Revelation 3:3 - Chishemanituu Utayimuwin: Kaa Uskaach Testament

³ Chischisikw maa taan kaa ishi pehtamekw anite pechi kaye taan kaa ishi chiskutamaakuyekw. Nanihiihtamukw kaye ihtuutamukw an kaa ishi chiskutamaakuyekw. Kaye maak kweskaatisiikw, nakatamukw chimachituutamuwinawaauh. Wesh ekaa che uhchi wanishkaawekwe, nika takushin che pechi nituu wiyaaskunitikuch. Namui maak chika uhchi chischeyiminaawaau taaishpish nihaau che takushiniyaan muyaam chimutisk e ishpish ekaa chischeyimaakanuut taaishpish che takushinit.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᒋᔅᒋᓯᒄ ᒫ ᑖᓐ ᑳ ᐃᔑ ᐯᐦᑕᒣᒄ ᐊᓂᑌ ᐯᒋ ᑲᔦ ᑖᓐ ᑳ ᐃᔑ ᒋᔅᑯᑕᒫᑯᔦᒄ᙮ ᓇᓂᐦᐄᐦᑕᒧᒄ ᑲᔦ ᐃᐦᑑᑕᒧᒄ ᐊᓐ ᑳ ᐃᔑ ᒋᔅᑯᑕᒫᑯᔦᒄ᙮ ᑲᔦ ᒫᒃ ᑴᔅᑳᑎᓰᒄ, ᓇᑲᑕᒧᒄ ᒋᒪᒋᑑᑕᒧᐎᓇᐙᐤᐦ᙮ ᐌᔥ ᐁᑳ ᒉ ᐅᐦᒋ ᐗᓂᔥᑳᐌᑴ, ᓂᑲ ᑕᑯᔑᓐ ᒉ ᐯᒋ ᓂᑑ ᐎᔮᔅᑯᓂᑎᑯᒡ᙮ ᓇᒧᐃ ᒫᒃ ᒋᑲ ᐅᐦᒋ ᒋᔅᒉᔨᒥᓈᐙᐤ ᑖᐃᔥᐱᔥ ᓂᐦᐋᐤ ᒉ ᑕᑯᔑᓂᔮᓐ ᒧᔮᒻ ᒋᒧᑎᔅᒃ ᐁ ᐃᔥᐱᔥ ᐁᑳ ᒋᔅᒉᔨᒫᑲᓅᑦ ᑖᐃᔥᐱᔥ ᒉ ᑕᑯᔑᓂᑦ᙮

Revelation 3:3 Iomraidhean Croise

Revelation 2:5

Chischisikw maa taan kaa ishpish saachihiyekw uskach. Ekun aa maak e ishpish saachihiyekw anuhchiish. Kweskaatisiikw kaye kaau ihtikw taan kaa chii ihtiyekw eshkw naashch e chii saachihiyekw. Wesh ekaa kweskaatisiyekwe nika takushin che utinamaan an chiwaashtenimaakanaahtikuwaau.

2 Peter 3:10

Mikw maak namui niyaakan chika uhchi muushihtaakanuyuu Utipeyihchikeu uchiishikaam, muyaam e iteyihtaakuhch chimutisk taanit waa piihchech waaskahiikaniyuu e wii kachemutit ekun che iteyihtaakuhch. Anit maak aniyuu Utipeyihchikeu uchiishikaam utihchipayiche uyuuh chiishikw chika paasikunaakun. Naasch taapwe chika chishewepayuu ati paasikunaakuhkwaawenh. Misiwe taan e ishi ihtakuhch chiishikuhch kata atihtiteuh che ishpish mista chishitech. Aschii kaye maak misiwe chekwaan utah kaa ihtakuhch, chika ati mestaahkahteu.

1 Thessalonians 5:2

Wesh chimiyu chischeyihtenaawaau chiihtihtawii che utihchipayihch an e chiishikaach Utipeyihchikeu che takushinit, mwehch awen chimutiska e piihtukaakut e tipiskaayich namui niyaakan chischeyihtam.

Revelation 16:15

Utipeyihchikeu maak iteu, “Muyaam chimutisk e iteyihtaakuniyich e takushihk ekun che iteyihtaakuhch niya takushiniyaane. Chika shaweyihtaakusuu maak an awen ekaa che kauhkusit mekwaach e ashuwaapit kaye che ayeskuushtaakwe uchekwaanimh mikw chechii ishi pushchishkahk ekw maak namui chika uhchi musheshkateu wiiwiite chechii pimaameyimut mushe anite e waapamaakanuut.”

Matthew 25:13

Ekw Jesus kaa ati itwet, “Eukw maak uu uhchi kaye chiyawaau muush chipaa ayeskuwiinaawaau wesh namui chichischeyihtenaawaau taaishpish nihaau che takushinit Iinuu Ukusisa.”

Hebrews 2:1

Eukw maak an wehchi iteyihtaakuhch etituu chechii mamechiminamuhkw an taapwewin kaa ishi pehtamuhkw ekaa chechii chiiwekaapuyihkw.

1 Timothy 6:20

Chiya Timothy naanaakachihtaa taan kaa ishi miisk Chishemanituu chechii itaapatisuut. Ekaawii wiichihiyich anichii kaa ayimitutahkwaau chekwaayuuh ekaa wiichihiiwemakaniyikwaau anite ishi e Chishemanituuwaatisiinaanuyich. Ekaawii aapatihtuuch anichii kaa itihtaakusitwaau muyaam naashch mistahii e chischeyihtahkwaau chekwaayuu ekaa maak nihaau muyaam ishi kachescheyihtahkwaau.

Mark 13:36

Yaakwaamiikw maak, yaakwaah cheskaakuyekwe e nipaayekw sischikuuch takushihke.

Mark 13:33

Yaakwaamiikw, muush pechi ayeskuwiishtuukw. Wesh taapaa chichischeyihtenaawaau taaishpish che ispayihch uu.

Revelation 3:19

Wesh niwiihtamuwaauch wenipayitwaauh anichii kaa saachihiikwaau kaye nikuiskunaauch. Suuhk maak chihchiwe iteyihtamukw e taapweyimiyekw, kweskaatisiikw, nakatamukw chimachihtwaawinawaauh.

2 Peter 3:1

Niiwiichewaakanitikw eukw uu niishwaa che masinahamaatakuch. Taapishkun anit kaa masinahamaatakuch suuhk nichii kuchihtaan chechii wiichihiitakuch chechii payehchi maamituneyihtamihiikuyekw misiwe chekwaan e chischisuumitakuch uyuu chekwaayuu.

Revelation 3:11

Shaash wiipach nika takushin. Suuhk yaapach taapweyimikw ekaa awen chechii miskamitaakw taan kaa ishi kaaniyuuyekw chisheuchimaau astutin.

Revelation 2:25

mikw suuhk che wii mamechiminamekw taan e ishi ayaayekw paatish utihchipayihche an e chiishikaach miin che takushiniyaan.

2 Peter 1:13

Ekun kiipaa taapwe e ishi miyawaach chechii ihtuutaatakuch nititeyihten, muush chechii chischisuumitakuch uyuu chekwaayuuh eshkw mekwaach e pimaatisiyaan.

2 Timothy 1:13

Suuhk yaakwaau nanaakataweyihta kaye muush nuushuushkah taan kaa ishi chiskutamaataan, taapwehtamuwinihch kaye saachihiiwewinihch chechii ishi pimaatisiyin e wiichewat Christ Jesus.

Revelation 3:2

Wanishkaakw. Yaaichihtaakw aniyuuh chekwaayuuh kaa iskupayihkwaauh, shaash chekaat kaa nipiimakahkwaau, wesh nichischeyihten ekaa eshkw tekash ihtuutamekw taan kaa itashumitaakw Chishemanituu.

Revelation 22:7

Jesus maak iteu, “Nituhtamukw, shaash wiipach nika takushin. Taapwe kata shaweyimaakanuu awen che nanihiihtahk uyuu ayimuwiniyuu taan kaa ishi waapahtiiweyich Chishemanituu utah masinahiikanihch eshkw che ispayiyich.”