ᓃᔥᑎᒻ ᐲᑎᕐ 4:15 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹⁵ ᓂᓈᐦᑳᑖᔨᒨᓈ ᒫᒃ, ᐊᑳᐐ ᐊᓐ ᐅᐦᒋ ᐋ ᓂᐲᐦᐄᐙᔨᓐ ᑭᔮᐦ ᒫᒃ ᐊᑭᒑᒨᑏᓐ ᑭᔮᐦ ᒫᒃ ᑯᑎᒡ ᐋ ᐄᔑ ᒥᒋᐄᔨᔨᐐᔨᓐ, ᑭᔮᐦ ᒫᒃ ᐊᓐ ᐅᐦᒋ ᐋ ᒥᑯᔅᑳᒋᐦᐄᑣᐤ ᑯᑎᑭᒡ ᐄᔨᔨᐅᒡ᙮

ᓃᔥᑎᒻ ᐲᑎᕐ 4:15 Iomraidhean Croise

ᒫᔪᐦᐧᑖᑦ ᒫᕠᔫ 5:11

“ᒋᔑᐙᔨᐦᑖᑯᓯᓈᐙᐤ ᐋ ᒫᔮᔨᒥᑯᔮᒄ, ᑭᔮᐦ ᒫᒃ ᐋ ᓂᓈᐦᑳᒋᐦᐄᑯᐎᔮᒄ ᑭᔮᐦ ᐋ ᓂᓂᑐᔮᒋᒥᑯᔮᒄ ᐋ ᒥᒥᒑᒋᒥᑯᔮᒄ ᓃᔨ ᐅᐦᒋ ᐋ ᐹᒋ ᓅᔔᔥᑯᔮᒄ᙮

ᓃᔥᑎᒻ ᕞᓵᐧᓛᓃᔨᓐ 4:11

ᔖᔥ ᐅᑖᐦ ᐅᑖᐦᒡ ᒋᒌ ᐐᐦᑎᒫᑎᓈᓐ ᑖᓐ ᒋᐱᐦ ᑎᓈᐙᐤ, ᓲᐦᒃ ᑯᒋᐦᑖᒄ ᒑ ᒌ ᒋᔮᒫᐅᓯᔮᒄ᙮ ᐊᑳᐐ ᐅᑎᒫᐱᒫᐦᑯᒡ ᑖᓐ ᐋᐃᐦᑎᒡ ᑯᑎᑭᒡ ᐄᔨᔨᐅᒡ᙮ ᑭᔮᐦ ᒫᒃ ᓲᐦᒃ ᐋᐱᑎᓰᒄ᙮

ᓃᔓ ᕞᓵᐧᓛᓃᔨᓐ 3:11

ᐋᐅᒄ ᐆ ᐙᐦᒋ ᐄᑎᑖᐦᒡ ᐙᔥ ᓂᐹᐦᑖᓈᓐ ᐋᐦ ᑖᒡ ᐊᓂᑎᐦ ᐋᐦ ᑖᔮᒄ ᐱᔅᒡ ᐋᐦᐋᑳ ᒥᑐᓐ ᐎᔮᔥ ᐄᑖᐱᑎᓰᔨᒡ ᒥᒄ ᐋ ᐃᔮᔨᒧᒫᒡ ᐊᐙᔨᐤᐦ᙮

ᓃᔥᑎᒻ ᑎᒧᕢ 5:13

ᑯᑎᑭᒡ ᐅᒌ ᑳ ᐅᔥᒋᐱᒫᑎᓰᔨᒡ ᑳ ᐹᔨᑯᒡ ᐃᔅᒀᐅᒡ ᓈᓈᓂᒌᒻ ᓂᒧᐃ ᐎᔮᔥ ᒋᑭ ᐅᐦᒋ ᐄᑖᔨᐦᑎᒧᒡ ᐋᐦᐋᑳ ᒥᑐᓐ ᒑᒀᔨᐤ ᑐᑎᐦᒡ᙮ ᒥᒄ ᐱᐹᐲᐦᑎᑯᐙᐅᒡ ᐊᐙᔨᐤᐦ ᐐᒋᔨᐦᒡ, ᒥᒄ ᐋ ᐱᐹᒥᐦᑎᔑᐦᐙᒡ᙮ ᓂᒧᐃ ᒫᒃ ᒥᒄ ᐅᔮᔨᐤ ᑑᐎᒡ, ᒑᒃ ᐱᐱᑯᓅᒧᐙᐅᒡ ᑭᔮᐦ ᐱᐲᒋᔅᒀᐅᒡ ᐋᐦ ᐋᔨᒨᑎᐦᒡ ᒑᒀᔨᐤ ᐊᓂᔮᔨᐤ ᐋᑳ ᒑ ᐃᔮᐱᑖᔨᐦᑎᒥᐦᐄᑯᐙᐙᑯᐱᓈ᙮

ᓃᔓ ᑎᒧᕢ 2:9

ᐙᔥ ᐋ ᐙᐐᐦᑎᒫᓐ ᐆ ᒥᔻᒋᒧᐎᓐ ᐋᐅᒄ ᐙᐦᒋ ᓂᓈᐦᑳᑖᔨᒧᔮᓐ, ᑭᔮᐦ ᒧᔮᒻ ᐊᐙᓐ ᐋ ᒌ ᐎᓂᐦᐱᓱᑦ ᑳ ᒌ ᒫᒫᐦᒋᒀᐱᔅᑭᐦᐙᑭᓅᑦ ᐋᐅᒄ ᐋᐦ ᑐᑖᑭᐎᔮᓐ᙮ ᒥᒄ ᒫᒃ ᓂᒧᐃ ᒋᑭ ᒌ ᒫᒫᐦᒋᒀᐱᔅᑭᐦᐄᑭᓅᔨᐤ ᒋᔖᒥᓂᑑ ᐅᑎᔨᒧᐎᓐᐦ᙮

ᓃᔥᑎᒻ ᐲᑎᕐ 3:14

ᐋᑦ ᒫᒃ ᐃᓯᓈᑯᐦᒡ ᒑ ᒌ ᓂᓈᐦᑳᒋᐦᐄᑯᐎᔮᒄ ᐋ ᑯᐃᔅᑯᑖᑎᓯᔮᒄ ᐅᐦᒋ, ᒋᑭ ᒋᔖᐙᑐᑖᑯᓈᐙᐤ᙮ ᐊᑳᐐ ᑯᔥᑖᐦᑯᒡ ᐎᔮᔥ ᐋ ᐐᐦ ᑐᑖᑖᑯᒡ ᐄᔨᔨᐅᒡ, ᐊᑳᐐ ᒋᑭ ᐅᐦᒋ ᒥᑯᔥᑳᑖᔨᐦᑖᓈᐙᐤ,

ᓃᔥᑎᒻ ᐲᑎᕐ 3:17

ᓂᓈᐦᑳᑖᔨᒧᔮᒀ ᐊᓐ ᐅᐦᒋ ᐋ ᒥᔪᑐᑎᒫᒄ, ᒋᔖᒥᓂᑑ ᒫᒃ ᐋ ᐱᒋᔅᑎᓂᐦᒃ ᐅᔮᔨᐤ ᒑ ᒌ ᐄᔥᐱᔫᐙᒄ, ᐊᐅᔅᑖ ᒥᔻᔑᐤ ᐋ ᓂᓈᐦᑳᑖᔨᒧᔮᒄ ᐋ ᒥᔪᑐᑎᒫᒄ ᐃᔥᐱᔥ ᐐ ᒑ ᒌ ᓂᓈᐦᑳᑖᔨᒧᔮᒄ ᐋ ᒥᒋᐦᑑᑎᒫᒄ᙮