Philemon 1:10 - Chishemanituu Utayimuwin: Kaa Uskaach Testament

¹⁰ Chiwii kakwechimitin maak chechii wiichihiit an weskach chitaapachihaakan Onesimus kaa ishinihkaasut. Wesh mwehch tipiiwe nikus nititeyimaau niya e chii aayimuutamuuk miywaachimuwiniyuu iskutak che taapweyimaat Jesus. Utah chipahutuukamikuhch kaa ihtaayaan ekut kaa pimaachihut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᒋᐐ ᑲᑴᒋᒥᑎᓐ ᒫᒃ ᒉᒌ ᐐᒋᐦᐄᑦ ᐊᓐ ᐌᔅᑲᒡ ᒋᑖᐸᒋᐦᐋᑲᓐ ᐅᓀᓯᒪᔅ ᑳ ᐃᔑᓂᐦᑳᓱᑦ᙮ ᐌᔥ ᒬᐦᒡ ᑎᐲᐌ ᓂᑯᔅ ᓂᑎᑌᔨᒫᐤ ᓂᔭ ᐁ ᒌ ᐋᔨᒨᑕᒨᒃ ᒥᔻᒋᒧᐎᓂᔫ ᐃᔅᑯᑕᒃ ᒉ ᑖᐺᔨᒫᑦ ᒌᓴᔅ᙮ ᐅᑕᐦ ᒋᐸᐦᐅᑑᑲᒥᑯᐦᒡ ᑳ ᐃᐦᑖᔮᓐ ᐁᑯᑦ ᑳ ᐱᒫᒋᐦᐅᑦ᙮

Philemon 1:10 Iomraidhean Croise

Mark 9:17

Chii uhchi ayimuu peyakw naapeu anit mekwesiin e mihchetinaanuyich e itwet, “Chischinuhamaachesuu, chichii petwaatin nikus. Namui chii ayimuu wesh machiahchaahkwa piichishkaakuu.

Romans 12:1

Aniyuu e ishpish mishaayich Chishemanituu uchishewaatisiiwin, chinituweyimitinaawaau, niichishaanitikw, chechii pachishteyihtamuwekw Chishemanituu chipimaatisiiwinawaauh muyaam e pimaatahkwaauh miiwewinh e ishinaakuhkwaauh, e payehkahkwaau kaye e naheyihtamihiikut Chishemanituu. Eukw chipaa ihtinaawaau chihchiwe chechii ishi nuuchiishtuwekw Chishemanituu.

1 Corinthians 4:14

Namui uu nititisinahiichen chechii pimaamishiyekw. Mikw chiwii ayaakwaamimitinaawaau uu wehchi itisinahamaan wesh misiwe chiyawaau nitawaashiimach kaa saachihiikwaau chititeyimitinaawaau.

1 Corinthians 4:15

Aat maak naashch e mista mihchetitwaau anichii kaa chiskutamaataakuch e waawiihtamaataakuch taan che ishi pimaatisiiwekw e nuushuushkuumekw Christ. Niya e peyakushiyaan chichii wiihtamaatinaawaau miywaachimuwin. Ekw maak e ishinaakuhch mwehch niya e chii ati uhtaawiitutuuyekw Christ Jesus uhchi.

Galatians 4:19

Chiyawaau nitawaashiimach kaa iteyimitakuch, mwehch iskweu e ishpish aahkusit e wii waapamaausut ekun miin e itamahchihuyaan e maamituneyimitakuch, ekun che itamahchihuyaan paatish nispituwekwe Jesus e iteyihtaakusit.

Colossians 4:9

Onesimus kaa ishinihkaasuyich chika wiicheukuu. Eukuu chiichishaanuu kuiskw kaa ihtit kaye kaa saachihachiht anite e ihtaawekw kaa uhchiit. Misiwe chika wiihtamaakuwaauch taan e ihtinaanuyich ute.

1 Timothy 1:2

Chiya Timothy chimasinahamaatin, chiya muyaam tipiiwe nikus kaa iteyimitaan wesh niya chichii wiichihiitin wetaach chechii nihtaauchiyin anite Christ e ihtaat ishi. Chishemanituu Kuuhtaawiinuu kaye Christ Jesus Chitipeyihchikeminuu chika wii miikw chishewaatisiiwiniyuu, shaweyihchichewiniyuu kaye chiyaameyihtamuwiniyuu.

Titus 1:4

Chiya Titus chimasinahamaatin. Mwehch tipiyeu nikus ekun e iteyimitaan wesh peyakunihch chit ishi taapwehtenaanuu. Nitayimihaan Chishemanituu Uhtaawiimaau kaye Jesus Christ chipimaachihiiweminuu chechii chishewaatutaaskwaau kaye chechii miiskwaau chiyaameyihtamuwiniyuu.

Philemon 1:11

Taapwe kiipaa namui chuuhchi wiyesh itaapachihaau anite utaahch. Anuhchiish maak taapishkun taapwe chika miywaapachihaanuu.

Philemon 1:13

Nipaa miyeyihten kiipaa utah chii kanuweyimaauchipane. Ekw maak mwehch chiya Philemon e wiichihiyin chipaa ishinaakun utah chii ihtaakupane Onesimus mekwaach chipahutuukamikuhch e ihtaauch miywaachimuwin uhchi.

3 John 1:4

Namui ihtakun chekwaan uste chechii miyeyihtamihiikuyaan e ihtuutaakuyaan e pehtamaan nitawaashiimach taapwe e pimaatisiitwaau taan e ishi nituweyimikutwaau Chishemanituuh chechii ishi pimaatisiitwaau.