Philippians 2:2 - Chishemanituu Utayimuwin: Kaa Uskaach Testament

² Ekw maak miyeyihtamihiikw peyakunihch e ishi maamituneyihtamekw kaye peyakunihch e ishi saachihiituyekw. Peyakunihch e iteyihtamihiikuyekw chekwaan kaye peyakunihch e ishi pukuseyimuyekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐁᒄ ᒫᒃ ᒥᔦᔨᐦᑕᒥᐦᐄᒄ ᐯᔭᑯᓂᐦᒡ ᐁ ᐃᔑ ᒫᒥᑐᓀᔨᐦᑕᒣᒄ ᑲᔦ ᐯᔭᑯᓂᐦᒡ ᐁ ᐃᔑ ᓵᒋᐦᐄᑐᔦᒄ᙮ ᐯᔭᑯᓂᐦᒡ ᐁ ᐃᑌᔨᐦᑕᒥᐦᐄᑯᔦᒄ ᒉᒀᓐ ᑲᔦ ᐯᔭᑯᓂᐦᒡ ᐁ ᐃᔑ ᐳᑯᓭᔨᒧᔦᒄ᙮

Philippians 2:2 Iomraidhean Croise

John 3:29

Muyaam uschinaapewaan wiya tipeyimeu aniyuu uschiskwewaan. Aniyuu maak uwiichewaakanh an uschinaapewaan, aniyuu kaa wiichihiiweyich ashuwaapamikuu che ishpish takushinit kaye miyeyihtamiyuu iskutak piyehtaakut. Ekun maak mwehch kaye niya e ishpish miyeyihtamaan shaash e ihtaat an kaa pechi itishahukut Chishemanituu.

ᐊᐸᔅᑕᓚᒡ 1:14

Misiwe maak chii naheyihtamuch muush chechii peyakuminehiitutwaau e maamuu ayimihaatwaau. Ekut kaa chii ihtaatwaau kaye anichii iskweuch kaye Jesus ukaawii kaye maak Jesus uwiichisaan kaa naapewiyich.

ᐊᐸᔅᑕᓚᒡ 2:1

Iskutak maak an e chiishikaach Pentecost kaa ishinihkaatech wetihchipayihch misiwe nishtau chii ihtaauch anichii kaa taapwehtahkwaau.

ᐊᐸᔅᑕᓚᒡ 2:46

Eshikum chiishikaau maak chii nishtawiyuuch anite chisheayimiheukamikuhch kaye chii maamuu miichisuuch wiichiwaawaahch, e miyeyihtahkwaau utehiiwaauch e miitutwaau taan e ishi ayaatwaau.

ᐊᐸᔅᑕᓚᒡ 5:12

Mihchetu maamishkaach waapahtiiwewinh chii waapahtiiweuch kaye chii ihtuutamuch e maamishkaateyihtaakuniyikwaauh chekwaayuuh anichii apastalach anit aniyuu iinuu e ihtaayich. Misiwe maak anichii muush kaa maamuuayimihaatwaau chii nishtuwiyuuch maan anite Solomon upwaahchim kaa ishinihkaateyich.

Romans 12:16

Misiwe e tashiyekw suuhk wii miyu wiicheutukw. Ekaawii chika uhchi chihkaateyimunaawaau. Ekaawii nakaawiikw chechii wiichewekuch anichii naashch ekaa kaa aapateyimikutwaau aweyuuh. Ekaawii chika uhchi iteyimisunaawaau naashch e iipwaahkaayekw.

1 Corinthians 1:10

Niichishaanitikw, Chitipeyihchikeminuu Jesus Christ utishinihkaasuwinihch uhchi, chisiihchimitinaawaau maamuu chechii niskumuyekw chekwaan e itweyekw ekaa chechii papahkaanipayekw anit mekwesiinuu e ihtaayekw. Suuhk wii maamuupayihukw peyakunihch e ishi maamituneyihtamekw kaye peyakunihch e ishi nisituhtamekw.

2 Corinthians 13:11

Ekw maak niichishaanitikw, waachiye chititinaawaau. Suuhk kuchihtaakw nihaau chechii iteyihtaakusiyekw e ishi nituweyimitaakw Chishemanituu chechii iteyihtaakusuwekw. Yaakwaau nituhtamukw taan e ishi siihchimitakuch. Suuhk peyakunihch wii ishi pimaatisiikw. Suuhk miyu wiicheutukw. Chishemanituu an kaa saachihiiwet kaye kaa ayaat chiyaameyihtamuwiniyuu chika wiicheukuwaau.

2 Corinthians 2:3

Ekun wehchii masinahamaatakuch an kaa masinahamaatakuch. Namui nuuhchi nitaweyihten chechii misimeyihtamihiyekw nituwaapamitakuche, wesh chiyawaau chipaa miyeyihtamihiinaawaau. Mitun nichii chischeyihten miyeyihtamaane kaye chiyawaau che miyeyihtamekw.

2 Corinthians 7:7

Namui maak mikw anit nuuhchi miyeyihtamihiikunaan. Kaa pehtamaahch kaye taan kaa ishi kaachiichihekw Titus eukw uu kaye kaa kaachiichihiikuyaahch. Nichii wiihtamaakunaan naashch taapwe e wii waapamiyaahch kaye taan kaa ishi mihchiiweyihtamekw. Chii aayimuutam kaye taan kaa ishi maamituneyimiyekw. Ekw maak etituu kaa miyeyihtamaan.

Philippians 1:4

Kaye naashch taapwe nimiyeyihten, tahtwaau e ayimiheshtamaatakuch.

Philippians 2:16

Ekun uu chipaa ishi pimaatisiinaanuu e waawiihtamuuhkwaau awenichii Chishemanituu e pimaachihiiweyich. Ekw maak iskutak utihchipayihche Christ che takushinit, ekw che maamihchihiyekw. Ekut che nuukuhch ekaa sehchei uhchi aapatisiyaan.

Philippians 2:20

Wesh namui ihtaau kutak awen utah mistahii e iteyimitaakw mwehch niya e iteyimitakuch.

Philippians 4:2

Nipukuseyimaauch anichii iskweuch Euodia ekw maak Syntyche chechii nanihiihtuwaatwaau Utipeyihchikeu ekaa mamachipayitwaau.

Colossians 2:5

Muush chichischisiitutaatinaawaau aat ekaa ihtaayaan anit e ihtaayekw. Nisichiyesin kaye e waapahtamaan taan e ishpish suuhk iteyihtamekw maamuu e taapweyimekw Christ.

2 Thessalonians 2:13

Iteyihtaakun muush chechii nanaaskumachiht Chishemanituu chiyawaau uhchi, chiyawaau kaa saachihiitaakw Utipeyihchikeu. Wesh shaash chichii wiyaapamikuwaau Chishemanituu chechii pimaachihuwekw eshkw ekaa mechim uhchi ushihtaat uyuu aschiiyuu. Chika pimaachihunaawaau maak wesh Chishemanituu kaa suuhcheyihtaakusiyich Utahchaahkwa chika ihtuutaakuwaau Chishemanituu chechii utiiniimitutaataakw wesh chitaapwehtenaawaau taapwewin.

2 Timothy 1:4

Nichischisin taan kaa ishi uhchikuwaapiyin maahchishtai kaa waapamitaan. Taapwe nipaa miyeyihten miin waapamitaan wesh naashch chiwii waapamitin.

Philemon 1:20

Ekw maak e saachihiit Utipeyihchikeu, niichishaan, chipukuseyimitin chechii ihtuutaman uu kaa ishi kakwechimitaan chechii ihtiyin. Naashch chika miyeyihtamihiin ihtuutamane taan kaa ishi kakwechimitaan.

2 John 1:4

Naashch taapwe nichii muuchicheyihten iskutak chescheyihtamaan pasch chitawaashiimach taapwewinihch e ishi pimaatisiitwaau mwehch aniyuu kaa itashumitahkw Uhtaawiimaau chechii ishi pimaatisiyuuhkw.

3 John 1:4

Namui ihtakun chekwaan uste chechii miyeyihtamihiikuyaan e ihtuutaakuyaan e pehtamaan nitawaashiimach taapwe e pimaatisiitwaau taan e ishi nituweyimikutwaau Chishemanituuh chechii ishi pimaatisiitwaau.