Philippians 1:4 - Chishemanituu Utayimuwin: Kaa Uskaach Testament

⁴ Kaye naashch taapwe nimiyeyihten, tahtwaau e ayimiheshtamaatakuch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᑲᔦ ᓈᔥᒡ ᑖᐺ ᓂᒥᔦᔨᐦᑌᓐ, ᑕᐦᑣᐤ ᐁ ᐊᔨᒥᐦᐁᔥᑕᒫᑕᑯᒡ᙮

Philippians 1:4 Iomraidhean Croise

Mark 5:5

Esikum tipiskaau kaye esikum chiishikaau chii papaa ihtaau anite chiipaischiihch kaye wachiihch pisikw e nanuuhtaakusit nesht e mamaatisusut asiniih e aapachihaat.

Luke 15:10

Ekw miin Jesus kaa itwet, “Aniyuu maak kaa ishpish miyeyihtahk an iskweu e chii miskawaat aniyuu kaa wanihaat ushuuliyaam eukun e ishinaakusiyich Chishemanituu utenchilam, miyeyihtamiyuu iskutak peyakw umachihtwaau e kweskaatisiyich.”

Luke 15:7

Kaa itwet miin Jesus, “Chiwiihtamaatinaawaau, mwehch ekun e iteyihtaakuhch muuchicheyihtamuwin anite kihchikiishikuhch iskutak peyakw umachihtwaau e naataat Chishemanituu e wii kweskaatisiit, uste wiya muuchicheyihtamihiiweu ishpishaat peyakushtemitanuu peyakushteu kaa kuiskutaatisiitwaau awenichii shaash e kweskaatisiitwaau.”

Romans 1:9

Chishemanituu an kwaast kaa atushkuuk e waawiihtamuch aniyuu miywaachimuwiniyuu Ukusisa anit e aayimuumikuyich nichischeyimikw e taapweuch. Nichischeyimikw muush e chischisiitutaatakuch tahtwaau e ayimihiik.

Philippians 2:2

Ekw maak miyeyihtamihiikw peyakunihch e ishi maamituneyihtamekw kaye peyakunihch e ishi saachihiituyekw. Peyakunihch e iteyihtamihiikuyekw chekwaan kaye peyakunihch e ishi pukuseyimuyekw.

Philippians 3:18

Aat shaash mihchetwaau e chii wiihtamaatakuch uu, miin chiwiihtamaatinaawaau. Nuuhchikuwaapin maak e wiihtamaatakuch. Mihchetu ishi pimaatisiyuuch e nishkuushtahkwaau aniyuu miywaachimuwiniyuu anit yaayimuumaakanuyich Christ aashiteyaahtikuhch e chii nipahaakanuyich.

Philippians 4:1

Ekw maak niichishaanitikw, chiyawaau naashch kaa saachihiitakuch, muush kaa mwestaatitakuch. Nuwach chimiyeyihtamahiinaawaau kaye chimaamihchihiinaawaau chechii tipaachimitakuch. Eukw uu kaa ishi aayimuutamaatakuch e nitaweyimitakuch chechii yaaichikaapuyekw e taapweyimekw Utipeyihchikeu.

Colossians 2:5

Muush chichischisiitutaatinaawaau aat ekaa ihtaayaan anit e ihtaayekw. Nisichiyesin kaye e waapahtamaan taan e ishpish suuhk iteyihtamekw maamuu e taapweyimekw Christ.

1 Thessalonians 1:2

Muush nanaaskumaanaan Chishemanituu misiwe chiyawaau uhchi kaye muush chichischisiitutaatinaan tahtwaau e ayimihiichiht Chishemanituu.

Philemon 1:7

Naashch taapwe nimiyeyihten kaye naashch nikaachiichihiikuun e chischeyihtamaan e ishi ayaan saachihiiwewin, niichishaan, wesh mihchetu kaa taapwehtahkwaau chii kaachiichihiikuuch taan e ishi ayaayin saachihiiwewin.

2 John 1:4

Naashch taapwe nichii muuchicheyihten iskutak chescheyihtamaan pasch chitawaashiimach taapwewinihch e ishi pimaatisiitwaau mwehch aniyuu kaa itashumitahkw Uhtaawiimaau chechii ishi pimaatisiyuuhkw.