ᓃᔥᑎᒻ ᑎᒧᕢ 3:5 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁵ ᐙᔥ ᐊᐙᓐ ᐋᑳ ᒑ ᒌ ᒥᔪ ᓂᓈᑭᑐᐙᔨᐦᑎᒥᐦᐄᑯᒀ ᐊᓂᑎᐦ ᐋ ᐹᔨᑯᑖᐅᓰᑦ ᑖᓂᑖᐦ ᒑ ᒌ ᐅᐦᒋ ᒥᔪ ᓂᓈᑭᑐᐙᔨᒫᑦ ᒋᔖᒥᓂᑑ ᐅᑏᔨᔨᒥᔨᐤ?

ᓃᔥᑎᒻ ᑎᒧᕢ 3:5 Iomraidhean Croise

ᐋᐧᐹᔅᑎᓕᒡ 20:28

ᓲᐦᒃ ᒫᒃ ᓈᓈᑭᑐᐙᔨᒦᓱᒄ ᑭᔮᐦ ᓲᐦᒃ ᐐᐦ ᒥᔪ ᑭᓂᐙᔨᒫᐦᑯᒡ ᑳ ᑖᑆᔮᔨᐦᑎᐦᒡ ᐊᓂᔮᔨᐤ ᑳ ᐱᔮᐦᒋᓰᑦ ᐊᐦᒑᐦᒄ ᑳ ᒥᔨᑖᒄ ᒑ ᒌ ᓈᓈᑭᒋᐦᐄᒫᒄ᙮ ᔮᒀᐦ ᐄᔑ ᑭᓂᐙᔨᒫᐦᑯᒡ ᐅᒫᒨᐊᔨᒥᐦᐋᐅᒡ, ᐙᔥ ᒋᔖᒥᓂᑑ ᐐᔨ ᒌ ᑎᐱᐦᐙᐤ ᐅᔮᔨᐤ ᒑ ᒌ ᐅᑎᔨᔨᒦᑦ ᐅᐦᒋ ᐐᔨ ᑎᐲᐙ ᐅᑯᓯᔅᐦ ᐅᒥᐦᑯᔨᐤ᙮

ᓃᔥᑎᒻ ᑯᕆᓐᕠᔨᓐ 10:32

ᐄᔑ ᐱᒫᑎᓰᐦ ᒫᒃ ᐋᑳ ᒑ ᒌ ᐅᔥᑖᐲᐦᐄᑦ ᐊᐙᓐ ᒎᐤ ᑳᐦ ᐄᑎᔅᑳᓈᓯᑦ ᑭᔮᐦ ᒫᒃ ᐊᓐ ᐋᑳ ᑳ ᒎᐤ ᐄᑎᔅᑳᓈᓯᑦ ᑭᔮᐦ ᒫᒃ ᐊᓂᒌ ᒫᒨ ᐊᔨᒥᐦᐋᐅᒡ᙮

ᐄᕕᓰᔨᓐ 1:22

ᒋᔖᒥᓂᑑ ᒌ ᒥᔮᐤ ᙭ ᒥᓯᐙ ᒑᒀᔨᐤ ᒑ ᒌ ᐅᒋᒫᐦᑭᐦᑎᒥᔨᒡ ᑭᔮᐦ ᐊᓂᑖᐦ ᒌ ᐄᔑ ᐱᒋᔅᑎᓈᐤ ᐅᒫᒨᐊᔨᒥᐦᐋᐤ ᐋᐦ ᑖᔨᒡ ᐐᔨ ᒥᓯᐙ ᒑᒀᔨᐤ ᒑ ᒌ ᓃᑳᓂᔥᑭᒥᔨᒡ᙮

ᐄᕕᓰᔨᓐ 5:24

ᒧᔮᒻ ᒫᒃ ᐋ ᐄᔑ ᐱᒋᔥᑖᔨᒦᓱᒡ ᙭ ᐋᐦ ᑖᔨᒡ ᐅᒫᒨᐊᔨᒥᐦᐋᐅᒡ ᐋᔪᐎᒄ ᒧᔮᒻ ᑭᔮᐦ ᐃᔅᒀᐅᒡ ᒋᐱᐦ ᐄᔑ ᒥᓯᐙ ᐱᒋᔥᑖᔨᒧᔅᑎᐙᐅᒡ ᐆ ᓈᐹᒧᐙᐤ᙮

ᐄᕕᓰᔨᓐ 5:32

ᐊᓐ ᒫᒃ ᑳ ᐄᔑ ᒥᓯᓂᐦᐄᑭᓂᐎᒡ ᐊᑎᑎᐤ ᑎᑯᓐ ᐋ ᐄᔑ ᐐᐦᑎᒫᒑᒥᑭᐦᒡ᙮ ᓃᔨ ᑭᔨᑆ ᐋ ᐄᔑ ᓂᔅᑐᐦᑎᒫᓐ, ᙭ ᑭᔮᐦ ᒫᒃ ᐊᓂᒌ ᐅᒫᒨᐊᔨᒥᐦᐋᐅᒡ ᐋᔨᒨᒫᑭᓂᐎᒡ ᐊᓂᑎᐦ᙮

ᓃᔥᑎᒻ ᑎᒧᕢ 3:15

ᐋᑳ ᒫᒃ ᐐᐱᒡ ᑎᑯᔑᓂᔮᓈ, ᐆ ᑳ ᒥᓯᓂᐦᐋᒫᑖᓐ ᐋᐅᒄ ᐆ ᒑ ᐐᒋᐦᐄᑯᔨᓐ ᒑ ᒌ ᒋᔅᒑᔨᐦᑎᒥᓐ ᑖᓐ ᒋᐱᐦ ᐄᑖᔨᐦᑖᑯᓯᓈᓂᐤ ᐊᓂᑖᐦ ᐋ ᐄᔑ ᐹᔨᑯᑖᐅᓰᔨᐦᒄ ᒋᔖᒥᓂᑑ ᐋᐦ ᑖᑦ᙮ ᐙᔥ ᐆ ᐋ ᐄᔑ ᐹᔨᑯᑖᐅᓰᔨᐦᒄ ᐋᔪᐎᒄ ᐅᔮᔨᐤ ᐅᑎᔨᒥᐦᐋᐅᑭᒥᒄ ᐊᓐ ᑳ ᐱᒫᑎᓰᑦ ᒋᔖᒥᓂᑑ ᑭᔮᐦ ᐋᑯᑖᐦ ᐙᐦᒋ ᐋᔨᒋᑳᐳᐎᔨᐦᒄ ᑭᔮᐦ ᐋᔪᐎᒄ ᐙᐦᒋ ᔮᐄᑖᔨᐦᑖᑯᓰᔨᐦᒄ ᑖᑆᐎᓂᐦᒡ ᐄᔑ᙮