Philemon 1:13 - Chishemanituu Utayimuwin: Kaa Uskaach Testament

¹³ Nipaa miyeyihten kiipaa utah chii kanuweyimaauchipane. Ekw maak mwehch chiya Philemon e wiichihiyin chipaa ishinaakun utah chii ihtaakupane Onesimus mekwaach chipahutuukamikuhch e ihtaauch miywaachimuwin uhchi.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᓂᐹ ᒥᔦᔨᐦᑌᓐ ᑮᐹ ᐅᑕᐦ ᒌ ᑲᓄᐌᔨᒫᐅᒋᐸᓀ᙮ ᐁᒄ ᒫᒃ ᒬᐦᒡ ᒋᔭ ᕙᐃᓕᒪᓐ ᐁ ᐐᒋᐦᐃᔨᓐ ᒋᐹ ᐃᔑᓈᑯᓐ ᐅᑕᐦ ᒌ ᐃᐦᑖᑯᐸᓀ ᐅᓀᓯᒪᔅ ᒣᒀᒡ ᒋᐸᐦᐅᑑᑲᒥᑯᐦᒡ ᐁ ᐃᐦᑖᐅᒡ ᒥᔻᒋᒧᐎᓐ ᐅᐦᒋ᙮

Philemon 1:13 Iomraidhean Croise

1 Corinthians 16:17

Nimiyeyihtamuwaan Stephanas, Fortunatus ekw maak Achaicus e chii takushihkwaau ute e ihtaauch. Muyaam chiyawaau e ihtaayekw utah e ihtaayaan ekun kaa iteyihtamuch kaa ihtaatwaau utah e ihtaauch.

Ephesians 3:1

Niya Paul, e atushkuuk Jesus Christ kaye maak e waawiichihiitakuch chiyawaau ekaa Jewa kaa itiskaanesiyekw eukuu wehchi ihtaayaan chipahutuukamikuhch.

Ephesians 4:1

E chii papaawiihtamuch Utipeyihchikeu umiywaachimuwin ekun wehchi chipahukuyaan. Eukw maak wehchi siihchimitakuch aniyuu e ishi nitaweyimitaakw Chishemanituu chechii ishi pimaatisiiwekw chechii ishi pimaatisiyekw.

Philippians 1:7

Chemaanam maak uu chit ishi maamituneyimitinaawaau wesh chisaachihiitinaawaau. Wesh misiwe e tashiyekw chichii miikunaawaau chishewaatisiiwin muyaam taan kaa ishi miikuyaan niya aat utah mekwaach chipahutuukamikuhch e ihtaayaan kaye maak mekwaach kaa chii chispewaatutamaan miywaachimuwin kaye kaa chii aapatisiihkahtamaan chechii taapwehtaakanuuhch.

Philippians 2:30

Namui uhchi puuniyuu e atuskuwaat Jesus aat e chii kushpanaataniyich upimaatisiiwin e chii peshuwaapahtahk nipuwiniyuu. Eukw uyuu kaa ihtit e pechi wiichihiit ekaa uhchi ihtaayekw chiyawaau chechii pechi wiichihiyekw.

Philemon 1:1

Niya Paul kaa masinahiicheyaan. Chiichishaanuu Timothy kaye ihtaau utah. Chipahutuukamikuhch nitihtaan anuhchiish an uhchi e atushkuuk Jesus Christ. Chiya niwiichewaakanaan Philemon kaa masinahamaataan kaye chiya kaa atushkuwat Jesus mwehch niyaan e ishi atushkuwachiht.

Philemon 1:10

Chiwii kakwechimitin maak chechii wiichihiit an weskach chitaapachihaakan Onesimus kaa ishinihkaasut. Wesh mwehch tipiiwe nikus nititeyimaau niya e chii aayimuutamuuk miywaachimuwiniyuu iskutak che taapweyimaat Jesus. Utah chipahutuukamikuhch kaa ihtaayaan ekut kaa pimaachihut.

Philemon 1:12

Ekw maak kaau e itishahuuk anite e ihtaaut. Mikw maak wii chischeyihta naashch e macheyihtamaan e pachishtinak.