ᓃᔥᑎᒻ ᕞᓵᐧᓛᓃᔨᓐ 2:17 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁷ ᓃᔮᓐ ᒫᒃ ᐐ, ᓃᒋᔖᓂᑎᒄ, ᐄᔥᐱᐦ ᐙᐃᐱᔥᒌᔥ ᑳ ᐙᒋ ᑖᔮᐦᒡ ᐊᓂᑎᐦ ᐋᐦ ᑖᔮᒄ ᓈᔥᑖᑆᐦ ᒌᐦ ᒋᔅᒌᑖᑎᓈᓐ ᑭᔮᐦ ᓲᐦᒃ ᓂᒌ ᑯᒋᐦᑖᓈᓐ ᒦᓐ ᒑ ᒌ ᐹᒋ ᓂᑎᐙᐱᒥᑖᐦᒡ᙮ ᐙᔥ ᓈᐦᐄᔨᐤ ᓂᒌᐦ ᐄᒑᓂᑭᐎᓈᓐ ᐊᓂᑎᐦ ᐋᐦ ᑖᔮᒄ᙮

ᓃᔥᑎᒻ ᕞᓵᐧᓛᓃᔨᓐ 2:17 Iomraidhean Croise

ᒫᔪᐦᐧᑖᑦ ᓘᒃ 12:58

ᓈᐹᐤ ᒫᒃ ᒫᒥᔑᒥᔅᒃ ᒑᒀᔨᐤ ᐋ ᒌ ᐄᔑ ᐎᓂᑐᑎᒧᑦ, ᑐᑖᔅᑳ ᒫᒃ ᒑ ᒌ ᐄᑐᐦᑏᔅᒃ ᑎᐹᔅᑯᓂᒑᐅᑭᒥᑯᐦᒡ, ᒋᐱᐦ ᑯᒋᐦᐋᐤ ᐱᑎᒫ ᓃᔥᑎᒻ ᒑ ᒌ ᒥᔪ ᐊᔨᒥᐦᐄᑦ ᐋᑳ ᒑ ᒌ ᐄᑐᐦᑏᔅᒃ ᐊᓂᑖᐦ᙮ ᐋᑯᑖᐦ ᒫᒃ ᒑ ᒌ ᐅᐦᒋ ᒋᐱᐦᒋᐦᐄᑦ ᐊᓂᑖᐦ ᐋ ᐐᐦ ᐄᑐᐦᑏᔅᒃ᙮ ᐋᑳ ᒫᒃ ᑐᑎᒥᓈ ᐆ ᐋᒄ ᐊᓐ ᑳ ᑎᐹᔅᑯᓂᒑᑦ ᒑ ᐱᒋᔅᑎᓂᔅᒃ ᐊᓂᑖᐦ ᐄᔑ ᒋᐱᐦᐅᐙᔓᐤ ᐋᐦ ᑖᔨᒡ᙮ ᒑ ᒋᐱᐦᐆᔅᒡ ᐊᓂᒌ ᒋᐱᐦᐅᐙᔓᐎᒡ᙮

ᒫᔪᐦᐧᑖᑦ ᓘᒃ 22:15

ᒌᐦ ᐄᑖᐤ ᒫᒃ ᒌᓴᔅ, “ᓈᔥᑖᑆᐦ ᓂᒌ ᐱᑯᓵᔨᐦᑎᒥᐦᐄᑯᓐ ᒑ ᒌ ᐐᒋᒦᒋᓲᒥᑎᑯᒡ ᒥᔮᔥᑳᒑᐤ ᒥᑯᔖᓐ ᐋᔥᒄ ᐋᐦᐋᑳ ᐅᑎᐦᒋᐱᔨᐦᒡ ᒑ ᐄᔑ ᐙᐐᓯᒑᔨᐦᑎᒥᐦᐄᑭᐎᔮᓐ᙮

ᐋᐧᐹᔅᑎᓕᒡ 17:10

ᐐᐱᒡ ᒫᒃ ᐋᐦ ᐋᑎ ᑎᐱᔅᑳᔨᒡ, ᐊᓂᒌ ᑖᑆᔮᔨᐦᑖᒡ ᒌ ᐄᑎᔑᐦᐙᐅᒡ ᐊᓂᔮᔨᐤ ᑆᓪ ᑭᔮᐦ ᓵᐃᓕᔅᐦ ᐊᓂᑖᐦ ᐊᓂᔮᔨᐤ ᐃᐦᑖᐎᓂᔨᐤ ᐯᕆᔮ ᑳ ᐃᔑᓂᐦᑳᑖᔨᒡ᙮ ᐄᔥᐱᐦ ᒫᒃ ᑖᑯᔑᐦᒡ ᐊᓂᑖᐦ ᑏᐙᐦᒡ ᒌ ᐄᑐᐦᑖᐅᒡ ᒎᐄᔨᔨᐤ ᐅᑎᐦ ᐊᔨᒥᐦᐋᐅᑭᒥᑯᔨᒡ᙮

ᐧᕌᒥᓐ 1:13

ᒑ ᐐᐦ ᒋᔥᒋᓯᔮᒄ ᐆ ᓃᒋᔖᓂᑎᒄ᙮ ᔖᔥ ᒥᐦᒑᑣᐤ ᓂᒌ ᐎᔮᔨᐦᑖᓐ ᒑ ᒌ ᓂᑎᐙᐱᒥᑎᑯᒡ, ᒥᒄ ᒫᒃ ᒨᔥ ᒌᐦ ᑎᑯᓐ ᒑᒀᓐ ᐋ ᓂᑳᐦᐅᑯᔮᓐ᙮ ᐙᔥ ᓂᐱᑯᓵᔨᐦᑖᓐ ᑭᔮᐦ ᒌᔨᐙᐤ ᒑ ᒌ ᐐᒋᐦᐄᑎᑯᒡ ᒑ ᒌ ᑖᑆᐦᑎᒫᒄ ᒥᔻᒋᒧᐎᓐ ᒧᔮᒻ ᑳ ᐄᔑ ᐐᒋᐦᐄᒀᐤ ᑯᑎᑭᒡ ᐋᑳ ᑳ ᒎᐤ ᐄᑎᔅᑳᓈᓯᒡ ᒑ ᒌ ᑖᑆᐦᑎᐦᒡ᙮

ᐧᕌᒥᓐ 15:23

ᓂᒧᐃ ᒫᒃ ᐋᒄ ᑎᑯᓐ ᓂᑎᐋᐱᑎᓰᐎᓐ ᐅᑖᐦ ᑭᔮᐦ ᒫᒃ ᔖᔥ ᒥᐦᒑᑐ ᐱᐳᓐ ᑳ ᐐᐦ ᒧᐎᑎᐦᑎᑎᑯᒡ᙮

ᓃᔥᑎᒻ ᑯᕆᓐᕠᔨᓐ 5:3

ᐋᐦᐋᑦ ᐋᔥᒄ ᐋᑳ ᑖᔮᓐ ᓈᑖᐦ ᐋᐦ ᑖᔮᒄ, ᓈᔥᒡ ᒋᔥᒌᑖᑎᓈᐙᐤ ᒧᔮᒻ ᔖᔥ ᐋᐦ ᑖᔮᓐ ᓈᑖᐦ ᐋᐦ ᑖᔮᒄ ᐋᐅᒄ ᐋ ᐄᑖᔨᐦᑎᒫᓐ᙮ ᔖᔥ ᒫᒃ ᓂᒌ ᐎᔮᔨᐦᑖᓐ ᑖᓐ ᒑ ᑐᑎᐙᑭᓄᑯᐱᓈ ᐊᓐ ᓈᐹᐤ ᐅᔮᔨᐤ ᑳᐦ ᑎᒃ,

ᑯᐧᓛᓯᔨᓐ 2:5

ᒨᔥ ᒋᒋᔥᒌᑖᑎᓈᐙᐤ ᐋᐦ ᐋᑦ ᐋᑳ ᑖᔮᓐ ᐊᓂᑎᐦ ᐋᐦ ᑖᔮᒄ᙮ ᓂᓯᒋᔮᓯᓐ ᑭᔮᐦ ᐋ ᐙᐱᐦᑎᒫᓐ ᑖᓐ ᐋ ᐃᔥᐱᔥ ᓲᐦᒃ ᐄᑖᔨᐦᑎᒫᒄ ᒫᒨ ᐋ ᑖᑆᔮᔨᒫᒄ ᙭᙮

ᓃᔥᑎᒻ ᕞᓵᐧᓛᓃᔨᓐ 3:6

ᐋᒄ ᒫᒃ ᐋ ᒌ ᐹᒋ ᑎᑯᔑᐦᒃ ᑎᒧᕢ ᐊᓂᑖᐦ ᐋᐦᑖᐙᒄ ᐋ ᐅᐦᑐᐦᑖᑦ ᑭᔮᐦ ᒫᒃ ᐋ ᒌ ᒥᔪ ᐋᔨᒨᑎᒧᔨᒥᐦᑦ ᒋᑖᑆᔮᔨᐦᑎᒧᐎᓂᐙᔨᐤ ᑭᔮᐦ ᒌ ᓵᒋᐦᐄᐙᐎᓂᐙᔨᐤ, ᐋᔨᐤᐦ ᓂᒌ ᐐᐦᑎᒫᑯᓈᓐ ᒨᔥ ᐋ ᒥᔪ ᒋᔥᒋᓯᑐᑎᐎᔮᐦᒡ ᑭᔮᐦ ᓈᔥᒡ ᐋ ᐐᐦ ᐙᐱᒥᔮᐦᒡ ᒧᔮᒻ ᓃᔮᓐ ᐙᔥᐱᔥ ᐐᐦ ᐙᐱᒥᑖᐦᒡ᙮