ᓃᔥᑎᒻ ᐧᒑᓐ 1:6 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁶ ᒥᔔ ᐄᔨᔨᐦᒀ ᒋᔖᒥᓂᑑ ᐋ ᐐᒑᐅᐦᒄ, ᐊᐅᑳᔥᑖᔮᐎᓂᐦᒡ ᒫᒃ ᐋ ᐄᔑ ᐱᒫᑎᓰᔨᐦᒄ, ᒌ ᓂᑎᔨᓈᓂᐤ ᑭᔮᐦ ᓂᒧᐃ ᑖᑆᐎᓂᐦᒡ ᒋᑎ ᐄᔑ ᐱᒫᑎᓰᓈᓂᐤ᙮

ᓃᔥᑎᒻ ᐧᒑᓐ 1:6 Iomraidhean Croise

ᒫᔪᐦᐧᑖᑦ ᒫᕠᔫ 7:22

“ᐄᔥᐱᐦ ᐅᑎᐦᒋᐱᔨᐦᒑ ᐋ ᑎᐹᔅᑯᓂᒑᐤ ᒌᔑᑳᒡ ᒥᐦᒑᑐ ᐄᔨᔨᐅᒡ ᓂᑭ ᐄᑎᑯᒡ ᐊᓂᔮᔨᐤ ᐋ ᒌᔑᑳᔨᒡ, ‘ᑎᐹᔨᐦᒋᒑᓯᐤ, ᑎᐹᔨᐦᒋᒑᓯᐤ, ᒋᑎᐃᔑᓂᐦᑳᓱᐎᓐ ᓂᒌᐦ ᐋᐱᒋᐦᑖᓈᓐ ᐋ ᒋᔅᒋᐙᐦᐄᒑᔮᐦᒡ, ᒋᑎᐃᔑᓂᐦᑳᓱᐎᓐ ᑭᔮᐦ ᓂᒌᐦ ᐋᐱᒋᐦᑖᓈᓐ ᒥᐦᒑᑐ ᒥᒋᐊᐦᒑᐦᑯᒡ ᐊᐙᔨᐤᐦ ᐋ ᒌ ᐲᐦᒋᔥᑯᐙᒡ ᒑ ᒌᐦ ᐎᔨᐐᑎᔑᐦᐆᒋᒡ, ᑭᔮᐦ ᒋᑎᐃᔑᓂᐦᑳᓱᐎᓂᐦᒡ ᐅᐦᒋ ᒫᒥᔥᑳᒡ ᒑᒀᓂᐦᐄ ᓂᒌᐦ ᑐᑖᓈᓐ᙮’

ᒫᔪᐦᐧᑖᑦ ᐧᒑᓐ 11:10

ᐱᒧᐦᑖᒑ ᐊᐙᓐ ᐋ ᑎᐱᔅᑳᔨᒡ ᒋᑭ ᐱᐦᒋᔑᓐ ᐙᔥ ᓂᒧᐃ ᑎᑯᓂᔨᐤ ᐙᔥᑖᐎᓂᔨᐤ ᐊᓂᑎᐦ ᐋᐦ ᑖᑦ᙮”

ᒫᔪᐦᐧᑖᑦ ᐧᒑᓐ 12:35

ᐋᒄ ᒌᓴᔅ ᐋᑖᑦ, “ᐙᐃᐱᔥᒌᔥ ᒦᓐ ᒋᑭ ᑎᑯᓐ ᐙᔥᑖᐎᓐ ᐅᑎᐦ ᐋᐦ ᑖᔮᒄ᙮ ᐱᒧᐦᑖᒄ ᐋᔥᒄ ᐋ ᐃᔮᔮᒄ ᐙᔥᑖᐎᓐ ᒑᐦ ᐋᑳ ᒫᒃ ᐊᑯᓅᐦᐆᑰᔮᒄ ᐋᐆᑳᔅᑖᔮᐎᓐ᙮ ᐊᐙᓐ ᐋ ᐱᒧᐦᑖᑦ ᐊᓂᑖᐦ ᐊᐅᑳᔥᑖᔮᐎᓂᐦᒡ ᓂᒧᐃ ᒋᔅᒑᔨᐦᑎᒻ ᑖᓂᑖᐦ ᐋᑐᐦᑖᑦ᙮

ᒫᔪᐦᐧᑖᑦ ᐧᒑᓐ 12:46

ᓂᒌᑎᑯᔑᓐ ᐅᑎᐦ ᐊᔅᒌᐦᒡ ᐋ ᐙᔅᑖᐎᓅᔮᓐ ᒥᓯᐙ ᒫᒃ ᐊᓐ ᒑ ᑖᑆᔮᔨᒥᒀ ᓂᒧᐃ ᔖᔥ ᑭᑖ ᒌᐦ ᑖᐤ ᐊᓂᑖᐦ ᐊᐅᑳᔥᑖᔮᐎᓂᐦᒡ᙮

ᒫᔪᐦᐧᑖᑦ ᐧᒑᓐ 8:12

ᐄᔥᐱᐦ ᒌᓴᔅ ᒦᓐ ᐋ ᐊᔨᒥᐦᐋᑦ ᐊᓂᔮᔨᐤᐦ ᐄᔨᔨᐤᐦ ᐋᒄ ᐋᑖᑦ, “ᓃᔨ ᐋᐅᒄ ᑳ ᒥᔨᒀᐤ ᐄᔨᔨᐅᒡ ᐙᔥᑖᐎᓂᔨᐤ ᐅᑎᐦ ᐊᔅᒌᐦᒡ᙮ ᐊᓐ ᐊᐙᓐ ᑳ ᓅᔔᔥᑯᑦ ᒋᑭ ᐃᔮᐤ ᐱᒫᑎᓰᐎᓂᔨᐤ ᐙᔥᑖᐎᓂᐦᒡ ᐅᐦᒋ ᑭᔮᐦ ᓂᒧᐃ ᒋᑭ ᐅᐦᒋ ᐱᒧᐦᑖᐤ ᐊᐅᑳᔥᑖᔮᐎᓂᐦᒡ᙮”

ᒫᔪᐦᐧᑖᑦ ᐧᒑᓐ 8:55

ᓂᒧᐃ ᓂᐦᑖ ᑰᐦᒋ ᒋᔅᒑᔨᒫᐙᐤ ᒥᒄ ᒫᒃ ᓃᔨ ᓂᒋᔅᒑᔨᒫᐤ᙮ ᐃᔮᓈ ᒫᒃ ᐋᐦᐋᑳ ᒋᔅᒑᔨᒥᒃ, ᓂᑭ ᓂᓂᑎᔨᓐ ᒧᔮᒻ ᒌᔨᐙᐤ ᐋ ᐄᔑ ᓂᓂᑎᔮᒄ᙮ ᒥᒄ ᒫᒃ ᓂᒋᔅᒑᔨᒫᐤ ᑭᔮᐦ ᓂ ᓂᓂᐦᐄᐦᑎᒸᓐ ᐅᑎᔨᒧᐎᓐ᙮

ᓃᔥᑎᒻ ᑎᒧᕢ 4:2

ᐋᔪᐎᒄ ᐊᓂᒌ ᐄᔨᔨᐅᒡ ᒑ ᐄᔑ ᐎᓂᐱᔨᐦᐄᐙᒡ ᐅᒌ ᓂᑎᐐ ᒥᒄ ᐋ ᐄᔑ ᒋᔅᑯᑎᒫᒑᒡ᙮ ᐋᑯᑖᐦ ᒑ ᐅᐦᒋ ᐱᐹᐦᑖᑯᐦᒡ ᐅᐦᐄ ᒥᒋᒋᔅᑯᑎᒫᒑᐎᓐ ᑭᔮᐦ ᓂᓂᑎᔨᐆᓐ᙮ ᓂᒧᐃ ᒥᑐᓐ ᑭᑎ ᐅᐦᒋ ᐱᐹᒫᔨᐦᑎᒧᒡ ᑖᓐ ᐋ ᐄᔑ ᒥᒋᐦᑐᑎᐦᒡ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 2:14

ᓃᒋᔖᓂᑎᒄ, ᑖᓐ ᐄᔑ ᔮᐦᐱᒡ ᐊᐙᓐ ᐋᐦ ᐃᔨᑦ, ᓂᑖᑆᔮᔨᒫᐤ ᒋᔖᒥᓂᑑ, ᐋᐦᐋᑳ ᒫᒃ ᒥᔪᑐᑎᐙᑦ ᐊᐙᔨᐤᐦ᙮ ᑭᑎ ᒌ ᐱᒫᒋᐦᐄᑰ ᐋ ᒥᒄ ᐊᓂᔮᔨᐤ ᐋᐦ ᐃᔨᑦ, ᓂᑖᑆᐦᑖᓐ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 2:16

ᑖᓐ ᐄᔑ ᔮᐦᐱᒡ ᒥᒄ ᐋᐦ ᐄᑎᑦ, “ᒋᔖᒥᓂᑑ ᒋᑭ ᒥᔪᑐᑖᒄ᙮ ᒌᔔᐎᓂᐦᒌᓈᑰᐦ ᑭᔮᐦ ᒌᔥᐳᐦᐄᓲ,” ᐋᑳ ᒫᒃ ᒥᔨᑖ ᐊᓂᔮᔨᐤ ᒑᒀᔨᐤ ᑖᓐ ᐋ ᐄᔑ ᓂᑎᐙᔨᐦᑎᐦᒃ?

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 2:18

ᑭᑎ ᒌ ᐃᓯᓈᑯᓐ ᐊᐙᓐ ᒑ ᒌ ᐃᔨᑦ, “ᒋᑎᔮᓐ ᑖᑆᔮᔨᐦᑎᒧᐎᓐ ᒌᔨ, ᐋᒄ ᓃᔨ ᓂᒥᔪᑐᑖᓐ᙮” ᓂᐱᐦ ᓂᔥᒀᐅᔑᐦᐋᐤ, “ᐹᒋ ᐙᐱᐦᑏ ᒫᐦ ᒋᑖᑆᔮᔨᐦᑎᒧᐎᓐ ᐋᐦᐋᑳ ᐊᓯᑎᓂᒥᓐ ᒌ ᒥᔪ ᑐᑎᒨᓐ ᐋᒄ ᒫᒃ ᓃᔨ ᒑ ᐙᐱᐦᑎᔨᑖᓐ ᓂᑖᑆᔮᔨᐦᑎᒧᐎᓂᒡ ᓂᒥᔪ ᑐᑎᒨᓐ ᐅᐦᒋ᙮”

ᓃᔥᑎᒻ ᐧᒑᓐ 1:10

ᒥᔔ ᐄᔨᔨᐦᒀ ᐋᐦᐋᑳ ᒥᒋᐦᑐᑎᒥᐦᒄ ᒧᔮᒻ ᐋ ᓂᓂᑎᔨᑦ ᒋᑎᐄᔑᓈᑯᐦᐋᓂᐤ ᒋᔖᒥᓂᑑ ᑭᔮᐦ ᓂᒧᐃ ᒌ ᐲᐦᒋᔥᑳᑯᐙᓈᓂᐤ ᐅᑎᔨᒧᐎᓐᐦ᙮

ᓃᔥᑎᒻ ᐧᒑᓐ 1:3

ᐊᓐ ᑳ ᐙᐱᒥᒋᐦᑦ ᑭᔮᐦ ᑳ ᐹᐦᑎᐎᒋᐦᑦ ᐋ ᐊᔨᒥᑦ ᒋᐐᐦ ᐋᔨᒨᑎᒫᑎᓈᓐ᙮ ᐋᒄ ᒫᒃ ᒑ ᒌ ᐐᒑᐎᔮᐦᒡ ᒸᐦᒡ ᐋ ᐄᔑ ᐐᒑᐎᒋᐦᒡ ᐅᐦᑖᐐᒫᐤ ᑭᔮᐦ ᒫᒃ ᐅᑯᓯᔅᐦ ᒌᓴᔅ ᙭᙮

ᓃᔥᑎᒻ ᐧᒑᓐ 1:8

ᒥᔔ ᐄᔨᔨᐦᒀ ᐋᐦᐋᑳ ᒥᒋᐦᑑᑎᒧᒄ, ᒌ ᑳᒌᔑᒦᓱᓈᓂᐤ, ᑭᔮᐦ ᓂᒧᐃ ᒋᒋᔅᒑᔨᐦᑖᓈᓂᐤ ᑖᑆᐎᓐ᙮

ᓃᔥᑎᒻ ᐧᒑᓐ 2:4

ᐋᐦ ᐃᔨᑦ ᐊᐙᓐ “ᓂᒋᔅᒑᔨᒫᐤ ᒋᔖᒥᓂᑑ,” ᐋᑳ ᒫᒃ ᑐᑎᐦᑳ ᐋᑎᔓᒥᑯᑦ, ᓂᑎᔨᐤ, ᓂᒧᐃ ᐲᐦᒋᔥᑳᑰ ᑖᑆᐎᓂᔨᐤ᙮

ᓃᔥᑎᒻ ᐧᒑᓐ 4:20

ᒥᔔ ᐃᔨᒑ ᐊᐙᓐ, “ᓂᓵᒋᐦᐋᐤ ᒋᔖᒥᓂᑑ,” ᐋ ᐅᐦᑳᑖᑦ ᒫᒃ ᐐᒋᔖᓐᐦ, ᓂᑎᔨᐤ᙮ ᐙᔥ ᒥᔔ ᐋᑳ ᓯᔮᒋᐦᐋᒀ ᐊᐙᓐ ᐐᒋᔖᓐᐦ ᐊᓂᔮᔨᐤ ᐎᔮᐱᒫᑦ ᑖᓂᑖᐦ ᒑ ᒌ ᐅᐦᒋ ᓵᒋᐦᐋᑦ ᒋᔖᒥᓂᑑ ᐋᐦᐋᑳ ᐙᐱᒫᑦ᙮