ᓃᔥᑎᒻ ᕞᓵᐧᓛᓃᔨᓐ 5:10 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁰ ᙭ ᒋᒌ ᓂᐳᔅᑎᒫᑯᓂᐤ ᒑ ᒌ ᐐᒋᐱᒫᑎᓰᒥᐦᒄ ᒫᒀᒡ ᐋ ᐱᒫᑎᓰᔨᐦᒄ ᑭᔮᐦ ᒫᒃ ᐋᑳ ᔖᔥ ᐱᒫᑎᓰᔨᐦᒀ ᑖᑯᔑᐦᑳ᙮

ᓃᔥᑎᒻ ᕞᓵᐧᓛᓃᔨᓐ 5:10 Iomraidhean Croise

ᒫᔪᐦᐧᑖᑦ ᒫᕠᔫ 20:28

ᒧᔮᒻ ᐄᔨᔨᐅᑯᓯᓵᓐ ᓂᒧᐃ ᐅᐦᒋ ᐹᒋ ᑎᑯᔑᓐ ᒑ ᒌᐦ ᐋᐱᑎᔒᔥᑑᐙᑭᓅᑦ, ᒌ ᑎᑯᔑᓐ ᒑ ᒌᐦ ᐋᐱᑎᔒᔥᑎᐙᑦ ᐄᔨᔨᐤ᙮ ᑭᔮᐦ ᒫᒃ ᒌ ᑎᑯᔑᓐ ᒑ ᒌ ᐱᒋᔅᑎᓂᐦᒃ ᐅᐱᒫᑏᓯᐎᓐ ᒦᔥᑯᒡ ᒥᐦᒑᑐ ᐊᐙᔨᐤᐦ ᒑ ᒌ ᐱᑯᐦᐄᒫᑭᓂᐎᔨᒡ᙮”

ᒫᔪᐦᐧᑖᑦ ᐧᒑᓐ 10:11

“ᓃᔨ ᐋᐅᒄ ᑭᓄᒫᓂᔥᒑᓂᔑᐙᓯᐤ ᑳ ᒥᔪ ᑭᓂᐙᔨᒫᑦ ᐅᒫᓂᔥᒑᓂᔒᒻ᙮ ᐊᓐ ᐊᐙᓐ ᑳ ᒥᔪ ᑭᓂᐙᔨᒫᑦ ᐅᒫᓂᔥᒑᓂᔒᒻ ᒋᑭ ᐱᒋᔅᑎᓂᒻ ᐅᐱᒫᑎᓰᐎᓐ ᐊᓂᔮᔨᐤ ᐅᒫᓂᔥᒑᓂᔒᒻ ᒑ ᒌ ᐅᐦᒋ ᐱᒫᒋᐦᐅᔨᒡ᙮

ᒫᔪᐦᐧᑖᑦ ᐧᒑᓐ 10:15

ᒨᔮᒻ ᐅᐦᑖᐐᒫᐤ ᐋ ᐄᔑ ᒋᔅᒑᔨᒥᑦ ᑭᔮᐦ ᒫᒃ ᓃᔨ ᐋ ᐄᔑ ᒋᔅᒑᔨᒥᒃ᙮ ᒥᑐᓐ ᒫᒃ ᓂᑎᐄᑖᔨᐦᑎᒥᐦᐄᑯᐙᓐ ᒑ ᒌ ᐱᒋᔅᑎᓂᓯᐎᒡ ᒑ ᒌ ᓂᐱᐦᐄᑯᒡ ᐐᔨᐙᐤ ᐅᐦᒋ ᐊᓂᒌ ᓂᒫᓂᔥᒑᓂᔒᒥᒡ᙮

ᒫᔪᐦᐧᑖᑦ ᐧᒑᓐ 10:17

“ᐋᔪᐎᒄ ᐅᔮᔨᐤ ᐙᐦᒋ ᓈᔥᒡ ᓵᒋᐦᐄᑦ ᐅᐦᑖᐐᒫᐤ ᒥᑐᓐ ᐋ ᐱᒋᔥᑖᔨᐦᑎᒫᓐ ᓂᐱᒫᑎᓰᐅᓐ ᒑ ᒌ ᐅᐦᒋ ᒦᓐ ᐱᒫᑎᓰᐎᒡ᙮

ᒫᔪᐦᐧᑖᑦ ᐧᒑᓐ 15:13

ᐊᐙᓐ ᐋ ᐱᒋᔅᑎᓂᐦᒃ ᐅᐱᒫᑎᓰᐎᓐ ᐅᐐᒑᐙᑭᓐ ᒑ ᒌ ᐱᒫᑎᓰᔨᒡ, ᓂᒧᐃ ᑎᑯᓐ ᐊᑎᑎᐤ ᐋᐦ ᐄᔥᐹᒡ ᓵᒋᐦᐄᐙᐎᓐ᙮

ᐧᕌᒥᓐ 8:34

ᓂᒧᐃ ᒫᒃ ᐊᐙᓐ ᒋᑭ ᒌ ᓂᔑᐎᓈᒋᒫᐤ ᒋᔖᒥᓂᑑ ᐅᐙᔮᐱᒫᑭᓂᔨᐤ ᒑ ᒌ ᐄᑖᑦ ᐋ ᐄᑖᔨᐦᑖᑯᓃᔨᒡ ᒑ ᒌ ᒫᑯᐦᐄᒫᑭᓂᐎᔨᒡ ᐅᒥᒋᐦᑣᐎᓂᔨᐤ ᐅᐦᒋ᙮ ᐙᔥ ᓂᒧᐃ ᒥᒄ ᑰᐦᒋ ᓂᐳᔅᑎᒫᑯᓂᐤ ᙭ ᐋᔨᐤᐦ ᒌ ᐎᓂᔥᑳᓈᑭᓂᐤ ᓂᐱᐎᓂᐦᒡ ᐅᐦᒋ᙮ ᒫᒀᒡ ᒫᒃ ᒋᔖᒥᓂᑑ ᐅᓂᐦᐄᐎᓃᔨᐦᒡ ᐊᐱᐤ ᐋ ᐊᔨᒥᐦᐋᔅᑎᒫᑎᐦᒄ᙮

ᓃᔥᑎᒻ ᑯᕆᓐᕠᔨᓐ 15:3

ᐙᔥ ᒋᒌ ᐋᔔ ᐐᐦᑎᒫᑎᓈᐙᐤ ᐊᓐ ᑳ ᒥᔨᑭᐎᔮᓐ ᒑ ᒌ ᒋᔅᒑᔨᐦᑎᒫᓐ ᓈᔥᑖᑆᐦ ᒋᔅᑎᒫᐙᔨᑖᑯᓐ᙮ ᙭ ᒋᒌ ᓂᐳᔅᑎᒫᑯᓂᐤ ᒑ ᒌ ᐙᐹᔨᐦᑎᒫᑭᐎᔨᐦᒄ ᒋᒥᒋᐦᑣᐎᓂᓂᐤ ᒑ ᒌ ᑎᐱᐱᔨᒡ ᑖᓐ ᐋ ᐄᔑ ᒥᓯᓈᑖᒡ ᐊᓂᑖᐦ ᒋᐦᒋᒥᓯᓂᐦᐄᑭᓂᐦᒡ,

ᓃᔓ ᑯᕆᓐᕠᔨᓐ 5:15

ᒥᓯᐙ ᐊᐙᔨᐤᐦ ᒌ ᓂᐴᔥᑎᒧᐙᐤ ᙭᙮ ᐋᑯᑖᐦ ᒫᒃ ᐙᐦᒋ ᐱᑯᓵᔨᐦᑖᑯᐦᒡ ᐊᓂᒌ ᑳ ᐱᒫᑎᓰᔨᒡ ᐋᑳ ᔖᔥ ᒥᒄ ᐐᔨᐙᐤ ᐋ ᐄᔑ ᓂᐦᐋᔨᐦᑎᐦᒡ ᒑ ᒌ ᐄᔑ ᐱᒫᑎᓰᔨᒡ, ᐊᐅᔅᑖ ᐋᑯᔥ ᒑ ᐄᔑ ᐱᒫᑎᓰᔨᒡ ᒑ ᒌ ᓂᐦᐋᔨᐦᑎᒥᐦᐋᒡ ᐊᓂᔮᔨᐤ ᑳ ᓂᐱᐦᐄᒫᑭᓂᐎᔨᒡ ᐐᔨᐙᐤ ᐅᐦᒋ ᑭᔮᐦ ᑳ ᐎᓂᔥᑳᓂᒫᑭᓂᐎᔨᒡ ᓂᐱᐎᓂᐦᒡ ᐅᐦᒋ᙮

ᓃᔓ ᑯᕆᓐᕠᔨᓐ 5:21

ᐋᑦ ᒫᒃ ᐋᐦᐋᑳ ᓂᐦᑖ ᐅᐦᒋ ᒥᒋᐦᑐᑎᐦᒃ ᙭, ᒋᔖᒥᓂᑑ ᒌ ᑐᑖᑰ ᒧᔮᒻ ᐅᒥᒋᐦᑣᐤ ᒑ ᒌ ᐃᓯᓈᑯᓯᑦ ᒌᔮᓂᐤ ᐅᐦᒋ ᐊᓂᑎᐦ ᒑ ᐅᐦᒋ ᐐᒌᐦᐄᑯᔨᐦᒄ᙮ ᐋᒄ ᒫᒃ ᙭ ᐐᒑᐅᐦᒀ, ᐅᑯᐃᔅᑯᑖᑎᓰᐎᒡ ᒋᑭ ᐄᔑ ᑭᓂᐙᐱᒥᑯᓂᐤ ᒋᔖᒥᓂᑑ᙮

ᐄᕕᓰᔨᓐ 5:2

ᓵᒋᐦᐋᐦᑯᒡ ᐄᔨᔨᐅᒡ, ᒧᔮᒻ ᑖᓐ ᑳ ᐃᔥᐱᔥ ᓵᒋᐦᐄᑎᐦᒄ ᙭᙮ ᑳ ᐱᒋᔅᑎᓂᐦᒃ ᐅᐱᒫᑎᓰᐎᓐ ᒌᔮᓂᐤ ᐅᐦᒋ ᒧᔮᒻ ᐋ ᐐᐦᒋᒫᔅᑖᔨᒡ ᐱᒋᔅᑎᓂᒑᐎᓂᔨᐤ ᑭᔮᐦ ᒧᒋᔥᑖᐦᐋᒫᐎᓂᔨᐤ, ᑳ ᓂᐦᐋᔨᐦᑎᒥᐦᐄᑯᔨᒡ ᒋᔖᒥᓂᑑ᙮

ᓃᔥᑎᒻ ᕞᓵᐧᓛᓃᔨᓐ 4:13

ᓃᒋᔖᓂᑎᒄ ᒋᓂᑎᐙᔨᒥᑎᓈᓐ ᒑ ᒌ ᒋᔅᒑᔨᐦᑎᒫᒄ ᑖᓐ ᐋᐦ ᐄᔅᐱᔨᑦ ᐊᐙᓐ ᐋ ᐴᓂᐱᒫᑎᓰᑦ ᐋ ᒌ ᑖᑆᐦᑎᐦᒃ ᒫᒃ ᒥᔻᒋᒧᐎᓂᔨᐤ᙮ ᐋᒄ ᒫᒃ ᓂᒧᐃ ᒋᑭ ᐅᐦᒋ ᐄᔑ ᒥᓯᒫᔨᐦᑖᓈᐙᐤ ᐋ ᐄᔑ ᒥᓯᒫᔨᐦᑎᐦᒡ ᐊᓂᒌ ᐋᑳ ᑳ ᐃᔮᒡ ᐊᔅᐹᔨᒧᐎᓂᔨᐤ᙮

ᓃᔥᑎᒻ ᕞᓵᐧᓛᓃᔨᓐ 4:15

ᒌᔮᓂᐤ ᐋᔥᒄ ᒑ ᐱᒫᑎᓰᔨᐦᒄ ᑎᑯᔑᐦᑳ ᑎᐹᔨᐦᒋᒑᓯᐤ ᓂᒧᐃ ᓃᑳᓐ ᒋᑭ ᐅᐦᒋ ᓂᒋᔥᑭᐙᓂᐤ ᐋᒸᔮ ᓂᒋᐦᐋᒡ ᐊᓂᒌ ᔖᔥ ᑳ ᐴᓂᐱᒫᑎᓰᔨᒡ ᑳ ᑖᑆᔮᔨᐦᑎᐦᒡ᙮ ᐆ ᑳ ᐄᔑ ᐐᐦᑎᒫᑖᐦᒡ ᐐᔨ ᑎᐹᔨᐦᒋᒑᓯᐤ ᒌ ᐃᔨᐤ ᐅᔮᔨᐤ᙮

ᓃᔥᑎᒻ ᕞᓵᐧᓛᓃᔨᓐ 4:17

ᐋᒄ ᒫᒃ ᒌᔮᓂᐤ ᐋᔥᒄ ᒑ ᐱᒫᑎᓰᐦᒄ ᐅᑎᐦ ᐊᔅᒌᐦᒡ ᒫᒨ ᒑ ᐅᐦᐱᔅᑳᔨᐦᒄ ᐊᓂᑖᐦ ᑭᔅᑭᐎᓂᔅᑯᒡ ᒑ ᒌ ᓂᒋᐦᐄᐦᑯᒡ ᑎᐹᔨᐦᒋᒑᓯᐤ ᐊᓂᑖᐦ ᒨᔖ ᒌᔑᑯᐦᒡ᙮ ᑎᐹᔨᐦᒋᒑᓯᐤ ᒫᒃ ᐋᐦ ᑖᑦ ᐋᑯᑖᐦ ᑳᒋᒡ ᒑ ᑖᔨᐦᒄ᙮

ᓃᔥᑎᒻ ᕞᓵᐧᓛᓃᔨᓐ 5:6

ᒨᔥ ᒋᐱᐦ ᐃᔮᔅᑭᐎᓈᓂᐤ, ᒨᔥ ᒋᐱᐦ ᐐᐦ ᐙᔅᑭᒫᔨᒧᓈᓂᐤ, ᓂᒧᐃ ᒫᒃ ᒧᔮᒻ ᒑ ᒌ ᐃᓯᓈᑯᓯᔨᐦᒄ ᐊᓂᐹᔨᐦᒄ᙮

ᓃᔥᑎᒻ ᑎᒧᕢ 2:6

ᐋᔪᐎᒄ ᒫᒃ ᑳ ᐱᒋᔥᑖᔨᐦᑎᒥᐦᐄᑯᑦ ᐅᐱᒫᑎᓰᐎᓐ ᒑ ᒌ ᐅᐦᒋ ᐱᐦᑯᐦᐋᑦ ᒥᓯᐙ ᐊᐙᔨᐤᐦ ᐅᒥᒋᐦᑣᐎᓃᔨᒡ ᐅᐦᒋ᙮ ᐋᑯᑖᐦ ᒫᒃ ᑳ ᐅᑎᐦᒋᐱᔨᔨᒡ ᐊᓂᑎᐦ ᒑ ᒥᔪᐱᔨᔨᒡ ᒋᔖᒥᓂᑑ ᒑ ᒌ ᓅᑯᐦᑖᑦ ᐋᓂᑎᐙᔨᒫᑦ ᒥᓯᐙ ᐊᐙᔨᐤᐦ ᒑ ᐱᒫᒋᐦᐅᔨᒡ᙮

ᓃᔓ ᑎᒧᕢ 2:11

ᐙᔥ ᑖᑆᒥᑭᓐ ᐆ ᑳ ᐄᓈᓅᒡ, “ᑳ ᐐᒋᓂᐲᒫᐅᐦᒀ, ᒋᑭ ᐐᒋᐱᒫᑎᓰᒫᓂᐤ ᑭᔮᐦ᙮

ᑖᐃᑎᔅ 2:14

ᒌ ᐱᒋᔥᑖᔨᒥᓲ ᙭ ᒌᔮᓂᐤ ᐅᐦᒋ, ᒑ ᒌ ᐱᒫᒋᐦᐄᑎᐦᒄ ᐋ ᐙᐹᔨᐦᑎᒫᑭᐎᔨᐦᒄ ᒥᓯᐙ ᒋᒥᒋᐦᑣᐎᓂᓂᐤ ᑭᔮᐦ ᒑ ᒌ ᐱᔮᐦᒋᐦᐄᑎᐦᒄ ᒥᒄ ᐐᔨ ᒑ ᒌ ᑎᐹᔨᒥᑎᐦᒄ, ᓲᐦᒃ ᒑ ᒌ ᐄᑖᔨᐦᑎᒥᐦᐄᑯᔨᐦᒄ ᑯᐃᔅᒄ ᒑ ᒌ ᑏᔨᒄ᙮

ᓃᔥᑎᒻ ᐲᑎᕐ 2:24

᙭ ᐐᔨ ᑎᐱᔨᐙ ᐐᔮᐦᒡ ᒌ ᐄᔑ ᐅᐦᑎᓂᒻ ᒋᒥᒋᐦᑣᐎᓂᓂᐤ ᑳ ᒌᔅᑖᔅᑯᐦᐙᑭᓅᑦ ᐋᔑᑖᔮᐦᑎᑯᐦᒡ, ᒦᔥᑯᒡ ᒌᔮᓂᐤ ᒑ ᒌ ᐴᓃᔨᐦᒄ ᐋ ᒥᒋᐦᑑᑎᒫᐦᒄ ᒑ ᒌ ᓅᔔᔥᑳᒫᐦᒄ ᒫᒃ ᐊᓐ ᑯᐃᔅᒄ ᐋ ᐄᔑ ᐱᒨᐦᑖᓅᒡ ᑯᐃᔅᑯᑖᑎᓯᐎᓂᐦᒡ᙮ ᐊᓂᔮᔨᐤ ᐅᐦᒋ ᑳ ᐄᔑ ᐱᐱᓯᔅᑖᐦᐙᑭᓅᑦ ᐋᑯᑖᐦ ᑳ ᐅᐦᒋ ᒦᓂᐙᑎᓰᐙᒄ᙮

ᓃᔥᑎᒻ ᐲᑎᕐ 3:18

ᐙᔥ ᙭ ᒥᒄ ᐹᔨᒀᐤ ᒋᑭ ᓂᐳᔅᑎᒫᑯᓂᐤ ᒋᒥᒋᐦᑣᐎᓈᐦᒡ ᐅᐦᒋ ᒑ ᒌ ᐙᐹᔨᐦᑎᒫᑭᐎᔨᐦᒄ ᒑ ᒌ ᐹᔒᑎᐦᒄ ᒋᔖᒥᓂᑑ ᐋᐦ ᑖᔨᒡ, ᓂᒧᐃ ᒫᒃ ᓂᑎᐙᔨᐦᑖᑯᓂᔨᐤ ᒦᓐ ᒑ ᒌ ᐴᓂᐱᒫᑎᓰᑦ᙮ ᐊᓐ ᑳ ᑯᐃᔅᑯᑖᑎᓰᑦ ᒌ ᓂᐱᐦᐋᑳᓂᐤ ᐅᐦᒋ ᐊᓂᔮᔨᐤ ᐋᑳ ᑳ ᑯᐃᔅᑯᑖᑎᓰᔨᒡ᙮ ᑖᑆᐦ ᑭᔨᑆ ᓈᐦᐄᔨᐤ ᒌ ᓂᐱᐦᑖᑭᓂᐎᔨᐤ ᐅᔨᐤ ᒥᒄ ᒫᒃ ᒌᐦ ᑐᑎᒫᑭᓂᐎᔨᐤᐦ ᐅᑎᐦᒑᐦᑰ ᐊᔮᐱᒡ ᒑ ᒌ ᐱᒫᑎᓰᔨᒡ᙮