ᓃᔥᑎᒻ ᕞᓵᐧᓛᓃᔨᓐ 3:12 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹² ᓂᓂᑐᑎᒧᐙᓈᓐ ᑎᐹᔨᐦᒋᒑᓯᐤ ᒑ ᒌ ᑐᑖᑖᒄ ᐋᔮᔅᒃ ᐊᑎᑎᐤ ᒥᔥᑎᐦ ᒑ ᒌ ᓵᒋᐦᐄᑐᐙᒄ ᑭᔮᐦ ᑯᑎᒃ ᐊᐙᔨᐤᐦ ᒑ ᒌ ᓵᒋᐦᐄᒫᒄ, ᒑ ᒌ ᐋᑎ ᐃᔥᐱᔥ ᓵᒋᐦᐄᑐᔮᒄ ᑭᔮᐦ ᒑ ᒌ ᐋᑎ ᐃᔥᐱᔥ ᓵᒋᐦᐋᐦᑯᒡ ᑯᑎᑭᒡ ᐄᔨᔨᐅᒡ ᒧᔮᒻ ᓃᔮᓐ ᐋ ᐃᔥᐱᔥ ᓵᒋᐦᐄᑖᐦᒡ᙮

ᓃᔥᑎᒻ ᕞᓵᐧᓛᓃᔨᓐ 3:12 Iomraidhean Croise

ᒫᔪᐦᐧᑖᑦ ᒫᕠᔫ 22:39

ᐊᓐ ᒫᒃ ᐄᑎᔓᐙᐎᓐ ᒦᓐ ᒫᐅᒡ ᒑᔅᑖᔨᐦᑖᑯᐦᒡ ᐋᐅᒄ ᐆ ᑳ ᐄᑣᒥᑭᐦᒡ, ‘ᒋᑭ ᓵᒋᐦᐋᐤ ᒌᒋᐄᔨᔨᐤ ᒧᔮᒻ ᒌᔨ ᐋ ᐃᔥᐱᔥ ᓵᒋᐦᐄᓱᔨᓐ᙮’

ᒫᔪᐦᐧᑖᑦ ᒫᕠᔫ 7:12

“ᑖᓐ ᐋ ᐄᔑ ᓂᑎᐙᔨᒥᑣᐤ ᐄᔨᔨᐅᒡ ᒑ ᒌᐦ ᑐᑎᒫᔅᒡ ᐋᔪᐎᒄ ᐄᐦᑐᑎᒧᒡ᙮ ᐋᐅᒄ ᐆ ᑖᐱᔥᑯᓐ ᐋ ᐄᔑ ᒋᔅᑯᑎᒫᒑᒥᑭᐦᒡ ᐐᔓᐙᐎᓐ ᑭᔮᐦ ᐋᔪᐎᒄ ᑳ ᐄᔑ ᐙᐐᐦᑎᐦᒡ ᐅᒋᔅᒋᐙᐦᐄᒑᓱᒡ᙮”

ᒫᔪᐦᐧᑖᑦ ᓘᒃ 17:5

ᒌᓴᔅ ᐅᒋᔅᒋᓂᐦᐊᒧᐙᑭᓐᐦ ᒌ ᐄᑎᑰ, “ᑎᐹᔨᐦᒋᒑᔨᓐ, ᓅᔅᒌᐦᑖᐦ ᐊᑎᑎᐤ ᓂᑖᑆᔮᔨᐦᑎᒧᐎᓈᓐ᙮”

ᐧᕌᒥᓐ 13:8

ᑳᐦ ᐋᐆᐦᐋᓱᒫᐆᑖ ᒑᒀᔨᐤ ᐊᐙᓐ ᔮᔨᑖ ᒌᐙᒦᐦ᙮ ᒥᒄ ᑖᓐ ᒨᔥ ᐋ ᐄᔑ ᑎᑯᐦᒡ ᒑ ᒌ ᐄᔑ ᓵᒋᐦᐄᑐᐙᑯᐱᓈ ᐋᐅᒄ ᒫᐦ ᐄᔑ ᑭᓂᐙᐱᐦᑎᐦᑖᐤ ᒑᐦ ᐋᑳ ᓂᐦᑖ ᒌ ᐃᔥᐱᔥ ᒌ ᒌᔑ ᒌᐙᑎᐱᐦᐄᒑᔨᐦᒄ᙮ ᒥᓯᐙ ᑎᐱᑑᑎᒸᐤ ᐊᐙᓐ ᒋᔖᒥᓂᑑ ᐅᐐᔓᐙᐎᓂᔨᐤ ᐐᒋᐄᔨᔨᐤ ᐋ ᓵᒋᐦᐋᑦ᙮

ᓃᔓ ᑯᕆᓐᕠᔨᓐ 9:10

ᒋᔖᒥᓂᑑ ᐋᐅᒄ ᒫᔮᑦ ᓂᐦᑖᐅᒋᐦᒑᓯᐤ ᒑᒀᔨᐤ ᒑ ᓂᐦᑖᐅᒋᐦᑖᔨᒡ᙮ ᐐᔨ ᑭᔮᐦ ᐊᔑᒫᐤ ᒥᓯᐙ ᐊᐙᔨᐤᐦ᙮ ᑭᔮᐦ ᒌᔨᐙᐤ ᒫᒃ ᒋᑭ ᐙᔪᒡ ᒥᔨᑯᐙᐤ, ᒥᐦᒑᑐ ᒫᒃ ᐄᔨᔨᐅᒡ ᒑ ᒌ ᐄᒋᐦᐋᑯᒡ᙮ ᐋᒄ ᒫᒃ ᐆ ᐋ ᐄᔑ ᒥᔪᑐᑎᒫᒑᔮᒄ ᒥᐦᒑᑐ ᐄᔨᔨᐅᒡ ᒥᔥᑏᐦ ᒋᑭ ᒥᔪᑐᑎᒫᑯᒡ ᒋᔖᒥᓂᑑ᙮

ᑳᓓᔑᔨᓐ 5:22

ᐋᒄ ᒫᒃ ᐊᓐ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ ᑐᑎᒻ ᒑ ᒌ ᒥᔪᓂᐦᑖᐅᒋᐦᑖᑦ ᐋ ᒥᔻᔑᔨᒡ ᒑ ᒌ ᓅᑯᓃᔨᒡ ᒋᐱᒫᑎᓰᐎᓂᐙᐦᒡ, ᓵᒋᐦᐄᐙᐎᓂᔨᐤ, ᒨᒋᒑᔨᐦᑎᒧᐃᓂᔨᐤ, ᒋᔮᒫᔨᐦᑖᑯᓲᐎᓂᔨᐤ, ᓰᐱᔨᐙᓯᐎᓂᔨᐤ, ᒥᔻᔨᐦᑖᑯᓲᐎᓂᔨᐤ, ᒥᔪᑐᑎᒧᐎᓂᔨᐤ, ᑖᑆᐅᒑᔨᐦᑖᑯᓲᐎᓂᔨᐤ,

ᑳᓓᔑᔨᓐ 5:6

ᓂᒧᐃ ᐎᔮᔥ ᒑᔥᒋᓂᐙᐦᒋᔓᑯᐙᐦᒑ ᑭᔮᐦ ᒫᒃ ᐋᑳ ᒑᔅᒋᓂᐙᐦᒋᔓᑯᐙᐦᒑ ᐋ ᐐᒑᐅᒋᐦᒡ ᙭ ᒌᓴᔅ᙮ ᐊᓐ ᒫᐅᒡ ᒑᔅᑎᒫᐙᔨᐦᑖᑯᐦᒡ ᐋᐅᒄ ᒑ ᒌ ᐃᔮᔨᐦᒄ ᑖᑆᔮᔨᐦᑎᒧᐎᓐ ᐋ ᓄᑯᐦᒡ ᐋ ᓵᒋᐦᐄᑐᔨᐦᒄ᙮

ᕕᓕᐱᔨᓐ 1:9

ᒋᑎᔨᒥᐦᐋᔥᑎᒫᑎᓈᐙᐤ ᐊᑎᑎᐤ ᒑ ᒌ ᐃᔮᔮᒄ ᒥᔥᑏᐦ ᓵᒋᐦᐄᐙᐎᓐ ᑭᔮᐦ ᒋᔅᒑᔨᐦᑎᒧᐎᓐ ᑭᔮᐦ ᒥᔪ ᓂᔅᑑᐦᑎᒧᓐ

ᓃᔥᑎᒻ ᕞᓵᐧᓛᓃᔨᓐ 2:8

ᐊᓐ ᒫᒃ ᓈᔥᒡ ᐋ ᓵᒋᐦᐄᑖᐦᒡ ᓂᒥᔻᔨᐦᑖᓈᓐ ᒑᐦ ᐋᑳ ᒥᒄ ᐙᐐᐦᑎᒫᑖᐦᒡ ᒥᔻᒋᒧᐎᓐ᙮ ᓂᒌ ᐱᒋᔥᑖᔨᐦᑎᒥᐦᐄᑯᓈᓐ ᑭᔮᐦ ᓂᐱᒫᑎᓰᐎᓈᓐ ᒑ ᒌ ᐐᒋᐦᐄᑖᐦᒡ ᑳ ᐃᔥᐱᔥ ᓵᒋᐦᐄᑖᐦᒡ᙮

ᓃᔥᑎᒻ ᕞᓵᐧᓛᓃᔨᓐ 4:1

ᒫᐦᒑᔨ ᒫᒃ ᓃᒋᔖᓂᑎᒄ, ᒋᒌ ᒋᔅᑯᑎᒫᑎᓈᓐ ᑖᓐ ᒑ ᐄᔑ ᐱᒫᑎᓰᐙᑯᐱᓈ ᒑ ᒌ ᓂᐦᐋᔨᐦᑎᒥᐦᐙᒄ ᒋᔖᒥᓂᑑ᙮ ᐋᐅᒄ ᒫᒃ ᑖᑆᐦ ᐋ ᐄᔑ ᐱᒫᑎᓰᔮᒄ᙮ ᒋᐱᑯᓵᔨᒥᑎᓈᓐ ᒫᒃ ᑭᔮᐦ ᒋᔒᐦᒋᒥᑎᓈᓐ ᓲᐦᒃ ᐊᑎᑎᐤ ᐆ ᒑ ᒌᐦ ᑎᔮᒄ ᐋ ᓅᔔᔥᑯᐙᒄ ᑭᔮᐦ ᒌᔨᐙᐤ ᑎᐹᔨᐦᒋᒑᓯᐤ ᒌᓴᔅ᙮

ᓃᔥᑎᒻ ᕞᓵᐧᓛᓃᔨᓐ 5:15

ᔮᔨᑖᐃ ᑭᓂᐙᐹᐦᑎᒨᒄ ᒑᐦ ᐋᑳ ᐊᐙᓐ ᐎᓂᑐᑎᐦᒃ ᐎᓂᑐᑖᑯᒡ ᐊᐙᔨᐤᐦ, ᐊᐅᔅᑖ ᒨᔥ ᒋᐱᐦ ᒥᔪᑐᑖᑐᓈᓂᐤ ᑭᔮᐦ ᒥᓯᐙ ᑯᑎᑭᒡ ᐄᔨᔨᐅᒡ ᒋᐱᐦ ᒥᔪᑐᑎᐙᐙᐅᒡ᙮

ᓃᔓ ᕞᓵᐧᓛᓃᔨᓐ 1:3

ᓃᒋᔖᓈᓂᒡ, ᐄᑖᔨᐦᑖᑯᓐ ᒨᔥ ᒑ ᒌ ᓂᓈᔅᑯᒥᒋᐦᑦ ᒋᔖᒥᓂᑑ ᒌᔨᐙᐤ ᐅᐦᒋ, ᐙᔥ ᐊᑎᑎᐤ ᒋᑎ ᐋᑎ ᑖᑆᐅᒑᔨᒫᐙᐤ ᙭ ᑭᔮᐦ ᒫᒃ ᐋᔮᔅᒃ ᐊᑎᑎᐤ ᒋᓵᒋᐦᐄᑐᓈᐙᐤ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 1:17

ᒥᓯᐙ ᒥᔨᐙᐎᓐ ᑳ ᒥᔻᔑᒡ ᑭᔮᐦ ᒥᑐᓐ ᑯᐃᔅᒄ ᑳ ᐄᑖᔨᑖᑯᐦᒡ ᐊᓂᑖᐦ ᐃᔥᐱᒥᐦᒡ ᐅᐦᒋᐱᔨᐤ, ᐊᓂᑖᐦ ᒋᔖᒥᓂᑑ ᐋᐦ ᑖᑦ᙮ ᐋᐅᒄ ᐆ ᒋᔖᒥᓂᑑ ᑳ ᐅᔑᐦᑖᑦ ᒥᓯᐙ ᐙᔥᑖᐎᓂᔨᐤ ᐊᓂᑖᐦ ᒌᔑᑯᐦᒡ᙮ ᒨᔥ ᐹᔨᑯᓂᐦᒡ ᐄᑖᔨᐦᑖᑯᓯᐤ, ᓂᒧᐃ ᐃᓯᓈᑯᓯᐤ ᒧᔮᒻ ᐋ ᑎᑳᔥᑖᐦᑎᐦᒡ ᒑᒀᓐ ᐋᔅᑭᐤ ᐊᔨᐦᒡ ᒫᓐ ᐋ ᐃᓯᓈᑯᐦᒡ᙮

ᓃᔓ ᐲᑎᕐ 1:7

ᐊᓐ ᒫᒃ ᐋᐦ ᐋᑎ ᒋᔖᒥᓂᑑᐙᑎᓯᔮᒄ, ᐋᒄ ᒋᐱᐦ ᐋᑎ ᒋᔖᐙᑐᑎᐙᐙᒡ ᒌᒋᔖᓂᐙᐅᒡ ᑳ ᑖᑆᐦᑎᐦᒡ᙮ ᐄᔥᐱᐦ ᒫᒃ ᐋᐦ ᐋᑎ ᒋᔖᐙᑐᑎᐙᑯᒡ ᒌᒋᔖᓂᐙᐅᒡ ᐋᒄ ᒋᐱᐦ ᐋᑎ ᓵᒋᐦᐋᐙᐤ ᒥᓯᐙ ᐊᐙᓐ᙮

ᓃᔓ ᐲᑎᕐ 3:18

ᓲᐦᒃ ᐊᑎᑎᐤ ᐐᐦ ᐄᔑ ᓂᐦᑖᐅᒋᒄ ᐅᒥᔪᐦᑳᒑᐎᓂᐦᒡ ᒋᑎᐹᔨᐦᒋᒑᓰᒥᓂᐤ ᑭᔮᐦ ᒌ ᐱᒫᒋᐦᐄᐙᓯᒥᓂᐤ ᒌᓴᔅ ᙭, ᑭᔮᐦ ᓲᐦᒃ ᐊᑎᑎᐤ ᐐᐦ ᒋᔅᒑᔨᒫᐦᒄ ᒌ ᐱᒫᑎᓰᐎᓂᐙᐦᒡ᙮ ᐐᔨ ᒫᒃ ᒋᐱᐦ ᒋᔅᑖᔨᐦᑖᑯᐦᐋᑭᓂᐤ ᐊᓅᐦᒡ ᑭᔮᐦ ᒨᔥ ᑳᒋᒡ᙮ ᐋᒥᓐ᙮