Matthew 9:9 - Chishemanituu Utayimuwin: Kaa Uskaach Testament

⁹ Ekw Jesus kaa chistuhtet anit uhchi, mekwaach maak e ati pimuhtet, chii waapameu naapeu e apiyich masinahiicheukamikuhch Matthew e ishinihkaasuyich, Chisheuchimaau shuuliyaayuu kaa maamuushtinamiyich e chii itaapatisiyich. Ekw Jesus kaa itaat, “Pechi papaawiicheu.” Ekw Matthew kaa pisikuut, kaa ati wiichewaat Jesus.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᐁᒄ ᒌᓴᔅ ᑳ ᒋᔅᑐᐦᑌᑦ ᐊᓂᑦ ᐅᐦᒋ, ᒣᒀᒡ ᒫᒃ ᐁ ᐊᑎ ᐱᒧᐦᑌᑦ, ᒌ ᐙᐸᒣᐤ ᓈᐯᐤ ᐁ ᐊᐱᔨᒡ ᒪᓯᓇᐦᐄᒉᐅᑲᒥᑯᐦᒡ ᒫᑎᔫ ᐁ ᐃᔑᓂᐦᑳᓱᔨᒡ, ᒋᔐᐅᒋᒫᐤ ᔔᓕᔮᔫ ᑳ ᒫᒨᔥᑎᓇᒥᔨᒡ ᐁ ᒌ ᐃᑖᐸᑎᓯᔨᒡ᙮ ᐁᒄ ᒌᓴᔅ ᑳ ᐃᑖᑦ, ᐯᒋ ᐸᐹᐐᒉᐤ᙮ ᐁᒄ ᒫᑎᔫ ᑳ ᐱᓯᑰᑦ, ᑳ ᐊᑎ ᐐᒉᐙᑦ ᒌᓴᔅ᙮

Matthew 9:9 Iomraidhean Croise

Matthew 10:3

Philip, ekw maak Bartholomew, Thomas, ekw maak Matthew, an kaa chii maamuushtinahk Chisheuchimaau shuuliyaayuu, ekw maak James, Alphaeus ukusisa, ekw maak Thaddaeus,

Matthew 20:4

Ekw kaa itaat, namui aa kaye chiyawaau chiwii aapatisinaawaau anite nishuuminaahtikw nihtaauchihchikan aschiihch. Misiwe wesh chika miyu chiishiihkaatinaawaau atushkuyekwe. Ekw maak kaa ituhteyich chechii nituu aapatisiyich anite unihtaauchihchikan aschiihch.”

Matthew 8:22

Ekw Jesus kaa itaat, “Pechi wiicheuh. Ekush anichii mwehch kaa nipitwaau kaa iteyihtaakusitwaau awenich kata nahiihkuweuch aniyuu utiiniimuwaauh kaa nipiyich.”

Matthew 9:10

Mekwaach maak Jesus e miichisut anite Matthew wiichiihch mihchetu kutakach Chisheuchimaau shuuliyaamiyuu kaa maamuushtinahkwaau kaa itaapatisitwaau chii ihtaauch anit kaye kutakach awenichii kaa machaatisiitwaau chii wiichimiichisuumeuch Jesus ekw maak aniyuu uchischinuhamuwaakaniyuuh.

Mark 3:18

Ekw miin uyuuh kaa wiyaapamaat, Andrew, Philip, Bartholomew, Matthew, Thomas, ekw maak James. Uu maak James, Alphaeus chii ishinihkaasuyuuh uhtaawii. Thaddaeus chii ishinihkaasuu miin kaa wiyaapamaakanuut, ekw miin kutak Simon kaa ayimihewaatisiit kaa ishinihkaataakanuut,

Luke 6:15

Matthew maak, ekw miin Thomas, James, Alphaeus ukusisa. Ekw maak Simon kaa ayimihewaatisiit kaa ishinihkaataakanuut.

ᐊᐸᔅᑕᓚᒡ 1:13

Iskutak maak tekushihkwaau anite Jerusalemihch chii piihcheuch aniyuu waaskaahiikaniyuu che ihtaatwaau. Chii ihtakuniyuu e pischisaayich ishpimiihtakuhch aniyuu waaskaahiikaniyuu. Ekute kaa ishi kushpaahtawiitwaau. Eukunich uchii kaa ihtaatwaau, Peter, John, James, Andrew, Philip, Thomas, Bartholomew, Matthew, James Alphaeus ukusisa, Simon kaa ayimihewaatisiit kaa ishinihkaataakanuut, ekw maak Judas, James ukusisa.

Galatians 1:16

ekut kaa ihtuutuut chechii chischeyimach, ati chechii uhchi ati waawiihtamaamach miywaachimuwiniyuu aniyuu ekaa Jewa kaa itiskaanesiitwaauh iinuuh. Mekwaach maak an kaa ispayihch namui awen nuuhchi kakwechimaau taan che ihtuuch.