ᓃᔥᑎᒻ ᑎᒧᕢ 3:4 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁴ ᓂᑎᐙᔨᐦᑖᑯᓲ ᑭᔮᐦ ᐆ ᐊᐙᓐ ᒑ ᒌ ᒥᔪ ᓂᓈᑭᑎᐙᔨᐦᑎᐦᒃ ᐊᓂᑎᐦ ᐋ ᐹᔨᑯᑖᐅᓰᑦ ᑭᔮᐦ ᒋᐱᐦ ᑐᑎᐙᐤ ᐅᑎᐙᔑᔒᒻ ᒑ ᒌ ᓂᓂᐦᐄᐦᑖᑯᑦ ᐋ ᒋᔅᑖᔨᒥᑯᑦ᙮

ᓃᔥᑎᒻ ᑎᒧᕢ 3:4 Iomraidhean Croise

ᐋᐧᐹᔅᑎᓕᒡ 10:2

ᒌ ᐊᔨᒥᐦᐋᐙᑎᓯᐤ ᑭᔮᐦ ᒌ ᒋᔅᑖᔨᐦᑖᑯᐦᐋᐤ ᒋᔖᒥᓂᑑ ᑭᔮᐦ ᒫᒃ ᐊᓂᑎᐦ ᒥᓯᐙ ᐊᓂᔮᔨᐤ ᐋ ᐹᔨᑯᑖᐅᓰᑦ᙮ ᒥᔥᑏᐦ ᒫᒃ ᒌ ᐐᒋᐦᐋᐤ ᐊᓂᔮᔨᐤ ᑳ ᒋᔅᑎᒫᑎᓰᔨᒡ ᒎᐄᔨᔨᐤ᙮ ᑭᔮᐦ ᒨᔥ ᒌ ᐊᔨᒥᐦᐋᔅᑎᐙᐤ ᒋᔖᒥᓂᑑ᙮

ᐄᕕᓰᔨᓐ 5:24

ᒧᔮᒻ ᒫᒃ ᐋ ᐄᔑ ᐱᒋᔥᑖᔨᒦᓱᒡ ᙭ ᐋᐦ ᑖᔨᒡ ᐅᒫᒨᐊᔨᒥᐦᐋᐅᒡ ᐋᔪᐎᒄ ᒧᔮᒻ ᑭᔮᐦ ᐃᔅᒀᐅᒡ ᒋᐱᐦ ᐄᔑ ᒥᓯᐙ ᐱᒋᔥᑖᔨᒧᔅᑎᐙᐅᒡ ᐆ ᓈᐹᒧᐙᐤ᙮

ᕕᓕᐱᔨᓐ 4:8

ᓃᒋᔖᓂᑎᒄ, ᐋᔥᒄ ᐋᐦᐋᑳ ᒌᔑᐦᑖᔮᓐ ᐋ ᒥᓯᓂᐦᐋᒫᑎᑯᒡ ᐹᔨᒄ ᒦᓐ ᒑᒀᓐ ᒋᑭ ᐐᐦᑎᒫᑎᓈᐙᐤ, ᓲᐦᒃ ᒨᔥ ᒫᒥᑐᓈᔨᐦᑎᒧᒄ ᐊᓂᐦᐄ ᒑᒀᓂᐦᐄ ᐋ ᑖᑆᒥᑭᐦᒡ ᑭᔮᐦ ᐋ ᒥᔻᔑᐦᒡ, ᐊᓂᐦᐄ ᑳ ᒥᒥᐦᒋᐦᐄᐙᐦᒡ, ᒧᔮᒻ ᒑᒀᓐ ᐋ ᑯᐃᔅᑯᓈᑯᐦᒡ, ᒑᒀᓐ ᐋ ᒋᔅᑖᔨᐦᑖᑯᐦᒡ, ᑭᔮᐦ ᑯᐃᔅᒄ ᐃᔨᐦᑎᐎᓐ, ᐱᔮᐦᒋ ᐱᒫᑎᓰᐎᓐ, ᒑᒀᓐ ᐋ ᓂᐦᐋᔨᐦᑎᒥᐦᐄᐙᒡ ᑭᔮᐦ ᒑᒀᓐ ᐋ ᒥᔪ ᑎᐹᑐᑖᒡ᙮

ᓃᔥᑎᒻ ᑎᒧᕢ 3:12

ᑭᔮᐦ ᒫᒃ ᐊᓐ ᑳ ᐐᒋᐦᐄᐙᑦ ᐊᔨᒥᐦᐋᐅᑭᒥᑯᐦᒡ ᒋᐱᐦ ᐹᔨᑯᐦᐋᐤ ᐐᐤᐦ ᐙᐅᒀ ᑭᔮᐦ ᔮᔨᑖ ᒋᐱᐦ ᒥᔪ ᓂᐦᑖᐅᒋᓈᐤ ᐅᑎᐙᔑᔒᒻ ᑭᔮᐦ ᒋᐱᐦ ᒥᔪ ᓂᓈᑭᑎᐙᔨᐦᑎᒥᐦᐄᑰ ᐊᓂᑎᐦ ᐊᓂᔮᔨᐤ ᐋ ᐹᔨᑯᑖᐅᓰᑦ᙮

ᑖᐃᑎᔅ 1:6

ᐊᓐ ᐊᐙᓐ ᑳ ᓃᑳᓂᔥᑭᐙᑦ ᐅᒫᒨᐊᔨᒥᐦᐋᐤ, ᒋᐱᐦ ᒥᔪ ᐋᔨᒨᒫᑭᓂᐤ, ᒋᐱᐦ ᐹᔨᑯᐦᐋᐤ ᐐᐤᐦ, ᑭᔮᐦ ᐅᑎᐙᔑᔒᒻ ᒋᐱᐦ ᑖᑆᔮᔨᒫᔨᐤ ᒌᓴᔅᐦ, ᓂᒧᐃ ᒋᐱᐦ ᐅᐦᒋ ᒥᒋᐱᒫᑎᓰᔨᐤ, ᒋᐱᐦ ᒥᔪ ᐱᔑᒋᐦᑎᒥᔨᐤ᙮

ᑖᐃᑎᔅ 2:2

ᐐᐦᑎᒧᐎᒡ ᐊᓂᒌ ᑳ ᒋᔖᐄᔨᔨᐅᒡ ᒑ ᒌ ᓂᓈᑭᑐᐙᔨᐦᑎᐦᒡ ᑖᓐ ᐋᐃᐦᔨᑎᒡ, ᑭᔮᐦ ᒑ ᒌ ᐄᑆᑳᒡ, ᑭᔮᐦ ᒑ ᒌ ᐄᔑ ᐱᒫᑎᓰᔨᒡ ᒑ ᒌ ᐅᐦᒋ ᒋᔥᑖᔨᒫᑭᓂᐎᒡ᙮ ᒋᐱᐦ ᐐᐦ ᓲᐦᒋᑳᐳᐎᒡ ᑖᑆᔮᔨᐦᑎᒧᐎᓂᐦᒡ, ᑭᔮᐦ ᓵᒋᐦᐄᐙᐎᓂᐦᒡ ᑭᔮᐦ ᓰᐱᔨᐙᓰᐎᓂᐦᒡ ᐄᔑ᙮

ᑖᐃᑎᔅ 2:7

ᒌᔨ ᒫᒃ ᑭᔮᐦ ᒋᐱᐦ ᐐᐦ ᐙᐱᐦᑎᔮᐅᒡ ᑖᓐ ᒑ ᐄᔑ ᒋᔅᒋᓄᐙᐱᒥᔅᒡ ᐋ ᒥᔪᑐᑎᒥᓐ ᒥᓯᐙ ᑖᓐ ᐋᑦ ᐋᔨᐦᑎᔨᓐ᙮ ᐋ ᒋᔅᑯᑎᒫᒑᔨᓐ ᑭᔮᐦ ᒋᐱᐦ ᓅᑯᐦᑖᓐ ᐋ ᐄᑆᐦᑳᔨᓐ ᑭᔮᐦ ᑯᐃᔅᒄ ᒋᐱᐦ ᐄᔑ ᒋᔅᑯᑎᒫᒑᓐ᙮