ᓃᔥᑎᒻ ᕞᓵᐧᓛᓃᔨᓐ 5:3 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

³ ᒫᒀᒡ ᐄᑣᐙ ᐄᔨᔨᐅᒡ, “ᒥᓯᐙ ᒑᒀᓐ ᒥᔪᐱᔨᐤ, ᓂᒧᐃ ᑎᑯᓐ ᒑ ᒌ ᐅᐦᒋ ᓵᒋᓰᔨᐦᒄ,” ᔑᔥᒋᑯᒡ ᒋᑭ ᒥᔥᑎᐦ ᓂᓈᐦᑳᑖᔨᒨᐎᒡ᙮ ᒧᔮᒻ ᐋ ᐃᔥᐱᔥ ᔑᔥᒋᑯᒡ ᒋᐦᒋ ᒨᔑᐦᐅᑦ ᐃᔅᒀᐤ ᐄᔥᐱᐦ ᒑ ᐙᐱᒫᐅᓱᒡ ᐋᐅᒄ ᒑ ᐃᔥᐱᔥ ᔑᔥᒋᑯᒡ ᒥᔥᑎᐦ ᓂᓈᐦᑳᑖᔨᒧᒡ ᐄᔨᔨᐅᒡ᙮ ᓂᒧᐃ ᒫᒃ ᒋᑭ ᑑᐎᒡ ᐋᑳ ᒑ ᓂᓈᐦᑳᑖᔨᒧᒡ᙮

ᓃᔥᑎᒻ ᕞᓵᐧᓛᓃᔨᓐ 5:3 Iomraidhean Croise

ᒫᔪᐦᐧᑖᑦ ᒫᕠᔫ 23:33

“ᒌᔨᐙᐤ ᐊᒋᓈᐳᑯᒡ ᑭᔮᐦ ᑳ ᐅᑯᓰᑐᑖᑖᑯᒡ ᐊᒋᓈᐳᑯᒡ ᓈᔥᒡ ᑳ ᑭᔅᒋᐦᐆᔮᒄ ᓂᑎᐐ ᒥᒄ ᐋ ᐄᔑ ᑭᒋᔑᒫᑯᒡ ᐄᔨᔨᐅᒡ,ᐦ ᑖᓂᑖᐦ ᒑ ᒌᐦ ᐅᐦᒋ ᐱᑯᐦᐅᔮᒄ ᐋᑳ ᒑ ᒌᐦ ᐄᑐᐦᑖᔮᒄ ᒥᒋᔥᑯᑖᐦᒡ?”

ᒫᔪᐦᐧᑖᑦ ᐧᒑᓐ 16:21

ᒥᔮᒀᐦᐄᑎᐦᒃ ᐃᔅᒀᐤ ᒥᓯᒫᔨᐦᑎᒻ ᐙᔥ ᐅᑎᐦᒋᐱᔨᔨᐤ ᐋᒄ ᒑ ᐐᓯᒑᔨᐦᑎᐦᒃ᙮ ᐄᔥᐱᐦ ᒫᒃ ᑳ ᐱᒫᑎᓰᔨᒡ ᐊᓂᔮᔨᐤ ᐅᑎᐙᔑᔒᒻ ᐎᓂᒋᔥᒋᓯᐤ ᑖᓐ ᑳ ᐄᔑ ᐐᓯᒑᔨᐦᑎᐦᒃ ᐙᔥ ᓈᔥᑖᑆᐦ ᒥᔻᔨᐦᑎᒻ ᐊᐙᔑᔥ ᐋ ᒌ ᐱᒫᑎᓰᔨᒡ ᐅᑎᐦ ᐊᔅᒌᐦᒡ᙮

ᐋᐧᐹᔅᑎᓕᒡ 13:41

ᑭᓂᐙᐱᐦᑎᒧᒄ ᒫᐦ, ᒌᔨᐙᐤ ᑳ ᒥᒫᔮᔨᐦᒑᔮᒄ, ᒫᒥᔥᑳᑖᔨᐦᑎᒧᒄ ᑭᔮᐦ ᓂᔑᐎᓈᑎᓰᒄ᙮ ᐙᔥ ᒑᒀᓐ ᓂᑭ ᑐᑖᓐ ᐅᑎᐦ ᒫᒀᒡ ᐋᔥᒄ ᐋ ᐱᒫᑎᓰᔮᒄ ᐊᓐ ᐋᑳ ᒑ ᐅᐦᒋ ᑖᑆᐦᑎᒥᐦᐄᑯᔮᒄ ᐋᑦ ᐊᐙᓐ ᐐᐦ ᐐᐦᑎᒫᑖᒀ᙮” ᑳ ᐄᔑ ᐊᔨᒥᐦᐋᑦ ᑆᓪ ᐊᓂᔮᔨᐤ ᐄᔨᔨᐤᐦ᙮

ᓃᔓ ᕞᓵᐧᓛᓃᔨᓐ 1:9

ᒋᑭ ᐎᓯᒑᔨᑎᒥᐦᐋᑭᓂᐎᒡ ᑳᒋᒡ ᒑ ᒌ ᓂᔑᐎᓈᑎᓰᔨᒡ᙮ ᑭᑎ ᐄᒑᓈᑭᓂᐎᒡ ᑎᐹᔨᐦᒋᒑᓯᐤ ᐋᐦ ᑖᔨᒡ ᐅᐦᒋ ᑭᔮᐦ ᐊᓂᑎᐦ ᐋ ᒋᔅᑖᔨᐦᑖᑯᓃᔨᒡ ᐆ ᓲᐦᑳᑎᓰᐎᓂᔨᐤ,

ᐦᐄᑉᕉ 12:23

ᐋᑯᑖᐦ ᒫᒃ ᐋᐦ ᑖᔨᒡ ᒥᓯᐙ ᒋᔖᒥᓂᑑ ᐅᓃᔥᑎᒨᔖᓐ ᐊᓂᔮᔨᐤ ᒫᓯᓈᓱᔨᒡ ᐊᓂᑖᐦ ᒋᐦᒋᒌᔑᑯᐦᒡ᙮ ᒌ ᐹᒋ ᓈᑖᐙᐤ ᒋᔖᒥᓂᑑ ᐊᓐ ᒥᓯᐙ ᐊᐙᔨᐤᐦ ᑳ ᑎᐹᔅᑯᓈᑦ᙮ ᐋᑯᑖᐦ ᑭᔮᐦ ᐅᑎᐦ ᐋᐦ ᑖᔨᒡ ᐅᑎᐦᒑᐦᑯᐙᐤ ᐊᓂᒌ ᒥᑐᓐ ᑳ ᑖᐱ ᑯᐃᔅᑯᓈᑯᐦᐋᑭᓂᐎᒡ᙮

ᐦᐄᑉᕉ 2:3

ᒌᔮᓂᐤ ᒫᒃ ᐋᑳ ᐃᔮᐱᑖᔨᐦᑎᒧᐦᒀ ᐊᓐ ᑳ ᒋᔅᑖᔨᐦᑖᑰᐦᒡ ᐱᒫᒋᐦᐄᐙᐎᓐ ᐙᐦ ᐄᔑ ᒥᔨᐙᑦ ᒋᔖᒥᓂᑑ, ᑖᐹ ᒋᑭ ᒌ ᒋᐅᔑᒧᓈᓂᐤ ᐄᔥᐱᐦ ᐎᔮᔅ ᐐᐦ ᑐᑖᑭᐎᔨᒀ᙮ ᐐᔨ ᓃᔥᑎᒻ ᑎᐹᔨᐦᒋᒑᓯᐤ ᒌ ᐐᐦᑎᒻ ᑖᓂᑖᐦ ᒑ ᒌ ᐅᐦᒋ ᐱᒫᒋᐦᐅᔨᐦᒄ᙮ ᐹᑎᒫ ᒫᒃ ᑯᑎᑭᒡ ᐄᔨᔨᐅᒡ ᒋᒌ ᐙᐱᐦᑎᔨᑯᓂᐎᒡ ᐋ ᑖᑆᒥᑭᓃᔨᒡ ᐊᓂᔮᔨᐤ ᒥᔻᒋᒧᐎᓂᔨᐤ, ᐙᔥ ᐐᔨᐙᐤ ᐙᒋᒋᐦᒡ ᒌ ᐹᐦᑎᐙᐅᒡ᙮

ᓃᔓ ᐲᑎᕐ 2:4

ᑖᐹ ᐊᔮᐱᒡ ᐅᐦᒋ ᒥᓈᒋᐦᐋᐤ ᒋᔖᒥᓂᑑ ᐊᓂᔮᔨᐤ ᐋᓐᒋᓐ ᑳ ᐎᓂᑐᑎᒥᔨᒡ, ᐊᔮᐱᒡ ᒥᒋᐃᔥᑯᑖᐦᒡ ᒌ ᐄᑎᔓᐦᐅᐙᐤ᙮ ᐋᑯᑖᐦ ᒫᒃ ᐊᓂᑖᐦ ᒫᒀᒡ ᐋᐦ ᑖᔨᒡ, ᒥᒫᐦᒋᒀᐱᔅᑭᐦᐅᒫᑭᓂᐎᔨᐤ ᐊᓂᑖᐦ ᐋ ᐊᐅᑳᔥᑖᔮᔨᒡ᙮ ᐋᑯᑖᐦ ᒫᒃ ᐊᓂᑖᐦ ᒑ ᑖᔨᒡ ᒑ ᐃᔥᐱᔥ ᐋᑳ ᐅᑎᐦᒋᐱᔨᔨᒡ ᐊᓂᑎᐦ ᒑ ᑎᐹᔅᑯᓂᒫᑭᓂᐎᔨᒡ᙮