯᐙ ᒑᒀᓐ ᒑ ᒌ ᔖᐳᔅᑭᒫᓐ, ᒑ ᒌ ᐅᐦᒋ ᐃᔮᔨᒡ ᐱᒫᒋᐦᐄᑯᓰᐎᓂᔨᐤ ᑭᔮᐦ ᑳᒋᒡ ᒋᔅᑖᔨᐦᑖᑯᓯᐎᓂᔨᐤ ᐊᓂᔮᔨᐤ ᒋᔖᒥᓂᑑ ᑳ ᐅᐙᔮᐱᒫᑦ ᒑ ᐅᑏᔨᔨᒥᑦ, ᐋ ᑖᑆᔮᔨᒫᒡ ᙭ ᒌᓴᔅᐦ᙮

ᓃᔓ ᑎᒧᕢ 3:14

ᒋᐐᐦ ᐄᑎᑎᓐ ᒫᒃ ᒌᔨ, ᑖᑆᐦᑎᐦ ᑭᔮᐦ ᓲᐦᒃ ᓂᓈᑭᑎᐙᔨᐦᑎ ᐊᓐ ᑖᑆᐎᓐ ᑳ ᒋᔅᑯᑎᒫᑭᐎᔨᓐ ᐋ ᒋᔅᒑᔨᒥᑣᐤ ᐊᓂᒌ ᐄᔨᔨᐅᒡ ᑳ ᒋᔅᑯᑎᒫᔅᒡ᙮

ᓃᔓ ᑎᒧᕢ 4:2

ᑭᒑᔅᒀᐦ ᐋᑎᔅᑖᔨᒡ ᒋᔖᒥᓂᑑ ᐅᑎᔨᒧᐎᓐᐦ᙮ ᐊᔮᐱᒡ ᓲᐦᒃ ᐙᐐᐦᑎᐦ ᐋᑎ ᐊᓂᑎᐦ ᐋᐦᐋᑳ ᓂᐦᐄᐱᔨᐦᒡ ᒑ ᒌ ᓂᑑᐦᑖᑭᓂᐎᒡ, ᑭᔮᐦ ᒫᒃ ᐊᓂᑎᐦ ᐋ ᓂᐦᐄᐱᔨᐦᒡ ᒑ ᒌ ᓂᑑᐦᑖᑭᓂᐎᒡ᙮ ᒋᔅᒑᔨᐦᑖᑯᐦᑖ ᑖᑆᐎᓐ ᐋ ᐐᔒᐦᒋᒧᐙᔨᓐ, ᒋᔅᑎᐦᐋᒫᒑ ᐋ ᐎᓂᑐᑖᑭᓂᐎᒡ, ᑭᔮᐦ ᒫᒃ ᐅᐦᐱᓄᐙ ᒋᑎᔨᒧᐎᓂᒡ ᑭᔮᐦ ᒨᔥ ᓰᐱᔨᐙᔅ ᐋ ᒋᔅᑯᑎᒫᒑᔨᓐ᙮

ᑖᐃᑎᔅ 1:9

ᒨᔥ ᔮᒀᐦ ᒋᐱᐦ ᐄᔑ ᓈᓈᑭᒋᐦᑖᐤ ᑖᓐ ᑳ ᐄᔑ ᒋᔅᑯᑎᒧᐙᑭᓅᑦ ᒋᔖᒥᓂᑑ ᑳ ᑖᑆᒥᑭᓃᔨᒡ ᐅᑎᔨᒧᐎᓂᐦᒡ ᐅᐦᒋ᙮ ᐋᒄ ᒫᒃ ᒑ ᒌ ᐐᒋᐦᐋᑦ ᑯᐃᔅᒄ ᒑ ᒌ ᐄᔑ ᒋᔅᑯᑎᒧᐙᑦ ᑯᑎᒃ ᐊᐙᔨᐤᐦ ᑭᔮᐦ ᑯᐃᔅᒄ ᒑ ᒌ ᐄᔑ ᓂᔥᑰᔥᑐᐙᑦ ᐊᓂᔮᔨᐤᐦ ᐊᐙᔨᐤᐦ ᑳ ᐐᐦ ᐋᓍᐦᑎᒥᔨᒡ᙮

ᑖᐃᑎᔅ 2:15

ᒋᔅᑯᑎᒨᐎᒡ ᐅᔮᔨᐤᐦ ᒑᒀᔨᐤᐦ ᑭᔮᐦ ᐋᐱᒋᐦᑖᐦ ᐊᓐ ᒥᓯᐙ ᑎᐹᔨᐦᒋᒑᐎᓐ ᑳ ᒥᔨᑯᐎᔨᓐ ᒑ ᒌ ᔒᐦᒋᒥᑣᐤ ᑭᔮᐦ ᒑ ᒌ ᐐᐦᑎᒧᑣᐤ ᑖᓂᑖᐦ ᐎᓂᐱᔨᔨᒡ᙮ ᐊᑳᐐ ᐊᐙᓐ ᒋᑭ ᐅᐦᒋ ᐐᐦ ᐋᑎᐙᔨᒥᒄ᙮

ᑖᐃᑎᔅ 2:7

ᒌᔨ ᒫᒃ ᑭᔮᐦ ᒋᐱᐦ ᐐᐦ ᐙᐱᐦᑎᔮᐅᒡ ᑖᓐ ᒑ ᐄᔑ ᒋᔅᒋᓄᐙᐱᒥᔅᒡ ᐋ ᒥᔪᑐᑎᒥᓐ ᒥᓯᐙ ᑖᓐ ᐋᑦ ᐋᔨᐦᑎᔨᓐ᙮ ᐋ ᒋᔅᑯᑎᒫᒑᔨᓐ ᑭᔮᐦ ᒋᐱᐦ ᓅᑯᐦᑖᓐ ᐋ ᐄᑆᐦᑳᔨᓐ ᑭᔮᐦ ᑯᐃᔅᒄ ᒋᐱᐦ ᐄᔑ ᒋᔅᑯᑎᒫᒑᓐ᙮

ᕙᐃᓖᒥᓐ 1:19

ᐋᒄ ᒫᒃ ᓃᔨ ᑎᐱᔨᐧᐋ ᐋᐦ ᐄᑎᓯᓂᐦᐄᒑᔮᓐ, ᓃᔨ ᐧᐹᓪ, ᒋᑭ ᒋᐧᐋᑎᐱᐦᐋᒫᑎᓐ᙮ ᓂᒧᐃ ᒋᐱᐦ ᐅᐦᒋ ᓂᑎᐧᐋᔨᐦᑖᑯᓐ ᒑ ᒌ ᒋᔅᒋᓲᒥᑖᓐ ᐋ ᐊᐅᐦᐋᔑᒥᔨᓐ ᒌᔨ ᑎᐱᔨᐧᐋ ᒌ ᐱᒫᑎᓰᐧᐃᓐ᙮

ᐦᐄᑉᕉ 12:15

ᓂᓈᑭᑎᐙᔨᒥᑐᒄ ᐋᑳ ᐙᒋ ᐹᔨᒄ ᐊᓂᑎᐦ ᐋ ᑎᔑᔮᒄ ᒑ ᒌ ᓅᐦᑖᔥᑭᐦᒃ ᒋᔖᒥᓂᑑ ᐅᒥᔪᐦᑳᒑᐎᓂᔨᐤ, ᐃᔮᒀᒥᐦᒄ ᒑᐦ ᐋᑳ ᑖᑦ ᐊᓂᔮᔨᐤ ᐊᐙᓐ ᐋ ᐄᑖᔨᐦᑖᑰᓯᑦ ᒧᔮᒻ ᓂᐦᑖᐅᒋᐦᒋᑭᓐ ᐊᓂᑎᐦ ᐊᐆᐦᒡ ᓂᐦᑖᐅᒋᐦᒡ ᐊᐅᑎᐱᐆᒡ ᐊᓂᑎᐦ ᐋ ᐅᐦᒋ ᐎᓰᒋᔅᐱᑰᐦᒡ᙮ ᐊᓂᑎᐦ ᒫᒃ ᐄᔑ ᓂᐦᑖᐆᒋᒑ ᐊᓂᑎᐦ ᐋᐦᑖᐙᒄ, ᒥᐦᒑᑐ ᐊᐙᔨᐤᐦ ᑭᑎ ᒥᒋᐱᔨᐦᐋᐤ᙮

ᐦᐄᑉᕉ 13:9

ᐃᔮᒀᒦᒄ ᐋᑳ ᒑ ᒌ ᐱᔅᒑᑎᐦᐄᑯᐎᔮᒄ ᒑ ᒌ ᐋᑎ ᑖᑆᐦᑎᒫᒄ ᓂᓈᐦᑭᐤ ᓂᑎᐐ ᒥᒄ ᒋᔅᑯᑎᒫᒑᐎᓐ᙮ ᐙᔥ ᒥᔪᔑᔔ ᐊᓐ ᒫᔅᑰᐦᐄᑯᔨᐦᒄ ᒋᑖᐦᐄᓈᐦᒡ ᐋᔪᐎᒄ ᐅᔮᔨᐤ ᒋᔖᒥᓂᑑ ᐆ ᒥᔪᐦᑳᒑᐎᓐ, ᓂᒧᐃ ᐐᔨ ᐊᓐ ᒑ ᒌ ᐄᔑ ᐆ ᐙᔨᓲᒥᑰᔨᐦᒄ ᒦᒋᒻ ᐅᐦᒋ᙮ ᐊᓂᒌ ᐙᔥ ᐄᔨᔨᐅᒡ ᐅᔮᔨᐤ ᑳ ᐄᔑ ᐅᐙᔨᓲᒥᑯᒡ, ᓂᒧᐃ ᐐᒋᐦᐄᑯᒡ ᐅᔮᔨᐤ ᒦᒋᒥᔨᐤ ᒑ ᒌ ᐋᔨᒋᑳᐳᐎᒡ ᐆ ᑖᑆᔮᔨᐦᑎᒧᐎᓂᐙᐦᒡ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 5:20

ᒑ ᐐᐦ ᒋᔥᒋᓯᔮᒄ ᐆ᙮ ᐊᓐ ᐊᐙᓐ ᑳᐤ ᑳ ᐹᔓᐙᑦ ᐊᐙᔨᐤᐦ ᑖᓐ ᐋ ᐄᔑ ᐎᓂᐱᔨᔨᒡ ᐱᑯᐦᐄᒫᐤ ᐅᑎᐦᒑᐦᑯᔨᐤ ᓂᐱᐎᓂᐦᒡ ᐅᐦᒋ, ᑭᔮᐦ ᑐᑎᐙᐤ ᒥᐦᒑᑐ ᐅᒥᒋᐦᑣᐎᓂᔨᐤ ᒑ ᒌ ᐙᐹᔨᐦᑎᒧᐙᑭᓂᐎᔨᒡ᙮