ᓃᔥᑎᒻ ᕞᓵᐧᓛᓃᔨᓐ 1:7 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁷ ᐋᒄ ᒫᒃ ᐊᓐ ᑳ ᐄᔑ ᐱᒫᑎᓰᔮᒄ ᒥᓯᐙ ᐊᓂᒌ ᑳ ᑖᑆᐦᑎᐦᒡ ᐊᓂᑖᐦ ᒫᓯᑐᓂᔮ ᑭᔮᐦ ᒫᒃ ᐊᑫᔮ ᑳ ᐅᐦᒌᒡ ᒋᒌ ᒋᔅᒋᓄᐙᐱᒥᑯᐙᐅᒡ ᑖᓐ ᐋᑖᔨᐦᑖᑯᓱᐙᒄ᙮

ᓃᔥᑎᒻ ᕞᓵᐧᓛᓃᔨᓐ 1:7 Iomraidhean Croise

ᐋᐧᐹᔅᑎᓕᒡ 1:13

ᐄᔥᐱᐦ ᒫᒃ ᑖᑯᔑᐦᒡ ᐊᓂᑖᐦ ᒋᕉᓯᓕᒥᐦᒡ ᒌ ᐲᐦᒑᐅᒡ ᐊᓂᔮᔨᐤ ᐙᔅᑳᐦᐄᑭᓂᔨᐤ ᒑ ᑖᒡ᙮ ᒌᐦ ᑎᑯᓂᔨᐤ ᐋ ᐱᔅᒋᓵᔨᒡ ᐃᔥᐱᒥᐦᒡ ᐊᓂᑖᐦ ᐊᓂᔮᔨᐤ ᐙᔅᑳᐦᐄᑭᓂᔨᐤ᙮ ᐋᑯᑖᐦ ᑳ ᐄᔑ ᑯᔥᐹᐦᑎᐐᒡ᙮ ᐋᐅᑯᓂᒡ ᐅᒌ ᑳᐦ ᑖᒡ, ᓵᐃᒥᓐ ᐲᑎᕐ, ᒞᓐ, ᒉᒥᔅ, ᐋᓐᑎᕉ, ᕕᓕᑉ, ᑣᒥᔅ, ᐹᕐᐧᕧᓚᒥᔪ, ᒫᕠᔫ, ᒉᒥᔅ ᐊᓪᕕᔮᔅ ᐅᑯᓯᔅᐦ, ᓵᐃᒥᓐ ᓈᔥᒡ ᑳ ᐊᔨᒥᐦᐋᐙᑎᓰᑦ ᑳ ᐃᔑᓂᐦᑳᑖᑭᓅᑦ, ᑭᔮᐦ ᒍᑖᔅ, ᒉᒥᔅ ᐅᑯᓯᔅᐦ᙮

ᐋᐧᐹᔅᑎᓕᒡ 16:12

ᐋᑯᑖᐦ ᐊᓂᑎᐦ ᑳ ᐅᐦᒋ ᐱᒧᐦᑖᔮᐦᒡ ᐊᓂᑖᐦ ᐋᐦ ᐄᑐᐦᑖᔮᐦᒡ ᕕᓕᐹᐃᐦᒡ ᐊᓐ ᑳ ᒥᔖᒡ ᐃᐦᑖᐎᓐ ᐊᓂᑖᐦ ᒫᓯᑐᓂᔮ ᐊᔅᒌᐦᒡ ᑳᐦ ᑎᑯᐦᒡ, ᕎᒻ ᐄᔨᔨᐅᒡ ᒌ ᑎᐹᔨᐦᑎᒧᒡ ᐊᓂᔮᔨᐤ ᐃᐦᑖᐎᓂᔨᐤ᙮ ᐙᐃᐱᔥᒌᔥ ᓂᒌᐦᑖᓈᓐ ᐊᓂᑎᐦ᙮

ᐋᐧᐹᔅᑎᓕᒡ 18:1

ᐹᑎᒫ ᒫᒃ ᒌ ᒋᔅᑐᐦᑖᐤ ᑆᓪ ᐊᓂᑎᐦ ᐅᐦᒋ ᐋᕞᓐᓯᐦᒡ ᐃᐦᑖᐎᓂᐦᒡ, ᐋᒄ ᐊᓂᑖᐦ ᒀᕆᓐᑦ ᑳ ᐄᑐᐦᑖᑦ᙮

ᐋᐧᐹᔅᑎᓕᒡ 18:12

ᐄᔥᐱᐦ ᒫᒃ ᑳᓕᐤ ᕎᒻ ᑳ ᐅᒋᒫᐦᑳᓅᑦ ᐊᓂᑖᐦ ᐊᑫᔮ ᑳ ᐃᔑᓂᐦᑳᑖᔨᒡ ᐊᔅᒌᔨᐤ, ᐊᓂᒌ ᒎᐤ ᐄᔨᔨᐅᒡ ᒫᒨ ᒌ ᓂᔥᑐᐎᒡ ᐋᒄ ᑳ ᐅᑎᓈᒡᐦ ᑆᓪ ᑳ ᐄᑐᐦᑎᐦᐋᒡ ᐊᓂᑖᐦ ᑎᐹᔅᑯᓂᒑᐅᑭᒥᑯᐦᒡ᙮

ᐋᐧᐹᔅᑎᓕᒡ 19:21

ᐄᔥᐱᐦ ᒫᒃ ᑳ ᒌᔑᐱᔨᐦᒡ ᐅᔮᔨᐤᐦ ᒑᒀᔨᐤᐦ ᑆᓪ ᒌ ᐄᑖᔨᐦᑎᒻ ᑳᐤ ᒑ ᒌ ᐄᑐᐦᑖᑦ ᐊᓂᑖᐦ ᒫᓯᑐᓂᔮ ᑭᔮᐦ ᐊᑫᔮ ᐊᔅᒌᐦᒡ, ᐋᒄ ᒫᒃ ᒦᓐ ᐊᓂᑖᐦ ᒋᕉᓯᓕᒥᐦᒡ ᐄᑖᐦᒑ ᒑ ᒌ ᐄᑐᐦᑖᑦ᙮ ᑆᓪ ᑳᐦ ᐃᔨᑦ “ᐄᔥᐱᐦ ᒌ ᐄᑐᐦᑖᔮᓈ ᐊᓂᑖᐦ ᒋᕉᓯᓕᒥᐦᒡ, ᐋᒄ ᕎᒥᐦᒡ ᑭᔮᐦ ᔮᔨᑖᐃ ᒑ ᐄᑐᐦᑖᔮᓐ᙮”

ᐧᕌᒥᓐ 15:26

ᐊᓂᒌ ᑳ ᑖᑆᔮᔨᐦᑎᐦᒡ ᒫᓯᑐᓂᔮᐦᒡ ᑭᔮᐦ ᐊᑳᔮᐦᒡ ᑳ ᐃᔑᓂᐦᑳᑖᔨᒡ ᐊᔅᒌ ᑳᐦ ᑖᒡ ᒌ ᐄᑖᔨᐦᑎᒧᒡ ᒑ ᒌ ᓂᔅᑑᓈᒡ ᔓᐎᔮᓐ ᐋ ᐐᐦ ᐐᒋᐦᐋᒡ ᑳ ᑖᑆᔮᔨᐦᑎᒥᔨᒡ ᐊᓂᑖᐦ ᒋᕉᓯᓕᒥᐦᒡ ᑳᐦ ᑖᔨᒡ ᑳ ᒋᔅᑎᒫᑎᓰᔨᒡ᙮

ᓃᔓ ᑯᕆᓐᕠᔨᓐ 1:1

ᓃᔨ ᑆᓪ, ᙭ ᒌᓴᔅᐦ ᐅᑖᑆᔅᑎᓕᒻ ᐐᔨ ᒋᔖᒥᓂᑑ ᑳ ᐅᐙᔮᐱᒥᑦ ᒑ ᒌ ᐄᑖᐱᑎᓯᐎᒡ ᐅᔮᔨᐤ᙮ ᒌᒋᔖᓂᐤ ᑎᒧᕢ ᑖᐱᔥᑯᓐ ᒋᒥᓯᓂᐦᐋᒫᑎᓈᓐ᙮ ᒌᔨᐙᐤ ᒋᔖᒥᓂᑑ ᐋᐦ ᑖᑦ ᑳ ᐄᔑ ᒫᒨᐊᔨᒥᐦᐋᔮᒄ ᐊᓂᑖᐦ ᒀᕆᓐᑦ ᐃᐦᑖᐎᓐ ᑳᐦ ᑖᔮᒄ ᐊᓂᑖᐦ ᒫᒃ ᑭᔮᐦ ᐊᓐ ᐊᐃᔅᐱᓵᒡ ᐊᑫᔮ ᐊᔅᒌᔨᐤ ᑳᐦ ᑖᒡ ᒥᓯᐙ ᐊᓂᒌ ᑳ ᑖᑆᐦᑎᐦᒡ ᓂᒥᓯᓂᐦᐋᒧᐙᓈᓂᒡ᙮

ᓃᔓ ᑯᕆᓐᕠᔨᓐ 9:2

ᒋᒋᔅᒑᔨᒥᑎᓈᐙᐤ ᑭᔨᑆ ᓈᔥᒡ ᐋᐦ ᐋᔑᐦᒑᔨᐦᑎᒫᒄ ᒑ ᒌ ᐄᒋᐦᐋᑯᒡ᙮ ᒋᒌ ᐋᔨᒨᒥᑎᓈᐙᐤ ᒫᒃ ᐊᓂᑖᐦ ᒫᓯᑐᓂᔮᐦᒡ ᑳᐦ ᐄᔨᑎᔨᒡ ᐊᓂᒌ ᐄᔨᔨᐅᒡ, “ᒌᒋᔖᓅᒡ, ᐊᑫᔮ ᑳ ᐃᔑᓂᐦᑳᑖᔨᒡ ᐊᔅᒌᔨᐤ ᑳᐦ ᑖᒡ, ᔖᔥ ᑆᐳᓃᔨᒡ ᒌ ᐃᔮᔅᑭᐎᔪᒡ ᒑ ᒌ ᐱᒋᔅᑎᓂᒑᒡ ᔓᐎᔮᓐ,” ᓂᒌᐦ ᐄᑖᐅᒡ᙮ ᑳ ᐹᐦᑎᐦᒡ ᐅᔮᔨᐤ ᓈᔥᒡ ᒌ ᐄᑖᔨᐦᑎᒧᒡ ᑭᔮᐦ ᐐᔨᐙᐤ ᒑ ᒌ ᐱᒋᔅᑎᓂᒑᒡ᙮

ᓃᔥᑎᒻ ᕞᓵᐧᓛᓃᔨᓐ 1:8

ᐊᓐ ᒫᒃ ᑳ ᐙᐐᐦᑎᒫᒄ ᑎᐹᔨᐦᒋᒑᓯᐤ ᐅᒥᔻᒋᒧᐎᓐ ᓂᒧᐃ ᒥᒄ ᐊᓂᑖᐦ ᒫᓯᑐᓂᔮᐦᒡ ᑭᔮᐦ ᒫᒃ ᐊᑫᔮᐦᒡ ᑰᐦᒋ ᐹᐦᑖᑯᐦᑖᓈᐙᐤ, ᒥᔑᐦᑖ ᒌ ᐹᐦᑖᑯᓐ ᐋ ᑖᑆᔮᔨᒫᒄ ᒋᔖᒥᓂᑑ᙮ ᓂᒧᐃ ᒫᒃ ᓂᑎᐙᔨᐦᑖᑯᓐ ᒑ ᒌ ᐋᔨᒨᑎᒧᒋᐦᒡ ᐄᔨᔨᐅᒡ ᐙᔥ ᔖᔥ ᒋᔅᒑᔨᐦᑎᒨᒡ᙮

ᓃᔥᑎᒻ ᕞᓵᐧᓛᓃᔨᓐ 4:10

ᓈᔥᒡ ᒫᒃ ᑖᑆᐦ ᒋᓵᒋᐦᐋᐙᐅᒡ ᐊᓂᒌ ᒌᒋᔖᓂᐙᐅᒡ ᐊᓂᑖᐦ ᒥᓯᐙ ᒫᓯᑐᓂᔮ ᐊᔅᒌᐦᒡ ᑳᐦ ᑖᒡ᙮ ᐋᒄ ᒫᒃ ᓲᐦᒃ ᐊᔮᐱᒡ ᒋᐐᐦ ᐄᑎᑎᓈᓐ ᐊᔮᐱᒡ ᐊᑎᑎᐤ ᒑ ᒌ ᓵᒋᐦᐋᐦᑯᒡ᙮

ᓃᔥᑎᒻ ᑎᒧᕢ 4:12

ᐊᑳᐐ ᒋᑭ ᐅᐦᒋ ᐃᔮᑐᐦᐄᑯᒡ ᐄᔨᔨᐅᒡ ᐊᓂᔮᔨᐤ ᐋ ᐅᔅᒋᓃᒌᐎᑦ᙮ ᒥᒄ ᐄᔑ ᐱᒫᑎᓰᐦ ᐊᓂᑎᐦ ᒑ ᒌ ᐅᐦᒋ ᒋᔅᒋᓄᐙᐱᐦᑎᐦᒡ ᒋᐱᒫᑎᓰᐎᓂᔨᐤ ᐊᓂᒌ ᑳ ᑖᑆᐦᑎᐦᒡ, ᑭᔮᐦ ᑖᓐ ᐋ ᐃᑎᐦᑖᑯᓃᔨᒡ ᒋᑎᔨᒧᐎᓂᔨᐤ, ᑭᔮᐦ ᑖᓐ ᐋ ᐃᓯᓈᑯᐦᒡ ᒋᐱᒫᑎᓰᐎᓂᔨᐤ ᑭᔮᐦ ᑖᓐ ᐋ ᐄᔑ ᓵᒋᐦᐄᐙᔨᓐ ᑭᔮᐦ ᒫᒃ ᐋ ᐄᔑ ᑖᑆᐦᑎᒥᓐ ᑭᔮᐦ ᑖᓐ ᐋ ᐄᔑ ᐱᔮᐦᒋᓯᔨᓐ᙮

ᑖᐃᑎᔅ 2:7

ᒌᔨ ᒫᒃ ᑭᔮᐦ ᒋᐱᐦ ᐐᐦ ᐙᐱᐦᑎᔮᐅᒡ ᑖᓐ ᒑ ᐄᔑ ᒋᔅᒋᓄᐙᐱᒥᔅᒡ ᐋ ᒥᔪᑐᑎᒥᓐ ᒥᓯᐙ ᑖᓐ ᐋᑦ ᐋᔨᐦᑎᔨᓐ᙮ ᐋ ᒋᔅᑯᑎᒫᒑᔨᓐ ᑭᔮᐦ ᒋᐱᐦ ᓅᑯᐦᑖᓐ ᐋ ᐄᑆᐦᑳᔨᓐ ᑭᔮᐦ ᑯᐃᔅᒄ ᒋᐱᐦ ᐄᔑ ᒋᔅᑯᑎᒫᒑᓐ᙮

ᓃᔥᑎᒻ ᐲᑎᕐ 5:3

ᐊᑳᐐ ᓈᔥᒡ ᐐᐦ ᑖᐱ ᐅᒋᒫᐦᑭᐦᑎᐙᑯᒡ ᐊᓂᒌ ᑳ ᒥᔨᑯᐎᔮᒄ ᒑ ᒌ ᓃᑳᓂᔥᑯᐙᑯᒡ ᑭᔮᐦ ᒫᒃ ᐋᑯᔥ ᐊᐅᔅᑖ ᐐᐦ ᒥᔪᑐᑎᐙᐦᑯᒡ ᒑ ᑎᑯᓃᔨᒡ ᒫᒃ ᐊᓂᑎᐦ ᒑ ᒌ ᐅᐦᒋ ᒋᔅᒋᓄᐙᐱᒥᑖᑯᒡ᙮