ᓃᔥᑎᒻ ᐧᒑᓐ 4:13 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

¹³ ᒋᒋᔅᒑᔨᐦᑖᓈᓂᐤ ᐋ ᐐᒋᐱᒫᑎᓰᒥᐦᒄ ᒋᔖᒥᓂᑑ ᑭᔮᐦ ᐐᔨ ᒫᒃ ᒋᐐᒋᐱᒫᑎᓰᒥᑯᓂᐤ ᐊᓂᔮᔨᐤ ᐅᐦᒋ ᐋ ᒌ ᒥᔨᑎᐦᒄ ᐅᑎᐦᒑᐦᒄ᙮

ᓃᔥᑎᒻ ᐧᒑᓐ 4:13 Iomraidhean Croise

ᓃᔥᑎᒻ ᑯᕆᓐᕠᔨᓐ 2:12

ᐊᓅᐦᒡ ᒫᒃ, ᓂᒧᐃ ᐅᑎᐦ ᐊᔅᒌᐦᒡ ᑳᐦ ᑖᑦ ᐊᐦᒑᐦᒄ ᑰᐦᒋ ᒥᔨᑯᓈᓂᐤ, ᐋᐅᒄ ᐙᐦᒋ ᐊᔨᐦᒡ ᐄᑖᔨᐦᑎᒫᒄ ᐊᓂᒌ ᐋ ᐄᑖᔨᐦᑖᒡ ᐄᔨᔨᐅᒡ ᐅᑎᐦ ᐊᔅᒌᐦᒡ᙮ ᒥᒄ ᒫᒃ ᐊᓐ ᐊᐦᒑᐦᒄ ᒋᔖᒥᓂᑑ ᐋᐦ ᑖᑦ ᑳ ᐅᐦᒌᑦ ᐋᐅᒄ ᐊᓐ ᑳ ᒥᔨᑯᐎᔨᐦᒄ᙮ ᐋᐅᒄ ᒫᒃ ᐆ ᐋᐦ ᑐᑖᑎᐦᒄ ᒑ ᒌ ᒋᔅᒑᔨᐦᑎᒥᐦᒄ ᐊᓂᔮᔨᐤ ᒥᔨᐙᐎᓐᐦ ᑳ ᒥᔨᑎᐦᒄ ᒋᔖᒥᓂᑑ᙮

ᓃᔥᑎᒻ ᑯᕆᓐᕠᔨᓐ 6:19

ᒋᐱᐦ ᒋᔅᒑᔨᐦᑖᓈᐙᐤ ᑳ ᐱᔮᐦᒋᓰᑦ ᐊᐦᒑᐦᒄ ᐱᒫᑎᓰᐤ ᐲᐦᒡ ᒋᔮᐙᐦᒡ, ᐋᒄ ᒫᒃ ᒋᔮᐙᐦᒡ ᐋᑯᑎᐦ ᐙᒋᔖᐊᔨᒥᐦᐋᐅᑭᒥᑯᑦ᙮ ᐋᔨᐅᑯᓐ ᐅᔮᔨᐤ ᐊᐦᒑᐦᒄ ᒋᔖᒥᓂᑑ ᑳ ᒥᔨᑖᒄ᙮ ᓂᒧᐃ ᒌᔨᐙᐤ ᒋᑎᐹᔨᒦᓱᓈᐙᐤ, ᒋᔖᒥᓂᑑ ᒋᑎᐹᔨᒥᑯᐙᐤ᙮

ᓃᔥᑎᒻ ᐧᒑᓐ 2:3

ᑐᑎᒧᐦᒀ ᐋᑎᔓᒥᑎᐦᒄ ᒋᔖᒥᓂᑑ ᐋᑯᑖᐦ ᒑ ᐅᐦᒋ ᓅᑯᐦᒡ ᑖᑆᐦ ᐋ ᒋᔅᒑᔨᒥᐦᒄ᙮

ᓃᔥᑎᒻ ᐧᒑᓐ 2:5

ᐋᒄ ᒫᒃ ᐊᐙᓐ ᐋ ᓂᓂᐦᐄᐦᑎᐙᑦ ᑖᓐ ᐋᑎᔓᒥᑯᑦ ᒋᔖᒥᓂᑑ ᓅᑯᐦᑖᐤ ᑖᑆᐦ ᒥᑐᓐ ᐋ ᓵᒋᐦᐋᑦ᙮ ᐆ ᑎᔨᐦᒀ ᒋᑭ ᒋᔅᒑᔨᐦᑖᓈᓂᐤ ᑖᑆᐦ ᐋ ᐐᒑᐅᐦᒄ ᒋᔖᒥᓂᑑ᙮

ᓃᔥᑎᒻ ᐧᒑᓐ 3:24

ᒥᓯᐙ ᐊᓂᒌ ᑳᐦ ᑐᑎᒸᒡ ᑖᓐ ᐋᑎᔓᒥᑯᒡ ᒋᔖᒥᓂᑑ ᒨᔥ ᐐᒋᒫᐅᒡ ᒋᔖᒥᓂᑑ ᑭᔮᐦ ᐐᔨᐙᐤ ᒫᒃ ᒨᔥ ᐐᒋᒥᑯᒡ᙮ ᐊᓂᔮᔨᐤ ᒫᒃ ᐅᑎᐦᒑᐦᒄᐦ ᑳ ᒥᔨᑎᐦᒄ ᐋᑯᑖᐦ ᐙᐦᒋ ᒋᔅᒑᔨᐦᑎᒥᐦᒄ ᐋ ᐐᒋᒥᑎᐦᒄ ᒋᔖᒥᓂᑑ᙮