Revelation 1:3 - Chishemanituu Utayimuwin: Kaa Uskaach Testament

³ Chika shaweyihtaakusuu an awen che ayimihtaat uyuu taan e itashteyich utah anit chechii uhchi pehtamiyich kutak aweyuuh. Anichii kaa pehtahkwaau kaye kaa nanihiihtahkwaau taan e itashteyich anit kaye wiyawaau chika shaweyihtaakusuuch. Wesh shaash peshunaakun che uhtihchipayihch misiwe chechii ispayihch taan kaa ishi waapahtiikuyaan.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᒋᑲ ᔕᐌᔨᐦᑖᑯᓲ ᐊᓐ ᐊᐌᓐ ᒉ ᐊᔨᒥᐦᑖᑦ ᐅᔫ ᑖᓐ ᐁ ᐃᑕᔥᑌᔨᒡ ᐅᑕᐦ ᐊᓂᑦ ᒉᒌ ᐅᐦᒋ ᐯᐦᑕᒥᔨᒡ ᑯᑕᒃ ᐊᐌᔫᐦ᙮ ᐊᓂᒌ ᑳ ᐯᐦᑕᐦᒀᐤ ᑲᔦ ᑳ ᓇᓂᐦᐄᐦᑕᐦᒀᐤ ᑖᓐ ᐁ ᐃᑕᔥᑌᔨᒡ ᐊᓂᑦ ᑲᔦ ᐎᔭᐙᐤ ᒋᑲ ᔕᐌᔨᐦᑖᑯᓲᒡ᙮ ᐌᔥ ᔖᔥ ᐯᔓᓈᑯᓐ ᒉ ᐅᐦᑎᐦᒋᐸᔨᐦᒡ ᒥᓯᐌ ᒉᒌ ᐃᔅᐸᔨᐦᒡ ᑖᓐ ᑳ ᐃᔑ ᐙᐸᐦᑏᑯᔮᓐ᙮

Revelation 1:3 Iomraidhean Croise

Matthew 24:15

“Iskutak maak waapamekwe an awen maauch kaa uhkaateyihtaakusit e niipuut anite maauch kaa payehkaniyich e maayeyimaat Chishemanituu, yaakwaamukw. Shaash chika peshunaakun che iskwaapayihch aschii. Eukun uyuuh aniyaa uchischiwehiichesuu Daniel kaa aayimuumaat. Chiyawaau kaa ayimihtaayekw uu suuhk wii nisituhtamukw taan e itwemakahch.

Luke 11:28

Ekw Jesus kaa itaat, “Ehe, taapwe, mikw maak uste shaweyihtaakusuuch anichii kaa pehtahkwaau Chishemanituu utayimuwiniyuu kaye kaa nanihiihtamuwaatwaau.”

Romans 13:11

Ekun uu chipaa ishi pimaatisiinaawaau e chischeyihtamekw taan che ispayihch ekw wiipach. Iteyihtaakun ekw taapwe chechii pekupayekw kaye chechii aasihcheyihtamekw. An e chiishikaach che pimaachihiitahkw Chishemanituu etituu ekw peshunaakun kaa ishpishinaakuhch anit niishtam kaa taapweyimahkw Jesus.

Romans 13:12

Shaash chekaat miyaaupayuu e tipiskaach. Shaash chika utihchipayuu e chiishikaach. Puuniitaau e ihtuutamuhkw aniyuuh chekwaayuuh taan e ishi ihtuutaakanuuhkwaau wanitipiskuwiiwinihch. Ihtuutahtaau aniyuuh chekwaayuuh che wiichihiikuyihkw chechii nishkuushtuuhkw machimanituu waashtewinihch e ihtaayihkw.

1 Peter 4:7

Shaash peshunaakun misiwe chekwaan che iskwaapayihch. Chinituweyihtaakusinaawaau chechii ishi nanaakatuweyihtamekw taan e ihtiyekw kaye ashuwaapikw e ayimihaayekw.

2 Peter 3:8

Peyakw chekwaan ekaawii chika uhchi wanichischisinaawaau niichishaanitikw. Peyakun yaapach iteyihtamihiikuu Utipeyihchikeu peyakw chiishikaau taan e iteyihtamihiikut peyakwaau chishemitaahtumitanuu pipunh.

Revelation 22:10

Ekw miin kaa pechi iishit, “Ekaawii chiimuut kanuweyihtah taan e ishi aayimuutech utah masinahiikanihch eshkw che ispayihch. Wesh shaash peshunaakun che ispayihkwaau uyuuh chekwaayuu.

Revelation 22:12

Jesus iteu, “Nituhtamukw, shaash wiipach nika takushin. Nika petaan maak taan che ishi tipahamuuk misiwe awen mikw taan kaa ihtikwe.

Revelation 22:20

An maak awen kaa wiihtahk e taapwemakaniyich misiwe uyuu kaa ishi wiihtaakanuyich iteu, “Cheshtinaash shaash wiipach miin nika takushin.” Amen, Utipeyihchikeu Jesus, aashtam.

Revelation 3:11

Shaash wiipach nika takushin. Suuhk yaapach taapweyimikw ekaa awen chechii miskamitaakw taan kaa ishi kaaniyuuyekw chisheuchimaau astutin.