Philemon 1:6 - Chishemanituu Utayimuwin: Kaa Uskaach Testament

⁶ Nitutamaan aniyuu e ati aayimuutamuutwaau awenichii taan e ishi taapwehtaman chechii wiichihiiwemakahch etituu chechii ati chischeyihtaman taan chechii ishi miyutuutamaakuyihkw Christ Jesus.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᓂᑐᑕᒫᓐ ᐊᓂᔫ ᐁ ᐊᑎ ᐋᔨᒨᑕᒨᑣᐤ ᐊᐌᓂᒌ ᑖᓐ ᐁ ᐃᔑ ᑖᐺᐦᑕᒪᓐ ᒉᒌ ᐐᒋᐦᐄᐌᒪᑲᐦᒡ ᐁᑎᑑ ᒉᒌ ᐊᑎ ᒋᔅᒉᔨᐦᑕᒪᓐ ᑖᓐ ᒉᒌ ᐃᔑ ᒥᔪᑑᑕᒫᑯᔨᐦᒄ ᙭ ᒌᓴᔅ᙮

Philemon 1:6 Iomraidhean Croise

Matthew 25:16

An maak aapachihaakan niyaayinwaau chishemitaahtumitanuu kaa miyaakanuut, chiichihch aapatisuwaacheu aniyuu ushuuliyaamiyuu etituu chechii ihchihtaat. Miin maak niyaayinwaau chishemitaahtumitanuu chii takuheu aniyuu shuuliyaau.

Matthew 5:16

Ekun maak mwehch chipaa ishi waashtenamaakuuch awenichii chiwaashtewinawaayuu anite chipimaatisiiwiniwaahch kaa ihtakuhch, chechii waapahtahkwaau aniyuu e ishi miyutuutamekw ekw maak che maamihchimaatwaau Kuuhtaawaau kihchikiishikuhch kaa ihtaayich.”

1 Corinthians 14:25

Chika nisituhtam taapwe e chischeyihtamiyich Chishemanituuh taan e iteyihtahk. Ekw maak che pahchishimipayihut e nuuchiishtuwaat Chishemanituu e itwet, “Cheshtinaash ihtaau Chishemanituu utah mekwesiin e ihtaayekw.”

1 Corinthians 16:9

Mekwaach naashch nihiipayuu chechii miyu aapatisiyaan utah aat e mihchetitwaau awenich e wii machipayihkahtuutwaau.

Philippians 4:8

Niichishaanitikw, eshkw ekaa chiishihtaayaan e masinahamaatakuch peyakw miin chekwaan chika wiihtamaatinaawaau, Suuhk muush maamituneyihtamukw anihiih chekwaayuuh kaa miywaashikwaauh, anihiih kaa maamihchihiiwekwaauh, muyaam chekwaan e kuiskunaakuhch, chekwaan e chisteyihtaakuhch, kaye kuiskw ihtuwin, payehchi pimaatisiiwin, chekwaan e naheyihtamihiiwech ekw maak chekwaan e miyu tipaatutech.

Colossians 1:9

Iishpin maak kaa pechi itaachimushtaakuyaahch Epaphras misiwe uyuu taan kaa ishi chischeyihtamihiitaakw Chishemanituu chipimaatisiiwiniwaahch muush chitayimiheshtamaatinaan. Namui nipuuniinaan e ayimiheshtamaataahch. Muush nitutamuwaanaan Chishemanituu tekash chechii chischeyihtamuwekw utiteyihtamuwin. Mitun tekash chechii ayaayekw kachehtaaweyihtamuwin ekw maak nishituhtamuwin taan aniyuuh e ishi miiwet Payehchi Ahchaahkw chechii chischeyihtamekw uu.

Colossians 3:10

kaye maak tekash aahchiiuh ekw chit ishi pimaatisiinaawaau. Wetaach ati uschinaakun chimituneyihchikanawaauh chechii nispituwekw Chishemanituu an kaa ushihiitaakw.

Titus 3:14

Anichii maak chiyaanuu chitiiniiminuuch chipaawii chischeyihtamuch taan chipaa chii ishi miyu atushcheuch, e wiichihaatwaau aweyuuh naashch e nituweyihtamiyich chechii wiichihaakanuyich. Namui chipaa uhchi ishinaakusuuch ekaa wiyesh itaapatisitwaau.

Hebrews 6:10

Ehe, chitaapweucheyimitinaawaau e chii pimaachihuyekw. Nichischeyimaau Chishemanituu kuiskw e ihtuutawaat misiwe aweyuuh. Chichischeyimikuwaau taan kaa ishi miyutuutamuwekw kaye taan kaa ishi nuukuhtawekw e saachihekw e chii wiichihiimekw kaa taapwehtamiitwaauh kaye eshkw e wiichihiimekw. Namui maak chika uhchi wanichischisuu uyuu.

James 2:14

Niichishaanitikw, taan ishi wiyaahpach awen e itwet, nitaapweyimaau Chishemanituu, ekaa maak miyutuutamuwaat aweyuu. Katachii pimaachihiikuu aa mikw e itwet, nitaapwehten.

James 2:17

Ekun maak mwehch e ishinaakuhch awen e itwet, nitaapweyimaau Chishemanituu ekaa maak nuukuniyich taan e ishi miyutuutahk. Namui aapataniyuu utaapwehtamuwin.

1 Peter 2:12

Suuhk wii kuiskupimaatisiikw mekwesiinuu anichii ekaa kaa taapwehtahkwaau e ihtaatwaau. Ekut chechii nisituunahkwaau chimiyuutuutamuwinawaau ekw maak che maamihchimaatwaau Chishemanituu iskutak takushiniyichen. Ekun che ihtitwaau aat anuhchiish nitamukw e ishi mamishimitaakuch mwehch e machituutamuwekw.

1 Peter 3:1

Mwehch maak kaye chiyawaau iskweutikw kaa niipuuyekw chipaa nanihiihtuwaawaauch chinaapemuwaauch. Wesh uu ihtiyekwe chika chii ishinaakuniyuu pasch chechii ati taapwehtahkwaau waapamitaakwenich taan e ishi kuiskupimaatisiiwekw, aat ekaa chistutekwenich chechii taapwehtahkwaau.

1 Peter 3:16

Suuhk muush kuiskw wii ishi pimaatisiikw mitun chechii cheshtinaahuyekw ekaa machituutamekw. Uu ishinaakusiyekwe ekut che uhchi papimaameyimutwaau anichii kaa maayeyimitaakuch, anichii kaa machaayimuumitaakuch e kuiskupimaatisiiwekw Christ e nuushuushkuumekw.

2 Peter 1:8

Eukw maak uyuu chekwaayuu wetaach chipaa weyuuch ayaanaawaau chipimaatisiiwiniwaahch. Wesh chiishpin taapwe weyuuch ayaayekwe chika ihtuutaakunaawaau taapwe chechii weyuuch atuskuwekw Chitipeyihchikeminuu Jesus Christ aniyuu taan e ishi chischeyimekw chipimaatisiiwiniwaahch. Kaye naashch taapwe chika miyu atuskawaawaau.