Revelation 2:2 - Chishemanituu Utayimuwin: Kaa Uskaach Testament

² Chichischeyimitinaawaau misiwe taan kaa pechi ihtiyekw. Chichischeyimitinaawaau taan kaa ishpish mista aapatisiyekw. Chichischeyimitinaawaau kaye muush e chii siipiiwesiyekw e nachishkamekw chekwaan. Nichischeyihten ekaa nitaweyimekw awen e machaatisiit chechii ihtaat anit e ihtaawekw. Kaye chichii nituu chischeyimaawaauch anichii kaa itwetwaau apastalach e itaapatisitwaau. Anichii maak kaa miskuwekuch e nanataitwaau namui kuuhchi pachishtinaawaauch chechii ihtaatwaau anit mekwesiin e ihtaayekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᒋᒋᔅᒉᔨᒥᑎᓈᐙᐤ ᒥᓯᐌ ᑖᓐ ᑳ ᐯᒋ ᐃᐦᑎᔦᒄ᙮ ᒋᒋᔅᒉᔨᒥᑎᓈᐙᐤ ᑖᓐ ᑳ ᐃᔥᐱᔥ ᒥᔅᑕ ᐋᐸᑎᓯᔦᒄ᙮ ᒋᒋᔅᒉᔨᒥᑎᓈᐙᐤ ᑲᔦ ᒨᔥ ᐁ ᒌ ᓰᐲᐌᓯᔦᒄ ᐁ ᓇᒋᔥᑲᒣᒄ ᒉᒀᓐ᙮ ᓂᒋᔅᒉᔨᐦᑌᓐ ᐁᑳ ᓂᑕᐌᔨᒣᒄ ᐊᐌᓐ ᐁ ᒪᒑᑎᓰᑦ ᒉᒌ ᐃᐦᑖᑦ ᐊᓂᑦ ᐁ ᐃᐦᑖᐌᒄ᙮ ᑲᔦ ᒋᒌ ᓂᑑ ᒋᔅᒉᔨᒫᐙᐅᒡ ᐊᓂᒌ ᑳ ᐃᑗᑣᐤ ᐊᐸᔅᑕᓚᒡ ᐁ ᐃᑖᐸᑎᓯᑣᐤ᙮ ᐊᓂᒌ ᒫᒃ ᑳ ᒥᔅᑯᐌᑯᒡ ᐁ ᓇᓇᑕᐃᑣᐤ ᓇᒧᐃ ᑰᐦᒋ ᐸᒋᔥᑎᓈᐙᐅᒡ ᒉᒌ ᐃᐦᑖᑣᐤ ᐊᓂᑦ ᒣᑴᓰᓐ ᐁ ᐃᐦᑖᔦᒄ᙮

Revelation 2:2 Iomraidhean Croise

Matthew 7:23

Ekw che itakwaau, ‘Namui wiiskaat kuuhchi chischeyimitinaawaau. Maachiikw iichesikw nete chiyawaau kaa machaatisiyekw.’ ”

John 6:6

Eukw uyuu kaa ishi kakwechimaat uyuuh Philip mikw e chii wii nituu chischeyimaat taan che itweyikwen aat shaash e chii chischeyihtahk Jesus taan che ihtit.

Galatians 1:7

Taapaa ihtakun kutach miywaachimuwin. Mikw maak ihtaauch awenichii anite e ihtaayekw e mukushkaateyihtamihiitaakuch, e wii kwestinahkwaau aniyuu miywaachimuwiniyuu anit yaayimuumaakanuyich Christ.

Ephesians 4:14

Ekw maak namui chika uhchi awaashiyuuweyihtaakusinaanuu. Muyaam e papaamuwepahukuyihk taan e ishi Chiskutamaachetwaau kaa wiyeshihiiwetwaau chechii ishinaakusiihkw, eukw uchii kaa ihtuutuwaatwaau aweyuu chechii machituutamiyich nanaahkuu e ishi pisiiwiyaatwaau.

1 Thessalonians 1:3

Nichischisinaan e ayimihiichiht Chishemanituu taan e ishi miyu atushkaatuyekw e taapweyimekw Utipeyihchikeu. Nichischisinaan taan e ishi miywaapatisiyekw e saachihekw Jesus. Nichischisinaan kaye taan e ishi suuhchikaapuuyekw e aspeyimututawekw Chitipeyihchikeminuu Jesus Christ.

1 Thessalonians 5:21

Misiwe nituu chischeyihtamukw taan e iinaanuuhch tiyaapwemakanikwe, taapwemakahche maak ekw maak yaakw chechii utinamekw.

2 Timothy 2:19

Mikw maak aniyuu Chishemanituu uchiskutamaachewin taan e ishi taapwemakaniyich namui chika chii aahtinikanuuyuu e ishpish yaaitaniyich, kaye an kaa itashtech, “Utipeyihchikeu chischeyimeu aniyuuh aweyuuh wiya tepiyeusiit” kaye “Misiwe awen Utipeyihchikeu e ihtaayich kaa ishi tipeyihtaakusit chipaa nakatam machaatisiiwiniyuu.”

Hebrews 6:10

Ehe, chitaapweucheyimitinaawaau e chii pimaachihuyekw. Nichischeyimaau Chishemanituu kuiskw e ihtuutawaat misiwe aweyuuh. Chichischeyimikuwaau taan kaa ishi miyutuutamuwekw kaye taan kaa ishi nuukuhtawekw e saachihekw e chii wiichihiimekw kaa taapwehtamiitwaauh kaye eshkw e wiichihiimekw. Namui maak chika uhchi wanichischisuu uyuu.

1 John 4:1

Niichishaanitikw kaa saachihiitakuch ekaawii misiwe awen Chishemanituuh kaa aayimuutamaataakw mikw chika uhchi ishi taapwehtawaawaau. Yaakwaau nituu chischeyimaahkuch ati chechii uhchi chischeyihtamekw taapwe Chishemanituu e ihtaayich wehchipayikwe taan e ishi chiskutamaachetwaau. Wesh mihchetuuch mishihte utah aschiihch anichii machi uchischiwehiichesuuch.

Revelation 2:5

Chischisikw maa taan kaa ishpish saachihiyekw uskach. Ekun aa maak e ishpish saachihiyekw anuhchiish. Kweskaatisiikw kaye kaau ihtikw taan kaa chii ihtiyekw eshkw naashch e chii saachihiyekw. Wesh ekaa kweskaatisiyekwe nika takushin che utinamaan an chiwaashtenimaakanaahtikuwaau.

Revelation 2:6

Mikw maak peyakw chekwaan e miywaach e ihtiyekw eukw uu e uhkaatamuwekw taan e ihtitwaau anichii Nicolaitan kaa ishinihkaataakanuutwaau, muyaam niya e ishi uhkaatamuch.”

Revelation 2:9

Nichischeyihten taan e ishi nanehkaateyimuhiikuyekw. Nichischeyihten e chistimaatisiyekw mikw maak yaapach chimiisitisiinaawaau. Nichischeyihten taan e ishpish machaayimuumitaakuch anichii Jewa nititiskaanesinaan kaa itwetwaau, ekaa maak Jewa itiskaanesitwaau. Machimanituu e ihtaayich uhchiyuuch anichii.

Revelation 3:1

Ekw miin kaa itikuyaan, eukw uyuu itisinahamuu an enchil kaa naanaakachihaat umaamuuayimihaauh anite Sardis kaa ihtaayich. “Eukw uyuu e itwet an kaa tipeyimaat aniyuuh niishwaashch ahchaahkwa kaa atushkuwaayich Chishemanituu, an kaa tahkunaat niishwaashch achahkusha. Chichischeyimitinaawaau misiwe taan e ihtiyekw, iteu. Chichischeyimitinaawaau e iteyimikuyekw taapwe ahchaahkuwinihch e ishi pimaatisiyekw, mikw maak chinipinaawaau.

Revelation 3:15

Nichischeyihten taan e ishinaakuhkwaauh chitatushchewinawaau. Namui chitahchisinaawaau kaye namui chichisunaawaau. Kamaa tahchisiyekw maak chisuyekw.

Revelation 3:8

Chichischeyimitinaawaau taan e ihtiyekw. Chichischeyimitinaawaau ekaa naashch chischeyimakuyekw. Yaapach maak chichii nanihiihtuunaawaau taan kaa itashumitakuch kaye namui chuuhchi puuniinaawaau e taapweyimiyekw. Chichii aapahamaatinaawaau maak ishkwaahtem ekaa awen chechii chipahwaat.