Philippians 1:1 - Chishemanituu Utayimuwin: Kaa Uskaach Testament

¹ Niya Paul chimasinahamaatinaawaau chiyawaau Jesus Christ kaa taapweyimekw anite Philippihch kaa ihtaayekw. Timothy ekw maak niya taapishkun nitatushkuwaanaan Jesus Christ. Kaye chiyawaau kaa niikaanishkuwekuch umaamuuayimihaauch ekw maak chiyawaau kaa wiichihiiweyekw anite ayimiheukamikuhch chimasinahamaatinaan.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᓂᔭ ᑆᓪ ᒋᒪᓯᓇᐦᐊᒫᑎᓈᐙᐤ ᒋᔭᐙᐤ ᒌᓴᔅ ᙭ ᑳ ᑖᐺᔨᒣᒄ ᐊᓂᑌ ᕕᓕᐹᐃᐦᒡ ᑳ ᐃᐦᑖᔦᒄ᙮ ᑎᒧᑏ ᐁᒄ ᒫᒃ ᓂᔭ ᑖᐱᔥᑯᓐ ᓂᑕᑐᔥᑯᐙᓈᓐ ᒌᓴᔅ ᙭᙮ ᑲᔦ ᒋᔭᐙᐤ ᑳ ᓃᑳᓂᔥᑯᐌᑯᒡ ᐅᒫᒨᐊᔨᒥᐦᐋᐅᒡ ᐁᒄ ᒫᒃ ᒋᔭᐙᐤ ᑳ ᐐᒋᐦᐄᐌᔦᒄ ᐊᓂᑌ ᐊᔨᒥᐦᐁᐅᑲᒥᑯᐦᒡ ᒋᒪᓯᓇᐦᐊᒫᑎᓈᓐ᙮

Philippians 1:1 Iomraidhean Croise

Mark 13:34

Ekun mwehch e ishinaakuhch naapeu waahiyuu e wii ispayit. Iskutak che nakatahk wiich utaapachihaakanh miyeu che uchimaawiyich mekwaach ekaa ihtaate. Misiwe paahpeyakw wiihtamuweu che itaapatisiyich. Kaye aniyuuh kaa kanuushkuwaahtaweyich itashumeu yaakwaau chechii naanaakachihtaayich ishkwaahtemiyuu.

John 12:26

An maak awen niya kaa atushkuut nika pechi nuushuushkaakw. Ekw maak che ihtaat nitaapachihaakan taanite che ati aihtaauch. Kata chisteyimikuu Nuuhtaawiih an awen che atushkuukwe.”

ᐊᐸᔅᑕᓚᒡ 1:20

Wesh itashteyuu anite aniyaa David unikamuwinihch, Namui chika uhchi ihtaanuuyuu anit kaa chii ihtaat, ekaawii awen chika uhchi wiichuu anit. Eyuu maak itashteu, Kutak aweyuu chika miiskuchishkaakuu aniyuu kaa chii itaapatisit.

ᐊᐸᔅᑕᓚᒡ 20:28

Suuhk maak naanaakatuweyimisukw kaye suuhk wii miyu kanuweyimaahkuch aniyuuh Kaa payehchisiit Ahchaahkw kaa miitaakw chechii naanaakachihiimekw. Yaakwaau ishi kanuweyimaahkuch umaamuuayimihaauch, wesh Chishemanituu wiya chii tipahahweu uyuuh iskutak Ukusisa kaa pachishtinaat chechii nipahaakanuyich.

ᐊᐸᔅᑕᓚᒡ 9:13

Ekw Ananias kaa nishkweushihaat Utipeyihchikeuh e itaat, “Utipeyihchikeu, mihchetu iinuuch nichii wiihtamaakuch uyuu naapeu taan e ishpish nanehkaachihaat aniyuuh kaa taapwehtamitwaau anite Jerusalemihch kaa ihtaayitwaauh.

Romans 1:1

Niya Paul, Jesus Christ utaapachihaakan. Chishemanituu nichii wiyaapamukw apastal chechii ihtaauch kaye maak wiya nichii tepwaatikw chechii waawiihtamuch umiywaachimuwin.

Romans 1:7

Ekun maak wehchi masinahamaatakuch misiwe chiyawaau Rome kaa ihtaayekw, chiyawaau Chishemanituu kaa saachihiitaakw kaye kaa wiyaapamitaakw chechii tipiiweusiitutaataakw. Chishemanituu Kuuhtaawiinuu ekw maak chitipeyihchikeminuu Jesus Christ chika shaweyimikuwaauch kaye chika miikuwaauch chiyaameyihtamuwiniyuu.

1 Corinthians 16:10

Chek pechi nituwaapamitaakwe Timothy suuhk che wii miyuuhkuwekw wesh kaye wiya atushkuweu Utipeyihchikeuh mwehch niya e ishi atushkaamach.

2 Corinthians 1:1

Niya Paul, Jesus Christ utapastalimh kaa masinahiicheyaan. Wiya Chishemanituu kaa wiyaapamit apastal chechii itaapatisuuch. Niya ekw maak chiichishaanuu Timothy taapishkun chimasinahamaatinaan. Chiyawaau Chishemanituu e ihtaat kaa ishi maamuuayimihaayekw anite Corinth kaa ishinihkaatech ihtaawin kaa ihtaayekw chimasinahamaatinaan. Kaye maak misiwe anichii kaa taapwehtahkwaau anite Achaia kaa ishinihkaateyich aschiiyuu kaa ihtaatwaau nimasinahamuwaanaanich.

Galatians 1:10

Mikw wii ihtuutaweu aweyuu chechii mamiywaachimikut chititeyiminaawaau aa. Namui, Chishemanituu eukw waa chischeyihtamuch taan e ishi miywaachimit. Mikw wii naheyihtamiheu aweyuuh chititeyiminaawaau aa. Wesh mikw iinuuch wii naheyihtamahiikwaau namui nipaa uhchi atushkuwaau Christ.

Galatians 3:26

Misiwe chiyaanuu kaa taapweyimahkw Jesus Christ ekut wehchi utawaashiimitutaatahkw Chishemanituu.

Galatians 3:28

Misiwe peyakunihch chit ishi kanawaapamikunuu Chishemanituu, namui wiyeshin Jewa maak ekaa Jewa e itiskaanesiwaauhkwe, kaye maak e aapachihaakaniwaauhkwe maak ekaa e aapachihaakaniwaauhkwe, e naapewaauhkwe maak e iskwewaauhkwe.

Ephesians 1:1

Apastal Paul niya, Chishemanituu nichii wiyaapamukw chechii tipaachimach Christ Jesus. Chimasinahamaatinaawaau chiyawaau kaa taapwehtamekw anite Ephesus kaa ihtaayekw, chiyawaau muush kaa taapweucheyihtaakusiyekw e wiichewekw Christ Jesus.

Ephesians 1:15

Nichii pehten e taapweyimekw Jesus chitipeyihchikeminuu kaye e saachihekuch misiwe awenich kaa taapwehtahkwaau.

Ephesians 6:24

Chiyawaau kaachiche che saachihekw Chitipeyihchikeminuu Jesus Christ chika wii shaweyimikuwaau.

Philippians 2:19

Nitaweyihtahke Utipeyihchikeu Jesus, nipukuseyihten chechii itishahuuk Timothy anite e ihtaawekw. Ekw maak che miyeyihtamaan pehtamaane taan e itaachimikuyekw.

Philippians 2:5

Taan kaa ishi maamituneyihtahk Christ ekun kaye chiyaanuu chipaa ishi maamituneyihtenaanuu.

Philippians 3:12

Namui kiipaa wii nititwen shaash tekash e iteyihtaakusiyaan uu kaa ishi pukuseyimuyaan maak tekash chechii iteyihtaakusuuch aniyuu kaa ishi nitaweyimit Chishemanituu chechii iteyihtaakusuuch. Mikw maak suuhk nika kuchihtaan an chechii iteyihtaakusiyaan, wesh shaash nitipeyimikw Christ Jesus.

Philippians 3:3

Chiyaanuu eukw taapwe weutiiniimihtutaatahkw Chishemanituu, chiyaanuu Utahchaahkwa kaa wiichihiikuuhkw e nuuchiishtuuhkw kaye maak chichisteyihtaakuhaanuu Christ Jesus wiya e chii ihtuutaatahkw chechii utiiniimitutaakuuhkw Chishemanituu. Namui wii uschich taan e ihtuutaasuyihkw chika chii uhchi maamihchimunaanuu.

Philippians 3:8

Namui maak mikw aniyuuh chekwaayuuh kaa aayimuutamaan nuuhchi wepinen. Misiwe kutach chekwaan namui mitun nitaapateyihtamihiikun e ishpish etituu iteyihtaakuhch e chischeyimak Christ Jesus taapwe e Utipeyihchikemiyaan. Wiya uhchi eukuu wehchii pachishteyihtamihiikuyaan misiwe uyuuh chekwaayuu, wepinaasun nititeyihtamihiikun uyuuh chekwaayuuh, wiya chechii wiicheuk,

1 Thessalonians 1:1

Niyaan Paul, Silas, ekw maak Timothy, chimasinahamaatinaan chiyawaau umaamuuayimihaauch anite Thessalonica kaa ihtaayekw Chishemanituu Uhtaawiimaau ekw maak Utipeyihchikeu Jesus Christ kaa tipiweusiitutaataakw. Chitayimiheshtamaatinaan Chishemanituu chechii chishewaach miyutuutaataakw kaye chechii miitaakw chiyaameyihtamuwiniyuu.

1 Thessalonians 2:2

Chichischeyihtenaawaau taan kaa ishi nanehkaachihiikuyaahch kaye taan kaa ishi maayeyimikuyaahch anite Philippi kaa ishinihkaatech ihtaawin iskutak che takushiniyaahch anit e ihtaayekw. Yaapach maak nichii ihtuutaakunaan Chishemanituu ekaa chechii kushtaachuwachiht e waawiihtamuwachiht aniyuu miywaachimuwiniyuu wiya kaa miitahkw aat e chii ihtaatwaau awenichii anit e ihtaayekw suuhk e chii kuchihtaatwaau chechii chipihchihiyimihtwaau.

2 Thessalonians 1:1

Niyaan Paul, Silas, ekw maak Timothy, chiyawaau umaamuuayimihaauch anite Thessalonica kaa ihtaayekw Chishemanituu Uhtaawiimaau ekw maak Utipeyihchikeu Jesus Christ kaa tipiiweusiitutaataakw chimasinahamaatinaan.

2 Thessalonians 1:10

Chika waweshiheu Utipeyihchikeu uyuuh aniyuu e chiishikaayich takushihke chechii chisteyihtaakuhiikut kaa taapwehtamiitwaauh kaye chechii chisteyimikut misiwe aniyuu aweyuu kaa taapweyimikut. Ekut maak che wiichihiiweyekw kaye chiyawaau chisteyihtaakuhaakanuute Utipeyihchikeu wesh chichii taapwehtenaawaau an miywaachimuwin kaa wiihtamaataahch.

1 Timothy 1:2

Chiya Timothy chimasinahamaatin, chiya muyaam tipiiwe nikus kaa iteyimitaan wesh niya chichii wiichihiitin wetaach chechii nihtaauchiyin anite Christ e ihtaat ishi. Chishemanituu Kuuhtaawiinuu kaye Christ Jesus Chitipeyihchikeminuu chika wii miikw chishewaatisiiwiniyuu, shaweyihchichewiniyuu kaye chiyaameyihtamuwiniyuu.

1 Timothy 3:8

Kaye maak anichii kaa wiichihiiwetwaau taan e ishi naanaakachihtaakanuyich ayimiheukamikuyuu chipaa taapweucheyihtaakusuuch kaye muush kuiskw chipaa itihtaakuniyuu utayimuwinawaau. Namui chipaa uhchi wiihchipeuch kaye namui chipaa uhchi saachihtaauch shuuliyaayuu.

Titus 1:1

Niya, Paul, kaa masinahamaataan. Niya Chishemanituu utaapachihaakan kaye Jesus Christ utapastalimh. Nichii itishahukuun chechii wiichihiimach aniyuuh iinuuh Chishemanituu kaa wiyaapamaat chechii taapweyimaayich Jesus. Nichii itishahukuun kaye chechii chiskutamuukwaau chechii chischeyihtahkwaau taapwewiniyuu ekw maak chechii itaatisiitwaau taan e ishi nituweyimikutwaau Chishemanituu chechii itaatisiitwaau.

Titus 1:7

An awen kaa niikaanishkuwaat umaamuuayimihaauh, namui chipaa uhchi machituutam anit chechii uhchi ataameyimaakanuut chekwaayuu, wesh Chishemanituuh atushkuweu. Namui chihchiwe chipaa uhchi iteyimisuu, kaye namui tiiwehch chipaa uhchi chishuwaasuu, kaye namui chipaa uhchi wiihchipeu, kaye namui chipaa uhchi aahkuyuwesuu, kaye namui chipaa uhchi saachihtaau shuuliyaayuu.

Philemon 1:1

Niya Paul kaa masinahiicheyaan. Chiichishaanuu Timothy kaye ihtaau utah. Chipahutuukamikuhch nitihtaan anuhchiish an uhchi e atushkuuk Jesus Christ. Chiya niwiichewaakanaan Philemon kaa masinahamaataan kaye chiya kaa atushkuwat Jesus mwehch niyaan e ishi atushkuwachiht.

Hebrews 13:23

Maaskuuch chichii pehtenaawaawaache chiichishaanuu Timothy shaash e chii wiiwiit chipahutuukamikuhch uhchi. Wiipach takushihke ute e ihtaauch ekw che peshuwak anite e ihtaayekw iskutak nituwaapamitakuche.

James 1:1

James niya, Chishemanituu ekw maak Utipeyihchikeu Jesus Christ utaapachihaakanuwaauh. Misiwe niwaachiyemaayuuh Chishemanituu utiiniim pahpiiwe kaa ihtaayich misiwe e ispichiskamikaayich uyuu aschiiyuu.

1 Peter 2:25

Wesh mwehch maanishchaanishach e wanishihkwaau chichii ishinaakusinaawaau. Anuhchiish maak shaash kaau chichii peshiikunaawaau chechii nuushuushkuwekw an maanishchaanishuiinuu kaa naanaakachihiitaakw kaye kaa kanuweyimaat chitahchaahkuwaauh.

2 Peter 1:1

Niya Simon Peter. Jesus Christ nitatushkuwaau, wiya nichii wiyaapamikw apastal chechii itaapatisuuch. Chimasinahamaatinaawaau chiyawaau kaa ayaayekw taapwehtamuwin mwehch an e iteyihtaakuhch niyaan kaa ayaayaahch. Eukw uyuu taapwehtamuwiniyuu chipimaachihiiweminuu kaye Chichishemanituuminuu Jesus Christ kaa miitahkw. Wiya chitihtuutaakunuu chechii kuiskunaakusiyuuhkw Chishemanituu ishi e ihtaat.

Jude 1:1

Jude niya, James wiichiinuu. Jesus Christ nitatushkuwaau. Nimasinahamuwaauch anichii kaa tepwaatikutwaau kaye naashch kaa saachihiikutwaau Chishemanituu Uhtaawiimaauh. Miyu kanuweyimikuuch Jesus Christ uchii.

Revelation 1:1

Eukw uyuu kaa ishi waapahtiiwet Jesus, Chishemanituu chii miikuu chechii chischeyihtamihaat aniyuu kaa atushkuwaayich Chishemanituu taan che ispayiyich wiipach. Niya, John, Chishemanituu kaa atushkuwaat, nichii itishahamaakw Christ enchil chechii pechi wiihtamuyich taan aniyuuh shaash wiipach che ispayiyich.

Revelation 1:20

Anichii maak niishwaashch achahkushach kaa waapamiin nihiiwinitihchiihch e tahkunihkwaau kaye aniyuuh niishwaashch kaa ushaaushuuliyaawaapiskuuhkwaau waashtenamaakanaahtikw eukw uu e ishi wiihtamaachemakahkwaauh. Anichii niishwaashch achahkushach eukw anichii enchilich kaa niikaanishkuwaatwaau umaamuuayimihaauh anite aniyuu niishwaashch ayimiheukamikuh kaa ihtaatwaau. Ekw aniyuuh niishwaashch kaa ushaaushuuliyaawaapiskuuhkwaauh waashtenamaakanaahtikw eukw aniyuuh niishwaashch ayimiheukamikuh kaa aayimuutekwaauh.

Revelation 19:10

Nichii uchihchiihkunipayistwaau maak chechii nuuchiishtuuk uu enchil. Mikw maak nichii itikw, “Ekaa wii an ihtih. Wesh kaye niya nitatushkuwaau Chishemanituu muyaam chii ekw maak chiichishaanich e ihtiyekw, misiwe anichii kuiskw kaa ishi waawiihtahkwaau aniyuu taapwewiniyuu Jesus kaa waapahtiiweyich. Chishemanituu eukw nuuchiishtuu.” Ekun kaa iishit an enchil. Wesh aniyuu taapwewiniyuu Jesus kaa pechi waapahtiiwet eukw aniyuu kaa suuhcheyihtaakuhiikutwaau anichii uchischiwehiichesuuch taan kaa ishi ayimitwaau.

Revelation 2:12

Maau itasinahamuu an enchil kaa naanaakachihaat umaamuuayimihaauh anite Pergamum kaa ihtaayich, “Eukw uyuu e itwet an kaa ayaat iituu kaa ishi kaasaayich nitupayuuhkumaaniyuu.

Revelation 2:8

Eukw uu itasinahamuu an enchil kaa naanaakachihaat umaamuuayimihaauh anite Smyrna kaa ihtaayich, “Eukw uyuu e itwet an niishtam kaa ihtaat kaye maahchishtai che ihtaat, an kaa nipit kaye kaau kaa wanishkaat.

Revelation 22:9

Mikw maak nichii itikw, “Ekaa pechi nuuchiishtuuh. Wesh kaye niya nitatushkuwaau Chishemanituu mwehch chii e ihtiyin kaye maak mwehch e ihtitwaau chiichishaanich, anichii kaa chischiwehiichetwaau ekw maak anichii kaa nanihiihtahkwaau taan e itashteyich utah masinahiikanihch. Chishemanituu eukw nuuchiishtuu.”