Philemon 1:1 - Chishemanituu Utayimuwin: Kaa Uskaach Testament

¹ Niya Paul kaa masinahiicheyaan. Chiichishaanuu Timothy kaye ihtaau utah. Chipahutuukamikuhch nitihtaan anuhchiish an uhchi e atushkuuk Jesus Christ. Chiya niwiichewaakanaan Philemon kaa masinahamaataan kaye chiya kaa atushkuwat Jesus mwehch niyaan e ishi atushkuwachiht.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᓂᔭ ᑆᓪ ᑳ ᒪᓯᓇᐦᐄᒉᔮᓐ᙮ ᒌᒋᔖᓅ ᑎᒧᑏ ᑲᔦ ᐃᐦᑖᐤ ᐅᑕᐦ᙮ ᒋᐸᐦᐅᑑᑲᒥᑯᐦᒡ ᓂᑎᐦᑖᓐ ᐊᓄᐦᒌᔥ ᐊᓐ ᐅᐦᒋ ᐁ ᐊᑐᔥᑰᒃ ᒌᓴᔅ ᙭᙮ ᒋᔭ ᓂᐐᒉᐙᑲᓈᓐ ᕙᐃᓕᒪᓐ ᑳ ᒪᓯᓇᐦᐊᒫᑖᓐ ᑲᔦ ᒋᔭ ᑳ ᐊᑐᔥᑯᐗᑦ ᒌᓴᔅ ᒬᐦᒡ ᓂᔮᓐ ᐁ ᐃᔑ ᐊᑐᔥᑯᐗᒋᐦᑦ᙮

Philemon 1:1 Iomraidhean Croise

ᐊᐸᔅᑕᓚᒡ 16:1

Ekw Paul anite Derbehch ekw maak Lystrahch kaa ituhtet. Chii ihtaau anite naapeu e taapweyimaat Jesus, Timothy e ishinihkaasut, ukaawii kaye chii taapweyimeyuu Jesus. Jewa chii itiskaanesiyuu uyuu ukaawii ekw uhtaawii Greek chii itiskaanesiyuu.

1 Corinthians 3:9

Taapishkun niwiichi atuschemaanaan Chishemanituu. Chiyawaau maak mwehch nihtaauchihchikan aschii chitishinaakusinaawaau. Maak ute chipaa chii ishi kanawaapahtenaawaau. Mwehch Chishemanituu uwaaskaahiikanim chitishinaakusinaawaau.

2 Corinthians 1:1

Niya Paul, Jesus Christ utapastalimh kaa masinahiicheyaan. Wiya Chishemanituu kaa wiyaapamit apastal chechii itaapatisuuch. Niya ekw maak chiichishaanuu Timothy taapishkun chimasinahamaatinaan. Chiyawaau Chishemanituu e ihtaat kaa ishi maamuuayimihaayekw anite Corinth kaa ishinihkaatech ihtaawin kaa ihtaayekw chimasinahamaatinaan. Kaye maak misiwe anichii kaa taapwehtahkwaau anite Achaia kaa ishinihkaateyich aschiiyuu kaa ihtaatwaau nimasinahamuwaanaanich.

Galatians 3:26

Misiwe chiyaanuu kaa taapweyimahkw Jesus Christ ekut wehchi utawaashiimitutaatahkw Chishemanituu.

Ephesians 3:1

Niya Paul, e atushkuuk Jesus Christ kaye maak e waawiichihiitakuch chiyawaau ekaa Jewa kaa itiskaanesiyekw eukuu wehchi ihtaayaan chipahutuukamikuhch.

Ephesians 4:1

E chii papaawiihtamuch Utipeyihchikeu umiywaachimuwin ekun wehchi chipahukuyaan. Eukw maak wehchi siihchimitakuch aniyuu e ishi nitaweyimitaakw Chishemanituu chechii ishi pimaatisiiwekw chechii ishi pimaatisiyekw.

Ephesians 6:20

Chishemanituu nichii pechi itishahuukw chechii waawiihtamuch umiywaachimuwin aat mekwaach utah chipahutuukamikuhch e ihtaayaan. Pechi ayimiheshtamuukw maak chechii suuhchiteheyaan kaye chechii itweyaan taan e ishi nituweyimit Chishemanituu.

Philippians 1:1

Niya Paul chimasinahamaatinaawaau chiyawaau Jesus Christ kaa taapweyimekw anite Philippihch kaa ihtaayekw. Timothy ekw maak niya taapishkun nitatushkuwaanaan Jesus Christ. Kaye chiyawaau kaa niikaanishkuwekuch umaamuuayimihaauch ekw maak chiyawaau kaa wiichihiiweyekw anite ayimiheukamikuhch chimasinahamaatinaan.

Philippians 2:25

Nititeyihten kaau chechii chiiwetishahuuk chiichishaanuu Epaphroditus anite e ihtaawekw. Wesh suuhk nichii wiichihiikw e waawiihtamaan miywaachimuwin. Chiyawaau chichii pechi itishahwaawaau chechii pechi waawiichihiit.

Philippians 4:3

Niwiichewaakan muush kuiskw kaa chii ihtiyin e wiich aapatisiimitaan chipukuseyimitin chechii wiichihiitwaau uchii iskweuch chechii puuniitwaau e machipayitwaau. Wesh taapishkun chii mista aapatisuuch e wiichihiitwaau e waawiihtamuch miywaachimuwiniyuu. Kaye Clement ekw maak anichii kutakach kaa wiich aapatisiimakwaau, utishinihkaasuwinawaau kaa masinaateyikwaauh Chishemanituu upimaatisiiwin masinahiikanihch chechii ayaatwaau kaachiche pimaatisiiwiniyuu nichii wiichihiikuuch.

Colossians 1:1

Chiyawaau niichishaanitikw kaa taapwehtamekw, chiyawaau kaa taapweucheyihtaakusiyekw e wiichewekw Christ, anite Colossae kaa ishinihkaatech ihtaawin kaa ihtaayekw, niya Apastal Paul kaa masinahamaatakuch.

Colossians 4:11

Joshua kaye wiya chiwaachiyemikuwaau. Justus wesin eyuu ishinihkaataakanuu uu. Uchii e nishtitwaau eukunich mikw uchii Jewa iinuuch e taapwehtahkwaau waachaapatisiimitwaau Chishemanituuh e atushkaamach. Mistahiih nichii pechi kaachiichihiikuch.

1 Thessalonians 3:2

ekw Timothy kaa itishahuchiht anite e ihtaawekw. Uu chiichishaanuu niwiichi aapatisiimakunaan Chishemanituuh e atushkaamachiht kaye wiya e waawiihtahk miywaachimuwiniyuu e tipaachimaakanuyich Christ. Nichii itishahwaanaan chechii wiichihiitaakw etituu chechii suuhchikaapuwekw taan e ishi taapweyimekw Christ

2 Thessalonians 1:1

Niyaan Paul, Silas, ekw maak Timothy, chiyawaau umaamuuayimihaauch anite Thessalonica kaa ihtaayekw Chishemanituu Uhtaawiimaau ekw maak Utipeyihchikeu Jesus Christ kaa tipiiweusiitutaataakw chimasinahamaatinaan.

2 Timothy 1:8

Ekaawii maak chika uhchi pimaamishiishtamuwaan Chitipeyihchikeminuu umiywaachimuwin chechii aayimuutamut. Kaye maak aat uu mekwaach e chipahukuyaan Christ uhchi ekaawii chika uhchi shaakweyimun e uwiichewaakanitutaataan. Ayeskawiishta teyakuch taan che ishi nanehkaateyimuyin e waawiihtaman miywaachimuwin wesh chika miikw Chishemanituu maskuusiiwiniyuu.

Philemon 1:23

Chiwiichewaakanuu Epaphras kaye wiya ihtaau utah chipahutuukamikuhch aniyuu uhchi e chii aayimuumaat Jesus. Chiwaachiyemikuwaau kaye wiya.

Philemon 1:24

Chiwaachiyemikuwaauch kaye Mark, Aristarchus, Demas ekw maak Luke. Kaye wiyawaau atushkuweuch Utipeyihchikeuh uchii.

Philemon 1:9

Mikw maak saachihiiwewin nitihtuutaakuun teyakuch chechii kakwechimitaan. Namui chika uhchi aayihkamihiitin e wiihtamaataan taan chipaa ihtin aat e chisheinuuyaan kaye chipahutuukamikuhch e ihtaayaan e chii aayimuumak Jesus.