Matthew 9:6 - Chishemanituu Utayimuwin: Kaa Uskaach Testament

⁶ Chika waapahtiitinaawaau Iinuu Ukusisa taapwe wiya e ayaat tipeyihchichewiniyuu utah aschiihch chechii wepeyihtamaachet machitwaawinh.” Ekw kaa itaat aniyuu naapeu ekaa uhchi nisitusiyich, “Pisikuuh, utinh chitashpishimun, che chiiweyin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᒋᑲ ᐙᐸᐦᑏᑎᓈᐙᐤ ᐄᓅ ᐅᑯᓯᓴ ᑖᐺ ᐎᔭ ᐁ ᐊᔮᑦ ᑎᐯᔨᐦᒋᒉᐎᓂᔫ ᐅᑕᐦ ᐊᔅᒌᐦᒡ ᒉᒌ ᐌᐯᔨᐦᑕᒫᒉᑦ ᒪᒋᑣᐎᓐᐦ᙮ ᐁᒄ ᑳ ᐃᑖᑦ ᐊᓂᔫ ᓈᐯᐤ ᐁᑳ ᐅᐦᒋ ᓂᓯᑐᓯᔨᒡ, ᐱᓯᑰᐦ, ᐅᑎᓐᐦ ᒋᑕᔥᐱᔑᒧᓐ, ᒉ ᒌᐌᔨᓐ᙮

Matthew 9:6 Iomraidhean Croise

Matthew 4:24

Chii tipaachimaakanuu maak misiwe anite Syriahch, ekw maak awenichii kaa peshuwaatwaau misiwe aniyuuh kaa aahkusiitwaauh anite kaa ihtaayich, nanaahkuu itaaspinewiniyuu kaa ayaayich, kaye aweyuu machiahchaahkwa kaa piihchishkaakuyich, kaye aniyuuh kaa uchipitikuyich kaye aniyuu ekaa kaa nisitusiyich. Misiwe maak chii miinuwaachiheu Jesus uyuu aweyuu kaa peshuwaakanuyich.

Matthew 8:20

Ekw Jesus kaa itaat, “Mahcheshuuch ihtakuniyuu uwaatakuwaauh, piyeshiishach kaye ihtakuniyuu uwachishtunawaauh, mikw maak Iinuu Ukusisa namui ayaayuuh taanit chechii waweyishiniyiyich chechii iiwepiyich.”

Matthew 9:2

Chii peshuweuch maak awenichii naapeuh nipewinihch e pimishiniyich ekaa uhchi nisitusiyich. Iskutak Jesus kaa waapahtamuwaat aniyuu aweyuuh utaapwehtamuwiniyuu chii iteu aniyuu naapeu, “Muuchicheyihtah niwiichewaakan, chiwepeyihtamaakuun chimachihtwaawinh.”

Matthew 9:5

Taan uste wiyehtihch chechii iinaanuuhch, ‘Chimachihtwaawin chiwepeyihtamaakuun,’ maak chechii iinaanuuhch, ‘Pisikuuh, ekw maak pimuhteh.’

Matthew 9:7

Chii pisikuu maak an naapeu, kaa chiiwet.

Mark 2:10

Chika waapahtiitinaawaau Iinuu Ukusisa taapwe wiya e ayaat tipeyihchichewiniyuu utah aschiihch chechii wepeyihtamaachet machihtwaawinh.” Ekw kaa itaat aniyuu naapeu ekaa kaa nisitusiyich,

Mark 2:7

“Chekwaayuu uyuu wehchi ishi ayimit uu naapeu. Paashtaamuu uyuu kaa itwet. Namui wii naapeu kata chii wepeyihtamaacheu machihtwaawinh, mikw Chishemanituu kata chii wepeyihtamaacheu.”

Luke 5:21

Ekw anichii Phariseech kaye anichii wiishuwewiniyuu kaa chiskutamaachetwaau kaa ati ayimitutamuwaatwaau uyuu kaa itweyich e ititutwaau. Paashtaamuu uu naapeu e itwet, “Chiwepeyihtamaakuun chimachihtwaawin. Namui awen chika chii wepeyihtamuweu aweyuu umachihtwaawiniyuu, mikw Chishemanituu.”

John 10:28

Nimiyaauch kaachiche pimaatisiiwiniyuu, namui maak wiiskaat chika uhchi nisuunaatisiyuuch. Kaye maak namui awen nika chii miskamukw e tahkunamach.

John 17:2

Wesh chichii miyaau tipeyihchichewiniyuu misiwe aweyuu chechii tipeyimaat. Ekw maak kaachiche pimaatisiiwiniyuu chechii miyaat misiwe aniyuuh aweyuuh kaa miyat.

John 5:27

Chii miyeu kaye Ukusisimaauh tipeyihchichewiniyuu chechii wiyaaskunicheyich wesh wiya eukw Iinuu Ukusisa.

John 5:8

Ekw Jesus kaa itaat aniyuu naapeu, “Pisikuuh, utinh chitashpishimuwin che pimuhteyin.”

ᐊᐸᔅᑕᓚᒡ 5:31

Chishemanituu maak chii chisteyihtaakuheu Jesus unihiiwinihch itehche e chii apihaat, chechii uchimaawiyich kaye chechii pimaachihiiweyich, kaye chechii ihtuutawaat Israel iinuuh chechii kweskaatisiyich kaye chechii wepeyihtamuwaakanuyich umachihtwaawiniyuuh.

ᐊᐸᔅᑕᓚᒡ 9:34

Ekw Peter kaa itaat, “Aeneas, Jesus Christ chimiinuwaachihiikw, wanishkaa, che utinaman chitashpishimun.” Tiiwehch maak chii wanishkaau Aeneas.

2 Corinthians 2:10

Wesh tahtwaau e wepeyihtamuwekw awen taan kaa ihtit kaye niya niwepeyihtamuwaau. Netuweyihtaakunikwe chechii wepeyihtamuuk awen niwepeyihtamuwaau chiyawaau chechii wiichihiikuyekw e chischeyihtamaan Christ e ihtaat utah e ihtaayaan.

2 Corinthians 5:20

Ekw maak e ayimishtamuwachiht Christ. Chishemanituu nitaapachihiikunaan e tepwaatitaakw. Chisiihchimitinaan miin kaau chechii wiichewekw Chishemanituu mwehch Christ wiya e siihchimitaakw e ishi ayimihiitaahch.

Ephesians 4:32

Chipaa miyutuutawaawaauch awenichii kaye chipaa yuuspaatisiinaawaau. Kaye chipaa wepeyihtamuwaawaauch awenichii muyaam taan kaa ishi wepeyihtamaatahkw Chishemanituu Christ uhchi.

Colossians 3:13

Siipiiwesiistaatukw. Wepeyihtamaatukw tahtwaau e wanituutaakuyekw. Chinituweyihtaakusinaawaau chechii wepeyihtamaatuyekw mwehch Utipeyihchikeu kaa ishi wepeyihtamaataakw.