ᓃᔥᑎᒻ ᐧᒑᓐ 3:5 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁵ ᒋᒋᔅᒑᔨᐦᑖᓈᐙᐤ ᙭ ᐋ ᒌ ᐹᒋ ᑎᑯᔑᐦᒃ ᒑ ᒌ ᐄᒑᓂᒧᐙᑦ ᐊᐙᔨᐤᐦ ᐅᒥᒋᐦᑣᐎᓂᔨᐤᐦ ᑭᔮᐦ ᐋᐦᐋᑳ ᓂᐦᑖ ᐅᐦᒋ ᒥᒋᐦᑐᑎᐦᒃ ᐐᔨ᙮

ᓃᔥᑎᒻ ᐧᒑᓐ 3:5 Iomraidhean Croise

ᒫᔪᐦᐧᑖᑦ ᒫᕠᔫ 1:21

ᑭᑎ ᓈᐹᐅᔑᔨᐤ ᐊᓂᔮᔨᐤ ᐅᑎᐙᔑᔒᒻ, ᒌᓴᔅ ᒋᑭ ᐃᔑᓂᐦᑳᑖᐙᐤ, ᐙᔥ ᐋᐅᒄ ᐆ ᒑ ᐱᒫᒋᐦᐋᑦ ᐊᐙᔨᐤᐦ ᐅᒥᒑᑎᓰᐎᓃᔨᒡ ᐅᐦᒋ᙮” ᑳᐦ ᐄᑎᑯᑦ ᒍᓯᕝᐦ ᐊᓂᔮᔨᐤ ᐋᓐᒋᓐ᙮

ᒫᔪᐦᐧᑖᑦ ᓘᒃ 23:41

ᒌᔮᓂᐤ ᒫᒃ ᐃᓯᓈᑯᓐ ᒑ ᒌ ᒌᔅᑖᔅᑯᐦᐅᑭᐎᔨᐦᒄ ᑖᓐ ᑳ ᐄᔑ ᒥᒋᐦᑐᑎᒥᐦᒄ᙮ ᐆ ᒫᒃ ᓈᐹᐤ ᓂᒧᐃ ᐅᐦᒋ ᒥᒋᐦᑐᑎᒻ᙮”

ᒫᔪᐦᐧᑖᑦ ᓘᒃ 23:47

ᐊᓐ ᒫᒃ ᓂᑐᐱᔨᐅᒋᒫᐤ ᐄᔥᐱᐦ ᑳ ᐙᐱᐦᑎᐦᒃ ᑖᓐ ᑳ ᐄᔅᐱᔨᒡ, ᒌ ᒋᔅᑖᒋᒫᐤ ᒋᔖᒥᓂᑑ ᑭᔮᐦ ᒌ ᐃᔨᐤ, “ᒑᔥᑎᓈᔥ ᑖᑆᐦ ᒌ ᑯᐃᔅᑯᑖᑎᓰᒑ ᐆ ᓈᐹᐤ᙮”

ᒫᔪᐦᐧᑖᑦ ᐧᒑᓐ 1:29

ᒦᓐ ᒫᒃ ᐊᓂᔮᔨᐤ ᐎᔮᐱᓃᔨᒡ ᒞᓐ ᒌ ᐙᐱᒫᐤ ᒌᓴᔅᐦ ᐋ ᐹᒋ ᓈᑎᑯᑦ, ᐋᒄ ᐃᔮᑦ, “ᑭᓄᐙᐱᒫᐦᒄ ᒫᐦ, ᐋᐅᒄ ᐅᔮᐦ ᒋᔖᒥᓂᑑ ᐅᒫᓂᔥᒑᓂᔑᒥᔥ ᑳ ᐹᒋ ᐄᑎᔑᐦᐙᑦ ᐊᓂᑎᐦ ᒑ ᒌ ᐅᐦᒋ ᐙᐹᔨᐦᑎᒧᐙᑭᓂᐎᔨᒡ ᐊᐙᔨᐤᐦ ᐅᒥᒋᐦᑣᐎᓂᐙᔨᐤᐦ ᐅᑎᐦ ᒥᓯᐦᑖᔅᑭᒥᐦᒡ᙮

ᒫᔪᐦᐧᑖᑦ ᐧᒑᓐ 1:31

ᓂᒥ ᓅᐦᒋ ᒋᔅᒑᔨᒫᐤ ᐐᔨ ᐃᔮᐅᑦ, ᐋᐅᒄ ᐙᐦᒋ ᒌ ᑎᑯᔑᓂᔮᓐ ᒑ ᒌ ᓰᑭᐦᐋᐦᑖᒑᔮᓐ ᓂᐲᐦᒡ ᒑ ᒌ ᐅᐦᒋ ᒋᐦᑳᔮᐱᒥᑯᑦ ᐃᔅᕋᐄᓪ ᐄᔨᔨᐤ᙮”

ᒫᔪᐦᐧᑖᑦ ᐧᒑᓐ 14:30

ᓂᒧᐃ ᔖᔥ ᓈᔥᒡ ᓈᐅᔥ ᒋᑭ ᒌ ᐊᔨᒥᐦᐄᑎᓈᐙᐤ, ᐙᔥ ᒥᒋᒥᓂᑑ, ᐊᓐ ᑳ ᐅᒋᒫᑳᑎᐦᒃ ᐅᔮᔨᐤ ᐊᔅᒌᔨᐤ ᔖᔥ ᐹᒋ ᐄᑐᐦᑖᐤ᙮ ᒥᒄ ᒫᒃ ᓂᒧᐃ ᒥᑐᓐ ᓂᑭ ᒌ ᐅᒋᒫᐦᑭᐦᑖᒄ,

ᒫᔪᐦᐧᑖᑦ ᐧᒑᓐ 8:46

ᓂᒧᐃ ᐙᐙᒡ ᐹᔨᒄ ᐊᓂᑎᐦ ᐋ ᑎᔑᔮᒄ ᒋᑭ ᒌ ᐐᐦᑖᓈᐙᐤ ᑳ ᒥᒋᐦᑑᑎᒧᐙᓈ᙮ ᑯᐃᔅᒄ ᒫᒃ ᒨᔥ ᐋ ᐃᔮᓐ ᒑᒀᓐ᙮ ᒑᒀᓐ ᒫᒃ ᐙᐦᒋ ᐋᑳ ᒌ ᑖᑆᐦᑑᔮᒄ?

ᓃᔓ ᑯᕆᓐᕠᔨᓐ 5:21

ᐋᑦ ᒫᒃ ᐋᐦᐋᑳ ᓂᐦᑖ ᐅᐦᒋ ᒥᒋᐦᑐᑎᐦᒃ ᙭, ᒋᔖᒥᓂᑑ ᒌ ᑐᑖᑰ ᒧᔮᒻ ᐅᒥᒋᐦᑣᐤ ᒑ ᒌ ᐃᓯᓈᑯᓯᑦ ᒌᔮᓂᐤ ᐅᐦᒋ ᐊᓂᑎᐦ ᒑ ᐅᐦᒋ ᐐᒌᐦᐄᑯᔨᐦᒄ᙮ ᐋᒄ ᒫᒃ ᙭ ᐐᒑᐅᐦᒀ, ᐅᑯᐃᔅᑯᑖᑎᓰᐎᒡ ᒋᑭ ᐄᔑ ᑭᓂᐙᐱᒥᑯᓂᐤ ᒋᔖᒥᓂᑑ᙮

ᓃᔥᑎᒻ ᑎᒧᕢ 1:15

ᐋᐅᒄ ᒫᒃ ᐆ ᑎᔮᑆᒥᑭᐦᒡ ᐊᔨᒧᐎᓐ, ᑖᐱᒑᔨᐦᑖᑰᓐ ᒫᒃ ᔮᔨᑖᐃ ᒑ ᒌ ᐅᑎᓂᑭᓂᐎᒡ, ᙭ ᒌᓴᔅ ᐋ ᒌ ᐹᒋ ᑎᑯᔑᐦᒃ ᐅᑎᐦ ᐊᔅᒌᐦᒡ ᒑ ᒌ ᐱᒫᒋᐦᐋᑦ ᐅᒥᒋᐦᑣᐤ᙮ ᐊᓐ ᒫᒃ ᒫᐅᒡ ᑳ ᒥᒑᑎᓰᑦ ᐊᐙᓐ ᓂᒌᐦ ᐄᑖᔨᐦᑖᑯᓯᓐ ᓃᔨ᙮

ᓃᔥᑎᒻ ᑎᒧᕢ 3:16

ᓄᐎᒡ ᑭᔨᑆ ᒋᔅᑖᔨᐦᑖᑯᓐ ᒥᔅᑳᑖᔨᐦᑎᒧᐎᓂᒡ ᐋᐦᐋᑳ ᐅᐦᒋ ᒌ ᓂᔅᑐᐦᑖᑭᓂᐎᒡ ᒋᑖᑆᔮᔨᐦᑎᒧᐎᓂᐤ, ᐊᓂᑖᐦ ᐄᔑ ᐅᑖᐦᒡ ᐋᐦᐋᑳ ᐅᐦᒋ ᒋᔅᒑᔨᐦᑖᑰᐦᑖᑭᓂᐎᒡ᙮ ᙭ ᒌ ᑎᑯᔑᓐ ᐋᓈᐹᐅᑦ᙮ ᒌ ᒑᔥᑎᓈᑖᔨᐦᑖᑯᐦᐄᑰ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ ᑖᑆᐦ ᒋᔖᒥᓂᑑ ᐋ ᒌ ᐹᒋ ᐄᑎᔑᐦᐅᑯᑦ᙮ ᒌ ᐙᐱᒥᑰ ᐋᓐᒋᓐ᙮ ᒌ ᐋᔨᒨᒫᑭᓂᐤ ᐋ ᑭᒑᔅᒀᓂᐎᔨᒡ ᐊᓂᑖᐦ ᓂᓈᐦᑭᐤ ᐋᐦ ᐄᑎᔅᑳᓈᓯᓈᓂᐎᔨᒡ᙮ ᒌ ᑖᑆᔮᔨᒥᑰ ᐊᐙᔨᐤᐦ ᐅᑎᐦ ᐊᔅᒌᐦᒡ᙮ ᐋᒄ ᒫᒃ ᒋᐦᒋᒌᔑᑯᐦᒡ ᑳ ᐄᔑ ᐅᐦᐱᔅᑳᑦ ᒑ ᒌ ᒋᔅᑖᔨᐦᑖᑯᐦᐋᑭᓅᑦ᙮

ᑖᐃᑎᔅ 2:14

ᒌ ᐱᒋᔥᑖᔨᒥᓲ ᙭ ᒌᔮᓂᐤ ᐅᐦᒋ, ᒑ ᒌ ᐱᒫᒋᐦᐄᑎᐦᒄ ᐋ ᐙᐹᔨᐦᑎᒫᑭᐎᔨᐦᒄ ᒥᓯᐙ ᒋᒥᒋᐦᑣᐎᓂᓂᐤ ᑭᔮᐦ ᒑ ᒌ ᐱᔮᐦᒋᐦᐄᑎᐦᒄ ᒥᒄ ᐐᔨ ᒑ ᒌ ᑎᐹᔨᒥᑎᐦᒄ, ᓲᐦᒃ ᒑ ᒌ ᐄᑖᔨᐦᑎᒥᐦᐄᑯᔨᐦᒄ ᑯᐃᔅᒄ ᒑ ᒌ ᑏᔨᒄ᙮

ᐦᐄᑉᕉ 1:3

ᐊᓐ ᐅᑯᓯᓯᒫᐤ ᐋᐦ ᑖᑦ ᐋᑯᑖᐦ ᐙᐦᒋ ᒋᔅᒑᔨᐦᑖᑯᓃᔨᒡ ᒋᔖᒥᓂᑑ ᐅᒋᔅᑖᔨᐦᑖᑯᓯᐎᓐ ᑳ ᒌᐦᑳᔮᔥᑖᔨᒡ, ᑭᔮᐦ ᐅᑯᓯᓯᒫᐤ ᒥᑐᓐ ᓂᔅᐱᑎᐙᐤ ᑖᓐ ᐋ ᐄᑖᔨᐦᑖᑯᓰᔨᒡ᙮ ᐐᔨ ᐅᑯᓯᓯᒫᐤ ᐱᐱᒥᐲᐦᑖᐤ ᒥᓯᐙ ᒑᒀᔨᐤ ᐋᐦ ᑎᑯᓃᔨᒡ, ᐅᑎᔨᒧᐎᓐᐦ ᑳ ᓲᐦᒑᔨᐦᑖᑯᓃᔨᒡ ᐅᐦᒋ᙮ ᒌ ᐱᒋᔥᑖᔨᒥᓲ ᒑ ᒌ ᓂᐱᐦᐋᑭᓅᑦ ᒑ ᒌ ᐅᐦᒋ ᐱᔮᐦᒋᐦᐄᒫᑭᓂᐎᔨᒡ ᐊᐙᔨᐤᐦ ᐋ ᐙᐹᔨᐦᑎᒧᐙᑭᓂᐎᔨᒡ ᐅᒥᒋᐦᑣᐎᓂᔨᐤ᙮ ᐄᔥᐱᐦ ᑳ ᒌᔑᐦᑖᑦ, ᐋᒄ ᑳ ᐙᐙᔨᐱᑦ ᐊᓂᑖᐦ ᐅᓂᐦᐄᐎᓃᔨᐦᒡ ᒋᔖᒥᓂᑑ, ᐊᓂᔮᔨᐤ ᒫᐅᒡ ᐊᔅᐹᔨᐦᑖᑯᓰᔨᒡ ᒋᐦᒋᒌᔑᑯᐦᒡ᙮

ᐦᐄᑉᕉ 4:15

ᐙᔥ ᐊᓐ ᒋᒋᔖᐊᔨᒥᐦᐋᐅᒋᒫᒥᓂᐤ ᒋᒋᔅᑎᒫᒑᔨᒥᑯᓂᐤ᙮ ᒥᑐᓐ ᒋᒋᔅᒑᔨᒥᑯᓂᐤ ᓈᔥᒡ ᐋᐦ ᐋᔨᒥᐦᐄᑯᔨᐦᒄ ᒑ ᒌ ᐋᔨᒋᑳᐳᐎᔨᐦᒄ᙮ ᐙᔥ ᑭᔮᐦ ᐐᔨ ᒌ ᑯᒀᒋᐦᐋᑭᓂᐤ ᒑ ᒌ ᒥᒋᐦᑐᑎᐦᒄ ᒧᔮᒻ ᒌᔮᓂᐤ ᐋᐦ ᑐᑖᑭᐎᔨᐦᒄ, ᒥᒄ ᒫᒃ ᓂᒧᐃ ᐅᐦᒋ ᒥᒋᐦᑐᑎᒻ ᐐᔨ᙮

ᐦᐄᑉᕉ 7:26

ᒌᓴᔅ ᐋᐅᒄ ᒋᔖᐊᔨᒥᐦᐋᐅᒋᒫᐅᑦ ᒋᐦᒋᐙ ᒑ ᒌ ᐐᒋᐦᐄᑎᐦᒄ᙮ ᒥᑐᓐ ᑯᐃᔅᑯᑖᑎᓯᐤ ᑭᔮᐦ ᐱᔮᐦᒋᓯᐤ᙮ ᓂᒧᐃ ᒥᑐᓐ ᑎᑯᓂᔨᐤ ᒑᒀᔨᐤ ᒑ ᒌ ᐄᔑ ᐊᑖᒫᔨᐦᑖᑯᓯᑦ᙮ ᓂᒧᐃ ᒥᑐᓐ ᐄᑖᔨᐦᑖᑯᓯᐤ ᑖᓐ ᐋ ᐄᑖᔨᐦᑖᑯᓲᐦᒄ ᒌᔮᓂᐤ ᐋ ᒥᒑᑎᓰᐅᒄ᙮ ᒋᔖᒥᓂᑑ ᒌ ᐅᐙᔮᐱᒥᑰ ᑭᔮᐦ ᒌ ᐊᐦᐄᑰ ᐊᓂᑖᐦ ᒫᐅᒡ ᐋᐦ ᐄᔅᐱᔨᐦᑖᑯᓃᔨᒡ ᐊᓂᑖᐦ ᒋᐦᒋᒌᔑᑯᐦᒡ᙮

ᐦᐄᑉᕉ 9:26

ᐙᔥ ᒥᒄ ᐹᔨᒀᐤ ᐋ ᒌ ᐱᒋᔥᑖᔨᒦᓱᑦ, ᓂᒧᐃ ᐅᐦᒋ ᓂᑎᐙᔨᐦᑖᑯᓂᔨᐤ ᒦᓐ ᒫᓐ ᒑ ᒌ ᐱᒋᔅᑎᓂᓱᑦ ᒑ ᒌ ᓂᓈᐦᑳᒋᐦᐋᑭᓅᑦ ᒥᐦᒑᑣᐤ, ᐄᔅᑉ ᑳ ᐃᔥᐱᔥ ᐅᔑᐦᑖᑭᓂᐎᔨᒡ ᐅᔮᔨᐤ ᐊᔅᒌᔨᐤ᙮ ᒥᒄ ᒫᒃ ᐹᔨᒀᐤ ᒌ ᑎᑯᔑᓐ ᐅᑎᐦ ᐊᔅᒌᐦᒡ ᐅᔮᔨᐤ ᒑᑳᑦ ᒫᐦᒑᔨ ᐋ ᒌᔑᑳᔨᒡ ᒑ ᒌ ᐙᐹᔨᐦᑎᒫᑭᐎᔨᐦᒄ ᒋᒥᒋᐦᑣᐎᓂᐤ ᐊᓂᔮᔨᐤ ᐅᐦᒋ ᑳ ᐄᔑ ᐐᔨ ᐹᒋᔥᑖᔨᒦᓲᑦ᙮

ᐦᐄᑉᕉ 9:28

ᑭᔮᐦ ᐐᔨ ᒫᒃ ᙭ ᒥᒄ ᐹᔨᒀ ᒌ ᐱᒋᔅᑎᓂᒻ ᐅᐱᒫᑎᓰᐎᓐ ᐊᓂᑎᐦ ᒑ ᒌ ᐅᐦᒋ ᑎᑯᓃᔨᒡ ᒥᐦᒑᑐ ᐊᐙᓐ ᒑ ᒌ ᐙᐹᔨᐦᑎᒧᐙᑭᓅᑦ ᐅᒥᒋᐦᑣᐎᓐᐦ᙮ ᒥᒄ ᒫᒃ ᒦᓐ ᒋᑭ ᑎᑯᔑᓐ, ᐋᔪᐎᒄ ᓃᔂᐤ, ᓂᒧᐃ ᐐᔨ ᒥᒋᐦᑣᐎᓂᔨᐤ ᐅᐦᒋ᙮ ᒋᑭ ᑎᑯᔑᓐ ᒑ ᒌ ᐱᒫᒋᐦᐋᑦ ᐊᓂᔮᔨᐤᐦ ᐊᐙᔨᐤᐦ ᑳ ᐊᓯᓂᐙᐦᐄᑯᑦ ᒑ ᐃᔥᐱᔥ ᑎᑯᔑᐦᒃ᙮

ᓃᔥᑎᒻ ᐲᑎᕐ 1:18

ᐙᔥ ᒋᒋᔅᒑᔨᐦᑖᓈᐙᐤ ᑖᓐ ᑳ ᐄᔑ ᐱᑯᐦᐄᑯᐎᔮᒄ ᐊᓂᑎᐦ ᐅᐦᒋ ᓂᑎᐐ ᐋ ᐄᑖᔨᐦᑖᑯᒡ ᐋ ᐄᔑ ᐱᒫᑎᓰᓈᓂᐎᒡ ᐊᓂᔮᔨᐤ ᑳ ᐄᔑ ᐹᒋ ᐋᓂᔅᒑ ᒥᔨᑖᑯᒡ ᐊᓂᔮᐦᑳ ᒋᐙᐦᑯᒫᑭᓄᐙᐅᒡ᙮ ᓂᒧᐃ ᒫᒃ ᐐᔨ ᐊᓂᒌ ᒑᐦ ᐋᑳ ᑳᒋᒡ ᑖᒡ ᑳ ᐙᐹᐱᔅᒋᑦ ᔔᐎᔮᓈᐱᔅᒄ ᑭᔮᐦ ᒫᒃ ᐅᔖᐅᔔᐎᔮᓈᐱᔅᒄ ᐅᐦᒋ ᐋᐱᑎᓰᐤ ᑳ ᐱᑯᐦᐄᑯᐎᔮᒄ,

ᓃᔥᑎᒻ ᐲᑎᕐ 1:20

ᐋᔥᒄ ᐋᒸᔮ ᐅᐦᒋ ᐅᔑᐦᑖᑭᓂᐎᒡ ᐆ ᐊᔅᒌ ᔖᔥ ᒋᔖᒥᓂᑑ ᒌ ᐅᐙᔮᐱᒫᐤ ᙭ ᒑ ᒌ ᐱᒫᒋᐦᐋᔨᒡ ᐅᑎᔨᔨᒻᐦ, ᒥᒄ ᒫᒃ ᓂᒥ ᐅᐦᒋ ᓅᑯᐦᑖᐤ ᐹᑎᔥ ᐅᔮᔨᐤ ᒫᐦᒋᒡ ᐋ ᒌᔑᑳᔨᐦᒡ, ᒌᔨᐙᐤ ᒑ ᒌ ᐐᒌᐦᐄᑯᐙᒄ᙮

ᓃᔥᑎᒻ ᐲᑎᕐ 2:22

ᓂᒧᐃ ᓂᐦᑖ ᐅᐦᒋ ᒥᒋᐦᑐᑎᒻ ᑭᔮᐦ ᓂᒧᐃ ᓂᐦᑖ ᐅᐦᒋᐹᐦᑖᑰ ᐋᐙᔨᐤᐦ ᒑ ᒌ ᓂᓂᑎᔨᑦ, ᒨᔥ ᑯᐃᔅᒄ ᒌ ᐄᔑ ᐊᔨᒨ᙮

ᓃᔥᑎᒻ ᐲᑎᕐ 2:24

᙭ ᐐᔨ ᑎᐱᔨᐙ ᐐᔮᐦᒡ ᒌ ᐄᔑ ᐅᐦᑎᓂᒻ ᒋᒥᒋᐦᑣᐎᓂᓂᐤ ᑳ ᒌᔅᑖᔅᑯᐦᐙᑭᓅᑦ ᐋᔑᑖᔮᐦᑎᑯᐦᒡ, ᒦᔥᑯᒡ ᒌᔮᓂᐤ ᒑ ᒌ ᐴᓃᔨᐦᒄ ᐋ ᒥᒋᐦᑑᑎᒫᐦᒄ ᒑ ᒌ ᓅᔔᔥᑳᒫᐦᒄ ᒫᒃ ᐊᓐ ᑯᐃᔅᒄ ᐋ ᐄᔑ ᐱᒨᐦᑖᓅᒡ ᑯᐃᔅᑯᑖᑎᓯᐎᓂᐦᒡ᙮ ᐊᓂᔮᔨᐤ ᐅᐦᒋ ᑳ ᐄᔑ ᐱᐱᓯᔅᑖᐦᐙᑭᓅᑦ ᐋᑯᑖᐦ ᑳ ᐅᐦᒋ ᒦᓂᐙᑎᓰᐙᒄ᙮

ᓃᔥᑎᒻ ᐲᑎᕐ 3:18

ᐙᔥ ᙭ ᒥᒄ ᐹᔨᒀᐤ ᒋᑭ ᓂᐳᔅᑎᒫᑯᓂᐤ ᒋᒥᒋᐦᑣᐎᓈᐦᒡ ᐅᐦᒋ ᒑ ᒌ ᐙᐹᔨᐦᑎᒫᑭᐎᔨᐦᒄ ᒑ ᒌ ᐹᔒᑎᐦᒄ ᒋᔖᒥᓂᑑ ᐋᐦ ᑖᔨᒡ, ᓂᒧᐃ ᒫᒃ ᓂᑎᐙᔨᐦᑖᑯᓂᔨᐤ ᒦᓐ ᒑ ᒌ ᐴᓂᐱᒫᑎᓰᑦ᙮ ᐊᓐ ᑳ ᑯᐃᔅᑯᑖᑎᓰᑦ ᒌ ᓂᐱᐦᐋᑳᓂᐤ ᐅᐦᒋ ᐊᓂᔮᔨᐤ ᐋᑳ ᑳ ᑯᐃᔅᑯᑖᑎᓰᔨᒡ᙮ ᑖᑆᐦ ᑭᔨᑆ ᓈᐦᐄᔨᐤ ᒌ ᓂᐱᐦᑖᑭᓂᐎᔨᐤ ᐅᔨᐤ ᒥᒄ ᒫᒃ ᒌᐦ ᑐᑎᒫᑭᓂᐎᔨᐤᐦ ᐅᑎᐦᒑᐦᑰ ᐊᔮᐱᒡ ᒑ ᒌ ᐱᒫᑎᓰᔨᒡ᙮

ᓃᔥᑎᒻ ᐧᒑᓐ 1:2

ᒌ ᓅᑯᓲ ᐊᓐ ᑳᒋᒡ ᐱᒫᑎᓰᐎᓂᔨᐤ ᒫᔨᐙᑦ, ᒨᔥ ᐅᐦᑖᐐᒫᐤ ᐋᐦ ᑖᔨᒡ ᒌ ᑖᐦᑖᑯᐱᓐ᙮ ᒌ ᑎᑯᔑᓐ ᐋᐦ ᐄᔨᔨᐅᑦ ᐅᑎᐦ ᐊᔅᒌᐦᒡ, ᐋ ᒌ ᐙᐱᒥᒋᐦᒡ ᑭᔮᐦ ᒋᐐᐦᑎᒫᑎᓈᓐ ᐋ ᑖᑆᒥᑭᓃᔨᒡ ᐋ ᒌ ᓅᑯᓰᔅᑑᔨᒥᐦᑦ᙮

ᓃᔥᑎᒻ ᐧᒑᓐ 1:7

ᒥᔔ ᐙᔥᑖᐎᓂᐦᒡ ᐄᔑ ᐱᒫᑎᓰᔨᒀ ᒧᔮᒻ ᐐᔨ ᐙᔥᑖᐎᓂᐦᒡ ᐋᐦ ᑖᑦ, ᑖᑆᐦ ᒋᑭ ᒥᔪ ᐐᒑᐅᑐᓈᓂᐤ, ᑭᔮᐦ ᒌᓴᔅ, ᒋᔖᒥᓂᑑ ᐅᑯᓯᔅᐦ, ᐅᒥᐦᒄ ᒌ ᐱᔮᐦᒋᐦᐄᑯᐙᓈᓂᐤ ᒥᓯᐙ ᒥᒋᐃᐦᑣᐎᓂᐦᒡ ᐅᐦᒋ᙮

ᓃᔥᑎᒻ ᐧᒑᓐ 2:1

ᒋᒥᓯᓂᐦᐋᒫᑎᓈᐙᐤ ᓂᑎᐙᔑᔒᒥᑐᒃ ᐋᑳ ᒑ ᒌ ᒥᒋᐦᑑᑎᒫᒄ᙮ ᐋ ᑖᒀ ᒫᒃ ᐊᐙᓐ ᐋ ᒥᒋᐦᑐᑎᐦᒃ ᒌᓴᔅ ᙭ ᑳ ᑯᐃᔅᑯᑖᑎᓰᑦ ᐋᐅᒄ ᐆ ᐋᔨᒥᔥᑎᒫᑎᐦᒄ ᐅᐦᑖᐐᒫᐤ ᐋᐦ ᑖᔨᒡ᙮

ᓃᔥᑎᒻ ᐧᒑᓐ 2:2

ᐐᔨ ᙭ ᒋᒌ ᓂᐳᔅᑎᒫᑯᓂᐤ ᒑ ᒌ ᐅᐦᒋ ᐙᐹᔨᐦᑎᒫᑭᐎᔨᐦᒄ ᒋᒥᒋᐦᑣᐎᓂᓂᐤ᙮ ᓂᒧᐃ ᒫᒃ ᒥᒄ ᒌᔮᓂᐤ ᒋᒥᒋᐦᑣᐎᓂᓂᐤ ᒋᑭ ᒌ ᐙᐹᔨᐦᑎᒫᑯᓈᓂᐤ ᑭᔮᐦ ᒥᓯᐙ ᐊᐙᓐ ᐅᑎᐦ ᐊᔅᒌᐦᒡ ᑳᐦ ᑖᑦ ᑭᑎ ᒌ ᐙᐹᔨᐦᑎᒧᐙᑭᓂᐤ ᐅᒥᒋᐦᑣᐎᓐ᙮

ᓃᔥᑎᒻ ᐧᒑᓐ 2:29

ᒋᒋᔅᒑᔨᐦᑖᓈᐙᐤ ᙭ ᐋ ᑯᐃᔅᑯᑖᑎᓰᑦ, ᑭᔮᐦ ᒫᒃ ᒋᐱᐦ ᒋᔅᒑᔨᐦᑖᓈᐙᐤ ᐊᓐ ᐊᐙᓐ ᑳ ᑯᐃᔅᑯᑖᑎᓰᑦ ᐋ ᐅᑎᐙᔑᔒᒥᑐᑖᑯᑦ ᒋᔖᒥᓂᑑ᙮

ᓃᔥᑎᒻ ᐧᒑᓐ 3:8

ᐊᓐ ᐊᐙᓐ ᒨᔥ ᑳ ᒥᒋᐱᒫᑎᓰᑦ ᒥᒋᒥᓂᑑ ᐋᐦ ᑖᔨᒡ ᐅᐦᒌᐤ᙮ ᐊᓂᑖᐦ ᐅᔅᑭᒡ ᔖᔥ ᐙᔥ ᒌ ᐹᒋ ᒥᒋᐦᑐᑎᒻ ᒥᒋᒥᓂᑑ᙮ ᒋᔖᒥᓂᑑ ᒫᒃ ᐅᑯᓯᔅᐦ ᐋᔪᐎᒄ ᐙᐦᒋ ᒌ ᐹᒋ ᑎᑯᔑᓃᔨᒡ ᐅᑎᐦ ᐊᔅᒌᐦᒡ ᒑ ᒌ ᓂᔑᐎᓈᒋᐦᑖᔨᒡ ᒥᓯᐙ ᐅᑖᐱᑎᓰᐎᓂᔨᐤ ᒥᒋᒥᓂᑑ᙮

ᒋᔅᒑᔨᐦᑖᑯᐦᑖᒑᐧᐃᓐ 1:5

ᑭᔮᐦ ᒌᓴᔅ ᙭, ᐊᓐ ᑳ ᑖᑆᐅᒑᔨᐦᑖᑯᓰᑦ ᑳ ᐐᐦᑎᐦᒃ ᐋ ᑖᑆᒥᑭᓃᒡ, ᓂᓂᑑᑖᒨᐙᐅᒡ ᒑ ᒌ ᒋᔖᐙᑐᑖᑯᒡ ᑭᔮᐦ ᒑ ᒌ ᒥᔨᑖᑯᒡ ᒋᔮᒫᔨᐦᑎᒧᐎᓂᔨᐤ᙮ ᐐᔨ ᙭ ᒫᐅᒡ ᓃᔥᑎᒻ ᒌ ᐎᓂᔥᑳᓈᑭᓂᐤ ᓂᐱᐎᓂᐦᒡ ᐅᐦᒋ᙮ ᐐᔨ ᒋᐦᒋᐅᒋᒫᑭᐦᑎᐙᐤ ᒥᓯᐙ ᒋᐦᒋᐅᒋᒫᐤ ᐅᑎᐦ ᐊᔅᒌᐦᒡ᙮ ᒋᓵᒋᐦᐄᑯᓂᐤ ᑭᔮᐦ ᒌ ᐱᒋᔅᑎᓃᓲ ᒑ ᒌ ᓂᐱᐦᐋᑭᓅᑦ ᐋ ᒌ ᐱᒋᔅᑎᓂᐦᒃ ᐅᒥᐦᒄ, ᒌᔮᓂᐤ ᐅᐦᒋ ᒦᔥᑯᒡ ᐋᑳ ᒑ ᒌ ᑎᐹᔨᒥᑯᐎᐦᒄ ᒋᒥᒋᐦᑣᐎᓂᓂᐤ᙮