ᓃᔥᑎᒻ ᕞᓵᐧᓛᓃᔨᓐ 2:3 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

³ ᐄᔥᐱᐦ ᑳ ᐐᐦ ᒑᔥᑎᓈᒋᒥᑖᐦᒡ ᑖᓐ ᐋ ᐄᔑ ᑖᑆᒥᑭᐦᒡ ᒥᔻᒋᒧᐎᓐ ᐊᓂᑎᐦ ᒑ ᒌ ᐅᐦᒋ ᑖᑆᐦᑎᒫᒄ, ᓂᒧᐃ ᑰᐦᒋ ᐐᐦ ᓂᓂᑏᔨᒥᑎᓈᓐ᙮ ᓂᒧᐃ ᓂᑎᐐ ᒥᒄ ᓅᐦᒋ ᐃᔨᐦᑎᓈᓐ ᑭᔮᐦ ᓂᒧᐃ ᑰᐦᒋ ᐐᐦ ᐎᓂᐱᔨᐦᐄᑎᓈᓐ᙮

ᓃᔥᑎᒻ ᕞᓵᐧᓛᓃᔨᓐ 2:3 Iomraidhean Croise

ᐋᐧᐹᔅᑎᓕᒡ 13:15

ᒌᐦ ᑖᐤ ᐊᓂᑖᐦ ᐊᐙᓐ ᐊᔨᒥᐦᐋᐅᑭᒥᑯᐦᒡ ᐋ ᐊᔨᒥᐦᑐᐙᑦ ᐊᓂᔮᔨᐤ ᐄᔨᔨᐤᐦ ᐊᔨᒥᐦᐋᐤ ᐐᔓᐙᐎᓐ, ᑭᔮᐦ ᐊᓂᔮᐦᑳ ᐅᒋᔅᒋᐙᐦᐄᒑᓯᐤ ᑳ ᐄᔑ ᒥᓯᓂᐦᐋᒥᔨᑯᐱᓈᓂᐦᐄ᙮ ᐋᒄ ᒫᒃ ᐊᓂᒌ ᑳ ᓃᑳᓂᔥᑭᐦᒡ ᐊᓂᔮᔨᐤ ᒎᐤ ᐊᔨᒥᐦᐋᐅᑭᒥᑯᔨᐤ ᒌ ᐄᑎᔓᐙᐅᒡ ᐄᔨᔨᐤᐦ ᒑ ᑯᒀᒋᒫᔨᒡ ᑆᓪ ᑭᔮᐦ ᐹᕐᓂᐱᔅ ᒑ ᒌ ᐊᔨᒥᐦᐋᔨᒡ ᐊᓂᔮᔨᐤ ᐄᔨᔨᐤᐦ ᒑ ᒌ ᒥᔥᑭᐎᑳᐳᐎᒡ᙮

ᐋᐧᐹᔅᑎᓕᒡ 4:36

ᐋᔪᐎᒄ ᑳᐦ ᑎᒃ ᒍᓯᕝ, ᐊᓐ ᓖᕙᔨᑦ ᐄᔨᔨᐤ ᑳᐦ ᐄᑎᔅᑳᓈᓯᑦ, ᓵᐃᑉᕋᔅ ᒥᓂᔅᑎᑯᐦᒡ ᒌ ᐱᒫᑎᓰᒑ ᐆ ᓈᐹᐤ᙮ ᐊᓂᒌ ᒫᒃ ᐋᑆᔅᑎᓕᒡ ᐹᕐᓂᐱᔅ ᒌ ᐃᔑᓂᐦᑳᑖᐅᒡ ᐅᔮᔨᐤ ᒍᓯᕝᐦ᙮ ᐊᓐ ᒫᒃ ᐃᔑᓂᐦᑳᓱᐎᓐ ᑳ ᔒᐦᒋᒫᑦ ᐊᐙᔨᐤᐦ ᒑ ᒌ ᒥᔥᑭᐎᑳᐳᐎᒡ ᐄᔑ ᐄᑣᔥᑎᒫᑖᑭᓂᐤ᙮

ᓃᔓ ᑯᕆᓐᕠᔨᓐ 11:13

ᓂᒥᔮᐅᒡ ᐅᒌ ᒋᐦᒋᐙ ᐋᑆᔅᑎᓕᒡ᙮ ᒧᔮᒻ ᑖᑆᐦ ᐋᑆᔅᑎᓕᒡ ᐋᐦ ᐋᐱᑎᔒᔥᑐᐙᒡ ᒌᓴᔅ ᙭ ᐐᐦ ᐄᑖᔨᐦᑖᑯᐦᐄᓱᐎᒡ ᒥᒄ ᒫᒃ ᓂᓂᑐᔫᒡ ᑭᔮᐦ ᐎᓂᐱᔨᐦᐄᐙᐅᒡ᙮

ᓃᔓ ᑯᕆᓐᕠᔨᓐ 2:17

ᐱᔅᒡ ᐄᔨᔨᐅᒡ ᑳ ᐱᐹᑭᒑᔅᒀᒡ ᒧᔮᒻ ᐋ ᐱᐹᐊᑖᐙᒑᐙᒡ ᒋᔖᒥᓂᑑ ᐅᑎᔨᒧᐎᓂᔨᐤᐦ, ᐋᔪᐎᒄ ᐋ ᐃᓯᓈᑯᓯᒡ ᐋ ᐐᐦ ᐅᐦᑎᓰᔨᒡ ᔓᐎᔮᓐ᙮ ᓂᒧᐃ ᐐ ᓃᔮᓐ ᐆ ᓂᑎᐦᑐᑖᓈᓐ᙮ ᒥᒄ ᒫᒃ ᓂᑎᐋᔨᒨᑖᓈᓐ ᐊᓐ ᒥᔻᒋᒧᐎᓐ ᐊᓐ ᐅᐦᒋ ᐆ ᓲᐦᑳᑎᓰᐎᓐ ᙭, ᐋᐦ ᐋᐱᑎᔒᔥᑑᒋᐦᑦ ᒋᔖᒥᓂᑑ ᐋ ᑖᐱ ᒋᔅᑖᔨᒥᒋᐦᑦ, ᐙᔥ ᐐᔨ ᐋ ᒌ ᐹᒋ ᐄᑎᔓᐦᐆᔨᒥᐦᑦ᙮

ᓃᔓ ᑯᕆᓐᕠᔨᓐ 4:2

ᒥᒄ ᒫᒃ ᓂᒧᐃ ᓂᑐᑖᓈᓐ ᒑᒀᓐ ᒌᒧᒡ ᑭᔮᐦ ᐋᐆᐙᓂᐦᑎᒌᐦᐄᐙᒡ᙮ ᓂᒧᐃ ᓂᐐᐦ ᐎᓂᒨᔮᓈᓐ ᐊᐙᓐ᙮ ᓂᒧᐃ ᓂᐐᐦ ᐋᐦᒋᑖᓈᓐ ᒋᔖᒥᓂᑑ ᐅᑎᔨᒧᐎᓐᐦ, ᑯᐃᔅᒄ ᓂᐐᐦᑎᒧᐙᓈᓐ ᒥᓯᐙ ᐊᐙᓐ ᑖᑆᐎᓂᔨᐤ, ᐋᒄ ᒫᒃ ᒑ ᒋᔅᒑᔨᐦᑎᐦᒃ ᑖᑆᐦ ᒑ ᒌ ᑖᑆᐦᑎᐦᒃ ᑖᓐ ᐋ ᐄᔑ ᐙᐐᐦᑎᒧᒋᐦᑦ᙮ ᓂᒋᔅᒑᔨᒥᑯᓈᓐ ᒫᒃ ᒋᔖᒥᓂᑑ ᐋ ᑖᑆᐎᒋᐦᑦ᙮

ᓃᔓ ᑯᕆᓐᕠᔨᓐ 4:5

ᐄᔥᐱᐦ ᐋ ᑭᒑᔅᒀᔮᐦᒡ ᓂᒧᐃ ᓃᔮᓐ ᓂᑎᐋᔨᒨᒥᓱᓈᓐ, ᒌᓴᔅ ᙭ ᓂᑎᐋᔨᒨᒫᓈᓐ ᐐᔨ ᐋ ᑎᐹᔨᐦᒋᒑᓰᐎᑦ᙮ ᒌᓴᔅ ᓂᒌ ᐹᒋ ᐄᑎᔑᐦᐅᑯᓈᓐ ᒑ ᒌ ᐋᐱᑎᔒᔥᑖᑖᐦᒡ᙮

ᓃᔓ ᑯᕆᓐᕠᔨᓐ 6:8

ᑎᑯᓐ ᐋ ᐄᔑ ᒥᔪ ᒋᔅᑖᔨᒥᑭᐎᔮᐦᒡ᙮ ᑎᑯᓐ ᐋ ᐄᔑ ᐋᑎᐙᔨᒥᑭᐎᔮᐦᒡ᙮ ᑯᑎᑭᒡ ᓂᒥᔻᒋᒥᑯᓈᓂᒡ᙮ ᑯᑎᑭᒡ ᓂᒫᔮᔨᒥᑯᓈᓂᒡ᙮ ᑯᑎᑭᒡ ᐋ ᓈᓂᑎᔨᐎᒋᒡ ᓂᑎ ᐄᑖᔨᒥᑯᓈᓂᒡ᙮ ᒥᒄ ᒫᒃ, ᒨᔥ ᑖᑆᐎᓐ ᓂᐐᐦᑖᓈᓐ᙮

ᓃᔓ ᑯᕆᓐᕠᔨᓐ 7:2

ᐊᑳᐐ ᐄᒑᓂᓈᓐ᙮ ᑖᐹ ᓅᐦᒋ ᐎᓂᑐᑎᐙᓈᓐ ᐊᐙᓐ᙮ ᓂᒧᐃ ᓅᐦᒋ ᓂᔑᐎᓈᒋᐦᐋᓈᓐ ᐊᐙᓐ ᑭᔮᐦ ᓂᒧᐃ ᓅᐦᒋ ᐎᓂᐱᔨᐦᐋᓈᓐ ᐊᐙᓐ᙮

ᓃᔥᑎᒻ ᕞᓵᐧᓛᓃᔨᓐ 2:11

ᒋᒋᔅᒑᔨᐦᑖᓈᐙᐤ ᑖᓐ ᑳ ᐄᔑ ᐙᐐᒋᐦᐄᑖᐦᒡ ᒧᔮᒻ ᐅᐦᑖᐐᒫᐤ ᐋ ᐄᔑ ᐙᐐᒋᐦᐋᑦ ᐅᑎᐙᔑᔒᒻᐦ᙮

ᓃᔥᑎᒻ ᕞᓵᐧᓛᓃᔨᓐ 4:7

ᐙᔥ ᑖᐹ ᑰᐦᒋ ᑖᑆᑎᑯᓂᐤ ᒋᔖᒥᓂᑑ ᐐᓂᓲᐙᑎᓰᐎᓂᐦᒡ ᒑ ᒌ ᐄᔑ ᐱᒫᑎᓰᐅᒄ᙮ ᐱᔮᐦᒋᓰᐎᓂᐦᒡ ᒋᓂᑎᐙᔨᒥᑯᓂᐤ ᒑ ᒌ ᐄᔑ ᐱᒫᑎᓰᐅᒄ᙮

ᓃᔓ ᕞᓵᐧᓛᓃᔨᓐ 2:11

ᐋᔪᐎᒄ ᒫᒃ ᐅᔮᔨᐤ ᐙᐦᒋ ᐱᒋᔅᑎᓈᑦ ᒋᔖᒥᓂᑑ ᒑ ᒌ ᓲᐦᒑᔨᐦᑖᑯᓃᔨᒡ ᐋ ᐄᔑ ᐎᓂᐱᔨᐦᐄᒫᑭᓂᐎᒡ ᐊᓂᑎᐦ ᒑ ᒌ ᐅᐦᒋ ᑖᑆᐦᑎᒥᔨᒡ ᓂᓂᑎᐆᓂᔨᐤ᙮

ᓃᔓ ᐲᑎᕐ 1:16

ᑖᐹ ᓂᒥᔮᐤ ᐐ ᓰᑎᐤ ᐋ ᒌ ᐅᔑᐦᑖᑭᓂᐎᒡ ᐋᐦ ᐄᑆᐦᑳᐅᐦᑖᑯᐦᒡ ᑎᐹᒋᒧᐎᓐ ᑳᐦ ᐋᐱᒋᐦᑖᔮᐦᒡ ᐄᔥᐱᐦ ᑳ ᐐᐦ ᒋᔅᒑᔨᐦᑎᒥᐦᐄᑖᐦᒡ ᑖᑆᐦ ᒑ ᑎᑯᔑᐦᒃ ᒋᑎᐹᔨᐦᒋᒑᓰᒥᓂᐤ ᒌᓴᔅ ᙭ ᐅᓲᐦᑳᑎᓰᐎᓂᐦᒡ᙮ ᓃᔮᓐ ᐙᔥ ᑎᐱᔨᐙ ᓂᔅᒌᓯᑰᓈᐦᒡ ᓂᒌ ᐙᐱᒫᓈᓐ ᐋ ᒋᔅᑖᔨᐦᑖᑯᐦᐋᑭᓅᑦ᙮