ᓃᔥᑎᒻ ᕞᓵᐧᓛᓃᔨᓐ 2:10 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁰ ᒋᔖᒥᓂᑑ ᒋᔅᒑᔨᐦᑎᒻ ᑭᔮᐦ ᒫᒃ ᒌᔨᐙᐤ ᒋᒋᔅᒑᔨᐦᑖᓈᐙᐤ ᑖᓐ ᑳ ᐄᔑ ᐱᔮᐦᒋ ᐱᒫᑎᓰᔮᐦᒡ, ᑖᓐ ᑳ ᐄᔑ ᑯᐃᔅᑯᑖᑎᓯᔮᐦᒡ ᑭᔮᐦ ᐋᐦᐋᑳ ᐅᐦᒋ ᑎᑯᐦᒡ ᒑ ᒌ ᐄᔑ ᐋᑖᒫᔨᐦᑖᑯᓯᔮᐦᒡ ᒑ ᒌ ᒥᒋᐱᒫᑎᓰᔮᐦᒡ ᒫᒀᒡ ᐊᓂᑎᐦ ᒌᔨᐙᐤ ᑳ ᑖᑆᐦᑎᒫᒄ ᒥᔻᒋᒧᐎᓐ ᐋᐦ ᑖᔮᒄ ᑳ ᑖᔮᐦᒡ᙮

ᓃᔥᑎᒻ ᕞᓵᐧᓛᓃᔨᓐ 2:10 Iomraidhean Croise

ᒫᔪᐦᐧᑖᑦ ᓘᒃ 23:41

ᒌᔮᓂᐤ ᒫᒃ ᐃᓯᓈᑯᓐ ᒑ ᒌ ᒌᔅᑖᔅᑯᐦᐅᑭᐎᔨᐦᒄ ᑖᓐ ᑳ ᐄᔑ ᒥᒋᐦᑐᑎᒥᐦᒄ᙮ ᐆ ᒫᒃ ᓈᐹᐤ ᓂᒧᐃ ᐅᐦᒋ ᒥᒋᐦᑐᑎᒻ᙮”

ᐋᐧᐹᔅᑎᓕᒡ 20:18

ᐄᔥᐱᐦ ᒫᒃ ᑳ ᑎᑯᔑᓃᔨᒡ ᐋᒄ ᑳ ᐊᔨᒥᐦᐋᑦ᙮ ᒌᐦ ᐄᑖᐤ, “ᒋᒋᔅᒑᔨᐦᑖᓈᐙᐤ ᑖᓐ ᑳ ᐄᔑ ᐱᒫᑎᓰᔮᓐ ᑳ ᐃᔥᐱᔒ ᑖᔮᓐ ᐅᑖᐦ ᐋᐃᔖ ᐊᔅᒌᐦᒡ ᐲᐦᐃᒻ ᑳ ᒋᔅᑐᐦᑖᔮᓐ᙮

ᐋᐧᐹᔅᑎᓕᒡ 20:26

ᐋᐅᒄ ᒫᒃ ᐆ ᐙᐦᒋ ᑯᐃᔅᒄ ᐐᐦᑎᒫᑎᑯᒡ ᐆ ᐊᓅᐦᒡ ᑳᔑᑳᒡ ᓂᒧᐃ ᓃᔨ ᓂᑭ ᐅᐦᒋ ᐊᑖᒫᔨᐦᑖᑯᓯᓐ ᐋᑳ ᒌ ᐱᒫᒋᐦᐆᒑ ᐊᐙᓐ ᐅᑎᐦ ᐋ ᑎᔑᔮᒄ᙮

ᐋᐧᐹᔅᑎᓕᒡ 24:16

ᓲᐦᒃ ᓂᑭ ᐙᓰᐹᔨᒥᓲᓐ ᐋᑳ ᒑ ᒌ ᒫᔮᔨᒥᒃ ᒋᔖᒥᓂᑑ ᑭᔮᐦ ᒫᒃ ᐄᔨᔨᐅᒡ ᒑ ᒌ ᐅᐦᒋ ᒑᔥᑎᓈᐦᐅᔮᓐ ᑯᐃᔅᒄ ᐋᐦ ᑎᔮᓐ᙮”

ᓃᔓ ᑯᕆᓐᕠᔨᓐ 1:12

ᒫᐤ ᒫᒃ ᐋ ᐄᔑ ᒫᒥᐦᑖᑯᓯᔮᐦᒡ, ᓂᒑᔥᑎᓈᐦᐅᓈᓐ ᒨᔥ ᑯᐃᔅᒄ ᐋ ᒌᐦ ᑎᔮᐦᒡ ᑖᓂᑖᐦ ᒥᒄ ᑳᐦ ᐋᑎ ᐋᐦ ᑖᔮᐦᒡ, ᐊᑎᑎᐤ ᒫᒃ ᒫᒀᒡ ᐊᓂᑖᐦ ᐋᐦ ᑖᔮᒄ ᑳᐦ ᑖᔮᐦᒡ᙮ ᑭᔮᐦ ᒫᒃ ᐋ ᒌ ᑖᑆᐅᒑᔨᐦᑖᑯᓯᔮᐦᒡ ᒋᔖᒥᓂᑑ ᐅᐦᒋ᙮ ᒋᔖᒥᓂᑑ ᓂᒌ ᒥᔨᑯᓈᓐ ᐅᒥᔪᐦᑳᒑᐎᓐ ᐆ ᒑ ᒌᐦ ᑎᔮᐦᒡ᙮ ᓂᒧᐃ ᐋᔅᒋᐦᒡ ᑭᒑᐦᑖᐙᔨᐦᑎᒧᐎᓈᐦᒡ ᐅᐦᒋᐱᔨᐤ᙮

ᓃᔓ ᑯᕆᓐᕠᔨᓐ 11:11

ᒋᑎ ᐄᑖᔨᐦᑖᓈᐙᐤ ᐋᐦ ᐋᐦᐋᑳ ᓵᒋᐦᐄᑎᑯᒡ ᐙᐦᒋ ᐃᔮᓐ ᐆ? ᒋᔖᒥᓂᑑ ᒋᔅᒑᔨᐦᑎᒻ ᑖᑆᐦ ᐋ ᓵᒋᐦᐄᑎᑯᒡ᙮

ᓃᔓ ᑯᕆᓐᕠᔨᓐ 11:31

ᒋᔖᒥᓂᑑ ᒋᑎᐹᔨᐦᒋᒑᓰᒥᓂᐤ ᒌᓴᔅ ᐅᐦᑖᐐᐦ ᒋᔅᒑᔨᐦᑎᒻ ᐋᐦᐋᑳ ᓂᓂᑎᔨᐎᒡ᙮ ᐐᔨ ᑳᒋᒡ ᑭᑎ ᒫᒥᐦᒋᒫᑭᓂᐤ᙮

ᓃᔓ ᑯᕆᓐᕠᔨᓐ 4:2

ᒥᒄ ᒫᒃ ᓂᒧᐃ ᓂᑐᑖᓈᓐ ᒑᒀᓐ ᒌᒧᒡ ᑭᔮᐦ ᐋᐆᐙᓂᐦᑎᒌᐦᐄᐙᒡ᙮ ᓂᒧᐃ ᓂᐐᐦ ᐎᓂᒨᔮᓈᓐ ᐊᐙᓐ᙮ ᓂᒧᐃ ᓂᐐᐦ ᐋᐦᒋᑖᓈᓐ ᒋᔖᒥᓂᑑ ᐅᑎᔨᒧᐎᓐᐦ, ᑯᐃᔅᒄ ᓂᐐᐦᑎᒧᐙᓈᓐ ᒥᓯᐙ ᐊᐙᓐ ᑖᑆᐎᓂᔨᐤ, ᐋᒄ ᒫᒃ ᒑ ᒋᔅᒑᔨᐦᑎᐦᒃ ᑖᑆᐦ ᒑ ᒌ ᑖᑆᐦᑎᐦᒃ ᑖᓐ ᐋ ᐄᔑ ᐙᐐᐦᑎᒧᒋᐦᑦ᙮ ᓂᒋᔅᒑᔨᒥᑯᓈᓐ ᒫᒃ ᒋᔖᒥᓂᑑ ᐋ ᑖᑆᐎᒋᐦᑦ᙮

ᓃᔓ ᑯᕆᓐᕠᔨᓐ 5:11

ᐋ ᒋᔅᒑᔨᐦᑎᒫᐦᒡ ᒫᒃ ᐊᐦᑎᑯᓃᔨᒡ ᒑᒀᔨᐤ ᒑ ᒌ ᐅᐦᒋ ᓈᔥᒡ ᒋᔅᑖᔨᒫᐦᒄ ᑎᐹᔨᐦᒋᒑᓯᐤ ᐊᓐ ᒑ ᑎᐹᔅᑯᓂᑎᐦᒄ ᐋᔪᐎᒄ ᐙᐦᒋ ᐐᐦ ᔑᐦᑯᒋᒥᐦᒋᒡ ᐄᔨᔨᐅᒡ ᒑ ᒌ ᑖᑆᐦᑎᐦᒡ ᐋ ᑖᑆᒥᑭᓃᔨᒡ ᐋ ᐄᔑ ᐋᔨᒨᑎᒧᒋᐦᒡ ᑎᐹᔨᐦᒋᒑᓯᐤ᙮ ᐙᔥ ᒥᑐᓐ ᓂᒋᔅᒑᔨᒥᑯᓈᓐ ᒋᔖᒥᓂᑑ ᑖᓐ ᐋᔨᑖᔨᐦᑖᑯᓱᐎᒋᐦᑦ᙮ ᓂᐱᑯᓵᔨᐦᑖᓈᓐ ᒫᒃ ᑭᔮᐦ ᒌᔨᐙᐤ ᒑ ᒌ ᒋᔅᒑᔨᒥᔮᐦᒡ ᑖᓐ ᓂᐦᐋᐤ ᐋᑖᔨᐦᑖᑯᓯᔮᐦᒡ᙮

ᓃᔓ ᑯᕆᓐᕠᔨᓐ 7:2

ᐊᑳᐐ ᐄᒑᓂᓈᓐ᙮ ᑖᐹ ᓅᐦᒋ ᐎᓂᑐᑎᐙᓈᓐ ᐊᐙᓐ᙮ ᓂᒧᐃ ᓅᐦᒋ ᓂᔑᐎᓈᒋᐦᐋᓈᓐ ᐊᐙᓐ ᑭᔮᐦ ᓂᒧᐃ ᓅᐦᒋ ᐎᓂᐱᔨᐦᐋᓈᓐ ᐊᐙᓐ᙮

ᓃᔥᑎᒻ ᕞᓵᐧᓛᓃᔨᓐ 1:5

ᐄᔥᐱᐦ ᑳ ᐙᐐᐦᑎᒫᑖᐦᒡ ᒥᔻᒋᒧᐎᓐ ᓂᒧᐃ ᒥᒄ ᓅᐦᒋ ᐊᔨᒥᓈᓐ ᒥᒄ ᒫᒃ ᐋᔨᐤᐦ ᒋᒌ ᐙᐱᐦᑖᓈᐙᐤ ᓲᐦᑳᑎᓰᐎᓐ ᑳ ᐱᔮᐦᒋᓰᑦ ᐊᐦᒑᐦᒄ ᐅᐦᒋ᙮ ᑭᔮᐦ ᒫᒃ ᐋᐅᒄ ᐊᓐ ᑳᐦᑐᑖᑖᒄ ᒥᑐᓐ ᒑ ᒌ ᑖᑆᐦᑎᒫᒄ ᐋ ᑖᑆᒥᑭᐦᒡ ᑖᓐ ᑳ ᐄᔑ ᐐᐦᑎᒫᑖᐦᒡ᙮ ᒋᒌ ᒋᔅᒑᔨᒥᓈᓐ ᑖᓐ ᑳ ᐄᑖᔨᑖᑯᓯᔮᐦᒡ ᐊᓂᑎᐦ ᐋᐦ ᑖᔮᒄ ᑳ ᑖᔮᐦᒡ ᐊᓂᑎᐦ ᐋ ᒌ ᐐᐦ ᐅᐦᒋ ᐐᒋᐦᐄᑖᐦᒡ᙮

ᓃᔥᑎᒻ ᕞᓵᐧᓛᓃᔨᓐ 2:5

ᒋᒌ ᐊᔨᒥᐦᐄᑎᓈᓐ ᐋᐦᐋᑳ ᐐᐦ ᒥᒧᔅᑖᓂᐦᑖᑰᐦᐆᔮᐦᒡ ᑭᔮᐦ ᐋᐦᐋᑳ ᐅᐦᒋ ᐱᑯᓵᔨᐦᑎᒥᑖᒡ ᒦᔥᑯᒡ ᒑᒀᓐ᙮ ᒌᔨᐙᐤ ᑎᐱᔨᐙ ᒋᒋᔅᒑᔨᐦᑖᓈᐙᐤ ᐆ᙮ ᒋᔖᒥᓂᑑ ᒋᔅᒑᔨᐦᑎᒻ ᐋ ᑖᑆᔮᐦᒡ ᐆ ᑳ ᐃᔮᐦᒡ᙮

ᓃᔓ ᕞᓵᐧᓛᓃᔨᓐ 3:7

ᒋᒋᔅᒑᔨᐦᑖᓈᐙᐤ ᑭᔮᐦ ᒋᐱᐦ ᐐᐦ ᐄᔑ ᐱᒫᑎᓰᓈᐙᐤ ᐋᓐ ᑳ ᐄᔑ ᐙᐱᒥᔮᐦᒡ ᐋᐦ ᑎᔮᐦᒡ᙮ ᓂᒧᐃ ᓅᐦᒋ ᒋᐦᑎᒥᓈᓐ᙮

ᓃᔥᑎᒻ ᑎᒧᕢ 4:12

ᐊᑳᐐ ᒋᑭ ᐅᐦᒋ ᐃᔮᑐᐦᐄᑯᒡ ᐄᔨᔨᐅᒡ ᐊᓂᔮᔨᐤ ᐋ ᐅᔅᒋᓃᒌᐎᑦ᙮ ᒥᒄ ᐄᔑ ᐱᒫᑎᓰᐦ ᐊᓂᑎᐦ ᒑ ᒌ ᐅᐦᒋ ᒋᔅᒋᓄᐙᐱᐦᑎᐦᒡ ᒋᐱᒫᑎᓰᐎᓂᔨᐤ ᐊᓂᒌ ᑳ ᑖᑆᐦᑎᐦᒡ, ᑭᔮᐦ ᑖᓐ ᐋ ᐃᑎᐦᑖᑯᓃᔨᒡ ᒋᑎᔨᒧᐎᓂᔨᐤ, ᑭᔮᐦ ᑖᓐ ᐋ ᐃᓯᓈᑯᐦᒡ ᒋᐱᒫᑎᓰᐎᓂᔨᐤ ᑭᔮᐦ ᑖᓐ ᐋ ᐄᔑ ᓵᒋᐦᐄᐙᔨᓐ ᑭᔮᐦ ᒫᒃ ᐋ ᐄᔑ ᑖᑆᐦᑎᒥᓐ ᑭᔮᐦ ᑖᓐ ᐋ ᐄᔑ ᐱᔮᐦᒋᓯᔨᓐ᙮

ᓃᔓ ᑎᒧᕢ 3:10

ᒌᔨ ᒫᒃ ᑎᒧᕢ ᓂᒑᔥᑎᓈᐦᐅᓐ ᒑ ᓅᔔᔥᑭᒥᓐ ᓂᒋᔅᑯᑎᒫᒑᐎᓐ, ᑭᔮᐦ ᑳ ᐄᔑ ᐱᒫᑎᓰᔮᓐ, ᑭᔮᐦ ᓂᑎᐄᑖᔨᐦᑎᒧᐎᓐ᙮ ᒋᒌ ᐙᐱᐦᑖᓐ ᑖᓐ ᑳ ᐄᔑ ᑖᑆᐦᑎᒫᓐ, ᑖᓐ ᑳ ᐄᔑ ᓰᐱᔨᐙᓯᔮᓐ, ᑭᔮᐦ ᓂᓵᒋᐦᐄᐙᐎᓐ, ᑭᔮᐦ ᒋᒌ ᐙᐱᐦᑖᓐ ᑖᓐ ᑳ ᐄᔑ ᓲᐦᒑᐋᐦᔨᑖᑯᓯᔮᓐ ᑖᓐ ᑳ ᐄᔑ ᓂᓈᐦᑭᐤ ᓂᒋᔥᑭᒫᓐ᙮

ᓃᔥᑎᒻ ᐲᑎᕐ 5:3

ᐊᑳᐐ ᓈᔥᒡ ᐐᐦ ᑖᐱ ᐅᒋᒫᐦᑭᐦᑎᐙᑯᒡ ᐊᓂᒌ ᑳ ᒥᔨᑯᐎᔮᒄ ᒑ ᒌ ᓃᑳᓂᔥᑯᐙᑯᒡ ᑭᔮᐦ ᒫᒃ ᐋᑯᔥ ᐊᐅᔅᑖ ᐐᐦ ᒥᔪᑐᑎᐙᐦᑯᒡ ᒑ ᑎᑯᓃᔨᒡ ᒫᒃ ᐊᓂᑎᐦ ᒑ ᒌ ᐅᐦᒋ ᒋᔅᒋᓄᐙᐱᒥᑖᑯᒡ᙮