ᓃᔥᑎᒻ ᕞᓵᐧᓛᓃᔨᓐ 3:3 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

³ ᐋᑳ ᐙᒋ ᐹᔨᒄ ᐋ ᑎᔑᔮᒄ ᒑ ᒌ ᒌᐙᑳᐳᔮᒄ ᒋᑖᑆᔮᔨᐦᑎᒧᐎᓂᐙᐦᒡ ᐊᓐ ᐋ ᓂᓈᐦᑭᒋᐦᐄᑯᐎᔮᒄ ᙭ ᐅᐦᒋ᙮ ᒌᔨᐙᐤ ᑎᐱᔨᐙ ᒋᒋᔅᒑᔨᐦᑖᓈᐙᐤ ᐋᔪᐎᒄ ᑭᔮᐦ ᑳ ᐄᔑ ᐎᔮᔨᐦᑎᐦᒃ ᒋᔖᒥᓂᑑ, ᒑ ᒌ ᓂᓈᐦᑳᒋᐦᐄᑯᐙᒄ ᐋ ᓅᔔᔥᑳᒫᒄ ᒌᓴᔅᐦ᙮

ᓃᔥᑎᒻ ᕞᓵᐧᓛᓃᔨᓐ 3:3 Iomraidhean Croise

ᒫᔪᐦᐧᑖᑦ ᓘᒃ 21:12

ᐋᔥᒄ ᐋᒸᔮ ᐄᔅᐱᔨᔨᒡ ᐅᐦᐄ ᒑᒀᓂᐦᐄ, ᒋᑭ ᐅᑎᓂᑯᓈᐙᐤ ᐋᒄ ᒑ ᓂᓈᐦᑳᒋᐦᐄᑯᐎᔮᒄ᙮ ᒋᑭ ᐄᑐᐦᑎᐦᐄᑯᐙᐅᒡ ᒎᐤ ᐅᑎᔨᒥᐦᐋᐅᑭᒥᑯᐙᐦᒡ ᒑ ᑎᐹᔅᑯᓂᑖᑯᒡ, ᐋᒄ ᒑ ᒋᐱᐦᐆᑖᑯᒡ᙮ ᑭᔮᐦ ᒋᑭ ᐄᑐᐦᑎᐦᐄᑯᐙᐅᒡ ᒋᔖᐅᒋᒫᐤ ᑭᔮᐦ ᒋᐦᒋᐅᒋᒫᐤ ᐋᐦ ᑖᔨᒡ ᒑ ᒌ ᑎᐹᔅᑯᓂᑏᑖᒄ ᓃᔨ ᐅᐦᒋ ᐋ ᐹᒋ ᓅᔔᔥᑭᐎᔮᒄ᙮

ᒫᔪᐦᐧᑖᑦ ᐧᒑᓐ 16:2

ᐅᒌ ᐄᔨᔨᐅᒡ ᒋᑭ ᐎᔨᐐᑎᓯᓂᑯᐙᐅᒡ ᒎᐤ ᐅᑎᔨᒥᐦᐋᐅᑭᒥᑯᐙᐦᒡ᙮ ᐋᐦᐋ, ᒑᒃ ᑖᑆᐦ ᒋᑭ ᐅᑎᐦᒋᐱᔨᐤ ᐊᐙᓐ ᒑ ᒌ ᓂᐱᐦᐄᑖᒄ ᐋ ᐄᑖᔨᐦᑎᐦᒃ ᒋᔖᒥᓂᑑ ᐋᐦ ᐋᐱᑎᔒᔥᑎᐙᑦ᙮

ᒫᔪᐦᐧᑖᑦ ᐧᒑᓐ 16:33

ᒋᒌ ᐐᐦᑎᒫᑎᓈᐙᐤ ᐆ ᒑ ᒌ ᐅᐦᒋ ᐃᔮᔮᒄ ᒋᔮᒫᔨᐦᑎᒧᐎᓐ ᐊᓂᑖᐦ ᓃᔨ ᐋᐦ ᑖᔮᓐ᙮ ᒋᑭ ᓂᓈᑳᑖᔨᒧᐦᐄᑯᓈᐙᐤ ᐅᑎᐦ ᐊᔅᒌᐦᒡ᙮ ᓲᐦᒃ ᐐᐦ ᓲᐦᒋᑖᐦᐋᒄ, ᐙᔥ ᔖᔥ ᓃᔨ ᓂᒌ ᔑᐦᑯᒋᐦᑖᓐ ᐆ ᐊᔅᒌ᙮”

ᐋᐧᐹᔅᑎᓕᒡ 14:22

ᐋᑯᑖᐦ ᐊᓂᑎᐦ ᑳ ᐊᔨᒥᐦᐋᒡ ᐊᓂᔮᔨᐤᐦ ᐊᐙᔨᐤᐦ ᑳ ᑖᑆᔮᔨᒫᔨᒡ ᒌᓴᔅᐦ ᐋ ᔒᐦᒋᒫᒡ ᒑ ᒌ ᒥᒫᒋᑯᓂᒥᔨᒡ ᐅᑖᑆᔮᔨᐦᑎᒧᐎᓂᔨᐤ᙮ ᒌ ᐄᑖᐅᒡ ᑭᔮᐦ ᐋ ᓂᑎᐙᔨᐦᑖᑯᓃᔨᒡ ᐊᐙᓐ ᒑ ᒌ ᓂᒋᔥᑭᐦᒃ ᓂᓈᐦᑭᐤ ᒑᒀᔨᐤ ᐋᐦ ᐋᔨᒥᓂᔨᒡ ᐋᒄ ᒑ ᒌ ᐲᐦᒑᑦ ᒋᔖᒥᓂᑑ ᐅᒋᐦᒋᐅᒋᒫᐎᓃᔨᒡ᙮

ᐋᐧᐹᔅᑎᓕᒡ 2:25

ᐊᓂᔮ ᒫᒃ ᒋᐦᒋᐅᒋᒫᐤ ᑌᕕᑦ ᓃᑳᓐ ᒌ ᐋᔨᒨᒫᑖᑯᐱᓐ ᒌᓴᔅᐦ ᑳᐦ ᐄᑖᑦ, ᒨᔥ ᓂᐙᐱᒫᐤ ᑎᐹᔨᐦᒋᒑᓯᐤ ᐅᐦᑎᔅᑰ ᐅᑎᐦ ᐋᐦ ᑖᔮᓐ᙮ ᐹᔓᒡ ᐋᐦ ᑖᔮᓐ ᑖᐤ ᓂᒧᐃ ᒫᒃ ᓂᑭ ᐅᐦᒋ ᒥᑯᔥᑳᑖᔨᐦᑖᓐ᙮

ᐋᐧᐹᔅᑎᓕᒡ 21:11

ᐋᒄ ᑳ ᐹᒋ ᓂᑎᐙᐱᒥᔨᒥᐦᑦ ᐆ ᓈᐹᐤ, ᑳ ᐅᑎᓂᒫᑦ ᑆᓪ ᐆ ᐱᐦᑯᐦᑖᐦᐅᓂᔨᐤ, ᑳ ᒫᐦᑯᐱᑎᐦᒃ ᐅᓯᑦ ᑭᔮᐦ ᐅᑎᐦᒌ ᐋᒄ ᑳᐦ ᐃᔨᑦ, “ᒫᐤ ᐃᔮᑦ ᑳ ᐱᔮᐦᒋᓰᑦ ᐊᐦᒑᐦᒄ, ᐋᔪᐎᒄ ᐅᔮᔨᐤ ᒑ ᐄᑖᐱᐦᑳᑎᑯᑦ ᐊᓂᔮᔨᐤ ᒎᐄᔨᔨᐤ ᒋᕉᓯᓕᒥᐦᒡ ᑳᐦ ᑖᔨᒡ ᐊᓐ ᐊᐙᓐ ᑎᐱᔨᐙᐅᓯᑦ ᐅᔮᔨᐤ ᐱᐦᑯᐦᑖᐦᐅᓐ᙮ ᒋᑭ ᐄᔑ ᐱᒋᔅᑎᓂᑰ ᑭᔮᐦ ᐅᔮᔨᐤ ᒎᐄᔨᔨᐤ ᐊᓂᑖᐦ ᐋᑳ ᑳ ᒎᐤ ᐄᑎᔅᑳᓈᓰᔨᒡ ᐋᐦ ᑖᔨᒡ᙮” ᐋᔪᐎᒄ ᐅᔮᔨᐤ ᑳ ᐄᔑ ᐐᐦᑎᐦᒃ ᐊᓐ ᐊᑳᐹᔅ᙮

ᐋᐧᐹᔅᑎᓕᒡ 21:13

ᒥᒄ ᒫᒃ ᓂᒌᐦ ᐄᑎᑯᓈᓐ, “ᒑᒀᓐ ᐙᐦᒋ ᒫᑐᔮᒄ, ᓂᑯᔑᑯᑖᐦᐋᓐ ᐋ ᒫᑐᔮᒄ᙮ ᐊᔮᐱᒡ ᐙᔥ ᓂᑭ ᐄᑐᐦᑖᓐ ᐊᓂᑖᐦ ᒋᕉᓯᓕᒥᐦᒡ᙮ ᔖᔥ ᐙᔥ ᓂᑎᔮᔅᑭᐐᓐ, ᓂᒧᐃ ᒥᒄ ᒑ ᒌ ᒋᐱᐦᐅᑭᐎᔮᓐ ᑎᐹᔨᐦᒋᒑᓯᐤ ᒌᓴᔅ ᐅᑎᔑᓂᐦᑳᓱᐎᓐ ᐅᐦᒋ, ᓂᑎᔮᔅᑭᐐᓐ ᑭᔮᐦ ᒑ ᐐᐦ ᓂᐱᐦᐄᑯᐙᓈ ᐐᔨ ᐅᐦᒋ᙮” ᐋᔪᐎᒄ ᐅᔮᔨᐤ ᑳ ᐃᔑᔨᒥᐦᑦ ᑆᓪ᙮

ᐋᐧᐹᔅᑎᓕᒡ 9:16

ᐙᔥ ᓃᔨ ᓂᑭ ᐙᐱᐦᑎᔮᐤ ᑖᓐ ᒑ ᐃᔥᐱᔥ ᓂᓈᐦᑳᑖᔨᒧᑦ ᓃᔨ ᐅᐦᒋ᙮”

ᐧᕌᒥᓐ 5:3

ᐋᐅᒄ ᒫᒃ ᐙᐦᒋ ᐃᓯᓈᑯᓰᔨᐦᒄ ᐊᔮᐱᒡ ᐋ ᒨᒋᒑᔨᐦᑎᒧᒄ ᐋᑦ ᐊᓂᑎᐦ ᒫᒀᒡ ᐋ ᐊᔨᒥᐦᐅᔨᐦᒄ, ᐙᔥ ᒋᒋᔅᒑᔨᐦᑖᓈᓂᐤ ᐊᓂᑎᐦ ᐊᓐ ᐋ ᐊᔨᒥᐦᐅᔨᐦᒄ ᐋᑯᑖᐦ ᐙᐦᒋ ᐊᑎᑎᐤ ᓰᐱᔨᐙᓰᐦᔨᒄ᙮

ᓃᔥᑎᒻ ᑯᕆᓐᕠᔨᓐ 15:58

ᐋᐅᒄ ᒫᒃ ᐆ ᐙᐦᒋ ᔒᐦᒋᒥᑎᑯᒡ ᓃᒋᔖᓂᑎᒄ ᑳ ᓵᒋᐦᐄᑎᑯᒡ, ᐋᔨᒋᑳᐳᒄ ᒋᑖᑆᔮᔨᐦᑎᒧᐎᓂᐙᒡ᙮ ᐊᑳᐐ ᓅᐦᑎ ᐴᓃᒄ᙮ ᓲᐦᒃ ᒨᔥ ᐋᐱᑎᓰᔥᑎᐙᐦᒄ ᑎᐹᔨᐦᒋᒑᓯᐤ᙮ ᐙᔥ ᒋᒋᔅᒑᔨᐦᑖᓈᐙᐤ ᒥᓯᐙ ᐊᓂᔮᔨᐤ ᑳᐦ ᑐᑎᒧᐙᒄ ᑎᐹᔨᐦᒋᒑᓯᐤ ᒌᔅᑎᒫᐅᓂᔨᐤ᙮

ᓃᔥᑎᒻ ᑯᕆᓐᕠᔨᓐ 4:9

ᓃᔨ ᒫᒃ ᐊᓐ ᐋ ᐄᑖᔨᐦᑎᒫᓐ ᒋᔖᒥᓂᑑ ᓂᒌᐦ ᐄᔑᐦᐄᑯᓈᓐ ᓃᔮᓐ ᐋᑆᔅᑎᓕᒡ ᑳ ᐄᑖᐱᑎᓰᔮᐦᒡ ᒫᐅᒡ ᓃᐦᑖᒡ ᒑ ᒌ ᐄᑖᔨᐦᑖᑯᓯᔮᐦᒡ ᐃᔥᐱᔥ ᐐ ᒑ ᒌ ᒋᐦᒋᐅᒋᒫᐎᔮᐦᒡ᙮ ᓂᒧᐃ ᒥᑐᓐ ᓂᒋᔅᑖᔨᐦᑖᑯᓯᓈᓐ᙮ ᒧᔮᒻ ᓈᐹᐅᒡ ᒑ ᑎᐹᔅᑯᓈᑭᓄᐙᑯᐱᓈ ᒑ ᓂᐱᐦᐋᑭᓂᐎᒡ ᐋᐅᒄ ᐋ ᐃᓯᓈᑯᓯᔮᐦᒡ᙮ ᓂᒌ ᐱᒋᔅᑎᓂᑳᐎᓈᓐ ᐊᓂᑎᐦ ᒥᓯᐙ ᐊᐙᓐ ᒑ ᒌ ᓈᓈᑭᒋᐦᐄᔨᒥᐦᑦ ᑖᓐ ᐋ ᐄᔑ ᓂᓈᐦᑳᑖᔨᒧᐦᐄᑭᐎᔮᐦᒡ᙮ ᑖᐱᔥᑯᓐ ᐄᔨᔨᐅᒡ ᑭᔮᐦ ᐋᓐᒋᓂᒡ ᓂᓈᓈᑭᒋᐦᐄᑯᓈᓂᒡ᙮

ᐄᕕᓰᔨᓐ 3:13

ᐋᐅᒄ ᒫᒃ ᐆ ᐙᐦᒋ ᐋᑳ ᒥᑐᓐ ᓂᑎᐙᔨᒥᑎᑯᒡ ᒑ ᒌ ᒥᓯᒫᔨᐦᑎᒥᐦᐄᑯᔮᒄ ᑖᓐ ᐋ ᐄᔑ ᓂᓈᐦᑳᑖᔨᒧᔮᓐ ᒫᓐ ᒌᔨᐙᐤ ᐅᐦᒋ, ᐙᔥ ᒋᑭ ᐐᒋᐦᐄᑯᓈᐙᐤ ᐆ ᒥᓯᐙ ᑖᓐ ᐋᔨᔅᐱᔮᓐ᙮

ᕕᓕᐱᔨᓐ 1:28

ᐊᑳᐐ ᒋᑭ ᐅᐦᒋ ᑯᔥᑖᐙᐅᒡ ᐊᓂᒌ ᐎᔮᔥ ᑳ ᐐᐦ ᑐᑖᑖᑯᒡ ᒥᔻᒋᒧᐎᓂᔨᐤ ᐋ ᐙᐐᐦᑎᒸᒄ᙮ ᐙᔥ ᐋᑯᑖᐦ ᒑ ᐅᐦᒋ ᒋᔅᒑᔨᐦᑎᐦᒡ ᐐᔨᐙᐤ ᒑ ᐋᐦᐋᑳ ᐱᒫᒋᐦᐋᑭᓂᐎᒡ ᑭᔮᐦ ᒌᔨᐙᐤ ᒑ ᐱᒫᒋᐦᐄᑯᐙᒄ᙮ ᒋᔖᒥᓂᑑ ᒫᒃ ᐐᔨ ᒥᓯᐙ ᑭᑎ ᑐᑎᒻ ᐅᔮᔨᐤ ᒑ ᒌ ᐄᔅᐱᔨᔨᒡ᙮

ᑯᐧᓛᓯᔨᓐ 1:23

ᒋᓂᑎᐙᔨᐦᑖᑯᓯᓈᐙᐤ ᔮᔨᑖ ᒑ ᒌ ᑭᓂᐙᔨᐦᑎᒫᒄ ᑖᓐ ᐋ ᐄᔑ ᑖᑆᐦᑎᒫᒄ ᐆ ᒥᔻᒋᒧᐎᓐ, ᐙᔥ ᐋᑯᑖᐦ ᐆ ᐙᐦᒋ ᔮᔨᒋᑳᐳᔮᒄ᙮ ᐊᑳᐐ ᒫᒃ ᒋᑭ ᐅᐦᒋ ᐃᓯᓈᑯᓯᓈᐙᐤ ᒑ ᒌ ᐋᑎ ᐙᓂᐦᑖᔮᒄ ᐊᓐ ᐊᔅᐹᔨᒧᐎᓐ ᑳ ᐃᔮᔮᒄ ᐃᔥᑯᑎᒃ ᑳ ᐹᐦᑎᒫᒄ ᒥᔻᒋᒧᐎᓐ᙮ ᐆ ᒥᔻᒋᒧᐎᓐ ᑳ ᐹᐦᑎᒫᒄ ᐋᔪᐎᒄ ᐙᔥ ᔖᔥ ᒥᐦᒑᑐ ᐄᔨᔨᐅᒡ ᒌ ᑭᒑᔅᒌᒫᑭᓅᐎᒡ ᒥᔑᐦᑖ ᐅᑎᐦ ᐊᔅᒌᐦᒡ ᑭᔮᐦ ᒫᒃ ᓃᔨ ᑆᓪ ᓂᐐᒋᐦᐄᐙᓐ ᐋ ᑭᒑᔅᒋᒨᐙᓅᒡ ᐋᐦ ᐋᐱᑎᔒᔥᑑᐙᑭᓅᑦ ᙭᙮

ᓃᔥᑎᒻ ᕞᓵᐧᓛᓃᔨᓐ 5:9

ᓂᒧᐃ ᑰᐦᒋ ᐄᑖᔨᒥᑯᓂᐤ ᒋᔖᒥᓂᑑ ᒑ ᐋᑯᔨᐙᓯᔅᑖᑎᐦᒄ ᑎᐹᔅᑯᓂᒑᐤ ᒌᔑᑳᔨᒑ, ᒌ ᐄᑖᔨᐦᑎᒻ ᒑ ᒌ ᐱᒫᒋᐦᐄᑎᐦᒄ ᑎᐹᔨᐦᒋᒑᓯᐤ ᒌᓴᔅ ᙭ ᐅᐦᒋ᙮

ᓃᔓ ᕞᓵᐧᓛᓃᔨᓐ 1:4

ᐋᐅᒄ ᒫᒃ ᐆ ᐙᐦᒋ ᒫᒥᐦᒋᐦᐄᔮᐦᒡ ᐋᒄ ᒫᒃ ᐃᔮᔨᒨᒥᑖᐦᒡ ᐊᓂᑖᐦ ᑯᑎᑭᒡ ᐅᒫᒨᐊᔨᒥᐦᐋᐅᒡ ᐋᐦ ᑖᒡ᙮ ᓂᒥᒥᑖᑯᓰᓈᓐ ᐋᐦ ᐋᔨᒨᑎᒫᐦᒡ ᐋᐦᐋᑳ ᐴᓂᔮᒄ ᑭᔮᐦ ᐋᔥᒄ ᐊᔮᐱᒡ ᐋ ᑖᑆᐅᒑᔨᒫᒄ ᙭ ᐋᑦ ᐊᓐ ᐋ ᐃᔥᐱᔥ ᓂᓈᐦᑳᑖᔨᒧᐦᐄᑯᐎᔮᒄ ᑭᔮᐦ ᐋ ᐃᔥᐱᔥ ᐋᔨᒧᐦᐅᔮᒄ᙮

ᓃᔓ ᑎᒧᕢ 1:8

ᐊᑳᐐ ᒫᒃ ᒋᑭ ᐅᐦᒋ ᐱᒫᒥᔒᔥᑎᒸᓐ ᒋᑎᐹᔨᐦᒋᒑᓰᒥᓂᐤ ᐅᒥᔻᒋᒧᐎᓐ ᒑ ᒌ ᐋᔨᒨᑎᒧᑦ᙮ ᑭᔮᐦ ᒫᒃ ᐋᑎ ᐆ ᒫᒀᒡ ᐋ ᒋᐱᐦᐅᑭᐎᔮᓐ ᙭ ᐅᐦᒋ, ᐊᑳᐐ ᒋᑭ ᐅᐦᒋ ᔖᒀᔨᒧᓐ ᐋ ᐅᐐᒑᐙᑭᓂᑐᑖᑖᓐ᙮ ᐃᔮᔅᑭᐐᔥᑎ ᑎᔨᑯᒡ ᑖᓐ ᒑ ᐄᔑ ᓂᓈᐦᑳᑖᔨᒧᔨᓐ ᐋ ᐙᐐᐦᑎᒥᓐ ᒥᔻᒋᒧᐎᓐ ᐙᔥ ᒋᑭ ᒥᔨᒄ ᒋᔖᒥᓂᑑ ᒥᔅᑭᐎᓰᐎᓂᔨᐤ᙮

ᓃᔥᑎᒻ ᐲᑎᕐ 2:21

ᐋᔪᐎᒄ ᐙᐦᒋ ᒌ ᐐᔮᔨᒥᑖᒄ ᒋᔖᒥᓂᑑ ᐆ ᒑ ᐄᔑ ᐱᒫᑎᓰᔮᒄ ᐋ ᓂᒋᔅᑭᒫᒄ ᐋᐦ ᐋᔨᒥᐦᒡ, ᐙᔥ ᐋ ᒌ ᐙᐐᓯᒑᔨᐦᑎᒥᐦᐋᑭᓅᑦ ᙭ ᒌᔨᐙᐤ ᐅᐦᒋ ᑭᔮᐦ ᒋᒌ ᓂᑭᑎᒫᑯᐙᐤ ᒑᒀᔨᐤ ᒑ ᒋᔅᒋᓄᐙᐱᐦᑎᒸᒄ, ᒑ ᒌ ᑖᐦᑖᔮᐱᔑᑯᐦᐊᒫᐙᒄ ᐊᓂᑎᐦ ᐋ ᒌ ᐱᒧᐦᑖᑦ᙮

ᒋᔅᒑᔨᐦᑖᑯᐦᑖᒑᐧᐃᓐ 2:10

ᐊᑳᐐ ᑯᔥᑖᒋᒄ ᑖᓐ ᒑ ᐄᔑ ᓂᓈᐦᑳᑖᔨᒧᔮᒄ, ᔖᔥ ᐐᐱᒡ᙮ ᒥᒋᒥᓂᑑ ᒋᑭ ᑯᒀᒋᐦᐄᑯᐙᐤ ᐋᐦ ᑐᑖᑖᒄ ᐱᔅᒡ ᒑ ᒌ ᒋᐱᐦᐅᑰᐙᒄ ᒋᐱᐦᐅᑑᑭᒥᑯᐦᒡ᙮ ᒥᑖᐦᑐ ᒌᔑᑳᐤᐦ ᒋᑭ ᐃᔥᐱᔥ ᓂᓈᐦᑳᑖᔨᒧᓈᐙᐤ᙮ ᑎᑖᑆᐅᓰᒄ ᐋ ᑖᑆᔮᔨᒥᔮᒄ ᐋᑎᐐᐦ ᓂᐱᐦᐄᑭᐎᔮᒀ᙮ ᐋᒄ ᒫᒃ ᒑ ᒥᔨᑎᑯᒡ ᐊᓐ ᐱᒫᑎᓰᐎᓐ, ᐋᐅᒄ ᐊᓐ ᒑ ᑭᔅᒋᐦᐅᔮᒄ᙮

ᒋᔅᒑᔨᐦᑖᑯᐦᑖᒑᐧᐃᓐ 2:13

ᓂᒋᔅᒑᔨᐦᑖᓐ ᐊᓂᑎᐦ ᐙᒋᔮᒄ, ᐋᑯᑎᐦ ᐊᓂᑎᐦ ᒥᒋᒥᓂᑑ ᐙᐦ ᒋᐦᒋᐅᒋᒫᐤ ᐅᑖᐦᑎᐱᐎᓂᑦ᙮ ᐋᑦ ᒫᒃ ᐊᓂᑎᐦ ᐋ ᐐᒋᔮᒄ ᐊᔮᐱᒡ ᓂᒧᐃ ᒋᐴᓃᓈᐙᐤ ᐋ ᑖᑆᔮᔨᒥᔮᒄ᙮ ᓂᒧᐃ ᑰᐦᒋ ᒌᐙᑳᐳᔥᑐᓈᐙᐤ ᐋᑦ ᐊᓂᑎᐦ ᒫᒀᒡ ᑳ ᓂᐱᐦᐋᑭᓅᑦ ᐊᓂᔮ ᑳ ᓅᔔᔥᑯᑦ ᐊᓂᑎᐱᔅ ᑳ ᐃᔑᓂᐦᑳᓱᑦ ᐊᓐ ᑳ ᑖᑆᐅᒑᔨᐦᑖᑯᓯᑦ, ᑯᐃᔅᒄ ᒨᔥ ᑳ ᐐᐦᑎᐦᒃ ᐋᐦ ᐋᔨᒧᒥᑦ᙮ ᐊᓂᑎᐦ ᐙᒋᔮᒄ ᐋᑯᑖᐦ ᑳ ᓂᐱᐦᐋᑭᓅᑦ, ᐊᓂᑖᐦ ᒥᒋᒥᓂᑑ ᐙᒋᑦ᙮