Philemon 1:8 - Chishemanituu Utayimuwin: Kaa Uskaach Testament

⁸ Eukw maak wehchi wii kakwechimitaan chekwaan e chischeyimitaan e ishpish saachihiitwaau awenichii. Apastal e ihtaayaan chipaa chii wiishuwaatitin taan che ihtiyin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐁᐅᒄ ᒫᒃ ᐌᐦᒋ ᐐ ᑲᑴᒋᒥᑖᓐ ᒉᒀᓐ ᐁ ᒋᔅᒉᔨᒥᑖᓐ ᐁ ᐃᔥᐱᔥ ᓵᒋᐦᐄᑣᐤ ᐊᐌᓂᒌ᙮ ᐊᐸᔅᑕᓪ ᐁ ᐃᐦᑖᔮᓐ ᒋᐹ ᒌ ᐐᔓᐙᑎᑎᓐ ᑖᓐ ᒉ ᐃᐦᑎᔨᓐ᙮

Philemon 1:8 Iomraidhean Croise

2 Corinthians 10:8

Taapaa nishaakweyimun aat apishiish paashich kaa ishi aayimuutamuwaane an tipeyihchichewin kaa miikuyaahch chechii wiichihiitaahch. Utipeyihchikeu nichii miikunaan uyuu tipeyihchichewiniyuu chechii wiichihiitaahch, namui wii chechii niihtahuutaahch.

2 Corinthians 11:21

Taapwe kiipaa nichii wanipayinaan. Nishaakweyimun chechii itweyaan ekaa uhchii ihtiyaahch uu niyaan. Ekaa nekaawiikwe awen chechii nanaapeumut taan e ihtit nipaa chii nanaapeumun kaye niya. Miin maak nichiiskwe ayimin uu kaa itweyaan.

2 Corinthians 3:12

Naashch taapwe nicheshtinaateyihtamihiikunaan uu. Ekun maak wehchi miyupayihch mikw chechii ishi wiihtamaataahch.

Ephesians 5:4

Namui kuiskunaakuniyuu Chishemanituu utiiniim chechii wawiinihtaakuniyich utayimuwiniyuu maak chechii chiishkwe ayimiyich maak nitamukw chechii ishi wawiitweyich. Teyakuch muush chipaa nanaaskumeuch Utipeyihchikeuh misiwe chekwaayuu.

1 Thessalonians 2:2

Chichischeyihtenaawaau taan kaa ishi nanehkaachihiikuyaahch kaye taan kaa ishi maayeyimikuyaahch anite Philippi kaa ishinihkaatech ihtaawin iskutak che takushiniyaahch anit e ihtaayekw. Yaapach maak nichii ihtuutaakunaan Chishemanituu ekaa chechii kushtaachuwachiht e waawiihtamuwachiht aniyuu miywaachimuwiniyuu wiya kaa miitahkw aat e chii ihtaatwaau awenichii anit e ihtaayekw suuhk e chii kuchihtaatwaau chechii chipihchihiyimihtwaau.

1 Thessalonians 2:6

Taapaa nuuhchi naanituuweyihtenaan naashch chihchiwe chechii iteyimiyaahch maak kutakach awenichii naashch chihchiwe chechii iteyimiyamihtwaau. Aat e chii ihtakuhch ekaa wiyesh chipaa uhchi ishinaakun pukuseyimitaach chekwaan apastalach e itaapatisiyaahch,