ᓃᔥᑎᒻ ᐧᒑᓐ 1:3 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

³ ᐊᓐ ᑳ ᐙᐱᒥᒋᐦᑦ ᑭᔮᐦ ᑳ ᐹᐦᑎᐎᒋᐦᑦ ᐋ ᐊᔨᒥᑦ ᒋᐐᐦ ᐋᔨᒨᑎᒫᑎᓈᓐ᙮ ᐋᒄ ᒫᒃ ᒑ ᒌ ᐐᒑᐎᔮᐦᒡ ᒸᐦᒡ ᐋ ᐄᔑ ᐐᒑᐎᒋᐦᒡ ᐅᐦᑖᐐᒫᐤ ᑭᔮᐦ ᒫᒃ ᐅᑯᓯᔅᐦ ᒌᓴᔅ ᙭᙮

ᓃᔥᑎᒻ ᐧᒑᓐ 1:3 Iomraidhean Croise

ᒫᔪᐦᐧᑖᑦ ᐧᒑᓐ 17:11

ᐋᒄ ᒫᒃ ᒑ ᓂᑎᐙᐱᒥᑖᓐ᙮ ᔖᔥ ᐐᐱᒡ ᓂᒧᐃ ᓂᑭ ᐅᐦᒋ ᑖᓐ ᐅᑎᐦ ᐊᔅᒌᐦᒡ᙮ ᐐᔨᐙᐤ ᒫᒃ ᐋᔥᒄ ᐅᑎᐦ ᐊᔅᒌᐦᒡ ᒋᑭ ᑖᐅᒡ᙮ ᓅᐦᑖ, ᒌᔨ ᑳ ᐱᔮᐦᒋᓯᔨᓐ, ᒫᒨ ᑭᓄᐙᔨᒥᒡ ᒋᑎᐃᔑᓂᐦᑳᓱᐎᓂᔨᐤ ᐅᒌ, ᐊᓂᔮᔨᐤ ᐃᔑᓂᐦᑳᓱᐎᓂᔨᐤ ᑳ ᐹᒋ ᒥᔨᔨᓐ ᐊᓂᑎᐦ ᒑ ᒌ ᐅᐦᒋ ᐹᔨᑯᒡ ᒧᔮᒻ ᒌᔮᓂᐤ ᐋ ᐄᔑ ᐹᔨᑯᔨᐦᒄ᙮

ᒫᔪᐦᐧᑖᑦ ᐧᒑᓐ 17:21

ᒥᓯᐙ ᒑ ᒌ ᐹᔮᑯᒡ᙮ ᒧᔮᒻ ᒌᔨ ᓅᐦᑖ ᐋ ᐱᐦᒋᔅᑯᐎᔨᓐ, ᓃᔨ ᒫᒃ ᐋ ᐱᒋᔅᑳᑖᓐ, ᐐᔨᐙᐤ ᑭᔮᐦ ᒑ ᒌ ᐲᐦᒋᔥᑳᑎᐦᑰᐦᒡ, ᒑ ᒌ ᑖᑆᐦᑎᐦᒡ ᐊᔅᒌᐦᒡ ᐄᔨᔨᐅᒡ ᒌ ᐋ ᒌ ᐹᒋ ᐄᑎᔓᐦᐅᔨᓐ᙮

ᒫᔪᐦᐧᑖᑦ ᐧᒑᓐ 17:25

ᓅᐦᑖ, ᒌᔨ ᒨᔥ ᑳ ᑯᐃᔅᑯᑖᑎᓯᔨᓐ, ᓂᒧᐃ ᒋᒋᔅᒑᔨᒥᑯᒡ ᐊᓂᒌ ᐊᔅᒌᐦᒡ ᐄᔨᔨᐅᒡ, ᓃᔨ ᒫᒃ ᐐ ᒌ ᒋᔅᒑᔨᒥᑎᓐ᙮ ᐅᒌ ᒫᒃ ᑭᔮᐦ ᑳ ᐹᒋ ᒥᔨᔨᓐ ᒋᔅᒑᔨᐦᑎᒧᒡ ᑖᑆᐦ ᒌᔨ ᐋ ᒌ ᐹᒋ ᐄᑎᔓᐦᐅᔨᓐ᙮

ᒫᔪᐦᐧᑖᑦ ᐧᒑᓐ 17:3

ᒫᐅᑖ ᒫᒃ ᒑ ᒌ ᐅᐦᒋ ᐃᔮᑦ ᐊᐙᓐ ᑳᒋᒡ ᐱᒫᑎᓰᐎᓂᔨᐤ, ᒋᔅᒑᔨᒥᔅᑳ ᒌᔨ ᒥᒄ ᐋ ᐹᔨᑯᔑᔨᓐ ᐋ ᑖᑆᐦ ᒋᔖᒥᓂᑑᐎᔨᓐ, ᑭᔮᐦ ᒫᒃ ᒌᓴᔅ ᙭ ᒋᔅᒑᔨᒫᒑ, ᐊᓂᔮᔨᐤ ᑳ ᐹᒋ ᐄᑎᔓᐦᐅᒥᑦ᙮

ᒫᔪᐦᐧᑖᑦ ᐧᒑᓐ 19:35

ᐊᓐ ᐊᐙᓐ ᑎᐱᔨᐙ ᐅᔥᒌᔑᑯᐦᒡ ᐋ ᒌ ᐅᐦᒋ ᐙᐱᐦᑎᐦᒃ ᐅᔮᔨᐤ ᑖᑆᐦ ᐐᐦᑎᒻ ᑖᓐ ᑳ ᐄᔅᐱᔨᔨᒡ ᒑ ᒌ ᑖᑆᐦᑎᒫᒄ ᑭᔮᐦ ᒌᔨᐙᐤ᙮ ᒋᔅᒑᔨᐦᑎᒻ ᐋ ᑖᑆᑦ ᑖᓐ ᐋ ᐄᔑ ᐐᐦᑎᐦᒃ᙮

ᐋᐧᐹᔅᑎᓕᒡ 13:32

“ᓃᔮᓐ ᒫᒃ ᒌ ᐹᒋ ᐐᐦᑎᒫᑎᓈᓐ ᒥᔻᒋᒧᐎᓐ ᐋᐅᒄ ᐆ ᔖᔥ ᐋ ᑎᐱᐱᔨᒡ ᐊᓂᔮᔨᐤ ᒋᔖᒥᓂᑑ ᑖᓐ ᑳᐦ ᐄᑖᑦ ᒋᑖᓂᔅᑰᓯᒥᓂᐤ ᒑᔥᑎᓈᔥ ᒑ ᑐᑎᐦᒃ,

ᐋᐧᐹᔅᑎᓕᒡ 13:41

ᑭᓂᐙᐱᐦᑎᒧᒄ ᒫᐦ, ᒌᔨᐙᐤ ᑳ ᒥᒫᔮᔨᐦᒑᔮᒄ, ᒫᒥᔥᑳᑖᔨᐦᑎᒧᒄ ᑭᔮᐦ ᓂᔑᐎᓈᑎᓰᒄ᙮ ᐙᔥ ᒑᒀᓐ ᓂᑭ ᑐᑖᓐ ᐅᑎᐦ ᒫᒀᒡ ᐋᔥᒄ ᐋ ᐱᒫᑎᓰᔮᒄ ᐊᓐ ᐋᑳ ᒑ ᐅᐦᒋ ᑖᑆᐦᑎᒥᐦᐄᑯᔮᒄ ᐋᑦ ᐊᐙᓐ ᐐᐦ ᐐᐦᑎᒫᑖᒀ᙮” ᑳ ᐄᔑ ᐊᔨᒥᐦᐋᑦ ᑆᓪ ᐊᓂᔮᔨᐤ ᐄᔨᔨᐤᐦ᙮

ᐋᐧᐹᔅᑎᓕᒡ 2:42

ᒥᓯᐙ ᒫᒃ ᐋᑯᑖᐦ ᒨᔥ ᑳᐦ ᑖᒡ ᐋ ᒋᔅᑯᑎᒫᒑᔨᒡ ᐊᓂᔮᔨᐤ ᐋᑆᔅᑎᓪᐦ ᑭᔮᐦ ᒌ ᐱᐦᒀᓈᐅᒡ ᐋᐃᐦᑯᓈᐤ ᑭᔮᐦ ᒌ ᒫᒨ ᒥᔪ ᐐᒑᐅᑑᒡ᙮

ᐋᐧᐹᔅᑎᓕᒡ 20:27

ᐙᔥ ᓂᒧᐃ ᒥᑐᓐ ᓅᐦᒋ ᓅᒋᓐ ᑯᐃᔅᒄ ᒑ ᒌ ᐄᔑ ᐐᐦᑎᒫᑎᑯᒡ ᑖᓐ ᐋ ᐄᔑ ᓂᑎᐙᔨᒥᑖᒄ ᒋᔖᒥᓂᑑ ᒑ ᒌ ᑎᔮᒄ, ᓂᒧᐃ ᒥᑐᓐ ᒑᒀᓐ ᑰᐦᒋ ᑳᑣᑎᓈᐙᐤ᙮

ᐋᐧᐹᔅᑎᓕᒡ 4:20

ᐙᔥ ᑖᐹ ᓂᑭ ᒌ ᐴᓃᓈᓐ ᐋ ᐙᐐᐦᑎᒫᐦᒡ ᑖᓐ ᑳ ᐄᔑ ᐙᐱᐦᑎᒫᐦᒡ ᑭᔮᐦ ᑖᓐ ᑳ ᐄᔑ ᐹᐦᑎᒫᐦᒡ᙮”

ᐧᕌᒥᓐ 15:27

ᐐᔨᐙᐤ ᒌ ᐄᑖᔨᐦᑎᒧᒡ ᒑ ᒌ ᐐᒋᐦᐋᒡ ᐅᔮᔨᐤ᙮ ᑖᑆᐦ ᒫᒃ ᐃᓯᓈᑯᓂᔨᐤ ᒑ ᒌ ᐐᒋᐦᐋᐙᑯᐱᓈ᙮ ᐙᔥ ᐊᓂᒌ ᐋᑳ ᑳ ᒎᐤ ᐄᑎᔅᑳᓈᓯᒡ ᑳ ᑖᑆᔮᔨᐦᑎᐦᒡ ᑖᑆᐦ ᒌ ᐐᒋᐦᐄᑯᒡ ᐊᓂᔮᔨᐤ ᒎᐤ ᑳᐦ ᐄᑎᔅᑳᓈᓰᔨᒡ ᒑ ᒌ ᐃᔮᐙᒡ ᑭᔮᐦ ᐐᔨᐙᐤ ᒋᔖᒥᓂᑑ ᐅᒥᔪᑐᑖᒑᐎᓂᔨᐤ ᐋ ᒌ ᐙᐐᐦᑎᒫᑯᒡ ᒥᔻᒋᒧᐎᓂᔨᐤ᙮ ᑎᑯᓂᔨᐤ ᒫᒃ ᑖᑆᐦ ᐊᓂᒌ ᐋᑳ ᑳ ᒎᐤ ᐄᑎᔅᑳᓈᓯᒡ ᑳ ᑖᑆᔮᔨᐦᑎᐦᒡ ᒧᔖ ᐋ ᐄᑖᔨᐦᑖᑯᓃᔨᒡ ᒑᒀᔨᐤ ᒑ ᒌ ᐄᔑ ᐐᒋᐦᐋᒡ ᐊᓂᔮᔨᐤ ᑳ ᑖᑆᔮᔨᐦᑎᒥᔨᒡ ᑳ ᒋᔅᑎᒫᑎᓰᔨᒡ ᒋᕉᓯᓕᒥᐦᒡ ᑳᐦ ᑖᔨᒡ ᔓᐎᔮᓐ ᐋ ᒥᔮᒡ᙮

ᓃᔥᑎᒻ ᑯᕆᓐᕠᔨᓐ 1:30

ᐐᔨ ᒋᔖᒥᓂᑑ ᒌ ᓂᐦᐄᐱᔨᐦᑖᐤ ᒑ ᒌ ᐐᒑᒥᒥᐦᒄ ᙭ ᒌᓴᔅ᙮ ᒌᓴᔅ ᒫᒃ ᐋᐦ ᑖᑦ ᐅᐦᒋ ᐋᑯᑖᐦ ᐙᐦᒋ ᐃᔮᔨᐦᒄ ᑭᒑᐦᑖᐙᔨᐦᑎᒧᐎᓐ, ᑭᔮᐦ ᑯᐃᔅᑯᑖᑎᓰᐎᓐ, ᑭᔮᐦ ᐱᔮᐦᒋ ᐱᒫᑎᓰᐎᓐ, ᑭᔮᐦ ᒫᒃ ᐱᒫᒋᐦᐄᑯᓯᐎᓐ᙮

ᓃᔥᑎᒻ ᑯᕆᓐᕠᔨᓐ 1:9

ᑖᑆᐅᒑᔨᐦᑖᑯᓯᐤ ᒋᔖᒥᓂᑑ᙮ ᐋᐅᒄ ᒫᒃ ᐆ ᑳ ᑖᑆᑎᑖᒄ ᒑ ᒌ ᐐᒑᒫᐦᒄ ᐅᑯᓯᔅᐦ ᐋᔨᐅᑯᓐ ᐅᔮᔨᐤ ᒋᑎᐹᔨᐦᒋᒑᓰᒥᓂᐤ ᒌᓴᔅᐦ ᙭᙮

ᓃᔥᑎᒻ ᑯᕆᓐᕠᔨᓐ 15:1

ᐋᒄ ᒫᒃ ᐙᐦ ᒋᔅᒋᓲᒥᑎᑯᒡ, ᓃᒋᔖᓂᑎᒄ, ᐊᓐ ᒥᔻᒋᒧᐎᓐ ᑳ ᑭᒑᔅᒋᒥᑎᑯᒡ, ᒋᒋᑖᑆᐦᑖᓈᐙᐤ ᑭᔮᐦ ᒋᒌ ᐅᑎᓈᓈᐙᐤ ᑭᔮᐦ ᐋ ᔮᐃᔨᒋᑳᐳᐦᐄᑯᔮᒄ ᐅᐦᒋ᙮

ᓃᔓ ᑯᕆᓐᕠᔨᓐ 13:14

ᓂᓂᑐᑎᒫᓈᓐ ᒑ ᒌ ᐃᔮᔮᒄ ᐆ ᒋᔅᑎᒫᒑᔨᐦᒋᒑᐎᓐ ᒋᑎᐹᔨᐦᒋᒑᓰᒥᓂᐤ ᒌᓴᔅ ᙭ ᒑ ᒌ ᑎᑯᓃᔨᒡ ᐊᓂᑎᐦ ᐋᐦᑖᐙᒄ ᑭᔮᐦ ᒫᒃ ᐆ ᓵᒋᐦᐄᐙᐎᓐ ᒋᔖᒥᓂᑑ ᑭᔮᐦ ᒫᒃ ᑳ ᐱᔮᐦᒋᓰᑦ ᐊᐦᒑᐦᒄ ᒑ ᒌ ᑐᑖᑖᒄ ᒨᔥ ᒫᐦ ᒌ ᒥᔪᐐᒑᐅᑑᔮᐦᒄ᙮

ᐄᕕᓰᔨᓐ 3:6

ᐊᓐ ᐋ ᑖᑆᐦᑖᑭᓂᐅᒡ ᒥᔻᒋᒧᐎᓐ ᐅᐦᒋ ᐋᑯᑖᐦ ᑭᔮᐦ ᐐᔨᐙᐤ ᐊᓂᒌ ᐋᑳ ᒎᐤ ᐄᑎᔅᑳᓈᓯᒡ ᒑ ᒌ ᐃᔮᒡ ᐊᓂᔮᔨᐤ ᐋ ᐄᔑ ᒥᔮᔨᒡ ᒋᔖᒥᓂᑑ ᒎᐤ ᑳ ᐄᑎᔅᑳᓈᓯᒡ᙮ ᑭᔮᐦ ᒫᒃ ᐋᑯᑎᐦ ᑭᔮᐦ ᐐᔨᐙᐤ ᐊᔅᑎᒋᐦᑖᑯᓯᑦ ᐊᓂᑎᐦ ᑳ ᑖᑆᔮᔨᐦᑎᒦᒡ ᒨᔮᒻ ᐹᔨᒄ ᒥᔨᐤ ᐋ ᐃᓯᓈᑯᓯᒡ᙮ ᐐᔨᐙᐤ ᑭᔮᐦ ᒋᑭ ᒦᔮᑭᓅᐎᒡ ᐊᓂᔮᔨᐤ ᑳ ᐊᔓᑎᒧᐙᔨᒡ ᒋᔖᒥᓂᑑ ᒥᓯᐙ ᐊᓂᔮᔨᐤ ᐊᔅᑎᒋᐦᑖᑰᓰᔨᒡ ᐊᓂᑎᐦ ᙭ ᒌᓴᔅᐦ ᐋᐦ ᑖᔨᒡ᙮

ᕕᓕᐱᔨᓐ 1:7

ᐙᔥ ᐋᐅᒄ ᑯᐃᔅᒄ ᐊᓯᓈᑰᐦᒡ ᐆ ᒑ ᒌ ᐄᔑ ᒫᒥᑐᓈᔨᒥᑎᑯᒡ, ᐋ ᓵᒋᐦᐄᑎᑯᒡ᙮ ᐙᔥ ᒥᓯᐙ ᒋᒌ ᐐᒋᐦᐄᓈᐙᐤ ᐊᓐ ᐋᐱᑎᓰᐎᓐ ᒋᔖᒥᓂᑑ ᐋ ᒋᔖᐙᑐᑖᐆᑦ ᑳ ᒥᔨᑦ᙮ ᐋᑦ ᐅᑎᐦ ᒫᒀᒡ ᒋᐱᐦᐅᑑᑭᒥᑯᐦᒡ ᐋᐦ ᑖᔮᓐ ᐊᔮᐱᒡ ᒫᒀᒡ ᐋᔥᒄ ᐋ ᒋᔅᐹᐙᑎᒫᓐ ᒥᔻᒋᒧᐎᓐ ᑭᔮᐦ ᐋ ᐙᐐᐦᑎᒫᓐ ᐋ ᑖᑆᒥᑭᐦᒡ,

ᕕᓕᐱᔨᓐ 2:1

᙭ ᒋᑎᐦᑐᑖᑭᓂᐤ ᒑ ᒌ ᐋᔨᒋᑳᐳᐦᐄᑐᔨᐦᒄ, ᒑ ᒌ ᓵᒋᐦᐄᑐᔨᐦᒄ ᑭᔮᐦ ᒑ ᒌ ᒥᔻᔨᒧᐦᐄᑐᔨᐦᒄ᙮ ᑳ ᐱᔮᐦᒋᓰᑦ ᐊᐦᒑᐦᒄ ᒋᑎᐦᑐᑖᑭᓂᐤ ᒑ ᒌ ᒥᔪ ᐐᒑᑐᔨᐦᒄ, ᒋᑎᐦᑐᑖᑭᓂᐤ ᒑ ᒌ ᒋᔖᐙᑐᑖᑐᔨᐦᒄ ᑭᔮᐦ ᒑ ᒌ ᒋᔅᑎᒫᒑᔨᒥᑐᔨᐦᒄ᙮

ᕕᓕᐱᔨᓐ 3:10

ᓂᑎᐙᔨᐦᑎᓐ ᒥᑐᓐ ᒑ ᒌ ᒋᔅᒑᔨᒥᒃ ᙭, ᒑ ᒌ ᒋᔅᒑᔨᐦᑎᒧᒡ ᓂᐱᒫᑎᓰᐎᓂᐦᒡ ᐊᓂᔮᔨᐤ ᓲᐦᑳᑎᓰᐎᓂᔨᐤ ᑳ ᐎᓂᔥᑳᓂᑯᑦ ᓂᐱᐎᓂᐦᒡ ᐅᐦᒋ, ᒑ ᒌ ᓂᓈᐦᑳᑖᔨᒧᔮᓐ ᑭᔮᐦ ᓃᔨ ᑖᓐ ᑳ ᐄᔑ ᓂᓈᐦᑳᑖᔨᒧᑦ ᐐᔨ᙮ ᑭᔮᐦ ᒑ ᒌ ᐱᒋᔥᑖᔨᒦᓱᔮᓐ ᑭᔮᐦ ᓃᔨ ᒑ ᒌ ᓂᐱᔮᓐ ᒧᔮᒻ ᐐᔨ ᑳ ᐄᔑ ᐱᒋᔥᑖᔨᒦᓱᑦ᙮

ᑯᐧᓛᓯᔨᓐ 1:13

ᓂᒌ ᐱᑯᐦᐄᑯᓈᓐ ᑖᓂᔮᔨᐤ ᑳ ᐄᔑ ᑎᐹᔨᒥᑰᒋᐦᑦ ᑳ ᓲᐦᒑᔨᐦᑖᑯᓃᔨᒡ ᐊᐅᑳᔅᑖᐎᓂᔨᐤ ᒦᔥᑯᒡ ᐊᓂᔮᔨᐤ ᓈᔥᒡ ᑳ ᓵᒋᐦᐋᑦ ᐅᑯᓯᔅᐦ ᐅᒋᐦᒋᐅᒋᒫᐎᓂᔨᐤ ᐊᐦᑎᑯᓃᔨᒡ ᑳ ᐄᑐᐦᑎᐦᐄᔨᒥᐦᑦ ᒋᔖᒥᓂᑑ᙮

ᓃᔥᑎᒻ ᕞᓵᐧᓛᓃᔨᓐ 1:10

ᐋᔨᒨᑎᒧᒡ ᐋᔨᐤᐦ ᒫᒃ ᐋ ᐊᔑᓂᐙᐦᐄᒫᒄ ᒋᔖᒥᓂᑑ ᐅᑯᓯᔨᐤᐦ ᒌᓴᔅᐦ ᒦᓐ ᒑ ᐹᒋ ᑎᑯᔑᓃᔨᒡ ᒋᐦᒋᒌᔑᑯᐦᒡ ᐅᐦᒋ᙮ ᐋᔨᐅᑯᓐ ᐅᔮᔨᐤ ᐅᑯᓯᔅᐦ ᑳ ᐙᓂᔥᑳᓈᑦ ᓂᐱᐎᓂᐦᒡ ᐅᐦᒋ᙮ ᐋᐅᒄ ᒫᒃ ᐆ ᒌᓴᔅ ᒑ ᐱᒫᒋᐦᐄᑎᐦᒄ ᐋᑳ ᒑ ᒌ ᒫᑯᐦᐄᑖᒄ ᒋᔖᒥᓂᑑ ᐅᑎᐦᒋᐱᔨᒑ ᑎᐹᔅᑯᓂᒑᐤ ᒌᔑᑳᔨᒑ᙮

ᓃᔥᑎᒻ ᑎᒧᕢ 6:2

ᐋᒄ ᒫᒃ ᑰᒋᒫᒨᐙᐅᒡ ᑎᔮᑆᐦᑎᒧᐙᒀ ᐊᑳᐐ ᒋᑭ ᐅᐦᒋ ᑐᑎᐙᐙᐅᒡ ᐋᑳ ᒑ ᒌ ᒋᔅᑖᔨᒫᑯᒡ ᒥᒄ ᐊᓂᔮᔨᐤ ᐋ ᒋᔅᒑᔨᒫᑯᒡ ᐋ ᐐᒋᔖᓂᑐᑎᐙᑯᒡ ᑖᑆᔮᔨᐦᑎᒧᐎᓂᒡ ᐄᔑ᙮ ᑎᔨᑯᒡ ᐊᑎᑎᐤ ᒋᐱᐦ ᒥᔪ ᐋᐱᑎᔒᔥᑑᐙᐙᐅᒡ ᒑ ᒌ ᐄᒋᐦᐋᑯᒡ ᐅᒌ ᒌᒋᔖᓂᐙᐅᒡ ᑳ ᓵᒋᐦᐋᑭᓂᐎᒡ᙮ ᐋᐅᒄ ᒫᒃ ᐆ ᒋᐱᐦ ᐄᔑ ᒋᔅᑯᑎᒫᒑᓈᐙᐤ ᑭᔮᐦ ᒋᐱᐦ ᐄᔑ ᑭᒑᔥᒀᓈᐙᐤ᙮

ᐦᐄᑉᕉ 2:12

ᐐᔨ ᒌᓴᔅ ᒌᐦ ᐄᑖᐤ ᒋᔖᒥᓂᑑᐦ, ᒋᑭ ᒋᔅᒑᔨᐦᑖᑰᐦᐄᑎᓐ ᐊᓂᑖᐦ ᓃᒋᔖᓂᒡ ᐅᒫᒨᐊᔨᒥᐦᐋᐅᒡ ᐋᐦ ᑖᒡ ᑭᔮᐦ ᓂᑭ ᓂᑭᒨᓐ ᐋ ᒫᒥᐦᒋᒥᑎᓐ᙮

ᐦᐄᑉᕉ 3:1

ᓃᒋᔖᓂᑎᒄ, ᒋᔖᒥᓂᑑ ᑳ ᐎᔮᔨᒥᑖᒄ ᒑ ᐱᔮᐦᒋᐱᒫᑎᓰᔮᒄ ᐋ ᐅᑏᔨᔨᒥᑐᑖᑎᐦᒄ᙮ ᒫᒥᑐᓈᔨᒫᐦᒄ ᒫᐦ ᒌᓴᔅ, ᐋᔨᐅᑯᓐ ᐅᔮᔨᐤ ᒋᔖᒥᓂᑑ ᑳ ᐹᒋ ᐄᑎᔑᐦᐙᑦ ᑭᔮᐦ ᒑ ᒌ ᓃᑳᓐ ᒋᔖᐊᔨᒥᐦᐋᐅᒋᒫᐐᒡ, ᐊᓐ ᐃᔮᔨᐦᒄ ᒑᔥᑎᓈᔥ ᐋ ᑖᑆᔮᔨᒫᐦᒄ᙮

ᐦᐄᑉᕉ 3:14

᙭ ᐋᐦ ᑖᑦ ᑰᐦᒋ ᑎᐹᔨᐦᑖᑯᓰᓈᓂᐤ ᓲᐦᒋᑳᐳᐎᔨᐦᒀᐤ ᒋᑖᑆᔮᔨᐦᑎᒧᐎᓂᓈᐦᒡ ᒨᔮᒻ ᑳ ᐃᔥᐱᔥ ᑖᑆᐦᑎᒥᐦᒄ ᐊᓂᑎᐦ ᐅᔅᑭᒡ ᐲᐦᐃᒻ ᐊᓂᑎᐦ ᐄᔑ ᐋᐦ ᐄᔥᒀᔮᒡ᙮

ᓃᔥᑎᒻ ᐲᑎᕐ 5:1

ᒫᐅᔮᔨᐤ ᐙᐦ ᐄᑎᒀᐤ ᐊᓂᒌ ᑳ ᓃᑳᓂᔒᒡ ᐊᓂᑎᐦ ᐋᐦᑎᓯᔮᒄ, ᓃᔨ ᑭᔮᐦ ᐊᓐ ᐋ ᐄᔑ ᓃᑳᓂᓰᔮᓐ᙮ ᓂᒌᐙᐱᒫᐤ ᑭᔮᐦ ᙭ ᐋ ᐐᓯᒑᔨᐦᑎᒥᐦᐋᑭᓅᑦ ᓃᔨ ᑭᔮᐦ ᓂᑭ ᐐᒋᐦᐄᐙᓐ ᐊᓂᔮᔨᐤ ᒑ ᒌᓯᑳᔨᒡ ᓅᑰᐦᑖᑭᓂᐎᔨᒑ ᐆ ᒋᔅᑖᔨᐦᑖᑯᓲᐎᓐ᙮

ᓃᔓ ᐲᑎᕐ 1:16

ᑖᐹ ᓂᒥᔮᐤ ᐐ ᓰᑎᐤ ᐋ ᒌ ᐅᔑᐦᑖᑭᓂᐎᒡ ᐋᐦ ᐄᑆᐦᑳᐅᐦᑖᑯᐦᒡ ᑎᐹᒋᒧᐎᓐ ᑳᐦ ᐋᐱᒋᐦᑖᔮᐦᒡ ᐄᔥᐱᐦ ᑳ ᐐᐦ ᒋᔅᒑᔨᐦᑎᒥᐦᐄᑖᐦᒡ ᑖᑆᐦ ᒑ ᑎᑯᔑᐦᒃ ᒋᑎᐹᔨᐦᒋᒑᓰᒥᓂᐤ ᒌᓴᔅ ᙭ ᐅᓲᐦᑳᑎᓰᐎᓂᐦᒡ᙮ ᓃᔮᓐ ᐙᔥ ᑎᐱᔨᐙ ᓂᔅᒌᓯᑰᓈᐦᒡ ᓂᒌ ᐙᐱᒫᓈᓐ ᐋ ᒋᔅᑖᔨᐦᑖᑯᐦᐋᑭᓅᑦ᙮

ᓃᔥᑎᒻ ᐧᒑᓐ 1:1

ᒋᒥᓯᓂᐦᐋᒫᑎᓈᓐ ᐋᐦ ᐋᔨᒧᒥᒋᐦᑦ ᐊᓐ ᔖᔥ ᑳ ᑖᐦᑖᑯᐱᓐ ᐊᓂᑖᐦ ᒫᐅᒡ ᐅᔅᑭᒡ, ᐋᒸᔮ ᐅᐦᒋ ᑎᑯᐦᒡ ᒑᒀᓐ, ᐋᔪᐎᒄ ᐊᓐ ᐊᔨᒧᐎᓐ ᑳ ᐃᔑᓂᐦᑳᑖᑭᓅᑦ ᐊᓐ ᒫᔨᐙᑦ ᑳᒋᒡ ᐱᒫᑎᓰᐎᓂᔨᐤ᙮ ᓂᒌ ᐹᐦᑎᐙᓈᓐ, ᓈᐦᐄᔨᐤ ᓂᒌᐙᐱᒫᓈᓐ ᓂᔅᒌᓯᑰᓈᐦᒡ ᑭᔮᐦ ᓂᒌ ᑖᐦᒋᓈᓐ ᑎᐱᔨᐙ ᓂᑎᐦᒋᓈᐦᒡ᙮

ᓃᔥᑎᒻ ᐧᒑᓐ 1:5

ᒋᐐᐦ ᐐᐦᑎᒫᑎᓈᓐ ᑖᓐ ᑳ ᐄᔑ ᐐᐦᑎᒧᔨᒥᐦᑦ ᒌᓴᔅ᙮ ᐋᒄ ᑳᐦ ᐃᔨᑦ, ᒋᔖᒥᓂᑑ ᐋᐅᒄ ᐙᔥᑖᐎᓐ, ᓂᒧᐃ ᒥᑐᓐ ᐲᐦᒋᔥᑳᑰ ᐊᐅᑳᔅᑖᐎᓂᔨᐤ᙮

ᓃᔥᑎᒻ ᐧᒑᓐ 1:7

ᒥᔔ ᐙᔥᑖᐎᓂᐦᒡ ᐄᔑ ᐱᒫᑎᓰᔨᒀ ᒧᔮᒻ ᐐᔨ ᐙᔥᑖᐎᓂᐦᒡ ᐋᐦ ᑖᑦ, ᑖᑆᐦ ᒋᑭ ᒥᔪ ᐐᒑᐅᑐᓈᓂᐤ, ᑭᔮᐦ ᒌᓴᔅ, ᒋᔖᒥᓂᑑ ᐅᑯᓯᔅᐦ, ᐅᒥᐦᒄ ᒌ ᐱᔮᐦᒋᐦᐄᑯᐙᓈᓂᐤ ᒥᓯᐙ ᒥᒋᐃᐦᑣᐎᓂᐦᒡ ᐅᐦᒋ᙮