ᓃᔥᑎᒻ ᐲᑎᕐ 4:17 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁷ ᐙᔥ ᔖᔥ ᐅᑎᐦᒋᐱᔨᐤ ᒑ ᑎᐹᔅᑯᓈᑦ ᒋᔖᒥᓂᑑ ᐅᑎᔨᔨᒻᐦ᙮ ᒥᔔ ᒫᒃ ᒌᔮᓂᐤ ᑳ ᑖᑆᐦᑎᒧᒄ ᓃᔥᑎᒻ ᒑ ᑎᐹᔅᑯᓂᑰᐦᒀ, ᐋ ᐄᔑ ᒫᐦ ᑭᑎ ᐃᓯᓈᑯᓯᐎᒡ ᐊᓂᒌ ᐋᑳ ᑳ ᐐᐦ ᓂᓂᐦᐄᐦᑎᒸᒡ ᒋᔖᒥᓂᑑ ᐅᒥᔻᒋᒧᐎᓂᔨᐤ᙮

ᓃᔥᑎᒻ ᐲᑎᕐ 4:17 Iomraidhean Croise

ᒫᔪᐦᐧᑖᑦ ᓘᒃ 23:31

ᐙᔥ ᐆ ᐋ ᐃᔥᐱᔥ ᑎᑯᐦᒡ ᓂᓈᐦᑳᑖᔨᒧᐎᓐ ᒫᒀᒡ ᐋ ᒋᑭᔅᑳᐦᑎᑯᐎᑦ ᒥᔥᑎᒄ ᑖᓐ ᒑ ᐃᔥᐱᔥ ᑎᑯᐦᒡ ᓂᓈᐦᑳᑖᔨᒧᐎᓐ ᐹᐦᑯᐦᑎᑰᒑ᙮” ᐋᔪᐎᒄ ᑳᐦ ᐄᑖᑦ ᒌᓴᔅ ᐊᓂᔮᔨᐤᐦ ᐃᔅᒀᐤᐦ ᑳ ᒨᔥᑭᐙᑎᑯᑦ᙮

ᐧᕌᒥᓐ 1:1

ᓃᔨ ᑆᓪ, ᒌᓴᔅ ᙭ ᐅᑖᐱᒋᐦᐋᑭᓐᐦ᙮ ᒋᔖᒥᓂᑑ ᓂᒌ ᐅᐙᔮᐱᒧᒄ ᐋᑆᔅᑎᓪ ᒑ ᒌᐦ ᑖᐅᒡ ᑭᔮᐦ ᒫᒃ ᐐᔨ ᓂᒌ ᑖᑆᑎᒄ ᒑ ᒌ ᐙᐐᐦᑎᒧᒡ ᐅᒥᔻᒋᒧᐎᓐ᙮

ᐧᕌᒥᓐ 2:9

ᒥᓯᐙ ᐊᓂᒌ ᑳ ᒥᒑᑎᓰᔨᒡ ᒥᔥᑏᐦ ᒋᑭ ᐅᑎᐦᑎᐦᐅᑯᒡ ᓂᓈᐦᑳᑖᔨᒧᐎᓂᔨᐤ ᑭᔮᐦ ᑭᑎ ᐱᑎᑯᔥᑳᑰᐎᒡ ᐋᔨᒫᔨᐦᑎᒧᐎᓂᔨᐤ᙮ ᐊᓂᒌ ᒎᐤ ᑳ ᐄᑎᔅᑳᓈᓯᒡ ᓃᔥᑎᒻ ᑭᑎ ᑎᐹᔅᑯᓈᑭᓂᐎᒡ ᐋᒄ ᒦᓐ ᐊᓂᒌ ᐋᑳ ᑳ ᒎᐤ ᐄᑎᔅᑳᓈᓯᒡ᙮

ᑳᓓᔑᔨᓐ 3:1

ᒌᔨᐙᐤ ᑳ ᑖᑆᐦᑎᒫᒄ ᑳᓓᓰᔮ ᐊᔅᒌᐦᒡ ᑳᐦ ᑖᔮᒄ ᓄᐎᒡ ᓂᒥ ᒋᑎᐄᑖᔨᐦᑎᓈᐙᐤ᙮ ᐊᐙᓐ ᐙᔥ ᑳ ᐄᔑ ᐃᔥᐱᔥ ᒥᔥᑏᐦ ᐎᓂᐱᔨᐦᐄᑖᒄ? ᓈᔥᒡ ᔮᒀᐦ ᒋᒌ ᐐᐦᑎᒫᑎᓈᐙᐤ ᒌᓴᔅ ᙭ ᐋ ᒌ ᒌᔅᑖᔅᑯᐦᐙᑭᓅᑦ ᐋᔑᑖᔮᐦᑎᑯᐦᒡ᙮

ᑳᓓᔑᔨᓐ 5:7

ᐊᓂᑖᐦ ᐹᒋ ᐅᑖᐦᒡ ᒋᒌ ᒥᔪᐲᓈᐙᐤ ᑳ ᐱᒫᑎᓰᔅᑎᐙᒄ ᑎᐹᔨᐦᒋᒑᓯᐤ᙮ ᐊᐙᓐ ᑳᐦᑐᑖᑖᒄ ᐋᑳ ᒑ ᒌ ᓂᓂᐦᐄᐦᑎᒫᒄ ᑖᑆᐎᓐ?

ᑳᓓᔑᔨᓐ 6:10

ᒥᒄ ᒫᒃ ᑖᓂᑖᐦ ᒥᒄ ᒑ ᒌ ᒥᔪᑐᑎᒧᐦᒀ ᐋᔪᐎᒄ ᒨᔥ ᒥᓯᐙ ᐊᐙᓐ ᒑ ᒌ ᐙᐐᒋᐦᐄᐦᒄ, ᐊᑎᑎᐤ ᒫᒃ ᐊᓂᒌ ᑳ ᑖᑆᔮᔨᒫᒡ ᒌᓴᔅᐦ ᒋᐱᐦ ᐐᐦ ᒥᔪᑐᑎᐙᓅᒡ᙮

ᓃᔓ ᕞᓵᐧᓛᓃᔨᓐ 1:8

ᐃᔥᑯᑖᔨᐤ ᐋ ᒀᑯᑎᐙᐱᔨᒡ ᒋᑭ ᐋᐱᒋᐦᑖᐤ ᒥᒫᑯᐦᐋᒑ ᐊᓂᔮᔨᐤ ᐋᑳ ᑳ ᒋᔅᒑᔨᒫᔨᒡ ᒋᔖᒥᓂᑑ ᑭᔮᐦ ᐊᓂᔮᔨᐤ ᐋᑳ ᑳ ᓂᓂᐦᐄᐦᑎᒥᔨᒡ ᒥᔻᒋᒧᐎᓂᔨᐤ ᐊᓂᑎᐦ ᐃᔮᔨᒧᒫᑭᓂᐎᔨᒡ ᑎᐹᔨᐦᒋᒑᓯᐤᐦ ᒌᓴᔅᐦ᙮

ᓃᔥᑎᒻ ᑎᒧᕢ 3:15

ᐋᑳ ᒫᒃ ᐐᐱᒡ ᑎᑯᔑᓂᔮᓈ, ᐆ ᑳ ᒥᓯᓂᐦᐋᒫᑖᓐ ᐋᐅᒄ ᐆ ᒑ ᐐᒋᐦᐄᑯᔨᓐ ᒑ ᒌ ᒋᔅᒑᔨᐦᑎᒥᓐ ᑖᓐ ᒋᐱᐦ ᐄᑖᔨᐦᑖᑯᓯᓈᓂᐤ ᐊᓂᑖᐦ ᐋ ᐄᔑ ᐹᔨᑯᑖᐅᓰᔨᐦᒄ ᒋᔖᒥᓂᑑ ᐋᐦ ᑖᑦ᙮ ᐙᔥ ᐆ ᐋ ᐄᔑ ᐹᔨᑯᑖᐅᓰᔨᐦᒄ ᐋᔪᐎᒄ ᐅᔮᔨᐤ ᐅᑎᔨᒥᐦᐋᐅᑭᒥᒄ ᐊᓐ ᑳ ᐱᒫᑎᓰᑦ ᒋᔖᒥᓂᑑ ᑭᔮᐦ ᐋᑯᑖᐦ ᐙᐦᒋ ᐋᔨᒋᑳᐳᐎᔨᐦᒄ ᑭᔮᐦ ᐋᔪᐎᒄ ᐙᐦᒋ ᔮᐄᑖᔨᐦᑖᑯᓰᔨᐦᒄ ᑖᑆᐎᓂᐦᒡ ᐄᔑ᙮

ᐦᐄᑉᕉ 11:8

ᐋᑉᕋᐦᐋᒻ ᒌ ᐃᔑᓂᐦᑳᓲ ᒦᓐ ᑯᑎᒃ ᓈᐹᐤ ᑭᔮᐦ ᐐᔨ ᒌ ᑖᑆᔮᔨᒫᐤ ᒋᔖᒥᓂᑑ᙮ ᐋᔪᐎᒄ ᐊᓂᔮᔨᐤ ᐙᐦᒋ ᓂᓂᐦᐄᐦᑎᐙᑦ ᐄᔥᐱᐦ ᑳ ᐐᓲᒥᑯᑦ ᐊᓂᑖᐦ ᒑ ᒌ ᐄᑐᐦᑖᑦ ᐊᓂᔮᔨᐤ ᐊᔅᒌᔨᐤ ᑳᐦ ᐄᑎᑯᑦ ᒋᔖᒥᓂᑑ ᒑ ᒥᔨᑯᑦ ᐐᔨ ᒑ ᒌ ᐃᔮᑦ᙮ ᐋᑉᕋᐦᐋᒻ ᒫᒃ ᒌ ᓂᓂᐦᐄᐦᑎᒻ, ᑏᐙᐦᒡ ᒌ ᒋᔅᑐᐦᑖᐤ ᐋᐦ ᐋᑦ ᐋᑳ ᐋᔥᒄ ᐅᐦᒋ ᒋᔅᒑᔨᐦᑎᐦᒃ ᑖᓂᑖᐦ ᓂᐦᐋᐤ ᒑ ᐄᑐᐦᑖᑯᐱᓈ᙮

ᐦᐄᑉᕉ 2:2

ᐙᔥ ᔮᐃᑖᐃ ᐋ ᓂᑎᐙᔨᐦᑖᑰᐦᓯᒡ ᐄᔨᔨᐅᒡ ᒑ ᒌ ᓂᓃᐦᑎᐦᒡ ᐊᓂᔮᔨᐤ ᐊᔨᒧᐎᓂᔨᐤ ᒋᔖᒥᓂᑑ ᑳ ᐹᒋ ᒥᔮᔨᒡ ᐋᓐᒋᓐᐦ ᐊᓂᑖᐦ ᐙᔥᑭᒡ ᑭᔮᐦ ᒫᒃ ᐊᓂᒌ ᐄᔨᔨᐅᒡ ᐋᑳ ᐙᐦᒋ ᐃᔮᐱᓯᑎᐦᒡ ᑭᔮᐦ ᒫᒃ ᐋᑳ ᐙᐦᒋ ᓂᓃᐦᑎᐦᒡ, ᐎᔮᔅ ᒌᐦ ᑐᑎᐙᑭᓂᐎᒡ ᑖᓐ ᑳ ᐄᔑ ᑖᐱᒑᔨᐦᑖᑯᓃᔨᒡ ᒑ ᒌᐦ ᑐᑎᐙᑭᓄᐙᑯᐱᓈ᙮

ᐦᐄᑉᕉ 2:4

ᒋᔖᒥᓂᑑ ᒫᒃ ᑭᔮᐦ ᐐᔨ ᒋᒌ ᐙᐱᐦᑎᔨᑯᓂᐤ ᐋ ᑖᑆᒥᑭᓃᔨᒡ ᐊᓂᔮᔨᐤ ᒥᔻᒋᒧᐎᓂᔨᐤ ᐋ ᒫᒥᔥᑳᒡ ᐋ ᐃᐦᑎᒃ ᑭᔮᐦ ᒫᒥᔥᑳᒡ ᐙᐱᐦᑏᐙᐎᓐ ᐋ ᐙᐱᐦᑏᐙᑦ ᑭᔮᐦ ᓂᓈᐦᑭᐤ ᐋ ᐄᔑ ᒫᒥᔥᑳᒡ ᑐᑎᒫᒑᑦ᙮ ᑭᔮᐦ ᒌ ᐙᐱᐦᑏᐙᐤ ᐋ ᑖᑆᒥᑭᓃᔨᒡ ᒥᔻᒋᒧᐎᓂᔨᐤ ᐊᓂᔮᔨᐤ ᐅᐦᒋ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ ᒑ ᒌ ᒥᔮᔨᒡ ᐊᐙᔨᐤᐦ ᓂᓈᐦᑭᐤ ᑭᔅᒋᐦᐅᐎᓐ, ᒋᔖᒥᓂᑑ ᐅᑎᑖᔨᐦᑎᒧᐎᓂᒡ ᐅᐦᒋ᙮

ᐦᐄᑉᕉ 3:6

᙭ ᒫᒃ ᐋᔪᐎᒄ ᒋᔖᒥᓂᑑ ᑳ ᑖᑆᐅᒑᔨᐦᑖᑰᓰᔨᒡ ᐅᑯᓯᔅᐦ, ᐋ ᓃᑳᓂᔅᑳᒸᑦ ᐅᐦᑖᐐᐦ ᐆ ᐙᔅᑳᐦᐄᑭᓂᒥᔨᐤ᙮ ᑭᔮᐦ ᒌᔮᓂᐤ ᒫᒃ ᐋᑯᑎᐦ ᐋᔅᑎᒋᐦᑖᑯᓰᔨᐦᒄ ᐊᓂᑎᐦ ᐅᑎᔨᔨᒻᐦ ᐋᐦ ᑖᔨᒡ ᐊᓂᑎᐦ ᐅᐙᔅᑳᐦᐄᑭᓂᒦᐦᒡ, ᓲᐦᒋᑖᐦᐋᔨᐦᒀ ᑖᑆᔮᔨᐦᑎᒧᐎᓂᐦᒡ ᑭᔮᐦ ᓲᐦᒃ ᒥᒫᒋᑯᓂᒧᐦᒀ ᑖᓐ ᐋ ᐄᔑ ᐊᔅᐹᔨᒧᔨᐦᒄ᙮

ᐦᐄᑉᕉ 5:9

ᐊᓂᔮᔨᐤ ᒫᒃ ᓈᔥᒡ ᑖᐱ ᑯᐃᔅᒄ ᐋ ᒌ ᓂᓃᐦᑎᐦᒃ ᒌᓴᔅ ᒑ ᒌ ᓂᓈᐦᑳᒋᐦᐋᑭᓅᑦ ᐋᑯᑖᐦ ᑳ ᐅᐦᒋ ᒥᔮᑭᓅᑦ ᑳᒋᒡ ᒑ ᒌ ᐱᒫᒋᐦᐋᑦ ᒥᓯᐙ ᐊᓂᔮᔨᐤ ᑳ ᓂᓃᐦᑖᑯᑦ,

ᓃᔥᑎᒻ ᐲᑎᕐ 2:5

ᒧᔮᒻ ᐋ ᐱᒫᑎᓰᔨᒡ ᐊᓯᓃᒡ ᒋᑎᓯᓈᑯᓯᓈᐙᐤ ᐊᓂᑎᐦ ᐙᐦᒋ ᐐᔨᑳᐳᐦᑖᑦ ᒋᔖᒥᓂᑑᐦ ᐅᐙᔅᑳᐦᐄᑭᓂᒻᐦ ᐋᐦᒑᐦᑯᐎᓂᒡ ᐊᓂᑎᐦ ᐋᐦ ᑖᑦ ᑳ ᐱᔮᐦᒋᓰᑦ ᐊᐦᒑᐦᒄ᙮ ᑭᔮᐦ ᒫᒃ ᒧᔮᒻ ᐊᔨᒥᐦᐋᐅᒋᒫᐅᒡ ᐋ ᐱᔮᐦᒋ ᐱᒫᑎᓰᔨᒡ ᒑ ᐄᔑ ᐱᒋᔅᑎᓂᒧᐙᒀ ᐋᐦᒑᐦᑯᐎᓂᒡ ᒑᒀᓐ ᒌᓴᔅ ᙭ ᐅᐦᒌ, ᒋᑭ ᓂᐦᐄᐙᐦᐄᑰ ᒋᔖᒥᓂᑑ᙮

ᓃᔥᑎᒻ ᐲᑎᕐ 2:8

ᐋᒄ ᒫᒃ ᒦᓐ ᐋᒀᑎᔥᑖᒡ, ᐆ ᐊᓯᓃ ᒋᑭ ᐱᔓᓯᒧᐙᐤ ᑭᔮᐦ ᐋᐅᒄ ᐆ ᑳ ᒥᐦᒑᐱᔅᒋᑦ ᐊᓯᓃ ᒑ ᐱᐦᒋᔑᒫᑦ ᐊᐙᔨᐤᐦ᙮ ᐱᔓᐦᐊᒫᐎᒡ ᐅᔮᔨᐤ ᐊᓯᓃ ᐙᔥ ᓂᒧᐃ ᐅᐦᒋ ᓂᓂᐦᐄᐦᑎᒸᐅᒡ ᒋᔖᒥᓂᑑ ᐅᑎᔨᒧᐎᓂᔨᐤᐦ, ᐙᔥ ᔖᔥ ᐋᔪᐎᒄ ᑳ ᐄᔑ ᐐᔅᑖᔨᒡ ᒑ ᐃᔅᐱᐦᐄᑯᒡ᙮